Monday , November 29 2021
Breaking News

Antebellum (2020) Sinhala Subtitles | වර්ණවාදයේ භීෂණය [සිංහල උපසිරසි]

Rating: 9.6/10. From 13 votes.
Please wait...

සුබ දවසක් වේවා! යාළුවනේ, මං අද ඔයාලට අරගෙන ආවෙ සම්මානනීය ආන්දෝලාත්මක චිත්‍රපටියක්. අපේ රටේ මානව හිමිකම් ගැන කතාකරන ලෝක පොලිස්කාරයාගේ හෙළුවේ පැතිකඩක්. ඔයාලත් දන්නවා ඇති 1865ට කලින් ඇමරිකාව කළු ජාතිකයන්ව තම වහල් වැඩ සහ සෑම අවශ්‍යතාවක්ම සපුරගන්න පුළුවන් සතුන් කොටසක් විදියට සලකපු බව. ඒත් යුද්ධයෙන් පස්සෙ වහල්භාවය තහනම් උනත් වර්ණවාදී මතයන් වෙනස් උනාද? නෑ, කවදාවත් එහෙම උනේ නෑ. අදටවත් එහෙම වෙලා නෑ. ඒවා අපි හැමෝම පහුගිය දවස්වල ප්‍රවෘත්ති වලින් පවා දැක්කා. පොලිස් නිළධාරීන් විසින් කළු ජාතිකයන්ව මරාදැමීම වගේ දේවල් වලින්. ඉතිං ඕක තමයි ඇත්තම තත්වය. වැඩිදෙනෙක් කතා නොකරන තිත්ත ඇත්ත. ඒවගේම තමයි ඒ වෙනුවෙන් ගොඩක් අය කළු මිනිස්සු වගේම සුදු ජාතිකයන් අතලොස්සක් අදටත් විවිධ පැති වලින් සටන් කරනවා. දේශනා පවත්වනවා, පොත්පත් පුවත්පත් සඟරා ලියනවා. ඒවගේම රූපවාහිනී ටෙලිකතා, චිත්‍රපටි එහෙමත් ගොඩක් නිර්මාණය වෙලා තියෙනවා. මේකත් ඒවගේම එකක්. මම කතාව ගැන ටිකක් කියන්නම්කො.

මේකෙ ප්‍රධාන චරිත දෙකක් තියෙනවා. එකක් තමයි ඊඩන්. එයා සිවිල් යුද්ධය කාලෙ ඒකාබද්ධ හමුදාව යටතේ පවත්වාගෙන යන ගොවිපළක ඉන්න වහල් සේවිකාවක්. ඇයගෙ කාර්‍යය තමයි උදේ ඉඳන් හවස් වෙනකල්ම කපු නෙලලා රාත්‍රියට එහි ප්‍රධානියාව ලිංගිකව සන්තර්පණය කරන එක. එයාලට එතනින් පිටවීම තියා අවසරයක් නැතුව කතා කරන්නවත් බෑ. ඒවගේම පොඩි වැරැද්දකට පවා ජීවිතයෙන් උනත් වන්දි ගෙවන්න පුළුවන්.

අනිත් කෙනා තමයි වෙරෝනිකා. එයා වර්තමානයෙ ජීවත් වෙන කළු ජාතිකයන්ගෙ අයිතීන් වෙනුවෙන් පොත්පත් ලිවීම හා දේශන පැවැත්වීම මඟින් සටන් කරන එක්දරු මවක්. මේ වෙනකොට එයා රටේ ජනප්‍රිය චරිතයක් වෙලා තියෙන්නෙ. ඒවගේම ප්‍රීතිමත් පවුල් ජීවිතයක් ගතකරනවා. ඉතිං මෙයාගෙ දේශන වෙනුවෙන් රටේ ගොඩක් තැන් වලට යන්න වෙනවා. ඒ කාරණා හින්දම සමහරුන්ගෙ විවේචන වලටත් තවත් අයගෙ ද්වේශයටත් ලක්වෙනවා. ඉතිං ඔහොම ඉද්දි මෙයාට දේශනයක් සඳහා ලුයිසියානා වලට යන්න වෙනවා. හැබැයි එතනදි භයානක සිදුවීමකට වෙරෝනිකාට මුහුණ දෙන්න වෙනවා. එඑතකොට මේ ඊඩන් කියන්නෙ කවුද? ඇයටත් වෙරෝනිකාටත් තියෙන සම්බන්ධය මොකක්ද? අවසානයේ ඊඩන්ට වහල් බිමෙන් පැනගන්න ලැබෙනවද? මේ දේවල් වලට උත්තර හොයාගන්න කතාව බලන්නම වෙනවා. ඒවගේම මම විශේෂයෙන්ම මේක හොඳ නිර්මාණයක් කියලා නිර්දේශ කරනවා. ඒකට හේතුව ඔයාලටම තේරෙයි. කතාව ගැන මීටවඩා දෙයක් කියන්න බෑ, මොකද සම්පූර්ණයෙන්ම කුතුහලය මත කතාව පාදක වෙලා තියෙන හින්දා ඔයාලගෙ රසවින්ඳනයට බාධාවක් වෙන්න පුළුවන් හින්දා.

