අපගේ නිල ඩවුන්ලෝඩ් වෙබ් අඩවිය තවදුරටත් baiscopedownloads.co නොවේ. කරුණාකර අපගේ උපසිරසි සඳහා ගැලපෙන ලින්ක් බාගත කරගැනීමට https://baiscopedownloads.link/ හෝ https://baiscopedownloads.xyz/ වෙත පිවිසෙන්න.

MENU

Titanic: 20 Years Later with James Cameron (2017) Sinhala Subtitles | ටයිටැනික්: විසි වසරකට පසු ජේම්ස් කැමරන් සමඟින් [සිංහල උපසිරසි සමඟ]

Rating: 9.3/10. From 14 votes.
Please wait...

1912 කාලය වනවිට ලෝකයේ විශාලතම නෞකාව වුණේ ටයිටැනික්, ඒ වගේම අද වනවිට ලෝකයේ ජනප්‍රියම නෞකාව වන්නේ ටයිටැනික් බව කිව්වොත් එයට ඔබ කවුරුත් විරුද්ධ වෙන එකක් නැහැ. අද මම ගෙනාවේ ඒ ටයිටැනික් නෞකාවේ සිදුවුණු ඛේදවාචකය සහ ඒ ගැන 1997 දී ජේම්ස් කැමරන් විසින් අධ්‍යක්ෂණය කළ ටයිටැනික් චිත්‍රපටය පිළිබඳව කරුණු ඇතුළත්වන අපූරු වාර්තා වැඩසටහනක්. මේක ජේම්ස් කැමරන්ගේ ලෝකප්‍රකට ටයිටැනික් චිත්‍රපටයේ විසිවන සංවත්සරය හා සමගාමිව යි නිර්මාණය කෙරුණේ. නැෂනල් ජියෝග්‍රැෆික් නාලිකාවේ නිෂ්පාදනයෙන් යුතුව, තෝමස් සී. ග්‍රේන් විසින් අධ්‍යක්ෂණය කරපු මේ වාර්තා වැඩසටහන IMDB දර්ශකයේ 7.2/10 ක අගයක් ලබාගන්නට සමත් වෙලා තියෙනවා.

හොලිවුඩ් සිනමාවේ දක්ෂතම අධ්‍යක්ෂකවරයෙක් වන ජේම්ස් කැමරන්, තමන්ගේ නිර්මාණ වල විශ්වසනීයත්වය රඳවා ගැනීම ගැන ඉහළම අවධානයක් යොමු කරන කෙනෙක් වන බව අපි දන්නවනේ. මේ වාර්තා වැඩසටහන තුළදී, තමන් විසි වසරකට පෙර එවකට තිබුණු නිවැරදිම තොරතුරු අනුව නිර්මාණය කළ ටයිටැනික් චිත්‍රපටය පිළිබඳ ලිපිගොනු යළි විවර කරමින්, ඉන් පසුව ගෙවුණු දශක දෙකක කාලයක් තුළ ඔහු සහ අනෙකුත් ගවේෂකයන් විසින් සොයාගත් කරුණු අනුව තමන්ගේ සිනමා නිර්මාණයේ සාර්ථක අසාර්ථක තැන් ගැන යළි සොයාබැලීමක් සිදු කරනවා

“ටයිටැනික් චිත්‍රපටය නිර්මාණය සඳහා, එවකට දැනසිටි සෑම ඡායාරුපයක්ම අප සොයාගත්තා, නැවේ ගෘහ නිර්මාණාත්මක සැළසුම් සටහන් අධ්‍යයනය කළා, ඉන්පසුව අපි අපේ ටයිටැනික් නෞකාව මිටියම් ඇණයෙන් ඇණයට නිවැරදිව ගොඩනැඟුවේ, 1996 වන විට දැනසිටි පරිදි සෑම දෙයක්ම නිසි ලෙස ස්ථානගත කර ඇති බවට තහවුරු කරගනිමින්.”

