Tom Sawyer (2011) with Sinhala Subtitles| ටොම් සෝයර්. [සිංහල උපසිරසි සමඟ]

උපතින්ම දඟකාරයෙක් වන ටොම් සෝයර් , ඔහුගේ යාලුවා වෙන හක්ල්බෙරි ෆින් එක්කු එකතු වෙලා කරන දඟකාරකම් ගැන කියවෙන ජර්මානු භාෂාවෙන් එලිදක්වලා තියෙන කදිම චිත්‍රපටයක්. ටොම් සෝයර් ගැන චිත්‍රපට කිහිපයක්ම තිබුනත් ඒ අතරින් මේ ජර්මානු චිත්‍රපටය තමයි මගේ සිත් ගත්තේ. කතාව මෙහෙමයි. සෙන්ට් පීටර්ස්බර්ග් කියන නගරයේ මිසිසිපි ගඟට ආසන්නයේ ජීවත්වෙන ටොම් සෝයර්ගේ දඟකාරකම් නිසා ඔහුගේ නැන්දා වන පොලි ටත් තිබුනේ මහත් වූ හිසරදයක්. මොකද මොහු ඉගෙන ගැනීමටත් වඩා මුරණ්ඩු වැඩ කරන ලමයෙක්. ඒ වගේම කිසිම දේකට බය නැති ලමයෙක්. පාසල් යාමත් හරි හැටි කරන්නේ නැතුව ඔහුගේ මිත්‍රයා වන හක් සමඟ කට්ටි පනිමින් සිටිද්දී බෙකී තැචර් කියලා ගෑනු ලමයෙකුත් ඒ අතරේදී ටොම්ට ආකර්ශනය වෙනවා.ටොම්ගේ වීරක්‍රියා ගැන ඔහුගේ කටින් අහලාම ඇය ඔහු ගැන පුදුමයට පත්වෙනවා. ටොම් හා හක් ගේ ඉරණම වෙනස් වෙන්නේ දවසක් රෑ සුසාන භූමියට ගිහින් පොඩි වික්‍රමයක් කරන්න ලෑස්ති වෙද්දී දකින්න ලැබෙන දෙයකිනුයි. සෙන්ට් පීටර්ස්බර්ග් වල ජීවත් වෙන ජෝ කියන මනුස්සයා මිනීමැරුමක් කරනවා මොවුන් දෙදෙනා විසින් දැකීමෙන් පස්සේ ඒ බව ඉවෙන් වගේ වටහා ගන්නා අර මනුස්සයා මොවුන් දෙදෙනා පස්සේ පන්නනවා. ඉතින් මේ යාලුවෝ දෙන්නා ඔහුගෙන් ගැලවෙන්න මොකද කරන්නේ? තව චරිත කීයක් මේ කතාවට එකතු වේවිද? මීට වඩා කතාව කියන්නේ නෑ. ගොඩක් දෙනෙක් කතාව කියවලා ඇති වුනත් මිනිත්තු 110ක් පුරාවට දිගහැරෙන, ලස්සන පසුතලවල නිර්මාණය කරලා තියෙන මේ සලරුව බාගෙන බැලුවට නම් පාඩුවක් වෙන්නේ නෑ.

IMDB දර්ශකයේ ‍6.2 ක් වගේ හොඳ අගයකට හිමිකම් කියන මේ සලරුව ජර්මානු ජාතික චිත්‍රපට අධ්‍යක්ෂවරයෙක් වන Hermine Huntgeburth ගේ නිර්මාණයක්.1876 වසරේදී එලි දැක්වුන මාර්ක් ට්වේන්ගේ The Adventures of Tom Sawyer – (ටොම් සෝයර් කෘතිය), කුඩා ළමයෙකුගේ දගකාරකම් මෙන්ම එදිනෙදා ජීවිතයේදී ඔහුට මුහුන දීමට සිදුවන අහඹු සිදුවීම් මෙන්ම ඔහුට සිදුවන අකරතැබ්බයන් පිලිබදව හාස්‍ය මුසු කරගෙන ලියවුනු අති විශිෂ්ට ලෝක ප්‍රසිද්ධ ග්‍රන්ථයක්. ටොම් සෝයර්ගේ වීරක්‍රියා ලෙස සිංහල භාෂාවටත් මෙය පරිවර්ථනය කරලා තියෙනවා. මේ ටොම් සෝයර් කෘතියට අනුරූපව ලංකාවේ විකාශණය වුන ටෙලි නාට්‍යක් තමයි කාලයක් අපි ආසාවෙන් නරඹපු සිරි සිරිමල් කියන්නෙත්. මාර්ක් ට්වේන්ගේ මුල් කෘතියට අනුරූපව යම් යම් වෙනස්කම් සහිතව නිර්මාණය වුනත් මෙය නම් කදිම සලරුවක් කියලා කියන්න පුලුවන්.

833 MB (720p BRRip) කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “දමිත් තරංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.