War of the Buttons (1994) with Sinhala Subtitles | බොත්තම් යුද්ධය [සිංහල උපසිරසි සමඟ]

හායි, ඔන්න සෑහෙන කාලෙකට පස්සේ ගෙනාවා අමුතු තාලෙක film එකක්. මේ කතාව ගැන කියනවනම්, ප්‍රංශ ජාතික ලේඛකයෙක් වන Louis Pergaud විසින් 1912 දී රචිත La Guerre des boutons නොහොත් war of the buttons නම් වූ නවකතවේ චිත්‍රපටයයි. මේක 7.5/10 IMDB අගයක් ගන්නත් සමත් වෙලා තියනවා. අයර්ලන්තයේ ඒකාලයේ තිබුන පංතිභේදය, ඒ කියන්නේ මධ්‍යම පන්තිය සහ වැඩකරන පංතිය අතර තිබුන ගැටුම් සහ තරුණ පිරිස් ඒ දේවල් වැළඳ ගත්ත ආකාරය වගේම මිනිසුන් සතුරන් වගේම මිතුරන් විදිහටත් වෙනස් වෙන්නේ කොහොමද කියලයි මේ කතාවෙන් මූලිකවම කියවෙන්නේ.

කතාව ගැන පුංචි විස්තරයක් කරනවනම්, බැලිඩවුස් කියන දුප්පත් පංතියේ ළමයිනුයි, කැරික්ඩවුස් කියන මධ්‍යම පංතියේ ළමයිනුයි කාලෙක ඉඳලා යුද්ධ කරගන්නවා. එක එක විරුද්ධකාරයෝ අල්ලගෙන එයාලගේ බොත්තම්, ටයි පටි, ලේස් වගේ දේවල් කපනවා. ඒකයි මේකට war of the buttons කියලා නම වැටිලා තියෙන්නේ.ඉතින් මේ ප්‍රශ්න දුරදිග ගිහින් ඒ ළමයින්ගේ දෙමවුපියන්ටත් මේ දේවල් වලට මැදිහත් වෙන්න සිද්ධ වෙනවා. ඒ වගේම එක් සංවේදී ගුරුවරයෙක් මේ ළමයින්ව යහමගට ගන්න හදන උත්සහය ගැනත් මේ කතාවෙන් කියවෙනවා.කතාව ඔයාලම බලන්න. ඇත්තටම කියනවනම් මම පුංචි කාලේදි වැඩිම වතාවක් නරඹපු film එක කියලා කිවුවත් වැරැද්දක් නෑ. ඒ දවස්වල internet ජනප්‍රිය නෑනේ. මම මුලින්ම මේක බැලුවෙත් tape එකකින්(අපි ඔය පීස් කියන්නේ). ඉතින් මම ඒ දවස්වල හිතුවේ නෑ මම කවදාවත් මේ film එක සිංහලයට පරිවර්තනය කරයි කියලා. ඇත්තටම මේ වගේ film එකකට සබ් දාන්න මට ඉඩ ලබා දුන්න බයිස්කෝප් කණ්ඩායමට මම අවංකවම ස්තූතිවන්ත වෙනවා. මේක action, adventure,drama හැමදේකින්ම සපිරුන චිත්‍රපටයක්.

එහෙනම් තවත් film එකකින් අපි ආයෙත් හමු වෙමු. ජයවේවා!

 

 

 

Due to copyright issues, we do not provide any torrent links.

 

War.of.the.Buttons.1994.DVDRip.XviD-RedBlade

මෙම ලබා දී ඇති උපසිරසි ඉහත පිටපත සඳහා ආදාළ වේ.