You dont have javascript enabled! Please download Google Chrome!
Wednesday , November 21 2018
Breaking News
Home / All / Tomb Raider (2018) Sinhala Subtitles | අහිමි පිය සෙනෙහස සොයා මාරක රණශූරියකගේ ආගමනය! [සිංහල උපසිරැසි සමඟ](100*)

Tomb Raider (2018) Sinhala Subtitles | අහිමි පිය සෙනෙහස සොයා මාරක රණශූරියකගේ ආගමනය! [සිංහල උපසිරැසි සමඟ](100*)

Rating: 8.5/10. From 213 votes.
Please wait...

බයිස්කෝප් සිංහලෙන්! මුලින්ම මේ බයිස්කෝප් සිංහලෙන් වෙබ් අඩවිය ගැන දැනගත්තේ උසස් පෙළ කරන කාලේ ඉස්කෝලේ යාළුවෙක්ගෙන්. ඒ දවස් වලත් චිත්‍රපට පිස්සුව ලොකුවටම තිබුණත්, සිංහල උපසිරැසි කියන දේ ගැන ලොකුවට දැනීමක් තිබුනේ නැහැ. සිංහල උපසිරසියක් එක්ක මොනවහරි බැලුවා නම් ඒ බැලුවේ ටීවී එකෙන් තමයි ඉතිං. හැබැයි, දවසක් දා 3 Idiots චිත්‍රපටය බලන්න ලෑස්ති වෙනකොට නිකමට වගේ අර ඉස්කෝලේ යාළුවා කියපු වෙබ් අඩවිය ගැන මතක් වුණා. ඒ නිසාම බයිස්කෝප් සිංහලෙන් කියන මේ සයිට් එකට නිකමට වගේ ගොඩ වැදිලා බැලුවා. එදා ඒ විදියට නිකමට වගේ ගොඩ වැදිලා බලපු ගමන තමයි, එදා හීනෙන් වත් නොහිතපු විදියට අද වෙද්දී මේ බයිස්කෝප් සිංහලෙන් වෙබ් අඩවියේ ඇඩ්මින්වරයෙක් වීම දක්වාම ඇවිල්ලා තියෙන්නේ. මාසෙකටත් වැඩිය දඟලලා දඟලලා බොහොම අමාරුවෙන් පළවෙනි උපසිරැසිය ඉවරකරනකොට නිකමටවත් හිතුවේ නැහැ මේ වගේ ගමනක් නම් යන්න ලැබේවි කියලා. ඒත්, කතාවක් තියෙනවා, මහ සාගරයක් වුනත් එක සැරේටම හැදෙන්නේ නැහැ. වතුර බිංදුවෙන් බිංදුව එකතු වෙලා තමයි සාගරයක් වුනත් හැදෙන්නේ. දවසින් දවස ගතවෙලා ගියා. උපසිරසියෙන් උපසිරැසිය මගේ ගිණුමට එකතු වුණා. මටත් නොදැනීම මේ උපසිරැසිකරණය කියන දේ ඇඟට එන්නත් වුණා කිව්වොත් මං නිවැරදියි. මීට අවුරුදු තුනකට ඉහතදී පටන්ගත්ත මේ උපසිරසිකරණ ජීවිතේ තවත් වැදගත් සන්ධිස්ථානයක් වෙත පා තබන්න තමයි අද මේ සූදානම් වෙන්නේ. උපසිරැසි ශතකය!

අපි හැමෝගෙම ජීවිතේ වැදගත් අවස්ථා තියෙනවා. උපසිරැසිකරුවෙක් විදියට සියවෙනි කඩයිමට ලඟා වීමට ලැබීම ජීවිතේ ලැබිච්ච ලොකුම භාග්‍යයක් විදියට තමයි මං නම් සළකන්නේ. පිට ඉඳන් බලන කෙනෙක්ට මේක විකාරයක් වගේ පේන්න පුළුවන්. හැබැයි, මේ උපසිරැසිකරණයෙන් කොච්චර නම් හිතට සතුටක්, සැනසීමක් ලැබෙනවද කියලා දන්නේ උපසිරැසිකරුවෙක්ම හෝ ඒ පිළිබඳව හොඳටම දන්නා කෙනෙක් විතරයි. අපි පැය ගාණක්, දවස් ගාණක් මහන්සි වෙලා කරන උපසිරසියකින්, ජීවිතේට වත් දැකලා නැති මිනිස්සු දස දහස් ගාණක් විනෝදයක්, සැනසීමක් ලබනවා නේද කියලා මතක් වෙනකොට උපසිරසියක් වෙනුවෙන් අපි වෙච්ච මහන්සිය කොහෙන් ගියාද කියලා නැහැ. ඒ වගේම තමයි, ඒ උපසිරසියක් වෙනුවෙන් ලැබෙන ප්‍රතිචාර වලින් ලැබෙන සතුට මෙච්චරයි කියලා මිළ කරන්න පුළුවන් දෙයක් නෙමෙයි. සල්ලි වෙනුවෙන් මිනිස්සු නොකරන දෙයක් නැති මේ ලෝකයේ, මිනිසුන්ගේ සතුට වෙනුවෙන් කිසිඳු ආර්ථික ලාභයක් නොලබා, හුදෙක්ම විනෝදය වෙනුවෙන් පමණක් සිදුකරන්නා වූ මේ උපසිරැසිකරණය නිසාවෙන්, කවදාහරි ජීවිතයේ අවසාන මොහොතෙදි පවා පසුගිය ජීවිත කාලය දිහා ආපහු හැරිලා බලනකොට, ගතවෙච්ච කාලය ගැන හරිම උපේක්ෂාවෙන් බලන්න පුළුවන් වේවි කියලා හිතනවා.

කවුරුහරි අහන්න පුළුවන් අවුරුදු තුනක් තිස්සේ මේ උපසිරසිකරණයෙන් මොනවද ඔයාට ලැබිච්ච ලාභය කියලා. ඔව්, ලාභයක් ලැබුණා. මිළ කරන්න බැරි තරමේ මහාර්ඝ දෙයක්. ඒ තමයි, බයිස්කෝප් සහෝදරත්වය! සහෝදරත්වය කිව්වට මේක හරියට ලේ සම්බන්ධයකටත් එහා ගියපු බැඳීමක් හා සමානයි. සමහර අයව ජීවිතේටම දැකලා, හම්බවෙලා තියෙන්නේ වතාවක් දෙවතාවක් වෙන්න පුළුවන්. හැබැයි, ජීවිත කාලයක් පුරාවට දැන හැඳිනගෙන ඉඳපු අයටත් වඩා, ජීවිතේටම දෙතුන් වතාවක් දැකපු මේ අය ජීවිතේට නැතුවම බැරි අය වෙලා හමාරයි. මේ සහෝදර සහෝදරියන් සමගින් එකට ගතකරපු මොහොතවල් ජීවිතේට අමතක නොවේවි. ලංකාවේ හතර දිග් බාගේ විසිරිලා ඉන්න පිරිසක් මේ වගේ සහෝදරත්වයේ බැම්මෙන් බැඳිලා ඉන්නේ, පෙර සංසාරයේ බැඳීමක් නිසාදෝ කියලත් වෙලාවකට නොහිතෙනවා නෙමෙයි. සමහරවිට පිට ඉඳන් බලන කෙනෙක්ට මං මේ කියන දේ නොතේරෙනවා වෙන්නත් පුළුවන්. ඒත්, මේ පිළිබඳව යන්තම් හෝ කරුණු කාරණා දන්න කෙනෙක් නම් මං මේ කියන කාරණාව හොඳට තේරුම් යන්න ඇති.

මේ සහෝදරත්වයට අමතරව උපසිරැසිකරණයෙන් ලැබුණු තවත් ප්‍රතිලාභයක් තමයි, මිනිස්සු කියන්නේ කවුද කියන එක ගැන යම් තරමකින් හෝ දැනුමක් ලැබුණා. මෙතන, යම් තරමකින් කියලා කියලා තියෙන්නේ, මිනිසා කියන්නේ කිසිම විදියකින් මෙන්න මෙහෙමයි කියලා සම්පූර්ණයෙන්ම තේරුම් ගන්න අමාරු කොට්ඨාශයක් නිසා. මොකද, මේ ඉන්නවා, මේ වෙනස් වෙනවා. මෙහෙම කියන්න හේතුවක් තමයි, කොච්චර හොඳ දෙයක් කළත්, ඒ දේට අපහාස කරන්න, මඩ ගහන්න, කකුලෙන් අදින්න බලාගෙන ඉන්න මිනිස්සු පිරිසක් කොහෙත් ඉන්නවා. ඇත්තටම හිතාගන්න අමාරුයි මිනිස්සු ඇයි හොඳ දෙයක් කරනකොටත් ඒ දේට බාධා කරන්නේ කියලා. නමුත්, මේ දේවල් කියන්නේ අත්දැකීමෙන්. වෙබ් අඩවියේ ඇඩ්මින්වරයෙක් වුනාට පස්සේ මේ වගේ සිදුවීම් අනන්ත අප්‍රමාන අත්දැකීම් ලැබුණා.

කවදාවත් වචනෙකින් හරි සහයෝගයක් නොදීපු අය තමයි පොඩ්ඩ ඇත්නම් බනින්න බලාගෙන ඉන්නේ. තත්පර කීපයක් වැයකරලා කවදාවත් එක වචනෙකින් හරි උපසිරැසිකරුවා දිරිමත් නොකරපු අයම තමයි, තමන්ට මොකක්හරි ප්‍රශ්නයක් ආවම ඒ ප්‍රශ්නේ විසඳගන්න දිගට හරහට කමෙන්ට් කරලා, ඒත් හරිගියේ නැත්නම් සයිට් එකට මේල් පවා දාන්නේ. මුදල් ප්‍රශ්න නිසා පසුගිය කාල වකවානු වල වෙබ් අඩවිය වැටිච්ච වෙලාවල් වල හිනාවෙලා දැක්කේ නැහැ වගේ හිටපු අයම තමයි, දැන්වීම් දාලා වෙබ් අඩවියේ වියදම් ආවරණය කරගන්නකොට ඒකට ආඩපාලි කියන්නේ. කාට හෙනගහලා ගියත් කමක් නැහැ, උඹලා මේක වෙලාවට කලාවට හරියටම කරන්න ඕනේ කියලා හිතාගෙන ඉන්න පිරිසකුත් ඉන්නවා වගේම, වැඩේ කොච්චර ඉක්මණට, ලස්සනට කළා වුනත් අගුණ කියන්න බලාගෙන ඉන්න පිරිසකුත් නොඉන්නවා නෙමෙයි. වෙබ් අඩවිය තුල කමෙන්ට් කිරීම පාලනය කිරීමෙන් පසුව මේ දුර්ජන පිරිස කරළියේ දැකගන්න අමාරු වුනත්, කාටවත් නොපෙනී තිරය පිටිපසට වෙලා උපරිම අඩු රේටින්ග් එකක් හරි වෝට් කරලා කුරිරු සතුටක් ලබන පිරිසක් දැනුත් ඉන්නවා කියලා සක්සුදක් සේම දන්නවා.

