Total Recall (2012) Sinhala Subtitles | ද්විත්ව මානසික ඒජන්තවරයා…[සිංහල උපසිරැසි සමඟ]

ඔන්න යාළුවනේ ඔයාලට තවත් අළුත්ම චිත්‍රපටයක් සිංහල උපසිරැසි අරගෙන ආවා. මෙච්චර කාලෙකට උපසිරැසි දාන්න සෑහෙන්න කට්ටක් කාපු චිත්‍රපටිය තමයි මේක. ඒකට හේතුව තමයි මේකට හරියටම හරි යන උපසිරැසි ගොණුවත් තවමත් නිකුත් වෙලා නැති එක. මුළු චිත්‍රපටියෙම වාක්‍යයක් වාක්‍යයක් ගානේ අහලා තමයි මේකට සබ් දැම්මේ. මේච්චර අමාරුවෙන් සබ් දැම්මේ ඔයාලට චිත්‍රපටියේ රසවින්දනය සහ තේරුම් ගැනීම උපරිමයෙන් ලබා දෙන්න වගේම එහෙම නොදුන්නොත් අපේ හිත් වලටත් හරි නැති නිසයි.. කරන වැඩේ හරියට නොකර ආවට ගියාට බොරු තේරුම් එක්ක සබ් දාලා දෙන්නන් වාලේ දීලා ඔයාලව නොමග යවන්න බයිස්කෝප් අඩවියේ අපි කවුරුවත් කැමති නැහැ. එහෙම බොරු දැම්මනම් මේක අද උදෙන්ම ඔයාලට දෙන්න තිබුනා. ඒත් එහෙම දීලා වැඩක් නෑ කියලා තණකොල නොකන ඕන කෙනෙකුට තේරෙනවනේ..

මේක මේ සතියේ IMDb අඩවියේ හොඳම චිත්‍රපටි අතරින් 35වෙනියට තියෙන චිත්‍රපටියයි. රේටින් 6.3/10ක් ලබාගෙන තියෙන මේ චිත්‍රපටියේ සුපිරි සටන්, සුපිරි තාක්ෂණය, සුපිරි ආයුධ වගේ දේවල් එක්කම සුපිරි වැඩකාරයන් සහ වැඩ කාරියන් තුන් හතර දෙනෙක්මත් ඉන්නවා. පටන් ගත්ත තැන ඉඳලා ක්‍රියාදාම වලින් පිරුනු මේ චිත්‍රපටිය කාලෙකට පස්සෙ ආව නියම චිත්‍රපටියක් බව ඔයාලට බැලුවම තේරේවි. ප්‍රධාන නලුවා වන “ඩග්“ විදිහට රඟපාන්නේ Colin Farrell නැමති පසුපිරි නලුවායි. මොහු Miami Vice (2006) , In Bruges (2008) සහ Alexander (2004) චිත්‍රපටි වල ප්‍රධාන චරිතයට පණ පෙව්වා.

කතාව ගැන කියනවනම්, පෘථිවියේ අනාගතයෙදී ඇති විය හැකි තත්වයක් උපකල්පනයට අරගෙන තමයි මේ චිත්‍රපටිය හදලා තියෙන්නේ. කම්කරුවෙක් විදිහට වැඩ කරන ඩග් කියන අපේ ප්‍රධාන නලුවට හැමදාම එකම විදිහේ හීනයක් පේනවා. මෙයා බැඳපු කෙනෙක්. මෙයාට ලස්සන බිරිඳක් ඉන්නවා. හැමදාම මෙයාට පේන හීනේ එකම තැනකින් පටන් ගෙන එකම තැනකින් ඉවර වෙන එකක්. මේ හීනේ මොකක්ද කියලා දැනගන්න මෙයා “රීකෝල්“ නැමති ස්ථානකට යනවා රසායනික ද්‍රව්‍යයක් මගින් මනස උත්තේජනය කරලා යන්ත්‍රානුසාරයෙන් හීනේ සම්පූර්ණයෙන්ම දකින්න. එතනදි මොහු පොලිසියේ පහර දීමකට ලක් වෙනවා. (හැබැයි ඇත්තටම පහර දීමට ලක් වෙන්නේ පොලිසියයි.) මොහු පොලිස් නිලධාරීන් පිරිසම ඝාතනය කරලා එතනින් පලා යනවා. යන්නෙ ගෙදරට. ගෙදරට ගිහින් බැලුවම මෙයාගෙ බිරිඳත් මෙයාව මරන්නයි හදන්නේ.. වෙන කරන්න දෙයක් නැති පාර මෙයා ගෙදරින් පලා යනවා. බිරිද සහ පොලිසියෙන් මෙයාගෙ පස්සෙන් දිගටම පන්නනවා. මෙයාට පලා යන්න උදව් වෙන්නේ මෙයාගෙ හීනේ හිටිය කෙල්ල. (පුදුමයි නේද)

කතාව බැලුවොත් ඉතින් පුදුම වෙන්න දෙයක් නෑ.. මොකක්ද ඩග් හැමදාම දකින හීනේ? ඇයි පොලිසිය එයාගෙ පස්සෙන් පන්නන්නේ? ඇයි බිරිඳ මෙයාව මරන්න හදන්නේ? කවුද මේ හීනෙ හිටිය කෙල්ල? ඇයි ඒ කෙල්ල මෙයාට පලා යන්න උදව් කරන්නෙ? රීකෝල් කියන්නෙ මොකක්ද ? වගේ ප්‍රශ්ණ සේරටම උත්තර චිත්‍රපටිය බලලා ඔයාලට දැනගන්න පුළුවන්.

Due to copyright issues, we do not provide any torrent link.

මෙම ලබා දී ඇති උපසිරැසි Blu-Ray පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “දිනිඳු සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
BRONZE MEMBER
JOINING DATE – 2012/06/14