Friday , September 17 2021
Breaking News

Victoria No. 203 (1972) Sinhala Subtitles | ඉන්දීය හින්දි සිනමාවේ පැරණි ජනප්‍රිය සිනමාපටයක් නැරඹීමට ආරාධනා! [සිංහල උපසිරසි]

Rating: 9.5/10. From 11 votes.
Please wait...

මෙය පැරණි හින්දි සිනමාවේ ජනප්‍රියතම සිනමාපටයකි. IMDb සිනමා දර්ශකයේ 7.1 ක ඉහළ අගය කිරීමක් පවතින, ජනප්‍රිය සුවිශේෂ සිනමා නිර්මාණයකි.

“දුර්ගාදාස්” ධනවත් ව්‍යාපාරිකයෙකි, එසේම ඔහු නීති විරෝධී ජාවාරම් කල්ලියක නායකයාය. ඔහුගේ කල්ලිය ඔහුගේ සැලසුම් ක්‍රියාත්මක කරයි. එවැනි එක් සොරකමක් අතරතුර, කල්ලියේ සාමාජිකයෙක් දියමන්ති රැගෙන පලායාමට සැළසුම් කරන අතර තම හිතවත් තරුණියක් යොදා ඒ හරහා සැලසුම දැනගන්නා දුර්ගාදාස් දියමන්ති පැහැර ගත් පසුව එම සාමාජිකයා මරා දැමීමට තවත් අයෙක් යවයි. දියමන්ති සොරකම් කරන මුල් පුද්ගලයා පලායන විට පිහියකින් දමා ගසා ඔහුව මරා දමන්නට තැත් කළත් ඔහු පිහිපහර කාගෙනම ඉදිරියට දිවයයි. ඉදිරියෙන් ඔහුට හමුවන වික්ටෝරියා 203 රථයේ රියදුරුට කියා තම පිටේ තිබූ පිහිය ගලවා ගනී. පසුව රෝහලේදී ඔහු මියයන අතර වික්ටෝරියා රථයේ රියදුරු මිනීමැරුමට අසුවී සිර දඬුවම් ලබයි. එම සිදුවීම නිසා රියදුරුගේ දියණිය වූ “රේඛා” අසරණ වෙයි. ඇයගේ නිවසද තම පියා ලබා ගෙන තිබූ ණය නිසා අහිමිවීමට යයි. පසුව ඇය පිරිමි වෙස් ගෙන වික්ටෝරියා රථයේ රියදුරු ලෙස කුලී ගමන් යාමෙන් ලබන ආදායමෙන් ජීවත් වෙයි. දුර්ගාස්ගේ පුතා වන “කුමාර්” දින කීපයක් මෙම වික්ටෝරියා රථයේ කුලී ගමන් යයි. මේ නිසා රේඛා හඳුනාගන්නා ඔහු, පිරිමියෙක් යයි සිතා ඇය සමඟ හිතවත්කමක් ගොඩනඟා ගනී. මේ අතර දියමන්ති අහිමි වූ දුර්ගාස් කෝපයට පත්වී ඒවාට සිදුවූයේ කුමක්දැයි සොයයි.

රාජා සහ රානා යනු කීපවාරයක් සිරගත වූ වංචාකරුවන් දෙදෙනෙකි. ඔවුන් මේ අතර සිරෙන් නිදහස් වේ. මහමඟට පැමිණි ඔවුන්ට අතුරුදහන් දියමන්ති පිළිබඳව පුවත පිළිබඳව දැනගන්නට ලැබී “වික්ටෝරියා රථය” සොයා පැමිණේ. එහි දී “රේඛාගේ” පියාගේ සහ මවගේ විදේශ ගතව සිටි සොහොයුරන් ලෙස ඔවුන් වංචාකාරී අයුරින් පෙනී සිටිමින් දියමන්ති තිබේදැයි, වික්ටෝරියා රථය පරීක්ෂාවට ලක් කරයි.