ඒ වගේම කියන්න ඕනේ, කොපි කිරීම කලාවක් නම්, ලංකාවේ තරම් පිකාසොලා වෙන කොහෙවත් නැතුව ඇති. තමුන්ගේම කියලා දෙයක් කරගන්න හැකියාවක් නැති, ඒ නිසාම අනුන්ගේ පහනින් එලිය බලන අය අපි අතර අනන්ත අප්‍රමාණ ඉන්නවා. තමන්ට තනියම දෙයක් කරගන්න බැරි උදවියට අපි කියන්නේ දුබලයෝ කියලා, එහෙමත් නැත්නම් බෙලහීනයෝ කියලා. මෙන්න මේ වගේ බෙලහීනයෝ දෙදෙනෙක් කරගෙන යන උපසිරැසි වෙබ් අඩවි දෙකක් මේ වෙද්දී ලංකාවට බිහිවෙලා තියෙනවා. වෙබ් අඩවි දෙකක් කියලා කිව්වට, ඇත්තම කියනවා නම් මේ වෙද්දී ලංකාවේ පවතින ප්‍රධාන සිංහල උපසිරැසි වෙබ් අඩවි කීපයටම මේ වෙබ් අඩවි දෙක උවදුරක් වගේම පිළිලයක්. අපි මහන්සි වෙලා උපසිරැසි කරලා වෙබ් අඩවියේ පළකරලා අනිත් පැත්ත හැරෙන්න නැහැ, සියළුම කතෘ අයිතීන් වෙනස් කරලා මේ උපසිරැසි ඉහත කියපු පිළිල වෙබ් අඩවි දෙකේ පළවෙනවා. මෙයින් එක් වෙබ් අඩවියක අයිතිකාරීත්වය දරන්නේ, පහුගිය සමයේ බොහොම ආන්දෝලනයට ලක්වෙච්ච ලංකාවේ බොහොම ප්‍රසිද්ධ ගායකයෙකුගේ නමක මුල් කොටස දරණ සල්ලිකාර හිඟන්නෙක්. (හිඟන්නෙක් කියන එක ඇත්තටම නම්බුකාරයි, මොකද හිඟන මනුස්සයෙක් කවදාවත් අනුන්ගේ දේවල් හොරෙන් කඩා වඩා ගන්නේ නැහැ, ඉල්ලලා ගන්නවා මිසක්) අනිත් කෙනා, තමන්ගේ පිළිල වෙබ් අඩවියට හරියාකාර තීම් එකක් වත් දාගන්න හැකියාවක් නැති හිඟන්නෙක්.

ඇත්ත තිත්තයි. මේවා කියනකොට සමහරුන්ට රිදේවි. ඒත්, මේ තමයි ගොඩක් දෙනෙක් නොදන්න තිත්ත ඇත්ත. මේවා කියන්න කියන්න මගේ මේ විශේෂ අවස්ථාවේ ලිපිය අවලස්සන වෙනවා වුනත්, මේවා නොකියා බැහැ. ඒ වගේම, කාගේවත් හිත් රිදුනා කියලා මේවා නොකියා ඉන්නත් බැහැ. වදින උන්ට වැදියන් කියලා, කියන්න තියෙන දේ කෙලින්ම කියලා දාන එක තමයි මගේ පුරුද්ද.

නමුත්, කියන්නත් සතුටුයි, මේ වගේ දුර්ජන පිරිසක් අතරේ, ඒ පිරිසට වඩා සිය දහස් ගුණයක් පිරිසක් ඉන්නවා මේ කරන කර්තව්‍ය අගය කරන්න. අනේක විධි බාධක කම්කටොලු මධ්‍යයේ අප වෙබ් අඩවියට ශක්තියක් වෙමින්, නිරන්තරයෙන් උපසිරැසිකරුවන් දිරිමත් කරමින්, වරදක් දුටු තැන මහත්මා ගුණයෙන් ඒ වරද පෙන්වා දෙමින්, ආරම්භයේ පටන් මේ දක්වා මෙම වෙබ් අඩවිය පවත්වාගෙන යෑමට අත්වැලක් වූ ඒ සහෘද සියලු දෙනාටම ස්තුතිය පළකිරීමට මෙය අවස්තාවක් කරගන්නවා. මොකද කියනවා නම්, අවස්ථාවාදී දුදනන් අතරේ මේ වෙබ් අවකාශයට ශක්තියක් වුනේ ඔබයි. ඔබගේ දිරිගැන්වීම් තමයි උපසිරැසිකරුවන් වන අප හට ලැබුන අමෘතය වූයේ. ලොකු වේවා, පොඩි වේවා, ඔබ විසින් එන්නත් කරන ලද ඒ ජීවය නිසා තමයි මේ බයිස්කෝප් වෘක්ෂය අද වන විට මහා දැවැන්ත වෘක්ෂයක් බවට පත් වී සියල්ලන්ටම සෙවණ සපයන්නේ.

මේ සියවෙනි කඩයිම ගැන කියනවා නම්, මගේ පැත්තෙන් ගත්තාම තරමක් සුවිශේෂී සන්ධිස්ථානයක් වෙනවා. මොකද, මේ උපසිරැසි සියය ඇතුලත එකම එක රූපවාහිණි කතාංගයක් හෝ අඩංගු වෙන්නේ නැහැ. දැනුවත් තරමින්, බයිස්කෝප් වෙබ් අඩවිය තුල අසංක අයියට පස්සේ මේ ආකාරයෙන් මේ කඩයිම පහුකරලා ගියපු එකම කෙනා මං වෙන්න ඕනේ. ඉදිරි කඩයිම් වලට යන්න හැකියාවක් ලැබුනොත්, බොහෝ දුරට ඒත් චිත්‍රපට වලින්ම විතරක් වෙන්න පුළුවනි. ඒ වගේම, මේ උපසිරැසි සියය ඇතුලත එකිනෙකට වෙනස් භාෂා 14ක් ඇතුලත් වෙනවා. මේ දේවල් කිව්වේ ආඩම්බරකමට වත්, පුරාජේරුව පෙන්වන්න වත් නෙමෙයි. මේ තමයි අවුරුදු තුනකට වඩා වෙච්ච මහන්සිය වෙනුවෙන් ලැබිච්ච නිරාමිස සතුට. ජීවිතයේ අවසාන මොහොත දක්වාම මේ නිරාමිස සතුට බොහොම අහිංසක විදියට හදවතේ රැව් පිළිරැව් දේවි.

මෙතුවක් කාලයක් මුළුල්ලේ මේ පැමිණි ගමන් මගෙහිදී බොහෝ දෙනෙක් උදව් උපකාර කරලා තියෙනවා. බයිස්කෝප් සහෝදර සහෝදරියන්ගෙන් වගේම ප්‍රේක්ෂක ඔබ සැමගෙන් ලැබුණු ධෛර්‍යය, දිරි ගැන්වීම තමයි මේ කඩයිම කරා ලඟා වීමට මූලිකම උත්ප්‍රේරකය බවට පත් වුනේ. විශේෂයෙන්ම මතක් කරන්න ඕනේ, සහෝදර ඇඩ්මින් මණ්ඩලයේ රොයිලි අයියා, හසන්ත අයියා, අසංක අයියා, හේවා, විමා, සමීර (කරුණේ), සමීර (ඩොකා), නලීන් අයියා, සුධීර, යශෝධ, සමන් (පූසා), නිර්මාණි, චාමර යන සහෝදර සහෝදරියන්ව විශේෂයෙන්ම මතක් කරන්න ඕනේ. මීට අමතරව දුකේදී, සැපේදී එකට ඉඳපු අනෙකුත් සහෝදර සහෝදරියන් රාශියක් ඉන්නවා. නම් ගම් වශයෙන් නම් සඳහන් කරන්න අපහසුයි. මොකද කියනවා නම්, නම් ගම් වශයෙන් සඳහන් කරනවා නම් සියයකට අධික නම් ගම් සංඛාවක් මෙතන සඳහන් කරන්න වෙනවා. වැරදීමකින් හරි එක නමක් හරි මගහැරුනොත් සිත් රිදවීමක් වෙන්න පුළුවන්. ඒ නිසා, පොදුවේ හැම දෙනාටම ස්තුතිය පළකරන්නම්. (ඒ හැරෙන්න, “මූ දැන් ඇඩ්මින්නේ. දැන් අපිව මතක නැහැ. අපේ නම් කිව්වේ නැහැ. ඔහොම තමයි, ඉහලට යනකොට වෙනස් වෙනවා” කියලා නම් කියන්න එපා. එදා ඉඳපු කෙනාම තමයි අද ඉන්නෙත්. කිසිම විදියකින් වෙනස් වෙලා නැහැ. 😀 )

හරි, එහෙනම් මේ කතාව ඉවරයක් කරන්න මේ තමයි වෙලාව. අන්තිමට මෙහෙම කියලම කතාව නවත්වන්නම්. කඩයිමක් පහුකරලා සමහරු උපසිරැසිකරණයෙන් ඈත් වෙනවා. සමහරවිට කාර්‍යබහුල වීමත් සමග නිසා වෙන්න ඇති. දෙතුන් දෙනෙක් මගෙනුත් ඇහුවා සීයෙන් පස්සේ උපසිරැසිකරණයෙන් ඈත් වෙන්නේ නැහැ නේද කියලා. ඒ වෙලාවේ මං ඒ අයට කිව්වේ, සියවෙනි උපසිරැසියෙදී මං එකට හරි උත්තරේ දෙන්නම් කියලා. මෙන්න මේක තමයි මගේ උත්තරේ…

“බයිස්කෝප් වෙබ් අඩවිය කියන්නේ හරියට මගේ ගෙදර වගෙයි. බයිස්කෝප් සහෝදර සහෝදරියන් කියන්නේ හරියට මගේ පවුලේ සාමාජිකයෝ වගෙයි. ඉතිං, ගෙදරයි, පවුලේ අයවයි දාලා වෙන කොහේ කියලා යන්නද?”

