The X-Files [S08 : E04] – Sinhala Subtitle | යකාගේ ඇදහිල්ලක්. [සිංහල උපසිරැසි සමඟ]

මෝල්ඩර් ව හොයන්න පත් කරපු ඩොගට් අවසානේ ස්කලීගේ X ෆයිල්ස් සගයා වුනානේ. ඉතින් මේ දෙන්නාගෙ පළවෙනි X ෆයිල් එක වුනේ වවුල් මිනිහාගෙ කතාන්තරය. ඇත්තටම කතාව පටන් ගත්තේ අභිරහස් ඝාතන දෙකකින්. ඝාතන දෙකම සිද්ධ වෙලා තිබුනේ සැපුම් තුවාල නිසා ලේ වහනයෙන්. ඝාතකයා සතෙක්ද, මිනිහෙක්ද කියලා ලොකු දෙගිඩියාවක ඉද්දී ඩොගට් හොයා ගත්තා අවුරුදු 44 කට කලින් වෙච්ච මේ වගේම ඝාතන කීපයක්. ඝාතකයා මිනිහෙක්ද, සතෙක්ද කියලා තහවුරු කරගන්න බැරි වෙච්ච ජීවියෙක්. ඒ ජීවියාම තමයි මේ අලුතින් වාර්තා වෙන ඝාතන වලට වග කිව යුත්තේ කියන උපකල්පනේ මත ස්කලී, ඩොගට් දෙන්නා විමර්ශන කරන් ගියා. ඒ විමර්ශන වලින් අවුරුදු 40 ගානකට කලින් අතුරුදහන් වුන අර්නි ස්ටෙෆානියන් කියන මනුස්සයා හොයාගන්න පුලුවන් වුනා.

එයාගෙ කතාන්තරේට අනුව මේ කියන වවුල් මිනිහාව අවුරුදු 40 ගානකට කලින් අල්ල ගන්න එයත් සහභාගි වුන නිසා ඒ පළිය ගන්න ඌ එයාගෙ පස්සෙන් එනවා කියලා. හිතන්න පුලුවන්ද වවුල් මිනිහෙක්ට බයේ සැබෑ මනුස්සයෙක් අවුරුදු 40 ගානක් හැංගිලා හිටියා කියනෙක! ඒ විතරක් නෙවෙයි, ඌ පළි ගන්නෙ ස්ටෙෆානියන්ගේ ඉව පස්සෙ ගිහින්. ස්ටෙෆානියන්ට මොනම විදියකින් හරි සම්බන්ධ වුනොත් ඒ කෙනා තමයි වවුල් මිනිහාගෙ ඊලඟ ඉලක්කය වුනේ. කොහොම හරි අවසානේ මේ ජීවියාට වෙඩි තියාගන්න ඩොගට්, ස්කලී දෙන්නට පුලුවන් වුනා. ඒත් ඌ මැරුනද නැද්ද කියනෙක හරියටම දැනගන්න ලැබුනෙ නෑ. කොහොමහරි ඒකෙන් ස්කලී, ඩොගට් දෙන්නා අතරේ හොඳ හිත වර්ධනේ වුනා. නමුත් තවම මෝල්ඩර් ගැන ස්කලීට හරිහමන් ආරංචියක් ලැබුනේ නෑ.

අද කොටස ගෙතෙන්නෙ අරුම පුදුම ඇදහිල්ලක් වටා. මේ කතාංගය වෙනුවෙන් Imdb දර්ශකයේ ලකුණු 8.3 ක් ම දැනට ලැබිලා තියනවා. මුල් වරට විකාශනය වෙලා තියෙන්නෙ 2000 වසරේ නොවැම්බර් 26 වෙනිදා. මීලඟ කොටසෙන් හමුවෙමු. ආයුබෝවන්!

ලිපිය : හෙළිලි හේමමාලි

Due to copyright issues, we do not provide any torrent links.

මෙම ලබා දී ඇති උපසිරැසිය FUM-WEB හා ඇතැම් BR, DVD පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “රොයිලි ප්‍රනාන්දු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

ADMIN MEMBER
JOINING DATE – 2009/03/10
SUB MAKER RATING BY ADMINS