Tuesday , November 24 2020
Breaking News

The Wrong Man (1956) Sinhala Subtitles | වැරදි මිනිසා [සිංහල උපසිරසි සමඟ]

Rating: 10.0/10. From 7 votes.
Please wait...

ආයුබෝවන්..
නිරෝගිමත් සුබ දවසක් වේවා බයිස්කෝප් යහළු යෙහෙලි හැමෝටම..
ඉතින් ඔන්න, පැරණි චිත්‍රපට වලට ප්‍රිය කරන ඔයාල වෙනුවෙන් මම අදත් පරණ බටහිර චිත්‍රපටයකට සිංහල සබ් අරන් ආවා. මේ මගේ 14 වෙනි උපසිරසිය..
The Wrong Man වැරදි මිනිසා..

Maxwell Anderson විසින් රචනා කල The True Story of Christopher Emmanuel Balestrero පොතේ සදහන් කරලා තියන විදියට නොකල වරදකට චෝදනා ලබා සිටින අහිංසක මිනිසෙකුගේ සත්‍ය කතාවක් මේ චිත්‍රපටය නිර්මාණය කිරීමට දායක වෙලා තියනවා.
චිත්‍රපටයේ නිෂ්පාදනය වගේම අධ්‍යක්ෂණය Alfred Hitchcock විසිනි. චිත්‍රපටයේ “සෑම වචනයක්ම සත්‍ය” යැයි කියන්නට චිත්‍රපටයේ ආරම්භයේදීම ඇල්ෆ්‍රඩ් හිච්කොක් තිරය මත දිස්වෙනවා. එතැන් පටන් දිගහැරෙන්නේ ජීවිතය ජයගන්නට කෙමෙන් කෙමන් උත්සහ කරන, පිරිමි ළමුන් දෙදෙනෙකු සිටින අහිංසක මිනිසෙකු නැතහොත් පියෙකුගේ කතාවයි. හිටි හැටියේ ඔහුගේ හිස මතට වැටෙන චෝදනාවක් නිසා ජීවිතයම කඩා වැටෙද්දී හිත හයිය කරන් ප්‍රශ්ණ වලට මුහුණ දෙන මැනී නම් මිනිසාට අවසානයේ මොකක් වෙයිද. ඒ ගැන දැනගන්න ඔයාලට මේ චිත්‍රපටය බලන්නම වෙනවා.

(එකල සිනමා ශාලා සදහා නිර්මාණය කල පොස්ටරය.)

මෙහි ක්‍රිස්ටෝපර් එමානුවෙල් බැලස්ට්‍රෙරෝ නැත්නම් මැනී ලෙස Henry Fonda සහ ඔහුගේ බිරිද රෝස් ලෙස Vera Miles රංගණයෙන් දායක වෙනවා. චිත්‍රපටයේ තිර රචනය Maxwell Anderson සහ Angus MacPhail ය. සංගීතය Bernard Herrmannය. කැමරාකරණය Robert Burks වන අතර සංස්කරණය George Tomasini විසිනි. 1956 දෙසැම්බර් 22 වනදා ප්‍රදර්ශණය ආරම්භ කල The Wrong Man චිත්‍රපටය විනාඩි 105ක ධාවන කාලයෙන් යුක්තය. චිත්‍රපටයට සම්බන්ධ සැබෑ චරිත අතර මැනීගේ නඩු විභාගය වන විට නිව් යෝර්ක් ප්‍රාන්තයේ නීතීඥ ෆ්‍රැන්ක් ඔ’කොනර් පසුව කිවීන්ස් ප්‍රාන්තයේ දිස්ත්‍රික් නීතිපති වරයා බවට පත්විය.