පුරාවෘත වල සඳහන් වෙන ආකාරයට හිමිකො කියන පළවෙනි ජපන් රැජිණිය, අඳුරු මායාවන්ගේ ආනුභාවයෙන් තමන්ගේ අධිරාජ්‍යය පාලනය කරපු බලවත් මන්ත්‍රකාරියක්. මිනිසුන් වශී කරගෙන හිත පාලනය කිරීම සඳහා පවා ඇයට හැකියාව තිබිලා තියෙනවා. ඇයගේ අතේ පොඩි ස්පර්ශයකින් මරණය සහ ව්‍යසනය පතුරුවා හරින්න හැකියාව ඇයට තිබිලා තියෙනවා. මේ හිමිකො රැජිණට මිනිස්සු කියන්නේ මරණයේ මාතාව කියලා. ඇයගේ හැම කතාවක්ම අවසන් වෙලා තියෙන්නේ රුධිර ගංගා ගලා යෑමෙන්. අවසානයේ, ඇයගේ මේ රුධිර වැගිරීම් ඉවරයක් වුනේ ඇයගේම ජෙනරාල්වරු විසින් ඇයව අරගෙන ගිහිල්ලා වළ දාලා තියෙනවා, අනතුරුදායක, යක්ෂයගේ මුහුදේ මැද්දට වෙන්න තියෙන, මනුෂ්‍ය වාසයක් නැති යැමටායි කියන දූපතේ. මේ දූපතේ එක්තරා ස්ථානයක පිහිටි කඳුකරයක පතුළට වෙන්න තමයි ඇයගේ නෂ්ටාවශේෂ වළලලා දාලා තියෙන්නෙ.

නමුත්, අතිශය ඉපැරණි, රහසිගත සිතියමකට අනුව මෙම හිමිකො රැජිණ, සිය ශාපය ඉවත්කර ඇයව නිදහස් කරන තෙක් බලාසිටින බවට තිබූ සටහනක් නිසා, එක්තරා පුද්ගලයෙක් මෙම අබිරහස් දූපත සොයා වසර ගණනාවකට පෙර පිටත්ව යනවා. මෙයට මූලික හේතුව වන්නේ, අද්භූත බලයන්ගේ පාලනය ලබාගෙන, එමගින් මනුෂ්‍ය වර්ගයාගේ ඉරණම තීරණය කිරීමට සූදානමින් සිටිනා “ත්‍රිත්වය” නම් පැරණි හමුදා සංවිධානයක් විසින් මෙම හිමිකො රැජිණගේ සොහොන් ගැබ විවර කර එහි අඩංගු බලයන්ගෙන් ලොව පාලනය කිරීමට සූදානම් වීමයි. කෙසේ නමුත්, මෙම බිහිසුණු සොහොන් ගැබ විවර කිරීම එතරම් ලෙහෙසි පහසු කර්තව්‍යයක් වෙන්නේ නම් නැහැ. මුලින්ම සිද්ධවෙනවා, ප්‍රචණ්ඩ සැඩ පහරවල් වලින් සහ මාරාන්තික ගල් පර වලින් ආරක්ෂා වෙලා තියෙන යැමටායි දූපතට පැමිණෙන්න. කුමන ආකාරයකින් හෝ එම යැමටායි දූපතට පැමිණියත්, ඔවුන්ට සිදුවෙනවා සොහොන් කොත තිබෙන්න කුමන ස්ථානයකද කියා නිශ්චිතවම දැනගැනීමට. එම අසීරු කර්තව්‍යයත් කුමන ආකාරයකින් හෝ ජයගතහොත්, ඔවුනට සිදුවෙනවා හිමිකොගේ බරපතල පරීක්ෂණ වලට මූණ දෙන්න.

  • පළමු අභියෝගය – ආත්මයන්ගේ විවරය පහුකර යෑම
  • දෙවන අභියෝගය – දිවිගලවා ගැනීම සඳහා හිමිකොගේ මුහුණත් වලට යාඥා කිරීම
  • තෙවන අභියෝගය – හිමිකොගේ මෙහෙකාරියන් දහසකගේ හමුදාව පසුකර යෑම
  • සිව්වන අභියෝගය – සොහොන් ගැඹ වෙත ගොස් හිමිකොගේ ශාපය මුදාහැරීම

මෙම අභියෝගයන් හට මුහුණදී, ඒවා ජයගෙන, ත්‍රිත්වය නම් සංවිධානයට ලොව විනාශ කිරීමේ අරමුණ සාක්ෂාත් කර ගැනීමට ඉඩ නොදීම සඳහා මෙම දූපත බලා ගමන් කල ඉහත කී පුද්ගයලා වසර හතක කාලයක් ගත වූ පසුවත් නැවත සිය ගම රට බලා පැමිණියේ නැහැ. නමුත්, නොසිතූ පරිදි ලද හෝඩුවාවන් කීපයක් ඔස්සේ, වසර හතකට පසුව ඉහත කී පුද්ගලයාගේ දියණිය සිය පියාගේ අඩි සටහන් ඔස්සේ ඔහුව සොයා යනවා. තරුණ ගැහැණු ළමයෙකු හට මෙතරම් මාරාන්තික, බිහිසුණු අභියෝගයන් හට මුහුණදී දිවි ගලවා ගැනීමට හැකියාව ලැබේවිද? මාරාන්තික ත්‍රිත්වයේ ග්‍රහණයෙන් ඇය ලෝකය මුදවා ගන්නේ කෙසේද? වසර හතකට පෙර අතුරුදහන් වූ සිය ආදරණීය පියා සොයාගැනීමට ඇයට හැකියාව ලැබේවිද?

ලාරා ක්‍රොෆ්ට්! මෙහෙම කිව්වට ගොඩක් දෙනෙක්ට එක සැරේම මතක් වෙන එකක් නැහැ. ඒ නිසා මං මෙහෙම කියන්නම්කො. Tomb Raider. ඔන්න එතකොට නම් නොදන්න කෙනෙක් ඉන්න බැහැ. ලොකු කුඩා කා අතරත් බොහොම ප්‍රසිද්ධියට පත්වෙච්ච සුප්‍රකට Tomb Raider පරිඝනක ක්‍රීඩා මාලාවේ සුරූපී වීර කාන්තා කොමික් චරිතය තමයි ලාරා ක්‍රොෆ්ට් කියන්නේ. ඇත්තටම කවුද මේ ලාරා ක්‍රොෆ්ට් කියන්නේ? මුලින්ම පොඩ්ඩක් ඒ ගැන විස්තර දැනගමුකො.

නම – ලාරා ක්‍රොෆ්ට්
පුරවැසිභාවය – බ්‍රිතාන්‍ය
උපන් දිනය – 1968 පෙබරවාරි 14 (මෙම චිත්‍රපටය තුල කතාව වර්තමානයට ගෙන ඇත)
උපන් ස්ථානය – විම්බ්ල්ඩන්, ලන්ඩනය
රුධිර කාණ්ඩය – AB-
උස – මීටර් 1.8
බර – කිලෝ 59.7
හිසකෙස් වර්ණය – තඹ පැහැති
ඇස් වර්ණය – දුඹුරු පැහැති
ජෛවීය තොරතුරු – 34D-24-35 / 86-60-89
ඇඳුමේ ප්‍රමාණය – 8
පවුලේ සාමාජිකයන් – ඇබින්ග්ඩන් හි 10 වෙනි අර්ල්වරයා (රිචඩ් ජේම්ස් ක්‍රොෆ්ට් – පියා), ඇබින්ග්ඩන් හි ආදිපාදතුමිය (ඇමෙලියා ක්‍රොෆ්ට් – මව) 
විවාහක/ අවිවාහක බව – අවිවාහකයි (ෆරින්ග්ඩන් හි අර්ල්වරයා සමගින් විවාහ ගිවිසගෙන සිටි මුත් ඔහු මියගොස් ඇත)
ප්‍රියතම ආයුධය – 9-mm Twin Colt 45s
ප්‍රියතම චිත්‍රපට – Deliverance, Aguirre, Wrath of God
ප්‍රියතම ආහාරය – Beans on toast
ප්‍රියතම වාහනය – Norton Streetfighter මෝටර් බයිසිකලය
ක්‍රීඩා – නිදහස් කඳු නැගීම, ඔරු පැදීම, ඉලක්කයට වෙඩි තැබීම, දුනු ශිල්පය, බොක්සින්, අශ්වයින් පැදීම, බයිසිකල් පැදීම

මෙන්න මේ විදියට තමයි ලාරා ක්‍රොෆ්ට් කියන චරිතයේ මූලික කරුණු ටික කෙටියෙන් දක්වන්න පුළුවන් වෙන්නේ. සමහර අවස්ථා වලදී ඉහත දක්වලා තියෙන සමහර කරුණු වල සුළු සුළු වෙනස්කම් සිදුකරලා තිබුණා අවස්තාව අනුව. තරුණියක් කිව්වම බොහොම සියුමැලි, සුකොමාල කෙනෙක් විදියට තමයි සළකන්නේ. හැබැයි, මේ ලාරා ක්‍රොෆ්ට් කියන කොමික් කාන්තා චරිතය නම් කිසිසේත්ම සියුමැලි, සුකොමාල චරිතයක් නම් නෙමෙයි. සටන් කළාවේ ප්‍රවීණයෙක්, මාරාන්තික ආයුධ හැසිරවීමේ නිපුණයෙක්, අතිශය භයානක වික්‍රමාන්විත ක්‍රියා සඳහා අතිශයින් යෝග්‍ය චරිතයක් සහ අනුකම්පා විරහිත ඝාතකයෙක් ලෙසට තමයි කොමික් පොත පතෙහි ලාරා ක්‍රොෆ්ට් ගැන හඳුන්වා දෙන්නේ.

කොහොමද මේ ලාරා ක්‍රොෆ්ට් කියන චරිතය බිහිවෙන්නේ?

