Vivah (2006) | ගිවිස ගැනීමේ සිට විවාහයට… [සිංහල උපසිරැසි සමඟ]

ඔන්න මම තවත් ලස්සන හින්දි සිනමා පටයක් අරගෙන ආවා. මේකත් 2006 වසරේ ආපු එකක්. මේක මම මුලින්ම කරන්න ගත්ත එක. ඒත් දෙන්න වුණේ පරක්කු වෙලා. ගොඩක් වෙලා අරගෙන අඩුපාඩු හැදුවා. තවත් තියනව නම් මට පෙන්වලා දෙන්න. ඒ වගේම කලින් උපසිරැසියේදි ප්‍රතිචාර දක්වපු හැමෝටම බොහොම ස්තුතියි.

මේක නම් ගොඩක් අය බලලා ඇති.ඒත් මේක ආයෙ ආයෙ බලන්න ආස හිතෙන කතාවක්. ලස්සන සංවේදී ආදර කතාවක්. සටන් ජවනිකා නම් එකක්වත් නැහැ . ප්‍රධාන චරිත නිරූපණය කරන්නේ Shahid Kapoor සහ Amrita Rao විසින්. Shahid ගැන නම් හැමෝම දන්නවනේ. Amrita Rao නම් Main Hoon Na සහ Satyagraha චිත්‍රපටවල ඔයාලා දකින්න ඇති. ප්‍රවීණ රංගන ශිල්පීන් වන Manoj Joshi සහ Anupam Kher ද මෙහි වැදගත් චරිතවලින් දායක වෙනවා. ඒ වගේම අධ්‍යක්ෂණය කරලා තියෙන්නේ Sooraj R.Barjatya විසින්. IMDb අගය 6.7 ක් වැනි ඉහළ අගයක් ගන්නවා. ගීත ගායනයෙන් Udit Narayan, Kumar Sanu සහ Shreya Goshal වැනි දක්ෂ ගායන ශිල්පීන් දායක වෙනවා. ඇත්තටම මේකෙ සින්දු ටිකත් නියමයි.

ඉතින් කතාව මෙහෙමයි. පූනම්ගෙ අම්මයි තාත්තයි නැහැ.එයා ඉන්නේ එයාගෙ බාප්පයි පුංචියි එයාලගෙ දුව චෝටියි එක්ක ඈත පිටිසර මදුපූර්වල. බාප්පා පූනම්ට ගොඩක් ආදරෙයි. එත් පුංචි පූනම්ට ගොඩක් වෙනස්කම් කරනවා. පූනම්ගෙ බාප්පාගෙ යාළුවෙක් වෙන භගට් දිල්ලිවල පොහොසත් ව්‍යාපාරිකයෙක්ගෙ පුතෙක්ට පූනම්ව යෝජනා කරනවා. එයා තමයි ප්‍රේම්. ඉතින් විවාහ උත්සවයට කලින් දවසේ පූනම්ගේ ගෙදර ගිනිගන්නවා. ඒකෙදි චෝටිව බේර ගන්න ගිහින් පූනම් ගින්නෙන් පිළිස්සෙනවා. ඉතින් ඊට පස්සෙ සිද්ධ වෙන දේවල් දැනගන්න නම් චිත්‍රපටය බලන්නම වෙයි. තව කිවුවොත් බලන්න දෙයක් නැති වෙනවා.

යෝජිත විවාහයකදි ආදරය කරන්න බැරිද? ආදරය කරලම විවාහ වෙන්න ඕනද? ඔන්න ඔය ප්‍රශ්නවලට මේ චිත්‍රපටය හොඳ පිළිතුරක් .මුළු චිත්‍රපටයම විවාහ ගිවිස ගැනීමේ සිට විවාහය දක්වා යන චාරිකාවක් . බලලා නැති අයට බලන්න කියලත්, බලපු අයට උපසිරැසි එක්ක බලන්න කියලත් ආරාධනා කරනවා. ඉතින් පුළුවන් අය අදහසක් දක්වලා යන්න. එහෙනම් තවත් ලස්සන සිනමා පටයක් සමග යළිත් හමුවෙමු.

701 MB කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “අදිත ප්‍රවීන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.