Zanjeer (2013) | අසාධාරණයට එරෙහි සටන [සිංහල උපසිරැසි සමඟ]

ඔන්න එහෙනම් අද උදේ ආපු, මම බලාගෙන හිටපු තවත් එක චිත්‍රපටියක් ආවා. චිත්‍රපටියේ නළුව ගැන අමුතුවෙන් කියන්න දෙයක් නෑනේ. Naayak, Rachcha, Magadheera, Chirutha කියන චිත්‍රපටි බලපු කෙනෙක්නම් ආය ඉතිං රාම් චරන් ගැන කතා කරල වැඩක් නෑනේ. අධ්‍යක්ෂණය කරල තියෙන්නේ අපෝර්වා ලාකියා විසින්. ඒවගේම සලීම් ජාවෙද්ගේ 1973 දී තිරගත වුණ මේ නමම තියෙන චිත්‍රපටියක පසුනිර්මාණයක් විදිහට තමයි මේක මේ අවුරුද්දේ අපි අතරට එන්නේ. කලිං එකේනම් මට විකියා කියපු විදිහට ඉදල තියෙන්නේ අමිතාබ් බච්චන් මහත්තයා එහෙම. මේ චිත්‍රපටියේ හින්දි, තෙලිගු කියල දෙවර්ගයක් තියෙනවා. මේ චිත්‍රපටිය ඉන්දියාවේ විතරක් සිනමාශාලා 2085ක ප්‍රදර්හනය කරල තියෙනවා වගේම මුලු ලෝකයේම ප්‍රදර්ශනයන් අතින් ගත්තොත් 2500කට ආසන්න වෙනවා කියල තමයි කියවෙන්නෙනම්. මේ තෙලිගු, හින්දි කියන වර්ග දෙකේම ආදායම හැටියට කෝටි 18ක මුදලක් එකතු වෙලා තියෙනවා. මේ චිත්‍රපටියේ ප්‍රසිද්ධ නළු නිළියන් කිහිප දෙනෙක්ම චරිත වලට පණ පොවනවා. ප්‍රධාන නළුවා වන රාම් චරන්, ප්‍රියන්කා චොප්රා, සන්ජේ දත්, ස්‍රීහරී, ප්‍රකාහ් රාජ්, මාහි ගිල්, අතුල් කුල්කුරාණි වගේ අය රඟපානවා. ඉතිං වැඩි කතා බතා නැතිව කතාව පොඩ්ඩක් කියන්නම්.

ACP විජේ කන්නා කියන්නේ අවංක පොලිස් නිලධාරියෙක්. මෙයා වැඩකරපු සේවාකාලය තුළ එක පොලිස් ස්ථාන පහලවකට මාරු වීම් ලැබිල තියෙනවා. ඉතින් නිව්යෝක් වල ඉදලා ඔය අතරතුර මාලා කියල කෙල්ලෙක් එනවා, ඒ එයාට ෆේස්භුක් එකෙන් හම්බවුණ ඉන්දියානු ගෑනු ළමයෙකුගේ විවාහයට සහභාගි වෙන්න. ඔය අතරතුර මාලා හොදට බොනවා. ඉතින් මෙයා නැවතිලා ඉන්න තැනට යනකොට මෙයාට පොඩි හදිස්සියක් වෙලා පාරෙ අයිනක නවතිනවා. ඔය අතරතුර සාතේ කියල මනුස්සයෙක් මෙයාට හම්බවෙනවා. ඉතිං මේ මනුස්සයා එයාව හම්බවෙලා යද්දී මේ මනුස්සයා දකිනවා කට්ටියක් පෙට්‍රෝල් හොරෙන් පටවනවා. මේක මෙයා වීඩියෝ කරද්දි අර කෙළ් පටවපු කට්ටිය මෙයාව ගිනීතියනවා. ඉතින් ඕක දැකලා මේ මාලා පොලිසියට කෝල් කරනවා. ඔය අතරතුර විජේව මාරුකරන්නෙත් ඔය සිඳුවීම වන පළාතටයි. ඉතින් විජේට සිද්ධ වෙනවා මේ නඩුව විසඳන්න.

ඒ වගේම මේ පළාතේ සේර් ඛාන් ඛාන් කියලා වාහන විකුණන කෙනෙක් ඉන්නවා. මිනිහා මැරයෙක් වගේම හොඳ හිත තියෙන කෙනෙක්. ඉතින් මේ සේර් ඛාන් එක්ක යම් ගිවිසුමකට එන අ‍පේ පොලිස් කාරයා මේ මිනීමැරුම වගේම මේ තෙල් හොරකම් කරන සිද්ධිය ගැනත් විරම්ෂණය කරන්න පටං ගන්නවා. ඉතින් විජේට පත්තර කරුවෙකුගෙන් සහයෝගයක්, සේර් ඛාන්ගේ සහයෝගත් ලැබෙනවා මේ වැඩවලට. මේ තෙල් හොරකම් කරන එකේ ප්‍රධානියා එහෙමත් නැත්නම් අණ දෙන්නේ තේජා කියල කෙනෙක්. ඉතින් තේජා එක්ක හැප්පෙන එක ලේසි නෑ. තේජාට වැඩ අමාරුයි වගේ දැනෙද්දී විජේගේ වැඩ තහනමකට ලක්කරනවා. ඒ විජේ අමාරුවෙන් හොයාගත්ත සාක්ෂියක් විනාශ කරලා. ඉතින් වැඩිවිස්තර කියන්නෙ නෑ. විජේ සාක්ෂිය හොයගත්තෙ කොහොමද, මාලා කොහොමද මේකට සම්බන්ධ වෙන්නේ, විජේගේ වැඩතහනටම මොකද වෙන්නේ, මේ සේර් ඛාන් කවුද, සේර් ඛාන්ගේ සම්බන්ධය මොකක්ද, තේජාගේ පස්සෙන් පන්නන්න තරම් විජේට තියෙන උවමනාව මොකක්ද, මොකක්ද හේතුව, තෙල් හොරු ටික අල්ලගනියිද,.. ඕවට ඉතිං චිත්‍රපටිය බලන්න වෙයි.

එහෙනම් මම ගියා. අලුත් උපසිරැසියකින් හම්බවෙමු. ජයවේවා!!!

මේ ලබා දී ඇති සිංහල උපසිරැසි පිළිබද “චලිදු දේශන් (කිනා)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.