Core Design නම් ආයතනයේ Toby Gard නිර්මාණය ශිල්පියාගේ මූලිකත්වය මත 1996 වර්ෂයේ ඔක්තෝම්බර් මස 25 වන දින තමයි මේ ලාරා ක්‍රොෆ්ට් කියන චරිතය බිහිවෙන්නේ. ඒ, Tomb Raider නම් පරිඝනක ක්‍රීඩා වැඩසටහන වෙනුවෙන්. මේ තමයි පරිඝනක ක්‍රීඩා ලොවෙහි විප්ලවයක් ඇති කරපු, ලොව පළමු Tomb Raider පරිඝනක ක්‍රීඩා වැඩසටහන. මෙම වීඩියෝ ක්‍රීඩා වැඩසහටන සඳහා ප්‍රථමයෙන් පිරිමි චරිතයක් යොදාගැනීමට තීරණය කර තිබුණත්, පසුව කාන්තා චරිතයක් යොදාගැනීමට තීරණය කර තිබෙන අතර, මෙම කාන්තා චරිතයේ නම ලෙස ප්‍රථමයෙන් යෝජනා වී තිබුනේ “ලෝරා කෘස්” යන නමයි. පසුව මේ නම “ලාරා ක්‍රොෆ්ට්” ලෙස වෙනස් කර තිබෙනවා. පහත දක්වා තිබෙන ජායාරූපයෙන් දැකබලා ගන්න පුළුවනි ලොව පළමු Tomb Raider වීඩියෝ ක්‍රීඩා වැඩසටහනෙහි දර්ශණයක්.

Core Design ආයතනයේ මූලිකත්වය මත මේ ආකාරයෙන් ලාරා ක්‍රොෆ්ට් චරිතය ලොවට හඳුන්වා දුන්නත්, පසුකාලීනව Crystal Dynamics (පෙර Core Design ආයතනයමයි), Nixxes Software, Ubisoft යන ආයතන සඳහා මෙම කොමික් චරිතයේ අයිතිය හිමිවී, වර්තමානය වන විට මෙම චරිතයේ අයිතිය නැවතත් හිමිව තිබෙන්නේ Crystal Dynamics ආයතනය හටයි. ක්‍රම ක්‍රමයෙන් වැඩි දියුණු වෙමින් පැමිණි මෙම Tomb Raider ක්‍රීඩා වැඩසටහන වර්තමානය වන විට අතිශය දියුණු ඉහළම මට්ටමේ ග්‍රැෆික් තාක්ෂණයන් භාවිතා කරනු ලබනවා. පහත රූපයෙන් දැකබලා ගැනීමට හැකියාව ලැබෙනවා අවසානයට නිකුත් වූ Rise Of The Tomb Raider වීඩියෝ ක්‍රීඩා වැඩසටහනෙහි දර්ශනයක්.

ඒ වගේම, 1996 වර්ෂයේදී ප්‍රථම වතාවට ලොවට හඳුන්වා දුන් මෙම විශ්මිත වීඩියෝ ක්‍රීඩා වැඩසටහනෙහි වර්තමානය වන විට වීඩියෝ ක්‍රීඩා වැඩසටහන් 18ක් නිකුත්කොට තිබෙන අතර, මේ වන විට මෙම ක්‍රීඩාව එකිනෙකට වෙනස් ප්ලැට්ෆෝර්ම් 25ක් මත ධාවනක කිරීම සඳහා පහසුකම් සපයා තිබෙනවා. ඒ වගේම, මෙම Tomb Raider ක්‍රීඩා වැඩසටහන් වල පිටපත් මිලියන 58ක් මේ වන විට ලොව පුරා අලෙවි වී තිබෙනවා වගේම, ලොව වැඩිම අලෙවි වාර්තාවක් තැබූ වීඩියෝ ක්‍රීඩා වැඩසටහන් අතුරින් එකක් වෙනවා.

Shadow of the Tomb Raider


මේ කියන්න හදන්නේ, පරිඝනක ක්‍රීඩා කරන Tomb Raider රසිකයන් වෙනුවෙන් සුභ ආරංචියක්. ඔන්න, Crystal Dynamics ආයතනය නිළ වශයෙන්ම දැනුම් දීලා තියෙනවා, Tomb Raider ක්‍රීඩා වැඩසටහන් මාලාවේ නවතම සංස්කරණය, මේ වර්ෂයේ (2018) සැප්තැම්බර් 14 වෙනිදා නිළ වශයෙන් නිකුත් කරනවා කියලා. කාරණා කීපයක් නිසා මේක විශේෂයි. එකක් තමයි, Shadow of the Tomb Raider කියන්නේ 2013 වර්ෂයේ නිකුත් වෙච්ච Tomb Raider ක්‍රීඩා වැඩසටහනේ දෙවැනි sequel එක. මේ චිත්‍රපටයට පදනම් වෙන්නේ 2013 වර්ෂයේ නිකුත් වෙච්ච ඒ ක්‍රීඩා වැඩසටහන. ඉතිං, ඒ නිසා හැමෝටම තේරෙනවා ඇති, හරිනම් මේ චිත්‍රපටයේ ඉදිරි කොටස් වලට මේ ඉදිරියේ නිකුත්වීමට තියෙන Shadow of the Tomb Raider ක්‍රීඩා වැඩසටහන පාදක වෙන්න ඕනේ බව. මේ කාරණාව යම් තරමකට සනාථ කරමින්, චිත්‍රපටය නිකුත් වෙච්ච මාර්තු 16 වෙනිදා, Square Enix ආයතනය විසින් Shadow of the Tomb Raider ක්‍රීඩා වැඩසටහනේ පළමු පූර්ව ප්‍රචාරක පටය අන්තර්ජාලයට නිකුත් කරනු ලැබුවා.

ඔබ දන්නවාද…

  • Tomb Raider වීඩියෝ ක්‍රීඩා වැඩසටහන නිර්මාණය කිරීම සඳහා පදනම් වී තිබෙන්නේ ඉන්ඩියානා ජෝන්ස් සහ ජුරාසික් පාක් යන චිත්‍රපට බව?
  • ලාරා ක්‍රොෆ්ට් යන චරිතය සඳහා ගිනස් ලෝක වාර්තා හයක් තිබෙන බව?
  • චිත්‍රපටයක් සඳහා සාර්ථකව යොදාගත් ලොව ප්‍රථම වීඩියෝ ක්‍රීඩා චරිතය වන්නේ ලාරා ක්‍රොෆ්ට් බව?
  • ලාරා ක්‍රොෆ්ට් යන චරිතය Sex Symbol එකක් ලෙස යොදාගන්න බව?
  • බ්‍රිතාන්‍ය තුල ලාරා ක්‍රොෆ්ට් යන නමින් වීදියක් නම් කර ඇති බව?
  • වීඩියෝ ක්‍රීඩා ක්ෂේත්‍රයේ ප්‍රමුකතමයන් හට පමණක් ලබාදෙන The Walk of Game තරුවකින් ලාරා ක්‍රොෆ්ට් හට පුද දී ඇති බව?

ඒ වගේම, Tomb Raider කියන වීඩියෝ ක්‍රීඩාව පාදක කරගනිමින් කොමික් පොත් මාලාවක් පවා නිකුත් වෙලා තිබෙනවා.

වීඩියෝ ක්‍රීඩා ක්ෂේත්‍රය තුල ලැබූ අතිමහත් ජනප්‍රියත්වය නිසාවෙන්ම 2001 වර්ෂයේදී ප්‍රථම වතාවට Tomb Raider යන නාමය සිනමා ලොව ආක්‍රමණය කිරීමට පෙළඹුණා. චිත්‍රපටයේ නම Lara Croft: Tomb Raider. ඇමරිකානු ඩොලර් මිලියන 115 ක ධනස්කන්ධයක් වියපැහැදම් කරමින් නිෂ්පාදනය වෙමින්, ඇමරිකානු ඩොලර් මිලියන 274.7ක බොක්ස් ඔෆිස් ආදායම් වාර්තාවක් පිහිටුවද්දී, චිත්‍රපටය තුල ලාර ක්‍රොෆ්ට් චරිතය සඳහා පණ පොවන ලද්දේ සුරූපී ඇන්ජලීනා ජොලී විසිනි. චිත්‍රපටය අධ්‍යක්ෂණය කරනු ලැබුවේ, The Mechanic (2011) සහ The Expendables 2 (2012) අධ්‍යක්ෂණය කරනු ලැබූ Simon West විසිනි. IMDB දර්ශකයේ 5.8ක අගයක් ලබාගැනීමට මෙම සිනමා සිත්තමට හැකියාව ලැබී තිබුණා.

පළමු චිත්‍රපටයෙන් ලද සාර්ථකත්වය නිසාම 2003 වර්ෂයේදී දෙවැනි චිත්‍රපටයකුත් එළිදැක්වීමට නිෂ්පාදකයින් කටයුතු කරනු ලැබුවා. චිත්‍රපටයේ නම Lara Croft Tomb Raider: The Cradle of Life. ඇමරිකානු ඩොලර් මිලියන 95ක  ධනස්කන්ධයකින් නිෂ්පාදනය කරන ලද මෙම සිනමා නිර්මාණය ඇමරිකානු ඩොලර් මිලියන 156.5ක බොක්ස් ඔෆිස් ආදායම් වාර්තාවක් තබද්දී, ලාරා ක්‍රොෆ්ට් චරිතය සඳහා සුපුරුදු පරිදි පණ පොවන ලද්දේ සුරූපී ඇන්ජලීනා ජොලී විසිනි. IMDB දර්ශකයේ 5.5 ක අගයක් ලබාගැනීමට මෙම සිනමා සිත්තමට හැකියාව ලැබී තිබුණා.

