The Forgotten Army – Azaadi ke liye [E01] Sinhala Subtitles | නොනවතින යුද්ධයක ආරම්භය [සිංහල උපසිරැසි]

නිදහස! නිදහස! නිදහස!
මිනිස් සංහතියේ ආරම්භයේ සිට මේ දක්වාම නිදහස වෙනුවෙන් මිනිස්සු සටන් කරනවා
ගලා යන රුධිර ගංඟා මධ්‍යයේ එකිනෙකා හා යුධ වදිනවා…
නිදහස එතරම්ම වටිනවද?
නිදහසේ වටිනාකම ගැන ලාංකේය අපිට අමුතුවෙන් කියන්න දෙයක් නැහැ
නිදහසේ හුස්ම කොච්චර වටිනවද කියලා අපි අත්දැකීමෙන්ම දන්නවා….
මේ කියන්න යන්නෙත් නිදහසේ කතාවක් ගැන!
නිදහස වෙනුවෙන් ජාතියක් එකතු කරපු එක පුංචි මනුස්සයෙක් ගැන!
ඒ අභීත මනුෂ්‍යයාගේ මූලිකත්වයෙන් ගොඩ නැඟුණු විමුක්ති හමුදාවක් ගැන!
බ්‍රිතාන්‍ය අධිරාජ්‍යවාදයේ යකඩ සපත්තුවට පෑගුණු මිනිස්සුන්ගේ ලේ කඳුළු මතින් බිහි වුණු විමුක්ති අරගලයක් ගැන!
කතාව ගැළපෙන්නේ නෑ වගේ නම් මේ ඇති. මෙතනින් එහා කියවන්න එපා.
වෙන ලිපියක් කියවන්න පටන් ගන්න…. නිදහස වෙනුවෙන් දිවි පුදන්න දෙපාරක් නොහිතපු මිනිස්සු පිරුණු තැන් ඇලජික් වගේ නම් කොහෙත්ම කියවන්න එපා!
ජාත්‍යාලය, දේශප්‍රේමීත්වය ගැන කියවද්දි දිරවන්න අමාරු නම් යන එකමයි මහත්තයෝ, හොඳ!
දේශයේ නාමයෙන් බිරින්දෑවරු අමතක කරපු මහත්වරු
දේශයේ නාමයෙන් දරුවන් අමතක කරපු පියවරු
දේශයේ නාමයෙන් ප්‍රේමය අමතක කරපු ප්‍රේමවන්තයෝ….
ඇයි ඒ විතරක්ද?
දේශයේ නාමයෙන් මහත්වරු අමතක කරපු බිරින්දෑවරු
දේශයේ නාමයෙන් ප්‍රේමය අමතක කරපු ප්‍රේමවන්තියෝ….
ලෝක ඉතිහාසයේ ආරම්භයේ ඉඳන් මේ දක්වා නිදහස දිනාගන්න සටන් කරපු හැම අරගලකාමියාම උඹටයි මටයි හිතාගන්නවත් බැරි තරම් කැපකිරීම් කරපු මනුස්සයෙක්,
මේ ඒ වගේ අරගලකාමීන්ගේ කතාවක්!!!
දේශයක විමුක්තිය හොයපු විමුක්තිකාමීන් පිරිසකගේ කතාවක්!!!

The Forgotten Army-Azaadi Ke Liye. අමතකව ගිය හමුදාව. මේ තියන්නේ මොකක්ද දන්නවද? මෙච්චර කාලයක් අපි හැමෝගෙම ඇස්වලින් වහං වුණු මැණිකක්. ඉන්දීය වෙබ් කතා මාලා ඉතිහාසයේ Iconic Series එකක් බවට පත් වෙන්න තරම් වටින කතාවක්. ඇයි ඒ කියලා බලනවද? පහළට කියවගෙන යන්න. එපිසෝඩ් 5ක මිනි වෙබ් සීරීස් එකක් ඔබව නොහිතන පැතිවලට එක්කගෙන යාවි. එක එපියකින් පස්සේ තවති එපියක් එනකම් සති ගාණක් තපස් රකින්න ඕනේ නැහැලාස්ට් එපිසෝඩ් එකෙන් කතාව බාගෙට ඉවරයක් වෙන්නේ නැහැ.

