Under the Dome [S03 : E07] |උල්කාපාත වර්ෂාව සහ රැජිණ බේරා ගැනීම. [සිංහල උපසිරැසි සමඟ]

කොහොමද යාළුවනේ? ඔන්න අද මේ කතා මාලාවේ 7 වන කොටසට උපසිරැසි අරන් මං ඔයාලව මුණ ගැහෙන්න ආවෙ. ගිය සතියේ 6 වන කොටසින් ගොඩක් දේවල් සිද්ධ උනා මතක ඇති. ජිම් සහ ක්‍රිස්ටීන්ව හිර කරලා විවිධ පර්යේෂණ වලට භාජනය කරනවා. ඒත් ඉතින් ජිම් දන්න වැඩ කෑලි දාලා එතනින් පැන ගන්නවා. ක්‍රිස්ටීන්ව බේර ගන්න එන්නෙ ජූනියර් සහ බාර්බි. බාර්බිව මුණ ගැහුණත් ජූලියාට තමන් දන්න සියළු දේ ගැන ඇත්ත කතාව ඔහුට ඒත්තු ගන්වන්න බැරි වෙනවා. ඇය කියන දේ බාර්බි පිළි ගන්නෙ නෑ. දූපතේ මෙහෙම දේවල් සිද්ධ වෙද්දි නගරයේදි හන්ටර්ව මරන්න හදන ඊවාට පහර දිලා ජෝ සහ නොරී දෙදෙනා ඔහුව බේර ගෙන රැගෙන යනවා. ගියවර කොටසේදි අපි දැක්කා සෑම් ඥාතිත්වය අතහැරලා ක්‍රිස්ටීන්ට පිහියෙන් අනිනවා. ඒ කියන්නෙ දැන් ජෝ, නොරී සහ සෑම් තමයි හොඳ සිහියෙන් ඉන්නෙ. පිහි ඇනුමෙන් අසාධ්‍ය වෙලා ඉන්න ක්‍රිස්ටීන්ව ගුහාව ඇතලට අරන් යන ජූනියර් දකිනවා ඇයව කෝෂයක් තුලට නිර්මාණය වෙන හැටි.

ඉතින් ඔන්න ඔහොම දේවල් ගිය සතියෙ උනාට මේ සතියේ ටිකක් වෙනස් විදියට තමයි කතාව ගලාගෙන යන්නෙ. ඒ කියන්නෙ කතාව පෙන්වන්නෙ එක් එක් ස්ථාන වලදි එක් එක් වෙලාවට සිද්ධ වෙන සිදුවීම් පෙළක් හැටියට. ඒත් කතාවෙ රසයේ කිසි අඩුවක් නැහැ. හිතා ගන්න බැරි දේවල් ගොඩක් සිද්ධ වෙනවා. කතා මාලාවෙ මුල් කොටසේ ඉඳන් සිද්ධ උන දේවල් වල යම් යම් සිදුවීම් අද කතාව තුළින් මතක් කරලා දෙනවා. අද ලොකු විනාසයක් වෙන්න යන්නෙ. ඒ කියන්නෙ ලොකු උල්කාපාත වර්ෂාවක් ඇති වෙනවා. ඒක දැක්කම හිතෙන්නෙ ලෝකයේ අවසානය තමයි කියලා. බාධකයෙන් පිටත එහෙම ලොකු විනාශයක් සිද්ධ වෙන්න යද්දි, බාධකය ඇතුළෙ රැජිණව බේරා ගැනීමට කණ්ඩායම ලොකු වෙහෙසක් දරනවා. රැජිණ කවුද කියලා ඔයාලා දන්නවනේ? එහෙනම් බලන්නකෝ මොකක්ද මේ කියන ලෝක විනාශ කතාව? උල්කාපාත වර්ෂාව? කියලා. කතාව අවසාන වෙනකොට අද තවත් කෙනෙක් ඥාතිත්වය අත්හරිනවා. ඒ වගේම නූල් බෝලෙ පටලැවිල්ල ලිහා ගන්න පොටක් පෑදෙන බවක් පෙන්වනවා.

එහෙනම් අදට මම සමු ගන්නවා. ලබන සතියේ මේ කතා මාලාවේ 8 වනකොටසින් මුණ ගැහෙමු. ඔයාලා හැමෝටම සුභ සතියක්!

මේ ලබා දී ඇති සිංහල උපසිරැසි පිළිබද “ෂෙරින් සමාධි ගිනිගේ” සොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

<< Previous Episode                       All Episodes                        Next Episode>>