Yaaradi Nee Mohini (2008) with Sinhala Subtitles | මිතුරාද? ආදරයද? [සිංහල උපසිරසි සමඟ]

ඔන්න එහෙනම් මම අද අරන් ආවෙ දනූෂ්ගෙ චිත්‍රපටයක්. චිත්‍රපටය දනූෂ්ගෙ කිව්වට පස්සෙ ඉතින් තවත් වැල්වටාරම් මොනාටද? කියන්න ඕනෙ නිසා ෆිලුම ගැන ටිකක් කියන්නම් මම. මෙම චිත්‍රපටය එළිදැක්වුනේ 2008 වර්ෂයේදීය. ඇත්තටම කියනවා නම් 2007 වර්ෂයේදී දර්ශනය කෙරුනු වෙන්කටේෂ්ගෙ ෆිලුමක රීමේක් එකක් විදියටයි මෙම චිත්‍රපටය හදුන්වන්නෙ. මාත් ඉතින් ඒකනම් බලලා නෑ. සමහර අයනම් දනූෂ්ගෙ මේ ෆිලුම බලලා ඇති, බලපු අයත් දෙපාරක් බලනවාට කිසිම සැකයක් නෑ, මොකද ඒ තරම් සුපිරියි මේ ෆිලුම. ඉතින් පුරා පැය තුනක් පුරා දිවෙන මේ චිත්‍රපටයට රංගනයෙන් දායකත්වය ලබාදෙන්නේ Dhanush සහ Nayantara විසිනුයි. IMDb ශ්‍රේණිගත කිරීම මගින් ද 7.3 ක අගයක් හිමිකරගෙන තියෙනවා.

කතාව පැත්තට පොඩ්ඩක් හැරුනොත් මෙහෙමයි, වාසු (දනූෂ්) කියන්නෙ රැකියා විරහිත තරුණයෙක්, වාසු ජීවත් වෙන්නෙ පියාත් සමගයි. වාසුගෙ සුදුසුකම් වලට රැකියාවක් ලබාදීමට කිසිම ආයතනයක් සූදානම් නෑ. ඔහොම යනකොට දවසක් අහන්බෙන් වාසු දකිනවා කීර්තිව (නයන්තාරා). කීර්ති කියන්නෙ සාම්ප්‍රදායික විදියට හැදිලා ඒ දෙවල් දාලා ඇවිත් නගරෙ ආයතනයක රැකියාව කරන තරුණියක්. වාසු ඇයව දිනාගන්න තියෙන ආසාව නිසාම ඇය සේවය කරන ආයතනයේ සම්මුඛ පරීක්ෂණයකට සහභාගී වෙනවා, කෙසේ හෝ වාසු රැකියාවට තෝරගන්නවා. ඉන් පස්සෙ තමයි කතාව පටන්ගන්නෙ, කීර්ති කියන්නෙ ටිකක් තද ගති තියෙන කෙනෙක්. වාසුගෙ ආදරේ කීර්ති ප්‍රතික්ෂේප කරනවා, වාසු මේ නිසාවෙන් බොහොම කනස්සල්ලෙන් ඉන්නෙ, වාසුගෙ පියාට වාසු එහෙම ඉන්නවා බලන් ඉන්න බැරි නිසා කීර්තිව හම්බවෙන්න යනවා. ඊට පස්සෙ මොනාද වෙන්නෙ කියලා චිත්‍රපටයෙන්ම බලමු.

ආ තව දෙයක්, මතක් කලයුතුම කීපදෙනෙක් ඉන්නවා. මුලින්ම තිසර නියෝ සහෝදරයා, එයා තමයි මම පොඩ්ඩක් උපසිරැසිකරණයෙන් ඈත් වෙලා ඉන්නකොට, සහෝ මේක කරමුද අරක කරමුද කියලා ආයෙ වැඩේට ඇදලා ගත්තෙ. හේවාලුණුවිලගේ සහෝදරයත් එහෙමයි, නිකන් ඉන්න දෙන්නෙම නෑ, සබක් කරමුද කියලමයි අහන්නෙ, මේල් එකක්වත් දාගන්න ඉන්නෙ හේවා සහෝදරයා තමයි ඉතින්. අනිත් කෙනා තමයි සදුන් සහෝදරයා, ඕනෑම උදව්වක් ඕනෑම කෙනෙකුට ඕනෑම මොහොතක, ෆිලුමකට ලින්ක් එකක් එහෙම හොයාගන්න බැරිනම් ඉතින් සදුන් සහෝදරයගෙන් තමයි ඉල්ලන්නෙ, ලින්ක් නැත්නම් මවලා හරි දෙයි. අපේ නයි මල්ලිත් උදව් කලා, ඔයාටත් ස්තූතියි. ඇඩ්මින් සහෝදරවරුන්ගෙන් සමාව ඉල්ලනවා උපසිරැසිය තරමක් පමාවුනාට.

එහෙනම් තවත් උපසිරැසියකින් හමුවෙන තුරු මම සමුගන්නවා, වැරදි ඇතොත් කියාදෙන්න මම ආසයි හදාගන්න.

෴සියලු දෙනාටම තෙරුවන් සරණයි෴

සිංහල උපසිරැසි මෙතනින් බාගන්න

10675 downloads