දුර්ගාස්ගේ පුත්‍රයා වන කුමාර්ට රේඛාගේ නිවසේදී රාජා සහ රානා ද මුණගැසෙන අතර, පසුව ඔවුන් දෙදෙනා ගැන සැක පහළ වේ. ඒ වන විට රේඛා තරුණියක් බව ද හෙළිවී තිබිණි, ඒ වගේම රේඛා සමඟ කුමාර් අතර ආදර සම්බන්ධතාවයක්ද ඇති වී තිබිණි. පසුව මුදල අවශ්‍යතාවක් ඇතිවන රාජා සහ රානා විසින් කුමාර්ව පැහැර ගනියි, ඒ රුපියල් ලක්ෂ දහයක කප්පමක් ඉල්ලමින්ය. මෙතැන් සිට මෙම චරිත විවිධ ආකාරයේ ගැටළුවලට මුහුණ දුන් අතර අවසානයේ ඔවුන්ට අතුරුදහන් වූ දියමන්ති හමුවේද? සහිරා භානු, අශෝක් කුමාර් සහ ක්‍රිෂන් ප්‍රධාන චරිත නිරූපණයට දායක වි සිටින, කුතුහලයෙන් පිරි සංවේදී කතා පුවතක් රැගත් හින්දි චිත්‍රපටයකි. මෙය ද ශ්‍රී ලංකාවේ ඉතාමත් ජනප්‍රිය වූ චිත්‍රපටයකි. සුවිශේෂ හින්දි ගීත කීපයක්ම ඇත.

මා විසින් මීට පෙර සිංහල උපසිරසි යෙදූ “බයිස්කෝප් වෙබ් අඩවිය” තුළ ඇති “දෝස්ති”, “ආයි මිලන් කී බේලා”, ඇන් ඊවිනින් ඉන් පැරිස්”, බූට් පොලිෂ්”, “සංගම්”, “සාති” “මෙරා නාම් ජෝකර්”, “අනාරි”, “දේව්දාස්”, “ආහ්”, “දිල් අප්නා ඕර් ප්‍රීත් පරායේ”, “ශ්‍රී 420”, “ද බයිසිකල් තීෆ්”, “ද ක්‍රසන්ඩා ක්‍රොසින්”, හම් හින්දුස්ථානි”, “හම්රාස්”, “සුරාජ්”, “ගීත්” ,”අප්නා දේශ්”,”අර්සු”,”කැරවෑන්”, “අල්බේලා”, “ජන්ග්ලී”, චෝරි චෝරි”, “අන්දාස්”, “ආන්” “ජිස් දේශ් මෙන් ගංගා බේති හේ”, “තෙරේ ගර් කී සාම්නේ”,”ගෝරා ඕර් කාලා” “සෝල්වා සාල්”, ”මිලැප්”, “බ්‍රහ්මචාරී”, “කාෂ්මීර් කී කාලි”, “දුලාරි”, “ප්යාර් කා මෝසම්”, ටී ශ්‍රී මන්සිල්”, “අසාද්”, “තුම්සෙ අච්චා කෝන් හේ”, “බොබී”, “ගවාර්”, “ගුම්රාහ්” “ආනන්ද්”, “දොන්”, “කාලියා”, “ද ග්‍රේට් ගැම්බ්ලර්”, “ෂාහෙන්ශා”, “අමර් අක්බාර් ඇන්ටනි”, “දූල් කා පූල්” යන පැරණි හින්දි චිත්‍රපට දැනට මෙම වෙබ් එක තුළ සිංහල උපසිරසි සහිතව ඇත. මෙම නාමාවලිය මා විසින් දිගටම පළ කරන්නේ මේවා “එකම රුචිකත්වයක් ඇති පිරිසක් විසින් පමණක්” නරඹන බව දන්නා නිසා සහ එම සිනමාපට තෝරා ගැනීමට පහසුවන නිසාත්ය. මෙම සියලුම සිනමාපට එක්තරා යුගයක අතිශය ජනප්‍රිය වුවත් මේවා පසුගිය කාලයේ රුපවාහිනී නාලිකාවක හෝ ඩීවීඩී තැටියක් ලෙස හෝ ඇහැට දකින්නටවත් නොතිබුණි. මාගේ පුද්ගලික රුචිකත්වයත් මෙම කාලයේ සිනමාපට වන අතර, මෙම ජනප්‍රිය පැරණි හින්දි සිනමා සිනමාපට ගොනුව හැකි තරමින් සිංහල උපසිරසි සහිතව ව්‍යාප්ත කිරීම මාගේ උපරිම උත්සාහයයි. මෙය මාගේ “බයිස්කෝප් වෙබ් අඩවිය” හරහා දෙනු ලබන හතළිස් අටවෙනි සිංහල උපසිරසිකරණයයි. අන්තර්ජාලයේ Victoria No. 203 (1985) Full Hindi Movie යනුවෙන් යූ ටියුබ් හි සඳහන්ව ඇති පැය දෙකයි, මිනිත්තු හතලිස් තුනයි, තත්පර දාහතක ධාවන කාලයක් සහිත වීඩියෝව මේ සඳහා හොඳින්ම ගැළපෙන බව ද සලකන්න.

