Luck (2009) | වාසනාවක මහත [සිංහල උපසිරැසි සමඟ]

කොහොමද යාළුවනේ, ඔන්න මමත් “බයිස්කෝප් සිංහලෙන්” පවුලේ සාමාජිකයෙක් වෙන්න හදන්නේ.ගොඩක් කල් ඉඳලා බයිස්කෝප් එකත් එක්ක රැඳිලා සිටියත් ඔන්න අද තමයි එලියට ආවේ. මම ගැන කියනවා නම් මම චතුර මදුසංක.මම කෘෂිකර්ම ඩිප්ලෝමාවක් කරනවා .මේ දවස් වල අපිට ගොඩාක් ලොකු නිවාඩුවක් හම්බුනා .ඉතින් ගෙදරට වෙලා නිකන් ඉන්න එකේ මටත් හිතුන ෆිල්ම් එකකට උපසිරැසියක් දැන්මොත් හොඳයි කියල .ඇත්තම කියනවනම් මට ෆිල්ම් බලන්න වැඩි කැමැත්තක් ඇතිවුනේ මේ බයිස්කෝප් සිංහලෙන්” සේවාව හින්දයි .මම බයිස්කෝප් සිංහලෙන් පවුලේ අපේ සහෝදරයින් නිසා රස කර කර සිංහල උපසිරැසිත් එක්කම බයිස්කෝප් බලනවා.තමන් බලලා රස වින්ද ෆිල්ම් එකකට උපසිරැසියක් හදලා ඒක අනිත් අයත් එක්ක බෙදාගන්නවනම් ඒක කොයිතරම් දෙයක්ද ..ඉතින් මමත් එහෙම හිතල වැඩේට බැස්සා .එතකොට තම්යි තේරුනේ අපේ යාළුවන් මේ වැඩේට කොච්චර නම් මහන්සි වෙනවද කියල .. ඒ වගේම කියන්න ඕනේ, මේක මගේ පළමු උපසිරැසිය නිසා අඩුපාඩු ඇති. ඒවට මම ඔයාලගෙන් සමාව ඉල්ලනවා.

මුලින්ම මම දෙන්න හිතුවෙ හින්දි ෆිල්ම් එකක්..මම මේ ෆිල්ම් එකේ සින්දු වලටනම් උපසිරැසි දැන්මෙ නෑ.නමුත් මම අනිවා ඊළග එකේ ඉඳලා සින්දු වලටත් එක්කම උපසිරැසි දාන්න පොරොන්දු වෙනවා. මේ ෆිල්ම් එක action-thriller ගනයට දාන්න පුලුවන් එකක්. මේ ෆිල්ම් එකේ අධ්‍යක්ෂක Soham Shah. ඒ වගේම තිර රචනය කරල තියෙන්නෙ Renzil D’Silva. නලු නිලියන් වශයෙන් Mithun Chakraborty, Sanjay Dutt, Imran Khan, Shruti K. Haasan ආදි අය මේ නිර්මානයට දායක වෙනවා. Shruti K. Haasan කියන නිලිය දන්නවනෙ අර 3, oh my friend වගේ ෆිල්ම් වල හිටියේ.

කතාව ගැන කියනවනම් මේක රාම් මෙහෙරා කියන පුද්ගලයෙක් වටා තමයි ගෙතෙන්නෙ. මොහුගේ පියා සූදුව නිසා කෝටි 25ක මුදලක් නැතිකරගන්නව. ඒ නිසාම ඔහු සියදිවි නසාගන්නව. පසුව ඔහුගේ නිවෙස පවා සින්න වෙනව .රාම්ට සහ ඔහුගේ මවට සියලු දේ නැති වෙනවා. මෙතනින් තමයි රාම්ගේ ජීවිතය වෙනස් වෙන්න පටන් ගන්නෙ. මේ අතරතුර තමයි තමාන්ග් කියන පුද්ගලයව මුන ගැහෙන්නෙ. ඔහුගේ මාර්ගයෙන් තමයි මේ කතාවේ දැවැන්තම චරිතය කරලියට එන්නේ. ඒ තමයි කරීම් මූසා. රාම්ට මොවුන් දෙදෙනා මුනගැහෙන්නෙ අහම්බෙන්ද? දවස් 20න් මිලියන 200ක් හොයගන්න පුලුවන් මාරාන්තික සෙල්ලමක් කරීම් පටන්ගන්නවා. මොකක්ද මේ සෙල්ලම? මේ සෙල්ලමට රාම් සහබාගි වේවිද? එහෙම වුනොත් ඔහුට මිලියන 200 දිනන්න පුලුවන් වේවිද? කවුද මේ කරීම්? මොකක්ද ඔහුගේ පරමාර්ථය?? මේ සියල්ලටම උත්තර ෆිල්ම් එක බලලා ඔය කට්ටියම හොයගන්න කියල මම ආරාදනා කරනවා. ඒ වගේම අපේ ජීවිතේට එක් කරගන්න පුලුවන් ගොඩාක් දේව්ල් මේ ෆිල්ම් එකේ තියෙනවා.

එහෙනම් තවත් බයිස්කෝප් එකක උපසිරැසි අරගෙන එනකම් හැමෝටම ජය වේවා!!!

මේ ලබා දී ඇති සිංහල උපසිරැසි පිළිබද “චතුර මදුසංක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.