මේ Antebellum කියන වචනයෙ තේරුම තමයි “යුද්ධයට පෙර වකවානුව” කියන එක. විශේෂයෙන්ම ඇමරිකානු සිවිල් යුද්ධයට කලින් කාලය. මේ චිත්‍රපටිය ගොඩක් විචාරකයන්ගෙ කතාබහට ලක්වෙලා තියෙනවා. ඔයාලා මේක බලද්දි දකියි එක සිදුවීමක් තියෙනවා, දවසෙම කපු නෙලන මිනිස්සු සැරින් සැරේ ඒ කපු ගිනිගොඩකට දානවා. එයින් තේරුම් ගන්න තියෙන්නෙ මොවුන්ගෙන් වැඩගන්නෙ අවශ්‍යතාවයට වඩා ඒ අයව වහල්ලු විදියට ඒත්තු ගන්වන්න අවශ්‍ය හින්දා බව. ඒවගේ සැඟවුණු අරුත් තියෙන ගොඩක් දේවල් මේ කතාව ඇතුලෙ තියෙනවා. ඔයාලා මේක බලද්දි තේරෙයි. මම මුලින්ම කිව්වා වගේ මේ නිර්මාණය සම්මාන 9කට නාමයෝජනා වෙන්නත් සම්මාන 3ක් දිනාගන්නත් සමත්වෙලා තියෙනවා. එම නාමයෝජනා තමයි

• Black Reel Awards 2021 – Outstanding Support Actress ( Gabourey Sidibie )
• Fright Meter Awards 2020 – Best Cinematography ( Pedro Luque )
• Hawaii Film Crities Society 2021 – Best Horror Film
• Image Awards 2021 1- Outstanding Actress in a Motion Picture ( Janelle Monae )
•  Outstanding SSupporting Actress in a Motion Picture ( Gabourey Sidibie )

• Phoenix Critics Circle 2021 – Best Horror Film
• Sunset Film Circle Awards 2020 – Scene Stealer ( Gabourey Sidibie )
• Women Film Crities Circle Awards 2021 – Best Movie About Women

එතකොට සම්මාන දිනාගෙන තියෙන්නෙ =
• ReFrame 2021 – Top 100 Most Popular Narrative & Animated Feature
• Women Film Crities Circle Awards 2021 – Janelle Monae
• Women Film Crities Circle Awards 2021 – Best Female Action Hero ( Janelle Monae )

ඉතිං ඔයාලට හිතාගන්න පුළුවන්නෙ මේක මොනවගේ නිර්මාණයක්ද කියලා. IMDb දර්ශකයෙ අගයනම් ලබාදීලා තියෙන්නෙ 5.7ක් විදියට. ඒක මොනතරම් සාධාරණද කියලා ඔයාලම තීරණය කරන්න. පැයකුත් විනාඩි 45ක් කුතුහලාත්මකව බලාගෙන ඉන්න පුළුවන් මෙය Drama, Horror, Mystery යන ඛාණ්ඩ වලට අයත් වෙනවා. 2021 අප්‍රේල් 2වෙනිදා තමයි මුල්වරට එක්සත් රාජධානිය තුල ප්‍රදර්ශනය ආරම්භ කරලා තියෙන්නෙ. මෙය Gernard Bush හා Chistopher Renz විසින් රචනා කරලා අධ්‍යක්ෂණය කරලා තියෙනවා. මෙහි ප්‍රධාන චරිත නිරූපණය කරන්නෙ Janelle Monae, Eric Lange, Jena Malone, Jack Huston, Kiersey Clemons, Gabourey Sidibie යන අය. ප්‍රධාන නිළිය වගේම දුෂ්ඨ චරිත නිරූපණය කරන අයත් එක ලෙසම චරිතයට සාධාරණයක් කරල තියෙනව. විශේෂයෙන්ම කියන්න ඕනෙ මේකෙ පසුබිම් සංගීතයත් නියමයි. තව කියන්න ඕනෙ ප්‍රධාන චරිතය නිරූපණය කරන Janelle Monae කියන්නෙ ඇමරිකානු ගායිකාවක්, ගීත රචකාවියක්, රැපර් කෙනෙක්, නිළියක්, පටිගතකිරීම් නිෂ්පාදිකාවක් සහ නිරූපණ ශිල්පියෙක් කියන එකත්.