තියන්නෙම එපිසෝඩ් පහයි. පහෙන් පස්සේ කතාව අහවරයි. එපිසෝඩ් පහම ඇවිල්ලත් අහවරයි. මේ දවස්වල කම්මැලිකමේ ගෙදරට වෙලා බුම්මන් ඉන්න වෙලාවේ සාමාන්‍ය Thriller|Action|Romance කැටගරිවල ඉන්දියන් සීරීස්වලින් අහකට ගිහින්, අවුරුද්ද මුලම WAR කැටගරිය වර්ණවත් කරපු ඉන්ද්‍රණීල මාණික්‍යයක් ඇඟිලි තුඩටම ඇවිත් තියෙනවා ඕං! සාමාන්‍යයෙන් අපිට War කැටගරියේ කතා මාලා හම්බෙනවා බොහොම අඩුයි. මොකද නිෂ්පාදන පිරිවැය පවා අනික්වට සාපේක්ෂව ගොඩක් ඉහළ යන නිසා. ඉතින් ඒ හින්දම ගුණාත්මක තත්වයෙ යුධ කතාමාලාවක් හොයාගන්න එක බොහොම අමාරුයි. විශේෂයෙන්ම, ඉන්දියන් සිනමාව ගැන කතා කරද්දි. ඉතින් ඒ හින්දම ඇමසෝන් ප්‍රයිම්ලා මේ භාරදූර වැඩේට අතගැහුවේ 2018 වසරේදී. එහි ප්‍රතිඵලයක් විදිහට අධික පිරිවැයක් දරමින් නිර්මාණය වූ මෙම වෙබ් කතා සිත්තම 2020 ජනවාරි 24 වෙනිදා, ඉන්දියානු ජනරජ දිනයට දින දෙකකට කලින්, ලෝ පුරා ඉන්දියානු රසිකයින්ගේ මන දොළ පිනවමින් Prime Video OTT ප්ලැට්ෆෝමය අලුත් කරන්න පටන් ගත්තා.

IMDb මීටරය 8.1ක් වැනි දැවැන්ත අගයකට කරකවමින්, 96%ක අති දැවැන්ත Google පරිශීලක මනාපයකට උරුම්කම් කියමින් දැනුදු පෙළහර පාන මේ උද්වේගකර වෙබ්-කතා සිත්තම රස විඳීමට ඔබ සූදානම්ද? අධික පිරිවැයක් දරමින් රටවල් 4ක් පුරා තිරගත කිරීමේ යෙදුණු කින්ග් ඛාන් ශාරුක්, විස්තර කථිකයා ලෙසින් ඔබ හමුවට සමීප වන මේ චමත්කාරජනක ඉතිහාස අන්දරයට ගොඩ වීටම ඔබ සූදානම්ද?

යුද්ධය, වෛරය, විමුක්තිය, ප්‍රේමය, විරහව……
මේ සියල්ලම කැටි කොට ගත් වසරේ ආකර්ෂණීයතම වෙබ් කතාමාලාව වෙනුවෙන් ඔබ සූදානම්ද?
එසේ නම්, අද පටන් පුරා දින පහක්, අඩ හෝරාවන් පහක්, ඔබ වෙනුවෙන් අපි සූදානම් කර අවසානයි!

දැන් සති කිහිපයකට උඩදි කොරෝනා කාලේ ආලේ හින්දා ගෙදරට වෙලා බකන් නිලාගෙන ඉන්න වෙලාවක පොඩ්ඩක් ගූගල් දෙයියන්ගේ සරණ ගියේ බලන්න හොඳ ෆිල්ම් දෙකතුනක් තෝරගන්න. වෙනසකටත් එක්ක මිනි වෙබ්සීරීස් එකක් බැලුවා නම් කියන අයිඩියා එකත් ඒ ගමන්ම ඔලුවට ආපු හින්දා පොඩ්ඩක් ඒ ගැන විපරම් කරන්න පටන් ගත්තා. අන්න එතකොට ඇහැ ගැටුණු භාණ්ඩේ තමයි මේ The Forgotten Army!

කතා තේමාවයි වැඩේ ගුණාත්මකබාවයයි ගැන රිවීව්ස්වල පවා එකදිගට වර්ණනා කරලා තිබුණු නිසාම බාගෙන බැලුවා. අවසන් කතාංගය බලලා ඉවර වුණු මොහොතෙම මම කලේ සීරීස් එක ඉල්ලලා සයිටට මේල් එකක් එවපු එකයි. මේ කතාමාලාවට මම උපසිරැසි ගන්වන්න පටන් ගත්තේ ප්‍රධාන කාරණා 2ක් හින්දා.

• ඉන්දීය විමුක්ති අරගලයේ සුභාෂ් චන්ද්‍රබෝස් කියන පරිච්ඡේදයට මම පොඩි කාලේ ඉඳන්ම තිබුණු පට්ට කැමැත්ත.
• සල්මන්ගේ Bajrangi Bhaijaan ලියලා, ඩිරෙක්ට් කරලා, ප්‍රොඩියුස් කරන්නත් එක්කහු වුණු කබීර් ඛාන් මෙහි අධ්‍යක්ෂකවරයා වීම.

