The Jacket (2005) | උමතු රෝහලේ අභිරහස [සිංහල උපසිරැසි සමඟ]

මගේ දෙවැනි උපසි‍රැසි නිර්මාණය ලෙස මා ගෙනෙන්නේ The Jacket නම් වූ 2005 වර්ෂයේ නිපදවුනු විද්‍යා ප්‍රබන්ධ චිත්‍රපටයයි. මේකෙ ප්‍රධාන චරිතය වෙන්නෙ 1991 ගල්ෆ් යුද්ධයට සහභාගී වූ ජැක් ස්ටාක්ස් නම් ඇමරිකානු සොල්දාදුවායි. ඔහු යුධ පිටියේදී සිදුවන තුවාල නිසා මතකය සම්බන්ධ රෝගී තත්වයකට මුහුණ පානවා.

මේ හේතුවෙන් ඔහු හමුදාවෙන් ඉවත්ව සිටින අතර, තමන් නොකල වරදකට මානසික රෝගී අපරාධකරුවන් රඳවා සිටින රෝහලකට ඇතුල් කෙරෙනවා. එහිදී ඔහුව බෙකර් නම් වූ වෛද්‍යවරයෙකුගේ පරීක්ෂණයකට බලහත්කාරයෙන් යොදා ගැනෙනවා. මෙහි කථාව ගෙතී ඇත්තේ එම පරීක්ෂණය තුලදී ඔහු මුහුණ දෙන අනපේක්ෂිත සිද්ධි මාලාවක්. මෙහිදී ඔහු මුහුණ දෙන අවුල් සහගත තත්වය විසඳා ගැනීමට ඔහුට ජැකී නම් තරුණියක් උදව් වෙනවා.

මෙහි ජැක් ස්ටාක්ස්ගේ චරිතය The Pianist චිත්‍රපටයෙන් ජනප්‍රිය වූ Adrien Brody විසිනුත්, ජැකීගේ චරිතය Pirates of the Carribean චිත්‍රපට මාලාවෙන් ජනප්‍රිය වූ බ්‍රිතාන්‍ය ජාතික නිළි keira Knightley විසිනුත් රඟපානවා. බොහෝ විට ඉතිහාසගත චිත්‍රපට වලින් (Period movies) අප හමුවට එන ඇය රඟපා ඇති නූතන යුගයට අයත් චරිත අතලොස්සෙන් එකෙක් තමයි මේ. මීට අමතරව වර්තමාන James Bond වන Daniel Craig ද මෙහි උමතු රෝගියෙකුගේ චරිතයක් රඟදක්වනවා.විද්‍යා ප්‍රබන්ධ සහ අද්භූත කථා වලට කැමති නම්, මේ චිත්‍රපටය ඔබටයි.

මේ ලබා දී ඇති සිංහල උපසිරැසි පිළිබද “rum2550” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.