කැමරන් තමන්ගේ නිර්මාණ කාර්යය ගැන කියන්නේ එහෙම දෙයක්. 1997 දී චිත්‍රපටය නිර්මාණය කිරීමෙන් අනතුරුව කැමරන් 33 වතාවක් උතුරු අත්ලාන්තික් සාගර පතුළට ගමන් කරනවා, ටයිටැනික් සුන්බුන් නරඹා ඒ පිළිබඳ වෝහාරික අධ්‍යයනයන් සිදු කරන්නට. ඒ අධ්‍යයනයන් තුළදී ඔහු සොයාගත් කරුණු සාගර පුරාවිද්‍යාවේ දැනුම තවතවත් පුළුල් කරන්නට හේතු වෙනවා. ටයිටැනික් ගවේෂකයන්ට දශක ගණනක් තිස්සේ තිබුණු ගැටළු විසඳන්නට ඔහුගේ මේ අධ්‍යයන මහඟු ආධාරයක් වෙනවා.

ටයිටැනික් චිත්‍රපටය වෙනුවෙන් සුවිසල් පඩිපෙළ නිර්මාණය කරන අතරතුර

1997 දී ටයිටැනික් නෞකාව ගිලී යාම කැමරන් ප්‍රතිනිර්මාණය කළත්, හරියටම එය ගිලී ගියේ කුමන ආකාරයට ද යන්න කැමරන් දැනගෙන සිටියේ නැහැ. සිදුවූ දෙය ගැන දිවි ගලවාගත් මඟින් පවසා තිබුණු දේවල් සහ භෞතික විද්‍යාත්මක මුලධර්ම අනුව වියහැකි යැයි ඔහු සිතු අන්දමිනුයි ඔහු එය ප්‍රතිනිරමාණය කරතිබුණේ. නමුත් සිනමාපටයෙන් පසුව වුණත් ඔහු කල්පනා කළා ඇත්තෙන්ම නැව කුමන ආකාරයට ගිලී යන්න ඇතිද කියා. චිත්‍රපටයේ අප දකින්නේ මෙහෙම දෙයක්. නැවේ ඉදිරි කොටස (Bow) අයිස් කන්දේ ගැටීමෙන් වුණු හානිය නිසා ජලය පිරී යාමෙන් පහතට බර වන අතර, නැවේ අවරය (Stern), එනම් පසුපස කොටස මුහුදෙන් ඉහළට එසැවෙනවා. එළෙස එහි ආනතිය කෙමෙන් වැඩිවන අතර, නැවේ බඳ එහි පසුපස කොටසේ බර එම ආනතියෙන් ඔසවා සිටීමට තරම් ශක්තිමත්ව සාදා නොමැති නිසා මැදින් කැඩී යනවා.ඒ සමඟම මහා විශාල කැළඹීමක් මුහුදේ ඇති කරමින් අවරය පසුපසට කඩාගෙන වැටෙනවා. ඒ ඊට පහළින් ජලයේ පාවෙමින්, දිවි ගැටගසාගැනීමට අරගල කරමින් සිටි මඟීන්ගේ හිස් මතටයි. නැවේ ඉදිරි කොටස ජලයෙන් පිරි ගිලෙමින් පවතින අතර නැවේ පතුල (Keel) තවමත් කොටස් දෙක එකට ඈඳාගෙන සිටින නිසා අවරයේ ඉදිරි කොටස පහළට බර වෙමින් එහි පසුපස කොටස සිරස්ව ඉහළට ඔසවනවා. අනතුරුව කොටස් දෙක වෙන්වී ඉදිරි කොටස වේගයෙන් ගිලී යනවා. අවරය ඉතා සුළු වෙලාවක් දිය මතුපිට රැඳී තිබී සෙමින් සිරස්ව පහළට ගිලී යනවා. මෙය මෙහෙම ප්‍රතිනිර්මාණය කිරීම හරිද? මේක කැමරන්ටත් බරපතල ප්‍රශ්නයක් වුණා. කෙසේ හෝ විසි වසරකට පසුව 2017 දී ඉංජිනේරුවන් සහ තාක්ෂණික ශිල්පින් එකතු කරගනිමින් කැමරන්, නැව ගිලී ගිය අවස්ථාවේ බලපවත්වන ලැබූ භෞතික විද්‍යා මුලධර්ම සලකා බලා කුමන ආකාරයෙන් නැව ගිලී යන්නට ඇතිදැයි පරික්ෂා කරනවා.

