Thursday , November 26 2020
Breaking News

Vanishing Point (1971) Sinhala Subtitles | කවොල්ස්කිගේ අතුරුදන් වීම [සිංහල උපසිරසි සමඟ]

Rating: 8.5/10. From 6 votes.
Please wait...

ආයුබෝවන්… සුබ දවසක් වේවා කියලා ප්‍රාර්ථනා කරනවා ඔයාල හැමෝටම.

ඉතින් ඔන්න මං අදත් පැරණි ක්‍රියාදාම ගණයේ චිත්‍රපටයකට සිංහල සබ් අරන් ආවා. Vanishing Point (1971)

කවොල්ස්කිගේ රැකියාව වාහන ඒජන්සියක වාහන භාරදීමේ රියදුරු රැකියාවයි. කලට වේලාවට නියමිත ස්ථානයට වාහනය ගෙනවිත් භාරදීමේ ඔහුගේ පුරුද්දක්. ඒත් කඩිමුඩියේ මේ වාහනය අරන් කවොල්ස්කි කොහේද යන්නේ. කවොල්ස්කි ඇත්තටම වාහන භාරදීමේ රියදුරෙක්ද.

Vanishing Point යනු 1971 මාර්තු 13 වන දා සිට තිරගතවීම ආරම්භ වුන Richard C. Sarafian අධ්‍යක්ෂනය කල ඇමරිකානු ක්‍රියාදාම චිත්‍රපටයකි. 20th Century Fox සමාගමේ බෙදාහැරීමක් වන මෙම චිත්‍රපටය Cupid Productions ආයතනය වෙනුවෙන් Norman Spencer නිෂ්පාදනය කර ඇත. චිත්‍රපටයේ රූගත කිරීම් 1970 සිදුකිරීමට සැලසුම් කර ඇත්තේ එය දින 60කින් නිම කිරීමටය. නමුත් එකල තිබූ මූල්‍යමය ගැටළු නිසා එය දින 22කින් අඩු කර ඇත. රූගත කිරීම් සඳහා වන දින අඩුවූ නිසා අධ්‍යක්ෂකවරයා රූගත කිරීම් ඉක්මන් නොකොට චිත්‍රපටයේ ඇතැම් කොටස් රූගතකිරීම නවතා ඇත. නමුත් මෙයින් චිත්‍රපටයට හානියක් වී නොමැත.

චිත්‍රපටයේ කැමරා අධ්‍යක්ෂණය කල John A. Alonzo ධාවනය වන කාර් එකේ කැමරා තුනක් සවිකර රූගත කිරීම් කර ඇත. මේ සදහා බරෙන් අඩු Arriflex II කැමරා භාවිතා කර ඇත. තවද මෝටර් රථ වල වේගය වැඩි කර පෙන්වීමට රූගත කිරීම් වලදී කැමරාවේ පටිගතවන වේගය අඩු කිරීමට නිෂ්පාදකයින් කටයුතු කර ඇත. එමගින් චිත්‍රපටයේ රූප රාමු එනම් වාහන වේගයෙන් ගමන් කරයි. චිත්‍රපටයේ රූගත කිරීම් සදහා එකිනෙකට වෙනස් උපාංග සහිත සමාන පෙනුම ඇති කාර් තුනක් භාවිතා කර ඇත. නිෂ්පාදන කණ්ඩායම සඳහන් කරන්නේ රූගත කිරීම් අවසන් වන තුරු එනිජින් කිසිවක් පුපුරා නොගිය බවයි.

මෙම චිත්‍රපටය G. Cabrera Infante විසින් Guillermo Cain යන අන්වර්ථ නාමයෙන් රචනා කර ඇත. සංස්කරණය Stefan Arnsten විසිනි. අධ්‍යක්ෂකවරයා කවොල්ස්කි ලෙස මුලින්ම Gene Hackman යෝජනා කලද නිෂ්පාදන කණ්ඩායම විසින් Barry Newman ව චිත්‍රපටය සඳහා තෝරාගෙන ඇත. ඒ අනුව කවොල්ස්කි ලෙස Barry Newman, සුපර් සෝල් ලෙස Cleavon Little, ජේක් ලෙස Lee Weaver ඇතුළු නළු නිලියන් රැසක් එක්වේ. Vanishing Point, Steven Spielberg ගේ ප්‍රියතම චිත්‍රපටයක් ලෙස නම් කර ඇත. තවද Edgar Wright ගේ ප්‍රියතම චිත්‍රපට දහසෙන් එකක් ලෙස මේ චිත්‍රපටය නම් කර ඇත. ඔහු 2017 නිපදවූ Baby Driver චිත්‍රපටය සඳහා මෙයින් ආශ්වාදයක් ගත් බවද ඔහු සඳහන් කර ඇත.

විනාඩි 98ක ධාවන කාලයකින් යුක්ත මෙම චිත්‍රපටය නිෂ්පාදන වියදම ඇ.ඩොලර් මිලියන 1.58 වන අතර බොක්ස් ඔෆීස් ආදායම ඇ.ඩොලර් මිලියන 12.4 ක් වේ. චිත්‍රපටය සඳහා IMDb අගය 7.2ක් සහ Rotten Tomatoes 79%ක අගයක් ලැබී ඇත. Google පරිශීලිකයින්ගෙන් 90%ක කැමැත්ත මෙම චිත්‍රපටයට ලැබී ඇත.

එහෙනම් අදට මං ගිහින් එන්නම්. ආපහු දවසක මේ වගේම තවත් චිත්‍රපටයකට සිංහල සබ් අරන් එනකන් ඔයාල හැමෝටම නිරෝගිමත් සුබ දවසක් වේවා…

~ ජය වේවා ~

 

 

Due to copyright issues, we do not provide any torrent link.

මෙම ලබා දී ඇති උපසිරැසි BR පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “ රොෂාන් ශමීර ජයසිංහ ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2019-03-30
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Check Also

අෆ්සෝස් [S01 : E07 & E08] Sinhala Subtitles | මට මැරෙන්න දීපල්ලා!! [සිංහල උපසිරසි සමඟ]

ඉන්සයිඩ් එජ්, බ්‍රිත්, මිර්සාපූර්, ෆැමිලි මෑන් අරන් ආපු ඇමසෝන් ප්‍රයිම් වැඩක් සුපිරි බ්ලැක් කොමඩියක් කුතුහලයෙන් …

Leave a Reply

Your email address will not be published.

7 comments

  1. බොහොම ස්තූතියි සිංහල උපසිරැසියට. ජය෴෴ 😛 😛

  2. Tnx mchn sub ekata ,,,ජයවේවා !!

  3. Buddhika Lakmal

    බොහෝම ස්තූතියි උපසිරැසියට…

  4. Thanks for sub!

  5. thanks..

  6. බොහොම ස්තූතියි

  7. සබ් එකට බොහොම ස්තූතියි සහෝ….!

error: Alert: Content is protected !!