දීර්ඝ නිහැඬියාවකට පස්සේ, ඒ කියන්නේ ආසන්නව වසර 15කට පස්සේ තමයි ප්‍රධාන Tomb Raider චිත්‍රපටයක් ප්‍රේක්ෂකයන් හමුවට මේ ආකාරයට පැමිණෙන්නේ. 2007 වර්ෂයේදී තමයි මුලින්ම දූසමාන ආරංචියක් පැතිරිලා ගියේ, මේ තුන්වෙනි Tomb Raider චිත්‍රපටයක් නිකුත් වෙන්න තියෙනවා කියලා. හැබැයි, මේ කාරණාව නිළ වශයෙන් තහවුරු කරනු ලැබුවේ 2009 වර්ෂයේදී. ඒ වගේම, මේක රීබූට් චිත්‍රපටයක්. 2013 වර්ෂයේදී නිකුත් වෙච්ච Tomb Raider වීඩියෝ ක්‍රීඩා වැඩසටහන පාදක කරගනිමින් තමයි මේ චිත්‍රපටය නිෂ්පාදනය වෙලා තියෙන්නේ. චිත්‍රපටය නිළ වශයෙන් නිකුත් වුනේ 2018 මාර්තු මස 16 වෙනිදා. ලාරා ක්‍රොෆ්ට් චරිතය සඳහා රංගනයෙන් දායක වෙන්නේ Tulip Fever (2017), The Light Between Oceans (2016), Jason Bourne (2016), The Man from U.N.C.L.E. (2015), Ex Machina (2015) වැනි විශිෂ්ඨ සිනමා නිර්මාණ රැසක් සඳහා රංගනයෙන් දායක වූ, 29 හැවිරිදි සුරූපී Alicia Vikander විසිනි.

සියුමැලි තරුණියක් රළු චරිතයක් දක්වා පරිවර්තනය කිරීම.

කාන්තාවක් කිව්වම අපිට නම් එක සැරේටම සිහිවෙන්නේ බොහොම සියුමැලි චරිතයක් විදියටයි. ඒත්, ඉහත විස්තර ටික කියවගෙන ආවා නම් දැනටම දැනුවත් ඇති මේ ලාරා ක්‍රොෆ්ට් කියන්නේ මොනවගේ රළු චරිතයක්ද කියලා. ඉතිං, Alicia Vikander වගේ බොහොම කෙට්ටු, සියුමැලි තරුණියක් එක සැරේම කොහොමද මේ ලාරා ක්‍රොෆ්ට් වගේ රළු චරිතයක් සඳහා පණ පොවන්නේ? ලෝ ප්‍රකට Vogue සඟරාවේ මාර්තු මස කලාපයේ මුල් පිටුව සිය රූපයෙන් සරසවමින් Alicia Vikander මෙන්න මෙහෙම ප්‍රකාශ කරලා තිබුණා.

ලාරා ක්‍රොෆ්ට් බවට පත්වෙන්න කෙටි ක්‍රම නැහැ!

මෙම Tomb Raider චිත්‍රපටය වෙනුවෙන් ලාරා ක්‍රොෆ්ට් චරිතය සඳහා අනුගත වීම සඳහා ඇය සිය පුහුණුවීම් ආරම්භ කරන ලද්දේ චිත්‍රපටයේ නිෂ්පාදන කටයුතු ආරම්භ වීමට මාස හතකට පෙර සිටයි. ඇයගේ පෞද්ගලික පුහුණුකරුවා වන්නේ, Magnus Lygdback. විශේෂත්වය තමයි, මේ Magnus Lygdback තමයි වොන්ඩර් වුමන් චරිතය තුලින් ඉමහත් ප්‍රසිද්ධියට පත් Gal Gadot සහ සුප්‍රකට ගායිකාවක වන Katy Perry ගේ පෞද්ගලික කායවර්ධන පුහුණුකරුවා වන්නේ.

චිත්‍රපටය වෙනුවෙන් ජීවිතයේ ප්‍රථම වතාවට ඇයට සිදුවුණා අවි ආයුධ හැසිරවීම, සටන් කලාව (මික්ස් මාර්ෂල් ආට්ස්), ධාවනය සහ කඳු තරණය යන ක්ෂේත්‍රයන්හි පුහුණුවීම් වල යෙදීමට. ඒ වගේම, ශරීරයේ හැඩය පවත්වාගෙන යෑම සඳහා බැලේ නර්තන ශිල්පය හැදෑරීමට සිදුවී තිබෙනවා. එමෙන්ම, ශරීර ශක්තිය වර්ධනය කරගැනීමටද සිදුවුණා. ඒ වගේම, ඇයගේ ආහාර රටාවේ විශාල වෙනසක් සිදුකරමින් ඇයට සිදුවුණා දිනකට ආහාර වේල් 5ක් ලබාගැනීමට. (ප්‍රෝටීන් ආහාර ලෙස වැඩි වශයෙන් බිත්තර, මාළු සහ මුහුදු ආහාර, MCT ඔයිල්, අලිගැටපේර, මේදය ලබාගැනීම සඳහා පොල් තෙල් සහිත ආහාර, වැඩි වශයෙන් එළවලු වර්ග) චිත්‍රපටයේ රූගත කිරීම් ආරම්භ කිරීමත් සමගම දෛනිකව ඇය පාන්දර 4ට අවදි වී, වෙරල තීරය තුල පූර්ණ ශරීර ව්‍යයාම සැසියන් සහ කේප්ටවුන් හි සාරවත් වනාන්තර තුල පුහුණු සැසියන් සඳහා සහභාගී වී තිබුණා. මීට අමතරව ජිම් එකේ ඇය වෙනමම සිය ශරීරය නඩත්තු කිරීමේ අභ්‍යාස කරගෙන ගොස් තිබෙනවා. මෙම අතිශය දුෂ්කර කැපවීම් සියල්ලෙහි අවසාන ප්‍රතිඵලය කුමක් කියලද හිතන්නේ?

හිතුවොත් මේ ලෝකේ කරන්න බැහැ කියලා දෙයක් නැහැ කියන කියමන සනාථ කරමින්, මාස හතක අතිශය දුෂ්කර කැපකිරීමකින් පසුව Alicia විසින් සිය මාංශ පේශි රාත්තල් 12කින් වැඩි කරගනු ලැබුවා. ඒ වගේම ඇයගේ පෙනුම නිසැකවම ඔබට පුදුමයට පත් කරාවි. ශරීර අභ්‍යාස කරන කෙනෙක් නම් දන්නවා ඇති සික්ස් පැක් එකක් හදාගන්න කොච්චර නම් අමාරුද කියලා. විශ්වාස කරන්න, මේ සියුමැලි තරුණිය මාස හතක් ඇතුලත ස්භාවික ආකාරයට “එයිට් පැක්” එකක් හදාගත්තා. ඒ වගේම, මාර්ෂල් ආට්ස්, ධාවනය, කඳු තරණය, අවි ආයුධ හැසිරවීම යනාදී බොහෝ ක්ෂේත්‍රයන්හි ප්‍රවීණත්වය ලබාගැනීමටද සමත් වුණා. වෙනත් වචන වලින් කියනවා නම් වචනයේ පරිසමාප්ත අර්ථයෙන්ම ලාරා ක්‍රොෆ්ට් බවට පරිවර්තනය වුණා. 

ඒ වගේම, විශේෂයෙන් කියන්න ඕනේ, ලොව සුපතල ක්‍රියාදාම, ඇඩ්වෙන්චර් නළු නිළියන් විසින් එම දර්ශන වලට වෙනත් ආදේශක ශිල්පීන් යොදාගනිද්දී, මේ පොඩි කෙල්ල සම්පූණ චිත්‍රපටය තුලම ක්‍රියාදාම, ඇඩ්වෙන්චර් දර්ශන සඳහා නොබියව ඇය විසින්ම රංගනයෙන් දායක වුනේ, ලාරා ක්‍රොෆ්ට් චරිතය සඳහා සුදුසුම චරිතය ඇය බවට මුළු ලොවටම පසක් කර දෙමිනි. ලාරා ක්‍රොෆ්ට් චරිතය සඳහා සුදුසු වන්නේ ඇන්ජලිනා ජොලී මිස ඇලීෂියා නොවන බවටත්, පෙර චිත්‍රපට ද්විත්වය තුල ඇන්ජලිනා දක්වන ලද රංගන කුසලතාවය අසලකට හෝ ඒමට ඇලීෂියා හට නොහැකි බවටත්, චිත්‍රපටය නිකුත්වීමට පෙරාතුව පුරසාරම් දෙඩු සිනමා විචාරකයින් හට ඇලීෂියා විසින් හොඳවයින් කනේ පාරක් ගසන්නේ, චිත්‍රපටය තුල ලාරා ක්‍රොෆ්ට් චරිතය සඳහා අති විශිෂ්ඨ මට්ටමේ සාධාරණයක් ඉෂ්ඨ කරමින්.  

ඇමරිකානු ඩොලර් මිලියන සියයකට ආසන්න ධනස්කන්ධයක් වියපැහැදම් කරමින් නිෂ්පාදනය කරන ලද මෙම සිනමා සිත්තම, මේ වන විට ඇමරිකානු ඩොලර් මිලියන 269ක බොක්ස් ඔෆිස් ආදායම් වාර්තාවක් සමගින්, 2018 වර්ෂයේ මේ දක්වා වැඩිම ආදායමක් ලැබූ චිත්‍රපට නාමාවලියේ 10 වෙනි ස්ථානය සිය නමට වෙන්කර ගැනීමට සමත් වෙද්දී, IMDB දර්ශකය තුල 6.8ක අගයක්ද, Rotten Tomatoes හි 49% මනාප ප්‍රතිශතයක්ද, ගූගල් පරිශීලකයින්ගේ 88% ක මනාප ප්‍රතිශතයක්ද ලබාගැනීමට සමත්කම් දක්වලා තියෙනවා. Action, Adventure, Fantasy යන කාණ්ඩ නියෝජනය කරමින්, 2018 වර්ෂයේ මාර්තු මස 16 වැනි දින නිළ වශයෙන් තිරගතවීම ආරම්භ කරන ලද මෙම සලරුව අධ්‍යක්ෂණය කරනු ලබන්නේ, Cold Prey (2006), The Wave (2015) වැනි චිත්‍රපට අධ්‍යක්ෂණය කරන ලද Roar Uthaug විසිනි. ඉදිරියේ නිකුත් වීමට නියමිත Ant-Man and the Wasp (2018) සහ Maze Runner: The Death Cure (2018), G.I. Joe: Retaliation (2013), Lincoln (2012), Cowboys & Aliens (2011), Predators (2010) වැනි විශිෂ්ඨ සිනමාපට රාශියකින් සහ Six රූපවාහිණි කතා මාළාව තුලින් ජනප්‍රියත්වයට පත් Walton Goggins, Geostorm (2017), Warcraft: The Beginning (2016), Chinese Zodiac (2012) වැනි චිත්‍රපට තුල රංගනයෙන් දායක වූ Daniel Wu සහ, The Square (2017), Pride (2014), John Carter (2012), The Awakening (2011), Johnny English Reborn (2011), Punisher: War Zone (2008), Hannibal Rising (2007), 300 (2006) ආදී සිනමා නිර්මාණ තුලින් ඔබ හමුවට පැමිණි Dominic West යනාදීන් මෙම සලරුව තුල සෙසු ප්‍රධාන චරිත සඳහා රංගනයෙන් දායක වෙනු ලබනවා.

