The World Wars [E03] | කිසි විටෙකත් යටත් වන්නේ නැහැ…[සිංහල උපසිරැසි සමඟ]

වර්ල්ඩ් වොර්ස් රූපවාහිනී වාර්තා කතා මාලාවේ තුන්වන වගේම අවසාන කොටස අරගෙනයි මේ ආවේ. පළමු කොටසින් පළමු ලෝක යුද්ධයේ ආරම්භයත්, එහි අවසානයත්, එයට හේතු වූ පසුබිමත්, හේතු වූ පුද්ගලයින් පිළිබඳවත් මැනවින් විග්‍රහ කෙරෙනවා. ඒ වගේම දෙවන කොටසින් ඔයාලා දකින්න ඇති, හිට්ලර්ගේ යළි නැඟී සිටීම හා ලෝක ආධිපත්‍යය තමන් සතු කරගැනීම උදෙසා අක්ෂීය බලයන් හා එක්ව මිත්‍ර පාක්ෂිකයින්ට එරෙහිව යුරෝපය අල්ලාගන්නා ආකාරය. යුරෝපය අල්ලා ගැනීමෙන් අනතුරුව හිට්ලර්ගේ මාන්නය හේතුකොට ඔහුගේ සහ ලෝකයේ අනාගතය වෙනස් වන ආකාරය තුන්වන කොටසින් ඔයාලට දැකගන්න පුළුවන්.

මේ කොටස ආරම්භ වන්නේ ජපානය පර්ල් වරායට බෝම්බ දැමීමෙන් අනතුරුව සිදුවන සිදුවීම් පාදක කොටගෙන. පර්ල් වරායට බෝම්බ දැමීමෙන් විශිෂ්ට ජයග්‍රහණයක් ලබන ජපානයේ අවධානය ඊලඟට යොමු වන්නේ මිඩ්වේ දූපත් වලට. නමුත් ඇමරිකානු මැදිහත්වීමෙන් මිඩ්වේ දූපත් වලදී ජපානය අන්ත පරාජයක් ලබනවා. මේ අතර හිට්ලර් සෝවියට් දේශයේ පාලක ස්ටාලින්ගේ සහය ඇතිව යුරෝපය තමන් සතු කරගත්තත්, බල තණ්හාව හා මාන්නය හේතුවෙන් රුසියාව ආක්‍රමණය කරනවා. මිලියන ගණනක් වූ සොල්දාදුවන් සිවිල් වැසියන් ඝාතනය කරමින් තමන්ගේ හුදු අභිප්‍රායන් සාක්ෂාත් කරගැනීම උදෙසා හිට්ලර්, ස්ටාලින්, මුසොලීනි ඒ වගේම හිඩෙකි ටෝජෝ වැනි ක්‍රෑර පාලකයින් ලෝකය වෙනස් කරන ආකාරය සිදුවීම් එකිනෙක පෙළගසමින් මැනවින් විග්‍රහ කෙරෙනවා. ඇමරිකා එක්සත් ජනපදය, මහා බ්‍රිතාන්‍යය එක්ව හිට්ලර්ගේ පාලනයට එරෙහි වන හැටි, ඒ අතර ශ්‍රේෂ්ට වීරයන් ක්‍රෑර පාලකයන්ට එරෙහිව යුද්ධය වෙනුවෙන් දිවි පුදන හැටි, යුද්ධය අහවර කිරීම උදෙසා සිදු කෙරෙන පරමාණු බෝම්බ හෙලීම දක්වා වසර 31 ක කාලයක් පුරාවට ඇදෙන යුද්ධයේ අවසන් අදියර මේ ලෙස සිංහල උපසිරසි ගන්වා ඔයාලා වෙනුවෙන් මම අරගෙන ආවා.

කතා මාලාව අවසන් වන මේ වෙලාවේ මම ස්තූතිවන්ත වෙනවා නැවතත් මෙවැනි වටිනා කතා මාලාවකට උපසිරසි ගැන්වීමට මට අවස්ථාව ලබාදුන් හසන්ත අයියාට. ඒ වගේම පළමු කොටසේ සිටම අදහස් දැක්වූ සහෝදර ඔයාලා හැමෝටමත් මගේ ස්තූතිය. එහෙනම් තවත් වටිනා දෙයක් එක්ක නැවත හමුවෙමු. සියලු දෙනාටම ජයම වේවා….!

ලෝක යුද්ධයන් කියන්නේ, එක පරම්පරාවක මිනිසුන්, මුළු මිනිස් සංහතියේම දෛවය තීරණය කළ යුගයක්.

455 MB කොපිය මෙතනින් බාගන්න

1.7 GB කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “යශෝධ ශ්‍රීමාල් අතුරැලියගේ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<< Previous Episode                       All Episodes