Universal Soldier Day of Reckoning (2012) Sinhala Subtitles |ගනුදෙනු බේරීමේ දවස අදයි..[සිංහල උපසිරැසි සමඟ]

ඔන්න යාළුවනේ තවත් අලුත්ම අලුත් චිත්‍රපටියක් සිංහල උපසිරැසි එක්ක ඔයාලගෙ රසවින්ඳනය වෙනුවෙන් මම අරගෙන ආවා.. අද උදේ තමයි මේ චිත්‍රපටියේ හොඳ පිටපතක් නිකුත් උනේ. Universal Soldier චිත්‍රපටි මාලාවේ සිව්වෙනි චිත්‍රපටිය වශයෙන් 2012 වසරේ ඔක්තෝම්බර් මස 4 වෙනිදා නිකුත් උන මේ චිත්‍රපටියේ රංගනයෙන් දායක වෙන්නේ ඔයාලා කවුරුත් දන්න සුපිරි සටන් ශිල්පීන් වන වන Van Damme, Dolph Lundgren සහ Scott Adkins යන අයයි. IMDB රේටින් වල මේ වෙනකොටත් 6.4/10ක් ලබාගෙන තියෙන මේ චිත්‍රපටිය සුපිරි සටන් ජවනිකා වලින් පිරුනු එකක් කියලා අමුතුවෙන් කියන්න ඕන නැහැනේ.

මේ චිත්‍රපටි මාලාවේ පලමුවන චිත්‍රපටිය අපේ බයිස්කෝප් වෙබ් අඩවියෙන් සිංහල උපසිරැසි සමගින් දීලා තියෙනවා.. නොබලපු අයට ඒකත් බාගෙන බලන්න පුළුවන්.. ඒ වගේම දෙවෙනි සහ තුන්වෙනි චිත්‍රපටි දෙකත් හෙට දවස (29) ඇතුලත ඔයාලට දෙනවා කියන පොරොන්දුවත් එක්ක තමයි මේ චිත්‍රපටිය දෙන්නේ. සමහර අය කල්පනා කරාවි දෙවෙනි සහ තුන්වෙනි එක දීලම මේක දුන්නනම් හොඳයි කියලා. ඒත් මේ වගේ උණු උණුවේ නිකුත් උන චිත්‍රපටියක් ඔයාලට ලබා දෙන්න දවසක් හරි පරක්කු වෙනවා කියන්නේ ඒක මීට පෙර චිත්‍රපටි ත්‍රිත්වයම බලලා තියෙන අයට කරන අසාධාරණයක් වෙනවා. ඒ නිසා ඔන්න මේක අදම දෙන්න තීරණය කරා කියලා කවුරුත් අහිතක් එහෙම හිතන්න එපා.

කතාව ගැනත් පොඩ්ඩක් කියන්නම්.. ජෝන් කියන පුද්ගලයගේ බිරිඳ සහ දියණියව අමානුෂික ලෙස ඝාතනය කරන සිද්ධියකින් තමයි කතාව පටන් ගන්නේ. එතනදී ජෝන්ට වදින පහරවල් නිසා ඔහු සිහි නැති තත්වයෙන් රෝහල් ගත වී ඉන්නවා. මාස නවයකට පසුව ඔහුගේ සිහිය ආවත් ඔහුගෙ බිරිඳ සහ දියණිය ඝාතනය කල පුද්ගලයාව නම් ඔහුට අමතක වෙලා නැහැ. එතනට පැමිණ සිටින FBI නිලධාරියෙකු කියන විදිහට නම් ඝාතකයාගේ සලකුණු මුලු නිවස පුරාම තිබිලා තියෙනවා. FBI ආයතනය සැක කරන විදිහට ඝාතකයා වී ඇත්තේ ජෝන්ගේ මතකයේ සිටින පුද්ගලයාමයි. ඉතින් මේ චිත්‍රපටියෙන් පෙන්නන්නේ ජෝන් කොහොමද තමන්ගෙ බිරිඳ සහ දියණිය ඝාතනය කල පුද්ගලයා හොයාගෙන යන්නේ කියලා..

ඇත්තටම ඝාතකයා කවුද? ඇයි මෙහෙම ජෝන්ගෙ පවුලෙ අය ඝාතනය කරන්නේ? ඇයි ජෝන්ව විතරක් ඉතුරු කරන්නේ? FBI ආයතනය මේ සිද්ධියට සම්බන්ධ වෙන්නෙ කොහොමද? මේ චිත්‍රපටියේ නමත් එක්ක මේ සිද්ධීන් සම්බන්ධ වෙන්නෙ කොහොමද? ජෝන් ට ඔහුගෙ අභිප්‍රාය ඉටු කර ගන්න පුළුවන් වේවිද? වගේ දේවල් ඔයාලට මේක බලලම තමයි දැනගන්න වෙන්නේ..

Due to copyright issues, we do not provide any torrent link.

මෙම ලබා දී ඇති උපසිරැසි HDRip පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “දිනිඳු සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
BRONZE MEMBER
JOINING DATE – 2012/06/14