The X-Files [S08 : E05] – Sinhala Subtitle | අරුම පුදුම දරුවෙක්.. [සිංහල උපසිරැසි සමඟ]

කාන්තාරෙක ගල් ගහලා මරලා තිබුන මනුස්සයෙක්ගෙ මරණ පරීක්ෂණයට උපදෙස් දෙන්න කියලා ස්කලීට කැදවීමක් ලැබුනා. එහෙට ගිය ස්කලීගේ වාහනෙ පෙට්‍රල් හිඟ වුනා. පෙට්‍රල් ගහපු හාදයා ඒ වෙනුවට ස්කලීගේ වාහනේ එන්ජිමට වතුර දාලා, වැඩි වෙලාවක් යන්න කලින් වාහනෙ මඟ නතර වුනා. ඔතනින් පටන් ගෙන අවසානේ ස්කලී ඒ කාන්තාර ප්‍රදේශේ හිර වුනා. සමාජෙන් හුදකලාව ජීවත් වෙන්න ප්‍රිය කරපු මිනිස්සු වගයක් තමයි එහේ හිටියේ. ඇවිදලා බලපු ස්කලීට අමුතු විදියේ ලෙඩෙක්ව මුණ ගැහුනා.

මේ කාන්තාර ප්‍රදේශේ මිනිස්සු ඒ ලෙඩාට පුදුම සැලකිල්ලක් දැක්වුවේ. ස්කලී ලෙඩා එක්ක කතා කරද්දී එයා ආව විදියක් මොකුත් මතක තිබුනෙ නෑ. බැලින්නම් ඒ මනුස්සයාගේ ඇඟ ඇතුළෙ පරපෝෂිතයෙක් වැඩෙනවා. මුලදි ස්කලීට මේකෙ අගක් මුලක් හොයාගන්න බැරි වුනා. ඔය අතරේ කාන්තාරෙ වුන මරණෙයි, ඒ හරියෙදිම මීට කලින් අතුරුදහන් වුන කෙනෙකුයි ගැන ඩොගට්ට ඉව වැටුනා. මේවයි සම්බන්ධයක් තියෙන්න පුලුවන් නිසා ඩොගට්, ස්කලී හොයන් ඒ කාන්තාර ප්‍රදේශෙට ගියා.

ඒ අතරේ සත්කාර කරලා බලා කියා ගත්ත මනුස්සයාව, ස්කලී ඉස්සරහම මරලා දාපු ගම් වැසියෝ එයාගෙ ඇඟ ඇතුළෙන් පරපෝෂි ජීවියා එලියට අරගත්තා. ඔවුන්ගේ ඊලඟ ගොදුර වුනේ ස්කලී. කොහොමහරි ස්කලීගේ ජීවිතේට අනතුරක් වෙන්න කලින් එහෙට ආව ඩොගට්, ජීවියාව මරලා දානවා. මේ සේරටම මුල මේ ගම් වැසියන්ගේ එක්‍තරා ඇදහිල්ලක් කියලා හොයා ගන්නවා. පුදුම ඇදහිලි නේද? ඉතින් ස්කලීගෙ ජීවිතේ ආයිත් වතාවක් ඩොගට් බේරගත්තේ ඒ විදියට.

අද කතාංගය දිග හැරෙන්නෙ අමුතුම සිදුවීමකින්. අතුරුදහන් වුන තමන්ගේ සත් හැවිරිදි පුතා අවුරුදු දහයකට පස්සේ ආයිත් දකින්න ලැබෙනෙක පුදුමයක්ම නෙවෙයි. ඒත් අවුරුදු දහයකට පස්සෙත් එයාට අවුරුදු හතයි නම්..? එහෙනම් මේ X ෆයිල් එක මොකක්ද කියලා බලන්නකෝ. නැවත හමුවෙමු. ආයුබෝවන්!

ලිපිය : හෙළිලි හේමමාලි

Due to copyright issues, we do not provide any torrent links.

මෙම ලබා දී ඇති උපසිරැසිය FUM-WEB හා ඇතැම් BR, DVD පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “රොයිලි ප්‍රනාන්දු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

ADMIN MEMBER
JOINING DATE – 2009/03/10
SUB MAKER RATING BY ADMINS