Breaking News
Home / ගුණාත්මක උපසිරැසිකරණයට යම් මඟපෙන්වීමක්

ගුණාත්මක උපසිරැසිකරණයට යම් මඟපෙන්වීමක්

සිංහල උපසිරැසි නිර්මාණය කිරීමෙදී එහි ගුණාත්මකභාවය වැඩි කරන්න නම් පරිවර්තන හැකියාව (ඉංග්‍රිසි දැනුම) මෙන්ම අනෙක් ශිල්පීය කරුණුත් ගොඩක් වැදගත් වෙයි කියල හිතෙනවා. ඉතින් මේ උපසිරැසිකරණයේ දී අපි භාවිතා කළයුතු රීතී ටිකක් (නීති නෙමෙයි) ගැන අපේ අවධානය යොමු කලොත් හොඳයි නේද…

  • කිසිවිටෙක ෆිල්ම් එක (හෝ ටීවී) නොබලා උපසිරැසි දමන්නට පටන් ගන්න එපා.
  • හැකි හැමවිටම වීඩියෝව බලමින්ම උපසිරැසි යොදන්න. ඒ සඳහා ඔබට Subtitle Edit කියන මෘදුකාංගය යොදාගන්න පුලුවන්.
  • වචනයෙන් වචනය කිසිවිටෙක පරිවර්තනය කිරීමෙන් වළකින්න. සම්පූර්ණ වාක්‍යයම ගෙන කතාවට අදාල ලෙස එය සිංහලට හරවන්න. වචනයෙන් වචනය පරිවර්තන කිරීමෙන් බොහෝවිට කතාවට අදාල නොවන දෙබසක් නිර්මාණය වීමට පුලුවන්. එවිට දෙබසේ යන දේ නොවෙයි ඔබේ උපසිරැසියේ තිබෙන්නේ.
  • ඉංග්‍රිසියෙන් සිංහලට හරවන විට එහි සදහන් නම්, ගම් ආදිය සියල්ලම සිංහලට හරවන්න නිතරම උත්සාහ ගන්න.
  • සාමාන්‍යයෙන් ෆිල්ම් එක බලද්දි සබ් එකක් වම් කොනේ ඉඳන් දකුණු කොනට එනකම් තිබ්බාම බලන කෙනාට ඒක එක දිගට කියවන්න අමරුයි. හේතුව වමේ ඉඳන් දකුණට ඇස් ගෙනියන්න වෙනවනේ. එතකොට වෙලාව ගොඩක් යනවා. එවිට අර විඩියෝ එකේ ඒවා මග ඇරෙනව. ඒ නිසා අපි නිතරම ලයින් කඩලා දාන එක හොඳයි. ඔබත් පරික්ෂාකර බලන්න, ඉංග්‍රිසි සබ්වල එහෙමනේ තියෙන්නේ. ඒවාගේ දිග ලයින් ඇත්තෙම නෑ. Subtitle Edit එකේ ඒකට පහසුකම් තියනවා.
  • දෙදෙනෙක්ගේ දෙබස් දෙකක් එකම ටයිම් ලයින් එකක ඇත්නම් ඒ දෙක පේලි දෙකට වෙන්කර ඒ ලයින් මුලට සෘණ (-) ලකුණ නිතරම යොදන්න. උදා:-

   139
   00:11:49,586 –> 00:11:52,454
   – කවුද ඔහු ?
   – මම දන්නේ නෑ හරියටම.

  • අවශ්‍ය තැන්හිදී කොමා, තිත ආදිය නිතරම යොදන්න උත්සාහ ගන්න. ඒවා නිතරම වචනය අවසන්වන තැනම යොදන්න. (සමහර සබ්වල දැකලා තියනවා වචනය ඉවරවෙලා ස්පේස් එකකුත් තියලා තමා තිත හෝ කොමාව වැටිලා තියෙන්නේ. ඒක නිවැරදි නෑ.)
  • අසැබි වදන් සඳහා භාවිතයේ තියන විකල්ප වදන් යොදනවනම් වඩාත් උචිතයි.
  • අපට නිතරම සිදුවෙන දෙයක් තමා ටයිප් කරන විට අකුරු වැරදෙන එක. එනිසා මුලු දෙබසම ටයිප් කර අවසානයේ නැවත එය කියවා බලන්න.
  • ඔබගේ නම උපසිරැස තුල ආරම්භයේදී සහ අවසානයේදී පමණක් ඇතුලත් කරන්න වග බලාගන්න. මන්ද සෑම තැනකම අන්තර්ගත වීමෙන් නරඹන්නාගේ රසාස්වාදයට එමඟින් තරමක බාධාවක් ඇති විය හැකියි.

උපසිරැසි යෙදීම සඳහා වන සම්මතයන් ගැන වැඩිදුර දැනගැනීමට මෙතනින් පුළුවන්.