ජේම්ස් කැමරන් ටයිටැනික් නැවේ කුඩා ප්‍රමාණ අනුරුවක් යොදාගෙන නැව ගිලී යාම ආදර්ශනය කර බලන අන්දම.

“අපට කවදාවත් එදා රෑ වුණු දෙය හරියටම දැනගන්න බැහැ.
නමුත් අපට එම තත්ත්ව යටතේ සිදුවිය හැකිව තිබුණු දේ අනුමාන කරන්නට හැකියි”

චිත්‍රපටයේ එම කොටස හරිද වැරදිද? ඔහු පරිගණක ආශ්‍රිත සමාකරණ විශ්ලේෂණ දෙකක් සහ සජීවී ආකෘතියක් මඟින් ආදර්ශනය කිරීමෙන් පසුව එළඹුණු නිගමනය මේ වාර්තා වැඩසටහනින් ඔබට දැකගන්නට පුළුවන්.

1912 අප්‍රේල් 15 වැනිදා අලුයම 2.20ට මුහුදුබත් වුණු ටයිටැනික් නෞකාව වසර ගණනාවක් තිස්සේ අතුරුදන්ව පැවතුණා.ගිලුණු නැව අනාවරණය කරගන්නට විවිධ ගවේෂකයන් උත්සාහ කළත් ඒවා අසාර්ථක වෙනවා. එය ගවේෂණයට යොදාගත්තේ ටයිටැනික් නෞකාව ගිලී යනවිට ආපදා ඇමතුම සඳහා ලබාදුන් පිහිටුමයි. පැහැදිලිවම ඒ වැරදි පිහිටුමක් වූ අතර නෞකාව අනාවරණය කරගැනීමට ඒ වරද බාධාවක් වුණා. මේ අතර එක්සත් ජනපද රහසිගත මෙහෙයුමක් වෙනුවෙන් සමුද්‍ර ගවේෂණයෙහි යෙදුනු රොබට් බැලාඩ් තමාට පැවරුණු රාජකාරිය සාර්ථකව අවසන් කරනවා.එය අවසන් කළ පසු ඔහුගේ ගවේෂණය සඳහා වෙන් කළ කාලයෙන් තවත් දින 12ක් ඉතිරිව තිබුණු නිසා ඔහු තීරණය කරනවා, ටයිටැනික් ගවේෂණය වෙනුවෙන් ඉතිරි කාලය යොදවන්න. ඔහු ටයිටැනික් නැවේ සුන්බුන් කේෂ්ත්‍රය ඉලක්ක කරමින් සාගර පතුල පීරන්නට පටන් ගත්තා. සතියක පමණ නිෂ්ඵල සෙවිමකට පසුව 1985 සැප්තැම්බර් 01 වන ඉරිදා 12.48 ට පමණ ඔවුන්ට ටයිටැනික් නෞකාවේ සුන්බුන් ක්ෂේත්‍රය දර්ශනය වුණා. ඔහුගේ කණ්ඩායමේ අයෙක් එහි බොයිලේරුව හඳුනා ගන්නේ, 1911 දී ලබාගත් නැවේ බෝයිලේරුවේ පින්තුරයක් ආධාරයෙනුයි. පසුදින නෞකාවේ ප්‍රධාන කොටස් හමුවුණු අතර, ගිලී යාමෙන් වසර 73 කට පසුව ලබා ගන්නා ලද ප්‍රථම ඡායාරූප ඔවුන්ට ලබාගන්නට හැකිවුණා. මේ අනාවරණය පිළිබඳ ආන්දෝලනාත්මක ආරංචිය ලොව පුරා විදුලි වේගයෙන් පැතිර ගියා.

ගිලුණු ටයිටැනික් නැව සොයාගැනීම ගැන තම අත්දැකීම් ජේම්ස් කැමරන් සමඟ බෙදාහදාගන්නා රොබට් බැලාඩ්

මේ වාර්තා වැඩසටහනට රොබට් බැලාඩ් ටයිටැනික් අනාවරණය ගැන තමන්ගේ අමතක නොවන අත්දැකීම් අපූරුවට ඉදිරිපත් කරනවා.. රොබට් බැලාඩ්, කැමරන්ගේ සිනමා නිර්මාණය ගැන දැක්වුයේ මෙවන් අදහසක්.

