Wu Kong (2017) sinhala subtitles | දෙවියන්ට එරෙහිව [සිංහල උපසිරසි සමඟ]

ඔන්න ඉතින් මේ අරන් එන්නෙ මගෙ පස්වෙනි සබ්එක. මගේ කලින් සබ Teen Titans: The Judas Contract (2017) බලපු නැති අයට ඒකත් බාගෙන බලන්න කියල කියනව.ඔයාල හැමෝම සන් වූ කොංග් ව අදුරනව ඇතිනෙ. මෙයාව සන් වුකොංග්, කොංග්, සුන් වුකොංග්, මංකි කිංග්, ගෝකු කියන නම් වලින් වගේම තවත් නම් ගොඩකින් හදුන්වනු ලබනවා. The Forbidden Kingdom (2008), The Monkey King (2014), The Monkey King 2 (2016) කියන ෆිල්ම් බලල තියෙනවනම් ඔයාල සන් වූ කොංග් ගැන අනිවාරෙන් දැනගෙන ඉන්න ඕනෙ. 🙂 මේ ලගදි මෙයා ගැන කතාවක් ටීවී එකෙත් ගියා (මට ඒකෙ නම හරියට මතක නැහැ). ඉතින් මේ ෆිල්ම් එක හදල තියෙන්නෙ සන් වු කොංග්ව පාදක කරගෙන.

සන් වුකොංග් කියන්නෙ චීනයේ ඉතාමත් ජනප්‍රිය පුරාවෘත්තයක්. Action , Fantasy ගණයට අයත් වෙන මේ ෆිල්ම් එක රිලීස් වුණේ 2017 ජූලි 14 වෙනිද. පැය දෙකයි විනාඩි හයක් පුරා දිවෙන මේ ෆිල්ම් එක IMDB 5.6 ක අගයක් ලබා ගෙන තිබෙනව. Chi-Kin Kwok තමයි මේ ෆිල්ම් එක අධ්‍යක්ෂණය කරල තියෙන්නෙ. Full Strike (2015), As the Light Goes Out (2014), Journey to the West (2013), Frozen (2010) කියන ෆිල්මුත් මෙයා තමයි අධ්‍යක්ෂණය කරල තියෙන්නෙ. මේ ෆිලුමෙ ප්‍රධාන චරිතෙට (වුකොංග්ට) පණ පොවන්නෙ Eddie Peng. මෙයා The Great Wall (2016) ෆිල්ම් එකේ කමාන්ඩර් වූ ට රගපානව. Cold War II (2016), Cold War (2012), Call of Heroes (2016), Our Time Will Come (2017) කියන ෆිල්ම් වලට වගේම ෆිල්ම් හතලිහකට ආසන්න ප්‍රමාණයකට රංගනයෙන් දායක වෙලා තියෙනවා. ඉතින් මේකෙ වුකොංග්ගෙ කෙල්ල වන අසා විදිහට රගපාන්නෙ Ni Ni, The Warriors Gate (2016) බලපු අයටනම් මෙයාව මතක ඇති. අතීතයෙන් ආපු සූ ලින් කුමාරිකාවට තමයි මෙයා ඒ ෆිලුමෙ රඟපෑවෙ. Suddenly Seventeen (2016), Back in Time (2014) කියන ෆිල්ම් වලටත් තවත් ෆිල්ම් කිහිපයකටත් මෙයා රංගනයෙන් දායක වෙලා තියෙනව.