ඒ වගේම, විශේෂයෙන්ම කියන්න ඕනේ මේ තමයි රීබූට් සීරීස් එකක ආරම්භය. මොකද, Tomb Raider කියන්නේ පැය දෙකක චිත්‍රපටයක් තුලින් පෙන්නලා ඉවර කරන්න පුළුවන් ජාතියේ කතාවක් නෙමෙයි. මේ ලබාගෙන තියෙන්නේ ආරම්භයක් විතරයි. චිත්‍රපටය ආවසානයේ තමයි නියම ලාරා ක්‍රොෆ්ට් කරළියට පැමිණෙන්නේ. අවසානයේ තමයි ඇය දැනගන්නේ, ඇයට කොච්චර නම් බලයක්, ශක්තියක් තියෙනවද කියලා. කොච්චර දේවල් කරන්න පුළුවන්ද කියලා. ඒ වගේම, චිත්‍රපටය අවසානයේ පොඩි ඉඟියක් දෙනවා, මේක මෙතනින් ඉවරයක් වෙන්නේ නැහැ, තව හොඳ හොඳ සෙල්ලම් ඉස්සරහට තියෙන්නේ කියලා. ඒ නිසා, ප්‍රේක්ෂක ඔබ සූදානම් වෙලා ඉන්න, ඊළඟ චිත්‍රපට කීපයේදී ඔබට බලාගැනීමට හැකියාව ලැබේවි, ජීවිතේට අමතක නොවන අන්දමේ අති දැවැන්ත Action/Adventure චිත්‍රපට පෙළක්.

මං හිතන්නේ, චිත්‍රපටය නරඹන්න කියලා අමුතුවෙන් මතක් කරන්න දෙයක් නැතිවේවි. මොකද, Tomb Raider කියන නාමය බහුතරයක් අපිට ඒ තරමටම හුරු පුරුදු නාමයක් බවට පත්වෙලා හමාරයි. එහෙනම්, නැවත අලුත් සිනමා නිර්මාණයකින් හමුවෙමු. ජය!

I’m a survivor 
I’m not gon’ give up 
I’m not gon’ stop 
I’m gon’ work harder
I’m a survivor
I’m gonna make it 
I will survive 
Keep on survivin’ 

ප. ලි. – මේ උපසිරැසි ලබාදෙන්නේ HD-TC පිටපතකට. චිත්‍රපටය නිකුත් වෙච්ච දවසේ ඉඳලම එක එක විදියේ පිටපත් නම් නිකුත් වුණා. හැබැයි, එක්කෝ ඒ පිටපත් නැරඹීමට තරම් ගුණාත්මක තත්වයක තිබුනේ නැහැ. එහෙමත් නැත්නම්, තැනින් තැන සමහර කොටස් අඩු වෙලා තිබුණා. ඔන්න අද උදේ පාන්දර (අප්‍රේල් 21) තමයි මේ අඩුපාඩු මගහැරගෙන පළවෙනි හොඳ පිටපත අන්තර්ජාලයට නිකුත් වුණේ. ඒත්, විශේෂයෙන්ම කියන්න ඕනේ, මේක ගෙනාවේ හදිසිම අයට විතරයි. තව දුරටත් ඉවසගෙන ඉන්න අමාරුම අයට කිසි ප්‍රශ්නයක් නැතුව මේක බලන්න පුළුවන්. 1, 2, 3, 4, 5 මේ ස්ක්‍රීන්ෂොට් වලින් බලාගන්න පුළුවන් උපසිරැසිය දීලා තියෙන වීඩියෝ පිටපතේ ගුණාත්මක භාවය පිළිබඳව. නැවත වතාවක් කියනවා, මේක හදිසිම අයට විතරයි. හොඳ පිටපත් නිකුත් වෙන පිළිවෙලට සුපුරුදු පරිදි උපසිරැසිය යාවත්කාලීන කරලා ලැබේවි. ඒ වගේම, විශේෂයෙන්ම මතක තියාගන්න, “රස හඳුනන්නෝ… BR ම නරඹන්නෝ” කියලා. 😀

 

 

 

Due to copyright issues, we do not provide any torrent links.

ලබා දී ඇති උපසිරසිය BR පිටපත් සඳහා යාවත්කාලීන කරන ලදි.

මේ ලබා දී ඇති සිංහල උපසිරැසි පිළිබද “සිසිල ප්‍රසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2015-01-24
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Leave a Reply

402 comments

  1. Ravindra Ranaweera

    ජයවේවා සහෝ… ඔබගේ 100 වන නිර්මාණයට මාගේ උණුසුම් සුබ පැතුම්.

  2. 100ta suba pathum.sub ekatayi lipiyatayi thanks..

  3. sub akata thanks saho

  4. Udayangasunanda

    Welldone yaalu

  5. Pradeepmadusanka913

    Thanx jaya wewaaaaa…

  6. THANKS !!!!!!!!!!!!!!

  7. Subtitle ekta gdak sthuuthi..

  8. good job bro. Congrats……..

  9. Sub ekta thanks

  10. madushangamage

    elama bro

  11. Thanks bro…..!!

  12. thanks fro sub

  13. Gayan_madushanka_

    Congratulations and thanks bro

  14. යුරාන් ධනුක

    බොහොම ස්තූති සහෝ

  15. ChanakaSandaruwanKumarasiri

    Tnx mco , elm sub ekt godaak tnx !

  16. උපසිරැසියට බොහොම ස්තුතියි.

  17. Subata Thanks machn…!!!

  18. Hiran Senanayaka

    කතාවනම් ඇත්ත අයියේ… මොනා කරන්නද ඉතින්… මුංව මරන්න යැ…. සබ් එකටනම් බොහොම ස්තූතියි.. දැන් දෙයියනේ කියලා ෆිලුම බලන්න පුළුවන්… ජයෙන් ජය සහෝ…

  19. thank you for the subtitle…. ජය වේවා…..!!!

  20. සුබපැතුම් අය්යේ.මේ ගහන ගේම් එක ඇස් වලට දැක්කම තමයි හිතෙන්නෙ මොන තරම් කැපවීමක්ද කියලා.ඇත්තටම මිනිස්සු වෙනුවෙන් මෙහෙම දෙයක් කරල සතුටුවෙන් මිනිස්සු ඉතිරිවෙලා ඉන්න එකත් මොන තරම් දෙයක්ද.සමහරු හිතයි මේක සාක්කු පුරවගන්න කරන වැඩක් කියලා.ලගින්ම ආස්‍රය කරනාය තමයි දන්නෙ මේක කරන්නේ ඒ ලැබෙන අවංක සතුට හන්ද කියලා.දැන හෝ ණොදැන හැමෝම ඔය කරන කැපකිරීමෙන් සතුටක් විදින් ඇති.ආඩම්බරයි අදුරගන්න ලැබුනට දැකපු නිහතමානිම සුපිරි කොල්ලෙක්.සුබ්පැතුම්.බුදුසරණයි..!

  21. දමිත් රත්නායක

    සිංහල උපසිරැසියට බොහොම ස්තුතියි සහෝ.
    ඒ වගේම සුපිරි ලිපියට වගේම කඩඉමටත් මගේ සුබ පැතුම්.
    ජයෙන් ජය.

  22. Thank you verry much bro

  23. පට්ට ලිපියක් නේ! ස්තුතියි මචං!

  24. Shashmithakausith

    all the best broh . For 100 sub. Great work. Baiscope ekta ghnna web site ekak na me lankaawe. Kalaguna danne nathi gon hrkta supirima lipiyak. Tnx very much sahodaraya sub ekta.

  25. උණුසුම් සුබපැතුම් සහෝ …! උපසිරැසියට බොහොම ස්තුතියි .

  26. Uditha Dissanayake

    Thanks for the sub and congratulations for your 100th…

  27. 100ට උණුසුම් සුබපැතුම්

  28. බොහෝම ස්තූතියි සහෝ ……..

  29. ප්‍රණීත් චින්තක

    සබට වඩා ලිපිය ලියන්න හෙන ගේමක් දීලා. සමාවෙන්න ඕනේ සිසිලයියේ කමෙන්ට් එකක් දාලා සුබ පතන්න ප්‍රමාද වුනු එකට. ඇත්තටම මේ කාලේ සබ් එකක් කරලා මේල් කරලා පැත්තකට වෙලා ඉන්න නිසා තමයි මේ ගොඩක් අයට සුබපතන එකත් අතෑරුනේ. ඉතිං කොහොම වුනත් ප්‍රමාද වෙලා හරි සුබපැතුම් එකතු කරන්න තමයි මේ සූදානම. 100ට උණුසුම් සුබපැතුම්. ගේම් එකට වඩා නම් කතාව ගොඩක් වෙනස් කියලා කියන්න වෙනවා. ඇත්තටම ලිපිය කියවලා පුංචි කාලේ ඉදන් ගහපු ගේම් එකක, චරිතේ ගැන ගොඩක් දේවල් ඉගෙනගත්තා. ඒ වගේම සුපිරි ෆිල්ම් එකකින්ම 100 ගහලා තියෙනවා ආයේ ජීවිතේට අමතක නොවෙන්නම. වෙබ් අඩවිය කලමණාකරණය කරන වැඩකිඩ අතරේ තව තවත් උපසිරැසි කරන්න හැකියාව ලැබෙන්න කියලා ප්‍රාර්ථනා කරනවා.

    ආයු- බෝ- වේවා !!!

  30. Chanaka Herath

    ela thanks kolla, jaya wewa

  31. Patta bro. Thank you so much

  32. Ko me subtitles weda krne nene. Plz udaw krna

  33. Bohoma Sthoothiyi Sahodaraya…..
    100 weni Upasirasiyata subhapathum !!!

  34. Hashan M. Priyadarshana

    Thank you bro..

