Disconnect (I) (2012) | අන්තර්ජාලය තුල ඔබත් විකිණෙනවා ද? [සිංහල උපසිරැසි සමඟ]

ඔබත් අන්තර්ජාල තුල සැරිසරනවා ද? සමාජ වෙබ් අඩවි වල ගිණුම පවත් වාගෙන යනවා ද? ඔබගේත් පුද්ගලිකත්වය අමු අමුවේ ලෝකය ඉදිරියේ නැතිවී යනවා ද? සුරක්ෂිත වෙන්න… මේ සිනමා පටන් ඔවදනක් ලබාගන්න…. අනිවාර්යෙන්ම නරබන්න…

කතාවට කලින් කියන්න දෙයක් තියෙනවා. ගිය සතියේ අඟහරුවාදා මම මගේ පලවෙනි සබ් එක බයිස්කෝප් අඩවියට බාර දුන්න. ඕගොල්ල හැමෝම ඒක ගොඩක් හොඳින් පිළිගත්තා කියල මට තේරුනේ බාගත් ප්ර මාණය දැක්කම. ඇත්තම කිව්වොත් මම පුදුම වුනා. පුදුම සතුටක්. කොච්චර සතුටුද කිව්වොත් මට කමෙන්ට් එකක් දාපු හැම කෙනෙක්ටම මම පිළිතුරු සැපයුවා. ඔන්න ඉතින් මේ පාර මම දෙන්න යන කතාව අපි හැමෝටම ගොඩක් වටිනා ආදර්ශමත් කතාවක්. මට මේ ෆිල්ම් එක ගැන කිව්වෙත් අපේ සමීර සහෝ. අපි හැමෝම අන්තර්ජාලේ එහා මෙහා සැරිසරන අයනේ? මේ කතාව බලන් යද්දී තේරෙනවා අපි නොදැනුවත්ව අපේ කොච්චර පුද්ගලික දේවල් අන්තර්ජාලයේ සැරිසරනවද කියල. අන්තර්ජාලය කියන්නේ කොච්චර භයානක මර උගුලක්ද කියල දැනගන්න නං මේ ෆිල්ම් එක බලන්නම ඕනේ.

මේ කතාව අමුතු එකක්. අපි පුරුදු වෙලා ඉන්නේ ෆිල්ම් එකක් පුරාවට එක කතාවක් බලන්නනේ? එත් මේකේ තියෙන්නේ කතා තුනක්. චරිත බොහොමයක්. අන්තර්ජාලයෙන් සිද්ද වෙන අතුරු විපාක හිතෙට දැනෙන විදියට මේ ෆිල්ම් එකේ දක්වල තියෙනවා. එක කතාවක යන්නේ අන්තර්ජාලයේ තමන්ගේ ශරීරය විකුණන තරුණ කොල්ලෙක් ගැන. කොල්ලෙක්? ඕගොල්ල හිතාවි මම ලිපියේ වැරදිලා කෙල්ලෙක් වෙනුවට කොල්ලෙක් කියල යෙදුව කියල. නැහැ. කොල්ලෙක් ගැන තමයි. අනිත් එකේ තියෙන්නේ තමන්ගේ සන්තකේම අන්තර්ජාල හොරෙක් සන්තක වෙච්ච පවුලක් ගැන. අනිත් එකේ තියෙන්නේ අහිංසක කොල්ලෙක්ව රවට්ටලා පොඩි සන්තෝෂයක් ගන්න කොල්ලෝ දෙන්නෙක් ගැන. කතා තුනක් තමයි. හැබැයි අන්තිමේදී වෙන්නේ මොකක්ද කියල ඔයාලම බලන්නකෝ.

මේ ෆිල්ම් එක 2012 සැප්තැම්බර් මාසයේ වෙනිසියේ පැවැත්වූ අන්තර්ජාතික සිනමා උළෙලේදී එළිදක්වපු එකක්. හෙන්රි ඇලෙක්ස් රුබින්ගේ අධ්යික්ෂණයෙන් නිර්මාණය වෙලා තියෙන මේ කතාවට 7.5ක IMDB අගයක් ලැබිල තියෙනවා. මිනිත්තු 115ක් පුරා දිවෙන මේ කතාව අනිවාර්යෙන්ම ඕගොල්ලන්ගේ ජීවිතය වටිනා යමක් එකතු කරාවි. අන්තර්ජාලය කියන්නේ ලෝක මාධ්යවක් කියල කියනවනේ. ඒ නිසා මේ බොහොමයක් අපේ රටටත් ගැලපෙනවා. මේ කතාව බැලුවට පස්සේ තමන් අන්තර්ජාලයේ සුරක්ෂිතද කියල ඕගොල්ල නැවත වතාවක් හැරිලා බලන එක නං මට 200% විශ්වාසයි.

ගිය සතියේ මම මගේ කුලුදුල් සබ් එක දාපු වෙලාවේ බයිස්කෝප් අඩවියේ ඔයාල හැමෝම මට කිව්වේ ළඟදීම තවත් හොඳ එකක් දෙන්න කියල. ඉතින් ඔන්න මම ඔයාලට ගේනවා සුපිරිම එකක්. වෙනද වගේම හොඳ ෆිල්ම් වලින්, සබ් වලින් පිරි සුපිරි අනාගතයක් වේවා. තවත් සබ් එකකින් නැවත හමුවෙමු. ජය වේවා!

මේ ලබා දී ඇති සිංහල උපසිරැසි පිළිබද “සිතිර චිරත් හපුආරච්චි” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.