මේයල තමයි ෆිලුමෙ නළු නිළියො සෙට් එක……………

Eddie Peng – සන් වුකොංග්
Ni Ni – අසා
Shawn Yue – යන්ග් ජියෑන්
Hao Ou – ටියෑන් පෙන්ග්
Shan Qiao – ජුඅන් ලියන්
Shuang Zheng – ආයූ

ඉතින් ෆිලුම ගැන කිවුව ඇතිනෙ. දැන් ෆිල්ම් එකේ වෙන දේ ගැන ටිකක් කියන්නම්. දෙවියන්ට වූ වැරදීමකින් ගල් යෝදයෙක් ඇති වෙනව. මේ යෝදය තමන්ගෙ ඉරණම තමන් විසින්ම පාලනය කිරීමට පෙළබෙනව. ඒ නිසා දෙවියන් මොහුව අල්ල ගන්න උත්සහ කරනව. ඒත් යෝධය මුළු දිව්‍යලෝකයම විනාෂ කරනව. කොහොමහරි එක දෙවිකෙනෙක් අකුණකින් මේ යෝධයට ගහනව . ඒ අකුණ නිසා යෝධයව කෑලි වෙලා පෘථිවියට වැරෙනව.යෝධයගෙ කෑලිවලින් තමයි හයාගෝ කන්ද හැදුණෙ. යෝධයගෙ හදවතින් තමයි වුකොංග්ට උපත දෙන්නෙ. පස්සෙ දෙවියන් දැන ගන්නව යෝධයගෙ හදවත තාමත් ජීවතුන් අතර කියල. ඉතින් දෙවියන් හයාගෝ කන්ද ඒකෙ හිටපු ජීවීනුත් එක්ක පුච්චල දානව. දහස්ගානක් දෙනා මැරෙණව. වුකොංග්ගෙ යාලුවොත් මැරෙනව. ඒකට කේන්තියෙන් වුකොංග් අතුරුදහන් වෙනව කවද කරි දෙවියන්ගෙන් පළි ගන්නව කියල ඒ කෝපය තමයි වුකොංග්ව මේ වෙනකන් ජීවත් කළේ. එතන ඉදල තමයි මේ කතාව තියෙන්නෙ.

මම මේ ෆිලුමට සබ් කරන්න භාර ගත්තෙ ජුනි මාසෙ. වැඩේ කියන්නෙ ඉංග්‍රීසි සබ් එකක් රිලීස් වුණේ ගිය බදාද හරි බ්‍රහස්පතින්දා හරි (November 15 හෝ 16). ඉතින් මම ඉංග්‍රීසි සබ රිලීස් වුණා කියල දැන ගත්තෙ බ්‍රහස්පතින්දා. එදා ෆිලුම බාන්න මගෙ ඩේට තිබුණෙ නැහැ. ඉතින් බ්‍රහස්පතින්දා හවස කාඩ් එකක් ගෙනල්ල නයිට් ටයිම් පැකේජ් එකක් දාල සිකුරාද උදේ තමයි ෆිලුම බෑවෙ. ඔන්න මම එක දවසින් සබ කළා. අම්මගෙන් බැනුම් අහ අහ ඉස්කෝලෙත් නොගිහින් තමයි සිකුරාද සබ කළේ. මගෙ අදහසනම් තිබුණෙ සිකුරාදම සබ බයිස්කෝප් එකට යවන්න. වැඩේ කියන්නෙ සබ කරල ලිපිය ලියන්න ගත්ත. ලිපිය ලියන විදිහක් හිතට ආවෙම නැහැ. ඉතින් මොනව කරන්නද ? සෙනසුරද උදේ තමයි ලිපිය ලිවුවෙ. 🙂

මේක පට්ට ෆිලුම හැමෝටම බාගන්න කියල කියනව.එහෙනම් මම ගිහින් එන්නම්. තවත් සබකින් හමුවෙමු. මතක ඇතුව කමෙන්ටුවකුත් දාගෙනම යන්න. හැමෝටම බුදු සරණයි.

Do you know who I am? Listen up!
For the rest of your lives you will remember my name.
My name is…
Sun….. Wu……. Kong……
– Sun Wu Kong –

Due to copyright issues, we do not provide any torrent links.

මෙම ලබා දී ඇති උපසිරසි BR පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “සචින් දිල්හාර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2017-01-25
SUBMAKER RATING BY ADMINS