විශේෂයෙන්ම කියන්න තියෙන්නෙ මේ දේවල් තමයි. එහෙනම් ආයෙමත් ආරාධනා කරනවා මේක බලන්න එකතු වෙන්න කියල. බලලා කියන්න කොහොමද කියලා. තව දෙයක් කියන්න ඕනෙ. අපි උපසිරැසියක් කරනකොට සහතික වෙන්න බෑ ඒක 100%ක්ම නිවැරදි ඇති කියලා. අපේ දැනුම අනුව තමයි මේවා අරගෙන එන්නෙ. ඉතිං පොඩි පොඩි අඩුපාඩු ඇති. ඒ වෙනුවෙන් සමාව ඉල්ලනවා. හැබැයි 90%කට වඩා ඒක නිවැරදියි කියලත් කියන්න පුළුවන්. ඔයාලගෙ රසවින්ඳනය වෙනුවෙන් තමයි මෙහෙමහරි අරගෙන එන්නෙ. ඒ හින්දා කමෙන්ට් එකකින් හරි අපිව දිරිමත් කරන්න කියලා ඉල්ලනවා. එහෙනම් ගිහින් තව උපසිරැසියක් අරගෙන එන්නම්. එතකල් පරිස්සමෙන් සෞඛ්‍යාරක්ෂිතව නිරෝගිමත්ව ඉන්න කියලා ඉල්ලනවා.

ඔබට ජය…!

 

 

Due to copyright issues, we do not provide any torrent links.

මෙම ලබා දී ඇති උපසිරසි HDRip පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “ගයාන් චතුරංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2017-12-15
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Check Also

Ancient Aliens [S10 : E09] Sinhala Subtitles | පිටසක්වල ජීවීන්ගේ යුද්ධ [සිංහල උපසිරැසි සමග]

පෞරාණික පිටසක්වලයන් කියන්නේ ඇමරිකානු රූපවාහිනි කතා මාලාවක් වගේම වාර්තාමය වැඩසටහන් මාලාවක්. මේක විකාශනය වෙන්නේ හිස්ටරි …

Leave a Reply to jagath55 Cancel reply

Your email address will not be published.

16 comments

  1. සිංහල උපසිරසියට බොහොම ස්තුතියි,
    බුදු සරණයි!!ජය වේවා!!!

  2. Thanks for Sub!

  3. බොහොම ස්තූතියි සිංහල උපසිරැසියට. ජය෴෴ 😛 😛

  4. සබ් එකට බොහොම ස්තූතියි සහෝ….!

  5. Thanx bro…………

  6. Buddhika Lakmal

    ♠♣…බොහෝම ස්තූතියි උපසිරැසියට… ♠♦

  7. බොහොම ස්තූතියි

  8. Supun Kaushalya

    තෑන්ක්ස් සහෝ

  9. thanks..

  10. Gayan Dhanushka

    බාගෙන මාස 8ක් විතර බලාගෙන හිටියා. Thanks Bro!

  11. Family Man season 2 ඇවිල්ලා තියෙන්නේ
    සබ් කරමු කවුරුහරි
    බලපු කට්ටිය දන්නවනේ සුපිරිම සීරීස් එකක් බව

  12. සහෝ ..මේක bluray,web කොපි වලටත් හරියනවද??

  13. sinhala upasirasata bohoma sthuthiyi

  14. Upasirasata bohoma sthuthiyi

error: Alert: Content is protected !!