  35. thanks bro

  36. බොහොම ස්තූතියි සිංහල උපසිරැසියට

  37. thanxxxxxxxxxx

  38. Sub ekata thanks mchn…… supiri film ekak…

  39. Pradeep Pasqual

    Thanks for the SUB..!

  40. thanks saho

  41. thanks bro

  42. me upasirasiyatath bohoma sthuthi. supiri film ekak wage

  43. pastama film ekak sub ekata sthuthiy

  44. Thanks saho sub ekta..

  45. 100වන උපසිරැසියට සුභ පැතුම්!ජය!

  46. me film eka downlode karanna link ekk denna puluwan da

  47. tnx machooo

  48. congratulations bro!
    thanks for sub & keep it up!

  49. Malik_nadeeshan

    Thanks saho sub ekta..

  50. Ela sub ekata

  51. DilshanChinthaka

    Great Great macho keep it UP

  52. තෑන්ක් යූ මචන් ✋
    සුබ පැතුම්
    දිගටම සබ් කරමු

  53. තරිඳු කටුවාවල

    100 ‌‌‌වෙනි උපසිරැසියට සුභ පැතුම්

  54. කෞශල්‍ය දුෂ්‍යාන්

    ඔන්න සිසිල ලොක්කා අද තමයි බාගන්නේ. ශතකයට උණුසුම් සුභ පැතුම්.ඉක්මනට 150ත් ගහමු.සදා ජය.උපසිරසට බොහොම තුති.

  55. Thanks bro sub ekata lokuma udawwak … suba ජය..!

  56. sub ekta ස්තුතියි

  57. Sub එකට තුති..මට හරියට post එක කියවන්න බෑරි උනා න්මුත් sub හොරකන් කරන සත්තුන්ගෙ න්ම් ටිකත් කිව්වන්ම් ලොකු දෙයක්.අපිනම් sub එකක් ඔන ඔනම film එකෙ නම ගහල අගට baiscope කියල ගහන නිස හරි තනටම එනව.අනිත් ඩන්න කට්ටියන්නත් කියන්න උන්ගෙ නම් එවන්න.මොන උනත් sub ඉක්මනටම ගන්න පුලුවන් baiscope එකෙන් තම එක දෙකක් නෑ…ඔය ඒක බල්ලොන්ගෙ වෑඩ වලට සෑලෙන්න එපා….තරහට ඔක්කොම කිවුව ty කරන්නත් බෙරි උන.ty මචො……

  58. ammo diga kiyaewenm na thnq zub ekta

  59. Thanks for sub

  60. Tnx macho
    Patta vistharak thiyenawa. Seratama tnx
    Good luck

  61. උපසිරැසි ගැන්වූවාට බ‌ොහ‌ොම ස්තූතියි! 100 ‌‌‌වෙනි උපසිරැසියට සුභ පැතුම්! ජය!

  62. congradzz saho..

  63. ThusharaIndunilRathnayaka

    thanks bro….!

  64. thanx bokka

  65. Sandaru Awishka

    ඉදලා ඉදලා සබ් එකක් ඩව්න්ලොඩ් කරන්න ආවා page not found

    PUFF….

  66. Thanks For Sub : )

  67. suppa tanks bro for substiles

  68. Lahiru Lakshan

    thanks machn…..

  69. sisila prasad umbath tawa supiri waddek
    sub 100k dena eka lesi na..patta bro
    umbalage set eka gana patta adambarai…. koi eka sub aran wena site wala dammath api dannawa ban ewa biscope eken ussapuwa kiyala…eka nisa tamai laksha ganak kollo kello umbalath ekka inne jaya wewa! bro…
    Best of luck

  70. Godaaaaaaaaaaaaaaaaaaaaaaaaak thanks sub ekata mama asawen balan hitye BR enakam iwasillak nathuwa hitiye unu unuwema sub eka laba dunnata godaaaaaaaaaaak pin
    jaya wewa

  71. Sampathwijesingha

    Tnx bro

  72. thiwanka anuhas

    thanks bro sub eakata digatama sub denna leabewa

  73. බොහොම ස්තූතියි සිංහල උපසිරැසියට

  74. බොහොම ස්තූතියි සිංහල උපසිරැසියට…………….ජය වේවා………..!!!!!!!!!!!!!

  75. chathuradinesh

    THnx bro

  76. Prabodsandaruwan

    Sub wada na bn mokada danna

  77. luvimalfernando

    thank you

  78. Yohan_Darshana

    උපසිරැසියට ස්තූතියි…

  79. Anushkha udara

    Ai me subtitle ganna bari NOT RESPONDED 🙁 kiyala watnne ai????

  80. නියමයි.100 උපසිරැසියට සුබපැතුම් සහෝ
    බොහොම ස්තූතියි.ජය වේවා!

  81. e mchn down load dammama not found kiyala enawane

  82. Thanx for sub..

  83. ishara24937026

    godak watina wedak.. meva hemotama karnna bari veda

  84. me karqna sewayata sehena isthuthi idiriyath karagena a shakthya lebewa

  85. patta bro thanks aaa mama sub enakan balan inna patta sub dena ayagen ekkenek all the best

  86. sanduniweerarathne

    Patta wadan bro. Nice work Thanks mka dunnata. Rasa hadunanno bluray balanno

  87. 100 වෙනි කඩඉමට ඔන්න මගෙනුත් සුභපැතුම් සිසිල සහෝ!!
    බොහොම ස්තූතියි සිංහල උපසිරැසියටත්.

  88. Haashan Dhanushka

    thnxxxxxxxxx

  89. lushan...thusi

    lipiya supiry bro digatama karagrna yamu sub ekata thanx

  90. Chathuranga Udayakantha

    Tawa tawa sub danna bro aluth awage.thanks …….

  91. hamme br eka enakam hitiya bohoma sthuthi sahooo

  92. chandimal helapita

    thanks macho

  93. thank u so much

  94. බොහොම ස්තූතියි

  95. br update kalata thanks..

  96. 100ta suba pathum supiri wadak digatama karagena yanna

  97. 100 වෙනි කඩඉමට ඔන්න මගෙනුත් උණුසුම් සුභපැතුම්
    BR update එක එන ගමන්මයි බලන් හිටියෙ

  98. උපසිරැසිකරණයේ විශිෂ්ටයෙක් මේකට උපසිරැසි කරල තියෙනව දැක්කම ඉතාම සතුටුයි.අපි චිත්‍රපට නරඹනව ඒත් උපසිරැසි නිර්මාණය කිරීම කොතරම් අපහසු ක්‍රියාවක් වුවද සියලුම විස්තර සහිතව සිංහලෙන් කිව්වොත් “වටේ ම දේවල් කියල දෙන” මං දැකපු සුපිරිම නිර්මාණකරුවෙක් තමයි සිසිල ප්‍රසාද්..ජය වේවා සහෝ.තවත් උපසිරැසි කරන්න ශක්තිය ලැබෙන්න ඕන.
    Play station game එකක් 2006 දි play කළා මතකයි tomb raider ඒකට පස්සෙ ජොලී ගෙ film දෙක බැලුව මතකයි.අලුත්ම අත්දැකීමක් වෙයි මේක.නැවතත් ස්තුතියි සහෝදරය නොදන්න කරුණු ගොඩක් මේ ලිපියෙ තියනව.

  99. tharinda perera

    ela, thanks subekta

  100. ස්තූතියි සහෝ…!!!

  101. Thamk youu

  102. Thilesh De Silva

    Thank you for the subtitle

  103. Sub akata thanks bro

  104. thanks macho

  105. Kavinda Buddhika

    බොහෝම ස්තූතියි උපසිරැසියට සිසිල අයියේ… සියයට උණුසුම් සුභපැතුම්…

  106. sub ekata sthuthi obalata jaya

  107. Bhathiyawijesundara

    Thankssss…..macho sub ekata .jaya wewa ….!

  108. Cypher_Paradox

    බොහොම ස්තූතියි සහෝ!! BR update එක එන ගමන්මයි බලන් හිටියෙ….එලම..ජය වේවා!!

  109. sub ekata thanx bokka

  110. thnks buddy..awesome work..hard work..thanks

  111. niyamai BR eka apu gamanma wage update eka dala

  112. thank u bro.. great work.

  113. elamai…………….

  114. vishwanathmadhushanka

    Thanx brooo

  115. Thanks Bro

  116. බ්ලූ රේ එනකම් ම බලාගෙන හිටියා.උපසිරැසියට ගොඩක් ස්තූතියි ඒ වගේම සියවෙනි කඩයිම පසුකිරීම ගැන උණුසුම් සුබ පැතුම්..2004දි පෙන්ටියම් 2 මැෂින් එකකින් Tomb Raider(1996) ගේම් එක ගහපු දවසෙ ඉඳන් අද වෙනකම්,අද වෙනකම් විතරක් නෙවෙයි හැමදාමත් මගේ හිතේ නොවෙනස්ව ඉන්න ‘මගේ නිල නොලත් crush එක’ Lara Croft..මේ සටහන ලියන වෙලාවෙත් Rise Of The Tomb Raider(2015) දෙවෙනි පාරටත් Tomb Raider Anniversary(2006) හතරවෙනි පාරටත් play කරන ගමන් ඉන්නේ..ඒ වගේම Alicia Vikander මගේ ආසම නිළිය..මගේ ආසම නිළිය මගේ එදා මෙදා තුර හිතේ ඉන්න එකම Crush එක වෙලා..ඉතින් නොබල කොහොමද…ඔන්න බානවා..ආයෙමත් සැරයක් සබට ස්තූතියි..

  117. Jaya wewa…..

  118. Nandana_kumara

    Supiritu

  119. බොහොම ස්තූතියි සහෝ උපසිරසට
    web කොපිය බෑව විතරයි 😐 br ඇවිත් 🙂 දැන් ඉතින් මොනව කරන්නද

  120. ගොඩාක් ස්තුතියි සහෝ සබ් එකට.ජයවේවා…….