1910 උපත ලද රෝස් බැලෙස්ට්‍රෙරෝ 1982 දී ෆ්ලෝරිඩා වලදී මිය ගියේය. එවිට ඇගේ වයස 72කි. චිත්‍රපටයේ අවසානයේ සියල්ල සතුටුදායී ලෙස අවසන් වුවත්, රෝස් ඇයගේ ස්නායු බිද වැටීමෙන් පසු කිසි විටකත් සුව නොවීය. තම සැමියා මැනී අත්අඩංගුවට පත්වීම ගැන ඇය තමාටම දොස් පවරා ගත්තේය. රෝස්ගේ පුත් වන ග්‍රෙගරි බැලෙස්ටෙරෝ ජෝර්ජියා තාක්‍ෂණ ආයතනයෙන් කාර්මික ඉංජිනේරු විද්‍යාව පිළිබඳ උපාධියක් ලබා ව්‍යාපෘති කළමනාකරණ ආයතනයේ ප්‍රධාන විධායක නිලධාරියා බවට පත්විය. ව්‍යාජ අත්අඩංගුවට ගැනීමක් සම්බන්ධයෙන් ක්‍රිස් ඩොලර් 500,000 ක් ඉල්ලමින් නඩු පැවරීය. නමුත් අවසානයේ ඩොලර් 7,000ක පියවීමක් ඔහු පිළිගෙන නඩුව අවසන් කෙරිණි. රෝස්ගේ ප්‍රතිකාර වෙනුවෙන් ලබාගත් ණය මුදලක් පියවීමට මැනී, චිත්‍රපටයේ ආදායමෙන් ඩොලර් 22,000ක මුදලක් උපයාගත්තේය. පසු කලෙක මැනී ජීවත් වූ නිවස පිහිටි 41වන වීදිය “මානි‘ ද රොන්ග් මෑන් ’බැලෙස්ට්‍රෙරෝ වීදිය ලෙස නම් කෙරුණි.
හිච්කොක්ගේ සෑම චිත්‍රපටයකම වගේ මෙහිදීත් ඔහු තිරය මතට එනවා. මුලදී ඔහු ස්ටෝක් ක්ලබ් එකේ ගණුදෙනුකරුවෙකු ලෙස පෙනී සිටීමට අදහස් කලත් පසුව එය ඉවත් කර ඇත. ඒ වෙනුවට ඔහු චිත්‍රපටයේ ආරම්භයේදීම ලොකු ආලෝකයක සෙවනැල්ලක් වගේ තිරයට එනවා. චිත්‍රපටය මුල ඉදන් බලන ඔබට එය කුතුහලය එක්ක බලන්න පුළුවන්.

එහෙනම්… අදට මම නතරවෙන්නම්..
ආයෙත් ලගදීම දවසක තවත් මේ වගේම චිත්‍රපටයකට සිංහල සබ් අරගෙන මං එන්නම්..
එතෙක් ඔයාල හැමෝටම නිදුක් නිරෝගී සුබ දවසක් වේවා..

 

 

 

Due to copyright issues, we do not provide any torrent link.

මෙම ලබා දී ඇති උපසිරැසි Blu-Ray පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “ රොෂාන් ශමීර ජයසිංහ ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2019-03-30
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Check Also

Bloodhound (2020) with Sinhala subtitles | පළිගනිමි [සිංහල උපසිරසි සමඟ]

මුලින්ම ස්තුති කරන්න ඕන අපි වගේ කට්ටියට තැනක් දීපු අපේ බයිස්කෝප් වෙබ් අඩවියට. මොකද සබ් …

Leave a Reply

Your email address will not be published.

7 comments

  1. Thanks for sub!

  2. බොහොම ස්තූතියි සිංහල උපසිරැසියට. ජය෴෴ 😛 😛

  3. isuru srinath sjs

    ස්තුතියි සිංහල උපසිරැසියට …

  4. රොෂාන් ශමීර ජයසිංහ සොයුර,
    ඉතාමත් වටිනා, මා නරඹන්නට කැමැත්තෙන් සිටි සිනමාපටයකට ඔබ මේ උපසිරසි ලබාදී තිබෙන්නේ. එමෙන්ම ඔබ පමණයි මේ වෙබ් එකේ දැනට මෙවන් වටිනා ෆිල්ම් සොයාගෙන කලාත්මක පැරණි ඒවාට උපසිරසි ලබාදෙන්නේ. එය ඉතාමත්ම අගනා මෙහෙයක්. ඒ මන්ද එවන් රසිකයන් සිටිනා බව සිතනා අය ඇත්තෙම නැහැ වගේ. ඔබ මීට පෙර සබ් ලබාදුන් මෙවැනි සිනමාපට සියල්ලම මා නැරඹුවා. ඒවා නැවත නරඹන්නට සුරැකිව ළඟ තබා ගත්තා. හැකිනම් ඉදිරියේදී එකළ ඉතාමත් සුන්දර, ජනප්‍රිය නිලියන් වූ “මැරලින් මොන්රෝ, සොෆියා ලොරේන්” රඟපෑ සිනමාපටවලටද සබ් දෙන්න බලන්න, ඔබේ වෙහෙසින් නිමවූ මෙම උපසිරසියටද ඉතාමත් ස්තුතියි, ඔබට යහපතක්ම වේවා!!!

  5. ස්තූතියි මෙම උපසිරැසියට.
    ඇල්ෆඩ් හිච්කොක්ගේ උපසිරැසි කර නොමැති ඉතිරි චිත්‍රපට වලටත් සිංහල උපසිරැසි කරන ලෙස ඉල්ලා සිටිමි.

  6. පුළුවන් නම් The Abyss (1989) එකටත් සබ්ටයිටල් දෙන්න. හැමෝටම මඟහැරිච්ච සුපිරි SCI-FI ෆිල්ම් එකක්.

  7. සබ් එකට බොහොම ස්තූතියි සහෝ….!

error: Alert: Content is protected !!