කබීර් ඛාන් ගැන අමුතුවෙන් කියලා දෙන්න ඕනෙ නැහැනේ’ Ek Tha Tiger සහ Kabul Express ලියලා ඩිරෙක්ට් කරපු හාදයා. Bajrangi Bhaijaan සහ Tubelight ලියලා ඩිරෙක්ට් කරලා ප්‍රොඩියුස් කරන්නත් එක්කහු වුණු මනුස්සයා. ඉස්සරහට එන්න තියෙන කපිල් දේව්ගේ චරිතාපදානය ’83 වගේම ඉන්දියානු කෝටි 162ක බජට් එහෙකින් තැනෙන Zookeeper චයිනීස් ෆිලුමේ අයිතිකාරයා. ඉන්දියානු සිනමා වංසකතාවේ වෙනම ලෙවල් එහෙක ඉන්න පොරක්!

එතකොට කාස්ට් එක පැත්තට හැරුණොත්,

කැප්ටන් සෝදිගේ ප්‍රධාන චරිතයට රංගන දායකත්වය ලබා දීලා තියන්නේ සනී කෞෂාල් විසිනුයි. කවුද මේ සනී කෞෂාල්? තේරෙන විදිහට කිව්වොත්, URI චිත්‍රපටියේ විකී කෞෂාල්ගේ මල්ලි. ආක්ෂේගේ Gold චිත්‍රපටියේ කලබලකාරී බෙංගලියා හිම්මත් සින්ග් මතකයි නේද? අන්න ඒ ඉන්නේ මිනිහා! ඒ විතරක් නෙමෙයි Gundey ෆිලුමේ සහාය අධ්‍යක්ෂකවරයා වුණෙත් එයාමයි.

කාන්තා ප්‍රධාන චරිතය හොබවන Sharvari Waghගේ මංගල ආගමනය මෙයයි. හැබැයි දැනටමත් බොලිවුඩයේ ප්‍රධානම කපූර් කෙනෙක්ගේ හයි-බජට් ප්‍රොජෙක්ට් එහෙකටත් ආරාධනා ලැබිලා කියන්නේ. ඊට අමතරව තෙළෙඟු සිනමාවේ පතාක යෝධයෙකු වන් නාගර්ජුනාගේ බිරිඳ වගේම අකිල් අක්නේනිගේ මව වන Amala Akkineniද උපප්‍රධාන චරිතයක් හොබවනවා. එමෙන්ම, ඉන්දියානු සිනමාව විසින් එදා මෙදාතුර බිහි කළ ජනප්‍රියතම ප්‍රේමවන්තයා, ෂාරුක් ඛාන් පවා කතාමාලාවට තම හඬ මුසුව ලබා දීලා තියෙනවා. Narrator විදිහට එපිසෝඩ් පහ පුරාවටම ඔහුත් මේ වෙනුවෙන් එකතු වෙනවා. ඉතින් කාස්ට් එකෙන්ම තේරෙන්න ඇතිනේ, මේ ලේසි පාසු නිර්මාණයක් නෙමෙයි කියලා. විශේෂයෙන්ම කබීර් ඛාන් වගේ මිනිහෙක් ගේමට බැහැලා ඉද්දි කොහොමත් ලේසි පහසු වෙන්නෙත් නැති බව මතක තියාගත්තොත් හොඳා!

• මනාප 3000කට ආසන්න සංඛ්‍යාවක් ලබාගනිමින් මේ වනවිට IMDb මීටරය 8.1කට කරකවන්න මෙම කතාමාලාව සමත් වුණා.
• සනී කෞෂාල් මෙම චරිතයට තෝරාගැනීමට පෙර මනෝවිද්‍යා උපදේශන සැසිවාරයන්ට කැඳවමින් හමුදා නිලධාරියෙකුට අවශ්‍ය අන්දමට ඔහුගේ පෞරුෂ වර්ධනය හා චිත්ත ධෛර්යය ඉහළ දැමූ බවත් සඳහන්.
• Amazon ආයතනයෙන් මෙම වසරේ නිකුත් කළ පළමු ඉන්දීය කතාමාලාව මෙය වනවා.
• බ්‍රිතාන්‍ය හමුදාව යටතේ පැවති ඉන්දීය සේනාවන් බොහොම ප්‍රතික්ෂේපිත මට්ටමේලු පැවතුණේ.
• කබීර් ඛාන් මීට වසර 20කට පෙර මෙනමින්ම වෙනත් Documentaryයක් අධ්‍යක්ෂණය කළ අතර එය South Asia Film Festival හි විශේෂ ජූලි සම්මානයෙන් පිදුම් ලැබුවා.