“නාවිකයන් ලෙස අපි නෞකා හඳුන්වන්නේ කාන්තාවන් ලෙසයි.
මම දැනගෙන හිටියා, සාගර සොහොන් බිමේ වැතිර සිටින ඒ මහලු ගැහැණියව.
ඒ තමයි මම දැනගෙන හිටි ටයිටැනික්.
නමුත් කැමරන් තමන්ගේ චිත්‍රපටයෙන් හරි අපූරුවට මට පෙන්නුවා,
සුන්දරත්වයෙන් බැබළෙන මේ ජීවමාන තරුණියව.
මම ඇය හා ආදරයෙන් බැඳුණා…”

ප්‍රබන්ධ ආදර කතාවක් තේමා කරගත්තත්, ටයිටැනික් ඛේදවාචකය ගැන ලෝක ඉතිහාසයේ බිහිවූ සිනමා නිර්මාණ අතරින් සත්‍ය සිදුවීම වඩාත්ම නිවැරදිව නිරුපණය කළ චිත්‍රපටය ලෙස සැළකෙන්නේ කැමරන්ගේ චිත්‍රපටයයි. 1912 දී ටයිටැනික් නැව නිපදවීමට වයිට් ස්ටාර් ලයින් සමාගමට වැය වුණේ ඇමරිකානු ඩොලර් මිලියන 7.5ක්. ඒ වටිනාකම 1997 ඩොලර් වලින් මිලියන 150ක් පමණ වනවා. ටයිටැනික් සිනමාපටය සඳහා වැය කෙරුණු මුදල ඇමරිකන් ඩොලර් මිලියන 200ක්. මේ අනුව සත්‍ය ටයිටැනික් නැව නිෂ්පාදනයට වඩා වැඩි වියදමක් ටයිටැනික් සිනමාපටය වෙනුවෙන් කැමරන් වැය කර ඇති අතර වාසනාවකට මෙන් ඇමරිකානු ඩොලර් බිලියන 2.2 ක පමණ දැවැන්ත ආදායමක් උපයන්නට ටයිටැනික් සමත් වනවා. 2009 දී කැමරන්ගේම Avatar චිත්‍රපටය මඟින් එම ආදායම් වාර්තාව බිඳ දමනා තෙක් වැඩිම ආදායමක් ලද චිත්‍රපටය ලෙස ටයිටැනික් වැජඹුණා.

“දශක ගණනක ගවේෂණ සහ විද්‍යාත්මක විශ්ලේෂණ වලින් පසු,
ටයිටැනික් චිත්‍රපටය නිපදවපු කාලයට වඩා ඒ ගැන බොහෝ තොරතුරු අද අප දන්නවා.
කාලයේ ආපස්සට ඇවිද ගොස් බලමු…
අපි ඒක කළ විධිය හරිද?
ටයිටැනික් ලිපිගොනු යළි විවර කර,
පසුගිය විසි වසර මුළුල්ලේ අප සොයාගත් දේ දිහා ආපසු හැරී බලන්නට..
අතුරුදන් වූ නෞකාව සොයාගැනීමේ විස්මයජනක කතාන්දරයට සවන් දෙන්නට…
ටයිටැනික් ඛේදවාචකයෙන් දිවිගලවාගත් සුප්‍රකට මගීන්ගේ පවුල්වලට චිත්‍රපටය බලපෑ හැටි දැනගන්නට..
අප නිර්මාණය කළ පසුතලයන් ගිලුණු නැවෙන් පසුව සොයාගත් දේ සමඟ ගැළපෙන අන්දම සසඳන්නට…
අපි පරීක්ෂණ කර බලමු…
නැව ගිලී යාම පිළිබඳව විසි වසරක් තිස්සේ, මා පෙළා දැමූ නො විසඳුණු ප්‍රශ්න විසඳා ගන්නට..
බලමු, අප කොතැනද නිවැරදි, කොතැනද වැරදි කියා!”