පැරණි හින්දි සිනමාපට ප්‍රිය කරනා ඔයාලා වෙනුවෙන්ම 1950, 1960, සහ 1970 දශකවල සිනමාපට සඳහා පමණක් සිංහල උපසිරසි නිර්මාණය කිරීම පමණයි මා සිදු කරන්නේ. ඒ නිසා ඒවා බලාපොරොත්තුවෙන් නිතරම මේ වෙබ් එක සමඟ බැඳී සිටින ලෙසින්ද ඉල්ලා සිටින්නෙමි. ඒ වගේම මේවා බාගත කරගන්නා ඔයාලාට සරල යුතුකමක් තිබෙනවා. එනම් මේ උපසිරසියක් වෙනුවන් වචන කිහිපයක අදහස් දැක්වීමක් සිදු කිරීම සහ අවශ්‍ය සිනමාපට පිළිබඳව යෝජනා ඉදිරිපත් කිරීමයි. ඒ වගේම එවන් ඉල්ලීම් කරන අයට දන්වා සිටීමට කැමතියි, ලංකාව තුළ වෙනත් අය විසින් ද මෙතෙක් සිංහල උපසිරසි කරනා ලද සියලු පැරණි හින්දි සිනමාපට මා සතුව ඇති බවත් එසේ වෙනත් කෙනෙක් විසින් උපසිරසි කරනා ලද එකක් ඔබ යෝජනා කළහොත් නැවත උපසිරසි නොකරන බවයි. එසේම වර්ෂ 1950 සිට 1975 දක්වා බොහෝ ඒවා මා සතුව තිබෙනවා. ඒවා ලබා ගැනීමට අවශ්‍ය නම් මට කමෙන්ට් එකකින් දන්වන්න. ස්තූතියි!

 

 

 

Due to copyright issues, we do not provide any torrent link.

ගැළපෙන පිටපත බයිස්කෝප් ඩවුන්ලෝඩ්ස් වෙබ් අඩවියෙන් ලබාගන්න.

 width=

මේ ලබා දී ඇති සිංහල උපසිරැසි පිළිබද “විතානගේ ප්‍රියන්ත දයාකීර්ති” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2015-03-31
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Check Also

Prisoners of the Ghostland (2021) Sinhala Subtitles | අඳුරු දේශයක බිහිසුණු සංග්‍රාමය [සිංහල උපසිරසි] [18+]

ආයූබෝවන් යාළුවනේ, ඔන්න එහෙනම් ඉක්මනින්ම අළුතින්ම තිරගත උන තවත් චිත්‍රපටයක් අරගෙන ආවා. Prisoners of the …

Leave a Reply

Your email address will not be published.

18 comments

  1. ෆේස් බුක් එකේ. පැරණි හින්දි සිනමාපට සිංහලෙන් නරඹමු වෙබ් එකට ගොස් මෙයට අදාළ වීඩියොව ඩවුන්ලෝඩ් කරගත හැකිය.

  2. බොහොම ස්තූතියි සිංහල උපසිරැසියට. ජය෴෴ 😛 😛

  3. Buddhika Lakmal

    බොහෝම ස්තූතියි උපසිරැසියට…

  4. සබ් එකට බොහොම ස්තූතියි සහෝ….!

  5. දහරා මුතු අමා

    බොහොම ස්තූතියි උපසිරැසියට.
    මේක නම් හොඳ එකක් වගෙයි
    තව්ත් මේ වගෙ පරන ඒව දෙන්න

  6. මා විසින් සකස් කර ඇති ඉහත උපසිරසිය පිළිබඳවයි,
    දහස් ගණනක් සාමාජිකයින් සිටින “පැරණි හින්දි චිත්‍රපට සංගමය” යනුවෙන් රසික එකමුතුවක් මේ රටේ තිබෙනවා, මම මේ උප සිරසි සකස් කරන්නේ ඒ අය වෙනුවෙන්, ඉතිං මම එයින් කීපයක් වරින් වර මේ වෙබ් එකට දානවා, කැමති කෙනෙකුට පමණක් අවශ්‍ය නම් නරඹන්නට. ස්තුතියි!

