Velayudham (2011) | අසාධාරණයට එරෙහිව සිංහයෙකු සේ… [සිංහල උපසිරැසි සමඟ]

හැමෝටම ආයුබෝවන්. මගේ පලවෙනි උපසිරසිය වශයෙන් මෙතෙක් කලක් බයිස්කෝප් අඩවියට අඩුපාඩුවක්ව පැවතුනාවූ සුපිරිම තෙලිගු සළරුවක් දෙන්න කලපනා කළා. චිත්‍රපටය, 2011 වසරේදී තිරගතවූ, වේලායුධම්. මේ සලරුව දැනටමත් වැඩිදෙනෙක් බලලා ඇති. ඒත් තවමත් මේ චිත්‍රපටය නොබලපු බොහෝ පිරිසක් ලංකාව තුල සිටීමත්, දෙතුන් වතාවක් නැරඹුවත් තවත් වතාවක් නැරඹීමට තරම් මෙම සලරුව නිර්මානශීලීත්වයෙන් ඉතා ඉහල මට්ටමක පැවතීමත් යන හේතු නිසාවෙන් මෙම සලරුවට උපසිරසියක් නිර්මාණය කරන්න හිතුවා.

සලරුව පිළිබඳව කියනවානම්, 2011 වසරේ දීවාලී උත්සවයට සමගාමීව ප්‍රදර්ශනය ඇරඹු මෙම චිත්‍රපටය, තිරගතවූ දිනයේ පටන්ම බොක්ස් ඔෆිස් ආදායම් වාර්ථා තබමින් ඉහල ප්‍රේක්ෂක ප්‍රතිචාර දිනාගැනීමට සමත් උනා. මෙයට සමගාමීව තිරගතවීම ඇරඹු 7aam Arivu වැනි සුපිරි ඝනයේ චිත්‍රපට හමුවේ පවා සිය ආදායම් වාර්ථා බිඳකින් වත් අඩුකර නොගත් මෙම සලරුව, විජයග්‍රාහී ප්‍රදර්ශන වාර සියය පසුකලෙ සිය ශුද්ධ ආදායම ඉන්දියානු රුපියල් කෝටි 120 ඉක්මවමිනි.එමෙන්ම එදා මෙදා තුල ඉතිහාසයේ වැඩිම අදායම් හිමිකරගත් තෙලිඟු සලරූ අතරින් මෙයට ප්‍රමුඛ ස්ථානයක් හිමිවෙනවා. එමනිසාවෙන්ම පරිශීලකයන් 7681 දෙනෙකුගේ මනාපයෙන් IMDB මීටරයේ 6.8ක් වැනි ඉහළ ඇගයීමක් ලබාගැනීමටත් මෙම සලරුවට හැකියාව ලැබී තිබෙනවා.

චිත්‍රපටයට ප්‍රධාන රංගන දායකත්වය ලබාදෙන්නේ තෙලිගු සිනමාවේ සුපිරි තරුව විජය(වේලායුධම්) විසිනි. මීට අමතරව Genelia D’Souza,Hansika Motwani, Saranya Mohan,Abhimanyu Singh වැනි තෙලිගු සිනමාවේ දැවැන්ත නලුනිලියන් සමගින්, වර්තමාන තෙලිගු සිනමාවේ විකට රජුන් ලෙස කිරුළු පලන් Santhanam සහ soori සිය රංගන කුසලතාවයෙන් මෙම සලරුව ඔප මට්ටම් කිරීමට සමත්වී තිබෙනවා.

චිත්‍රපටයේ අන්තර්ගතය කෙටියෙන් පැවසුවහොත්, ඉන්දීය අර්ධද්වීපය තුල බෝම්බ පුපුරුවා එහි පාලනය සියතට ගැනීමට මාන බලමින් සිටිනා පාකිස්තානු ත්‍රස්තවාදීයෙක්….., එම ත්‍රස්තවාදීයාගේ අරමුණ ඉෂ්ට කර දී තම මඩිය තරකර ගැනීමට උත්සාහ කරනා දේශපාලකයෙක්……මෙම සියලු දුෂ්ඨ අරමුණු සුනු විසුනු කර දමා යහපත් දේශයක් ගොඩනැගීමේ අරමුණ පෙරදැරිව ඔවුන් හා තනිව සටන් වදිනා අභීත තරුණ මාධ්‍යවේදිනියක්……සාමකාමී පිටිසර ගම්මානයක සිට තම ප්‍රාණ සමවූ එකම නැගණියගේ විවාහ කටයුතු සඳහා චෙන්නායි නුවර බලා පැමිණෙන කෙළිලොල්,නිර්භීත තරුණයෙක්…..ඔහුව රවටා ඔහු සන්තක මුදල් සොරකම් කීරීමට අර අදිනා කපටි හොරෙක්……මොවුන්ගේ ඉරණම් ලියවී ඇත්තේ කෙසේද…..පුරා හෝරා 3කට ආසන්න කාලයක් ආදරය,හාස්‍යය ,ත්‍රාසය,භීතිය අතර දෝලනය වෙමින් අවසන් මොහොතේ ඔබගේ නෙතට කඳුලක් ගෙනදීමට සමත් මෙම සුන්දර සලරුව නැරබීමට, මීට පෙර මෙය බැලූ,නොබැලූ සියලු දෙනාටම ආදරයෙන් ආරාධනා කරනවා.

එමෙන්ම මෙම සලරුවෙහි සිංහල උපසිරැසිය නිර්මාණය කිරීමට අවසරය ලබාදුන් හසන්ත සහෝදරයාටත් විශේෂ ස්තුතියක් පිරිනමනවා. මෙම සලරුවට අදාලව ලබාදී ඇති වීඩියෝ පටය,ප්‍රමාණයෙන් තරමක් විශාල වේ .මෙයට හේතුව වන්නේ අන්තර්ජාලය තුල මෙම සලරුව සඳහා ඉංග්‍රීසි උපසිරසියක් සොයාගැනීමට අපහසු වීමත්, එසේ උපසිරසි ලබාදී ඇති අඩු ධාරිතාවයෙන් යුත් වීඩියෝ පටයන්හි ගුණාත්මක බාවය ඉතා පහල අගයක් ගැනීමත්ය. නමුත් මා විසින් ලබා දී ඇති මෙම වීඩියෝ පටය ප්‍රමාණයෙන් තරමක්  විශාල වුවත් ගුණාත්මක බාවයෙන් ඉතා ඉහල මට්ටමක පවතී.

මෙම පිටපතෙහි seed අගය තරමක් අඩු මට්ටමක පවතින බැවින් ,ඔබ විසින් බාගත කරගත් පසු සෙසු අය සඳහාද කරනා උපකාරයක් සේ සලකා seed කරන මෙන් කාරුණිකව ඉල්ලා සිටිමි.

සියලු දෙනාටම ජයවේවා…..! 

1.17 GB (BR) කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “සිසිල ප්‍රසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.