දෙවන ලෝක යුද්ධය හමුවේ ලොව බලවත් ජාතීන් සියල්ලම එකිකෙනා හා යුධ වැදෙමින් සිටි අවස්ථාවේදී බ්‍රිතාන්‍ය යටතිවිජිතබාවයෙන් ගැළවීමට හින්දුස්ථානය තුළ වෙනමම අරගලයක් පැන නැඟෙමින් තිබුණා…
බ්‍රිතාන්‍ය අධිරාජ්‍යයේ උපරිම ශක්තිය පෙන්නුම් කළ එසමය තුළ ගාන්ධි, නේරු ඇතුළු නායකයින් අවිහිංසාවාදී පිළිවෙතින් නිදහස ලබා ගැනීමට උත්සාහ කළා…
නමුත්, එක් නායකයෙකු ඔවුන්ගේ ඒ පිළිවෙතට විරුද්ධ වූවා,
ඔහු නමින් නේතා ජී, සුභාෂ් චන්ද්‍රබෝස්!
බ්‍රිතාන්‍ය ඉන්දීය හමුදාවේ සහය තමා වෙත ලඟා කරගනිමින් ඔහු වෙනමම විමුක්ති සේනාවක් බිහි කරනු ලැබුවා…
දේශමාමකත්වයෙන් ඔද වැඩුණු දහස් ගණනක් අවිආයුධ අතට ගත්තා,
අරගලකාමීන්ගේ විමුක්තිකාමීන්ගේ රුහිරු ධාරා භාරත පොළව මතින් ගලා ගියේ
නිදහසේ හුස්ම කෙමෙන් කෙමෙන් ඉන්දියාවට ලඟා කරවමින්…
එය,
ඉන්දීය ජාතික හමුදාවයි!!
මේ ඔවුන්ගේ කතාවයි….
අද කතාංගය ඉන්දීය ජාතික හමුදාවේ ආරම්භයයි!

මම පළමු වතාවට උපසිරැසි ගන්වපු ImMATURE වෙබ් කතාමාලාව හිතුවටත් වඩා බෙහෝ දෙනෙක් ආදරයෙන් වැළඳගෙන තිබුණා. ඉතින් ඒ හැමදෙනාටමත් ස්තූතියි. ඒ විශ්වාසයෙන්ම මේකත් බලන්න පටන් ගන්න. මුල් කතාංග දෙක බලලා ඉවරයක් වෙනකොට නිකන්ම තුන්වෙනි කතාංගය එනකන් ඇඟිලි ගනින්න පටන් ගනීවි. වෙනදාට ඉන්දියානු Web Series බලනවා නම් මේකත් අතෑරගන්න එපා. අතෑරගෙන පස්සේ දොස් කියන්නත් එපා හොඳේ. මීට කලින් ඉන්දියානු Web Series බලලා නැත්නම්, මේ තියන්නේ පටන් ගන්න හොඳම තැන! කලින් බලපු නොබලපු බලන්න හිටපු හැමදෙනාම එහෙනම් අරගලයට එකතු වෙන්න පටන් ගන්න.

තවමත් විශ්වාස නැත්නම්, මේක බෑවට මෙලෝ රහක් නැති වෙයිද කියලා හිතෙනවා නම්, පොඩ්ඩක් ගූගල් දෙවියන්ගේ පිහිටෙන් පතරංග රිවීව්ස් දෙකතුනක් කියවලා එන්න. නැත්නම් මිලියන 23කට අධික නැරඹුම් වාර ප්‍රමාණයක් වාර්තා කරපු Trailer පටය නරඹලා එන්න. පුංචි හරි අවිශ්වාසයක් තිබුණනම්, ඒකත් දුරස් වෙලා යාවි..!

මතක ඇතිව, කමෙන්ට් තීරයේ අදහසත් එකතු කරගෙන යන්න. මොකද ඔබේ පුංචි දිරිගැන්වීම තමයි අපිව මේ වැඩේට උනන්දු කරවන්නේ. එහෙව් කොට ඒ මහන්සිය වෙනුවෙන් පුංචි අදහසක්වත් එකතු කරගෙන යන්න කම්මැලියි නම් සබ නොගත්තට කමකුත් නැහැ කියලයි කියන්න තියන්නේ.

“ මිනිහෙක්ට තමන්ගේ වෘෂණ කෝෂ මදුරුවෙක් කනකම් සටනක් සාමකාමීව විසඳගන්න පුලුවන් කියලා හිතෙන්නේ නෑ…
මේ කතාව වෘෂණ කෝෂ තියෙන අයට තේරෙයි. නැති අය තියෙන අයගෙන් අගහන්න. “

 

 

 

Due to copyright issues, we do not provide any torrent links.

මෙම ලබා දී ඇති උපසිරසි WEB පිටපත් සඳහා අදාළ වේ.

 

Subtitle Contributor Rank

BRONZE MEMBER
JOINING DATE – 2018-08-25
SUBMAKER RATING BY ADMINS