  • ජේම්ස් කැමරන්

එහෙම නම් මේ වාර්තා වැඩසටහන සිංහල උපසිරැසි ද සහිතව රසවිඳින්නට ඔබට දැන් හැකියාව තිබෙනවා. Amityville Murders (2018) චිත්‍රපටයට උපසිරැසි ලිවීමෙන් වසර දෙකකට පමණ පසුවයි මම බයිස්කෝප් වෙත නැවත උපසිරැසියක් ලියන්නේ. මේ වාර්තා වැඩසටහන මඟින් ඔබට ඔබගේ දැනුම වැඩිදියුණු කරගන්නවා වගේම මනා රසවින්දනයකුත් ලබාගන්නත් හැකිවෙයි කියායි මා අපේක්ෂා කරන්නේ. එසේනම් යළිත් උපසිරැසියකින් හමුවන තුරු ඔබට ආයුබෝවන්! තෙරුවන් සරණයි!

 

 

Due to copyright issues, we do not provide any torrent links.

ලබා දී ඇති උපසිරසිය WEB පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “ප්‍රබුද්ධ කේ්‍සර විතානගේ” සොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

SILVER MEMBER
JOINING DATE – 2016-02-26
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

18 thoughts on “Titanic: 20 Years Later with James Cameron (2017) Sinhala Subtitles | ටයිටැනික්: විසි වසරකට පසු ජේම්ස් කැමරන් සමඟින් [සිංහල උපසිරසි සමඟ]

  • සිංහල උපසිරසියට බොහොම ස්තුතියි,
    බුදු සරණයි!!ජය වේවා!!!

    Reply
  • බොහෝම ස්තුතියි මෙවැනි වාර්ථාමය වැඩසටහන් වලට සබ් දෙන එකට. එකේන් අපිට ලොකු දැනුමක්, අවබෝධයක් ලැබෙනවා චිත්‍රපටියක් නරබනවට වඩා. ඔබට නැවතත් බොහෝම ස්තුතියි. පුළුවන් නම් The Tesla Files , Hunting Hitler , වගේ ඒවටත් සබ් දෙන්න පුළුවන් නම් නිය්මයි

    Reply
  • Thanks…(Adolf Hitler – The Greatest Story Never Told (2013) Mekatath Sub Dennako)

    Reply
  • බොහොම ස්තූතියි සිංහල උපසිරැසියට. ජය෴෴ 😛 😛

    Reply
  • බොහොම ස්තූතියි …. !

    Reply
  • ආයුබෝවන් මම සුපුන් කියා කෙනෙක් මම උබලාගේ වෙබ් අඩවිය සමග නිතරම සම්බන්ධ වන කෙනෙක් නමුත් මට සමහර ිත්‍රපට වෙබ් අඩවියෙන් බාගත කිරීමට නොහැක.
    (Due to copyright issues, we do not provide any torrent links.)
    මේ විදිහට දිස්වෙනවා. මෙයට අපි කළ යුත්තේ කුමක්ද උඹලා torrent ලින්ක් එක දෙන්නෙම නැද්ද එතකොට නැත්තං වෙන විදිහක් තිබෙනවාද අපිට බාගත කරගන්න. මම පිළිතුරක් බලාපොරොත්තුවෙන් ඉක්මනින්.

    Reply
    • සිංහල උපසිරැසියේ නමින් torrent link එකක් google search කරන්න.

      Reply
    • ඔව් සහෝ ටොරන්ට් ලින්ක් නම් දාන්නෙ නෑ. කේසර සහෝ කියල තියෙන දේ කරන්න. එහෙමත් නැත්නම් අපි දෙන උපසිරසවලට හරියටම ගැළපෙන ටොරන්ට් ලින්ක් සහ ඩි⁣රෙක්ට් ලින්ක් බයිස්කෝප් ඩවුන්ලෝඩ් කියන සයිට් එක හරහා ලබා දෙනවා. එතනින් ගන්නත් පුලුවන්.
      ජය ✌

      Reply
  • බොහෝම ස්තූතියි උපසිරැසියට…

    Reply
  • Thanx bro…………….

    Reply
  • supiri bro digatama sub denna..!!

    Reply
  • ස්තුතියි සහෝ.ජයවේවා!

    Reply
  • Maxxxa documentary digatama demu…me wageee

    Reply

Leave a Reply to Super 077 Cancel reply

Your email address will not be published. Required fields are marked *