  121. BR එක එනකන්ම බලන් හිටියා. ඔබ සැමටම ජය වේවා තමන්ගේ මහන්සිය කාලය කැප කරමින් කරන්නා වූ මෙම සේවයට!
    බොහෝමත්ම ස්තූතියි BLURAY update කලාට හැකිනම් baiscope එකේ මිට කලින් දුන්න ෆිල්ම් වලට බ්ලූ රේ අප්ලොර්ඩ් කරලා සිංහල සබ් දෙන්න පුළුවන්නම් ගොඩාක් වටිනවා .
    හැරි පෝටර් සහ ලෝඩ් ඔෆ් රිංග්ස් එකේ සමහර ෆිල්ම් වලට BLURAY update දීලා නැහැ ඒ ෆිල්ම් ටිකටත් BLURAY අප්ලොර්ඩ් කරලා සිංහල සබ් දෙන්න පුළුවන්නම් ගොඩාක් වටිනවා .
    දිගටම කරගෙන යමු…
    සුපිරියි සුභපැතුම්..
    සබ් එක දුන්නට ගොඩක් ස්තුතියි..
    ජයවේවා ඉදිරියටම යමු ජයවේවා…!
    තව තවත් සබ් ලබාදෙන්න ශක්තිය, ධෛර්යය ලැබේවා…
    සුබපැතුම්

  122. තැන්ක්ස් සහෝ…….

  123. Zip file eka open krnna bane. Error ekk enawa. 124kb file ekk tiyenne

  124. 100 weni upasiresi nirmanayata suba pethum sisila saho! idiriyatath gunathmaka upasiresi nirmanaya kirimata awashya hekiyawa,shakthiya,dhairyaya ha wasanawa lebewa! upasiresiyata thuthi.jaya!

  125. Hashan Wijesinghe

    thanks and congrats brother.

  126. dimuthu lakmal

    patta machan thanks..kiyanna wachana naha ban..ubala nisai hithe sanasemata film ekak balle ban sirama..
    thanks…jayen jayama wenna oni…

  127. Avindu Umesh Gunasinghe

    Suba pathum!!
    Sun ekatah thanks bro!!!

  128. mihiranga kuruwita

    thanks saho…….

  129. Thanks…..

  130. Saranga J. Liyanagama

    උපසිරැසියට බොහෝම ස්තුතියි සහෝ,

  131. sayuru_tharanga

    Mulinma 100 weni kadaimata hadawathinma suba pthannam bro…..digin digatama me wage supiri wada thawa thawath supiriyatama karanna labenna kiyala praththana karanawa sahoo….api wage film una haduna ayata sinhalen beheth karana dostharala oyala thamai…api hamoma beheth ganna ena ispirithale baiscope sinhalen site eka thamai ithin godak isthuthii padi nathuwama apita beheth karanawata suba pathum hadawathinma saho………….bs

  132. Thankzzzzzzzz

  133. Thanks bro
    GOOD LUCK

  134. 100 වෙනි කඩඉමට ඔන්න මගෙනුත් උණුසුම් සුභපැතුම් සිසිල සහෝ!!
    එ්වගේම බොහොම ස්තූතියි සිංහල උපසිරැසියටත්. 🙂
    උඩින් ලියල තියෙන ලිපියෙ දිග දැක්කම සහ ඒකට අවශ්‍ය තොරතුරු හොයන්නයි ලියන්නයි ගියාම වෙන මහන්සියයි. හම්මේ ඉතින්.. 😛
    සිසිල සහෝ වැඩක් කරන්න පටන් ගත්තොත් ඉතින් අපි දන්නවනේ, ඒකට හොඳම සාක්ෂිය තමයි ඔය තියෙන්නේ. 😀
    ජයවේවා!

    ප.ලි. කවුරු මොනව කිව්වත් ගනන් ගන්න එපා සහෝ. 😉 මෙහෙම කිව්වේ පහල තිබුණු ඔයාගෙම comment එකක් අහම්බෙන් දැක්ක නිසා.

  135. chinthaka_priyadrshana

    Cogratz bro…….Go ahead…………

  136. prageeth chamalka

    සබ් එකට තැන්කිවු මචන්….Great work , good luck
    ╔══╗
    ╚╗╔╝
    ╔╝(¯`v´¯)
    ╚══`.¸.[Baiscope Sinhalen]

  137. සුභ පැතුම් !!!
    thank for sub bro

  138. Thank you sub ekata. WebRip eka awilla puluwannam ekata update karanna. yts.am eke

  139. සුභ පැතුම් !!!
    ඉසසරහටත් මේ විදියටම සාර්ථකව දිගු ගමනක් යන්න ලැබෙන්න කියලා හදවතින්ම ප්‍රර්ථනා කරනවා. ජයම වේවා !!!

  140. Thanks for the subtitles.

  141. Nalindaranasinghe

    බොහොම ස්තුතියි

  142. thankz brother.. hoda copy ekak enakan balan hitiye.. 100 wana kadaimata suba patanawa

  143. හොද කොපියක් එනකම් බැලුවේ නැ. මේක මගේ ආසම ගේම් එක. ස්තුතියි සබට.

  144. Supundilshan22215

    thanx bro

  145. Machan sub eka down karanna dunnama page not found kiyanawa

  146. Thanks brother sub ekata….

  147. web rip ekata ikmanata sub dunnata thanks

  148. Surangaariyapala

    සුපිරි bokka

  149. suba eka banna bane page not found wenawa

  150. tnxx broo. web rip yts ekt sub ek hariyanwada

  151. Nipuna Sandaruwan

    thanks alot for the sub. ammoh a big story. hard to read.
    anyway Good luck…

  152. apa wenuwen wenna u mahansiyata bohoma stuti bro

  153. thank for sub bro…………………..

  154. Ahhh.. oya tiyenneee.. ela ela.

  155. elama brooooo thanx web ekata ikmanata update kalata

  156. subapathum 100 weni sub ekata

  157. adarei hode ammata siri wenna thanks sub ekata

  158. වෙබ් පිටපතට උපසිරැසිය යාවත්කාලීන කිරීමට ස්තූතියි සහෝ
    ජය

  159. උපසිරැසියට බොහෝම ස්තුතියි සහෝ,

  160. THanks for your fast service

  161. ගොඩක් ස්තුතියි සහෝ…Web හරි bluray හරි දෙනකන් බලන් හිටියේ මචෝ…දෙවි පිහිටයි…දිගටම උපසිරැසි දෙන්න බලන්න…

  162. Supunchinthaka

    WEB , Br awooo ..

  163. BR awilla nm diynkoo bn…. 🙁

    • මෙච්චර මහන්සි වෙලා සබ් එක කරපු එකේ BR කොපියක් ආවම සබ් අප්ඩේට් නොකර නොදී හංගගෙන තියාගෙන ඉන්නේ නැහැ. නැති BR එකකට මං මොන ලෝකෙන් සබ් එක දෙන්නද. දෙයක් කියන්න කලින් පොඩ්ඩක් හොයලා බලලා කිව්වා නම් හොඳයි නේද.

      • hammeee itin okta ochra mala painta onid bn. sry wenta oniii…. 🙂 mam mashima danta dena gema dnnwa nm uba oma kiyna ekk naa bn.. 🙁

        • lighthouse american

          BR awilla nm diynkoo bn… කියල විතරනෙ කියල තියෙන්නෙ.. ඔච්චර තරහ ගන්න දෙයක් කියල නෑ නේද සිසිල මාත්තයා.. සිසිල් වෙන්නකො ටිකක්

          • Ekani n.. aulak naa itin…

            • Bandaramudiyansi

              සබ් කරන අය ඔහොම හැසිරුණාම කොහොමද පොඩි අය වගේ නෙ .ලොකු දෙයක් කියල නැ නෙ

              • Bandaramudiyansi මහත්තයෝ, සබ් කරන අය මෙහෙම හැසිරිච්ච එකද ඔබතුමාට පේන්නේ? එතකොට සබ් ගන්න සමහර අය හැසිරෙන විදිය ඔබතුමාට පේන්නේ නැද්ද? ඔව්. අපි පොඩි අය වගේ වෙන්න ඇති. පොඩි දෙයක් ඇති හිත රිදෙන්න. ඒ නිසා දැනුම් තේරුම් තියෙන ඔබතුමා වගේ අය පොඩි අය වගේ නොවී වැඩිහිටියෝ විදියට හැසිරුණාම හරිනේ.

                • hri bn hri dn nawaththpllako oka. samen imu. kollonee.. blpn mm ahpu dwsta pahudaama badu awanee.. 🙂

                  • උඩ කමෙන්ට් එක ඔයාට නෙමෙයි දැම්මේ සහෝ. උපසිරැසි කරන අයට බැනලා කමෙන්ට් ඕනේ තරම් මේ සයිට් එකේ වැටිලා ඇති. ඒවා දැක්කම “අපි දැක්කේ නැහැ, අපි දන්නේ නැහැ” බබා පාර්ට් එකේ ඉන්න අය තමයි, සබ් කරන කෙනෙක් මොකක්හරි කිව්වම “ඕවා පොඩි දේවල්නේ. පොඩි ළමයි වගේ හැසිරෙන්නේ මොකද” කියාගෙන එන්නේ. ඒ වගේ අයටයි කිව්වේ. හරියට නිකන් අපි මේක කරන්න ලියවිලා ඉන්න අය කියලා හිතාගෙන ඉන්නේ සමහරු.

      • Bandaramudiyansi

        ලොකු දෙයක් කියල නැ නෙ

  164. 100 වැනි උපසිරැසියට හදවතින්ම සුභපතනවා…………………….!

  165. thanks good work

  166. madhubashana bandara

    ජය වේවා සහෝ,සියවෙනි උපසිරසියට!!!

  167. 100 වැනි උපසිරැසියට හදවතින්ම සුභපතනවා!!!!

  168. Ayye sub eka download karanna bane

  169. supunpriyadarshana

    C7DC2F1468448BC4AC51108B228EAB70856DD9A3
    BR Rip එක ඇවිත් පුලුවන්නම් sub එක දෙන්නකෝ බ්‍රෝ

  170. jaya wewa machan

  171. pubudu_lakshitha

    elaaaaa thanks

  172. Keep it up the good work…

  173. 100 k newe 1000k ka ahakthiya labewa

  174. thaama nadda machn BR. 🙁

  175. me film eke original copy eka downlord kara ganna web site ekak hari torrent link ekak hari danna kenek danna.

  176. කියන්න ඕන ටික එලටම දීල තියෙන ව මචො.100 ට සුබපැතුම් ❤️✌️

  177. Chamod_Sasitha

    පට්ටම ලිපියක් සහෝ. දැනගන්න ඕන ඔක්කොම දේවල් කිව්ව. තැන්ක්ස් ආ