  7. … ගොඩක්ම ස්තූතියි. …
    ඔබට සහ ඔබ පවුලේ සැමට
    තෙරුවන් සරණ ලැබේවා..!

  8. රොෂාන් ශමීර

    පරණ හින්දි චිත්‍රපටිනම් ඉතින් ප්‍රියන්ත අයියම තමයි..
    ~ ජය වේවා ~

  9. සුපිරි වැඩක් … පරණ ෆිල්ම් වලට සබ් දෙන්න

  10. kalekin dakke, digatama sub karanna

  11. Supun Kaushalya

    තෑන්ක්ස් මේ වගේ පරණ ෆිල්ම්වලට සබ් කරල ඒවා රසවිඳින්න අවස්ථාවක් දෙනවට

  12. සද්දයක්වත් නැති නිසා අයියට බයිස්කෝප් එක අමතක වෙලාදෝ කියලා බැලුවේ. මේ අවුරුද්දෙත් මේ වගේ තව වටිනා නිර්මාණ වලට සබ් ගේන්න ශක්තිය ලැබේවා

  13. ඇත්තටම පරන හින්දි ෆිල්ම් කොච්චර ලස්සනද..දැන් කාලෙ එන හින්දි ෆිල්ම් නම් අප්පිරියයි..මෙලෝ රහක් නෑ…..මුලු අවුරුද්දටම බලන්න පුලුවන් හොද ෆිල්ම් 3 ,4 ක් එනවා..හරියටම SRI LANKAN CRICKET වගේ. අවුරුද්දෙම match කාල එකක් දෙකක් දිනනවා වගේ..

    උපසිරැසියට ගොඩක් ස්තුතී..මේ වගේ පරණ හින්දි ෆිල්ම් වලට දිගටම subtitles දෙන්න.. ඔබට ජය

    • Kavindu සොයුර,
      ඔබ හරි කියා මටත් සිතෙනවා. එකළ පැරණි ඉංග්‍රීසි සිනමාපට සඳහා සබ් දුන් බුද්ධික නුවන්, ජේම්ස් ඩී සී වැනි අය සබ් දෙන්නේ නැහැ. පැරණි හින්දි ඒවාට සබ් දුන් දහරා මතු අමා දැන් අලුත් ඒවාට සබ් දෙන්නේ. එහි වරදක් නැහැ තමාගේ රුචිකත්වයට තමයි ඕන කෙනෙක් සබ් නිර්මාණය කරන්නේ. මම සබ් දෙන්න පටන් ගත් 2015 වසර කාලයේ පැරණි කලාත්මක සිනමාපට නැරඹු සහ ඒවා අගය කළ පිරිස් මේම වෙබ් එකේ සිටියා. දැන් ඒ අය නැහැ, මම පවා මේ වෙබ්
      එකට එන්නේ දින ගණනාවකට වරක්. ඒ මන්ද පැරණි කලාත්මක සිනමාපට සඳහා සබ් කරන්නන් දැන් මෙහි නැහැ. ඒ නිසාම 2015 කාලයේ සිටි රසිකයෝ හැලිලා. ඒ මන්ද මෙහි ආවට ගන්නට සබ් එකක් නොමැති නිසා වෙන්න ඇති. දැනට පැරණි ඉංග්‍රීසි සිනමාපටවලට සබ් දෙන්නේ එක් අයෙක් පමණයි ඒ “රොෂාන් සමීර ජයසිංහ” සොයුරා පමණයි. ඔහුටත් එයට දිරියක් දැන් මෙහි නැහැ, ඒ මන්ද සියලු පැරණි රසිකයෝ හැලිලා. ඒ වගේම සබ් සිය ගණනකට පසුව “එක පැරණි සබ් එකක්” ආවත් එයට පහර ගහන බුද්ධිමත් මහත්වරුන්ද මෙහි ඉන්නවා.

  14. ඊයා මොනවද අනේ මේ

error: Alert: Content is protected !!