අපගේ නිල ඩවුන්ලෝඩ් වෙබ් අඩවිය තවදුරටත් baiscopedownloads.co නොවේ. කරුණාකර අපගේ උපසිරසි සඳහා ගැලපෙන ලින්ක් බාගත කරගැනීමට https://baiscopedownloads.link/ හෝ https://baiscopedownloads.xyz/ වෙත පිවිසෙන්න.

MENU

99 Songs (2021) Sinhala Subtitles | සංගීතමය චාරිකාව… [සිංහල උපසිරසි]

Rating: 9.3/10. From 26 votes.
Please wait...

” මේ අහන්න..
සංගීතය කියන්නේ.. එක්තරා ඇබ්බැහිවීමක්(මත්බවක්)…
කතාවක් තියෙනවා,
ස්වර, තාලය තියෙන ඕනම දෙයක් දෙවියන් අතින් ආශිර්වාද කරලා දීපු තෑගී කියලා…
ඒ ඔක්කොම බොරු.
දන්නවද ඔය පිස්සු මිනිස්සු වේදිකාවේ ඉදිරිපත් කිරීම් කරන්න ආස ඇයි කියලා?
අත්පොලසන් නාද වලින් ලැබෙන මත්බව තියෙනවා නේද…
ඒ ඇබ්බැහිවීම පැතිරිලා තියෙන්නේ උන්ගේ නහර වල…
ඊට පස්සේ,
එක මත්බවකින්, තව මත්බවකට මාරු වෙනවා…
ටිකෙන් ටික මේ සංගීතය…
ඔයාගෙන් ඔයාගේ හැමදේම හොරකම් කරගන්නවා…
මේ ලෝකයේ, හැම රෝගයකින්ම…
හැම දරුණු නරක ඇබ්බැහිවීමකින්ම…
සියල්ලටම වඩා නරකම එක තමයි…
සංගීතය…! “

මේ තාත්තෙක් පුතෙකුට දෙන උපදෙසක්. නමුත් මේ හිතුවක්කාර පුතා එම අවවාදය කනකට ගන්නේ නැහැ. ඔහු සංගීතය පස්සෙන්ම පන්නනවා. 99Songs, ඒ කතාවයි. සංගීතයට ආදරය කරන හැම කෙනෙක්ම මග බලාසිටි Musical Romantic චිත්‍රපටය 99songs චිත්‍රපටය ඔබ වෙත රැගෙන එන්නයි මේ සූදානම. විශේෂත්වය ඉන්දියානු සංගීතයේ ශ්‍රේෂ්ඨයා A. R. රහ්මාන් විසින් රචිත කතාවක් මත ගොඩ නැගුනු මෙම චිත්‍රපටය ඔහු විසින්ම පසුබිම් සංගීතය මුසු කර, සංගීතවත් කර නිෂ්පාදනය කර සිනමාවට බාර කිරීමයි.

මීට වසර දහයකටත් පෙර A. R. රහ්මාන් අතින් ලියවෙන 99Songs කතාව රහ්මාන් විසින්ම නිෂ්පාදනය කිරීමට ඔහු තීරණය කරනු ලබන අතර එය අධ්‍යක්ෂණය සඳහා කෙනෙකු සොයමින් සිටියදී The Dewarists සංගීතමය වාර්තා වැඩසටහන රහ්මාන්ගේ නෙත ගැටෙනවා. එහි අධ්‍යක්ෂක Vishwesh Krishnamoorthy මහතා හට 99Songs චිත්‍රපටය අධ්‍යක්ෂණය කිරීමට A.R. රහමාන් මහතා විසින් ආරාධනා කර සිටිනවා. පසුව ඔවුන් දෙදෙනා එක්ව වසර හතරක් තිස්සේ තිර රචනය ගොඩනගන අතර 2015 දී මෙම චිත්‍රපටය ගැන නිල වශයෙන් නිවේදනය කරනවා. මෙහි ප්‍රධාන චරිත සඳහා නවක නළු නිලියන් හඳුන්වාදීමට රහ්මාන් මහතා හට වුවමනා වූ අතර ප්‍රධාන චරිතය වන ජේයි ගේ චරිතය වෙනුවෙන් ඔවුන් පියානෝ වාදනය සහ ගීත ගායනය දෙකමටම හැකියාව ඇති 800 දෙනෙකුට අධික සංඛ්‍යාවකගේ කුසලතා පරීක්ෂාවක් සිදු කලත් අවසානයේ ඔවුනට සරිලන කිසිවකු හමුවූයේ නැහැ. පසුව එම ලැයිස්තුවේ 38 වෙනියා තෝරාගෙන ඔහුට පියානෝ වාදනය ඉගැන්වීමට රහ්මාන් මහතා කටයුතු කරනු කරනවා. එලෙස තෝරාගත් Ehan Bhat චිත්‍රපටයේ ජේයි ගේ චරිතය හොබවන අතර සෝෆි චරිතය වෙනුවෙන් Edilsy Vargas තෝරාගනු ලබනවා. 2017 වසරේ සිට නිහඬව මෙහි නිෂ්පාදන කටයුතු ඇරඹෙන අතර හින්දි, තෙලුඟු, දමිල භාෂා තුනෙන්ම මෙය නිපදවෙනවා. හුසේන් දලාල් සහ ගෞතම් මෙනන් මහතා මෙහි තෙලුඟු සහ දමිල දෙබස් රචනා කරනු ලබනවා.

සංගීතය යනු ගණුදෙනුවක්…
සංගීතය යනු නිර්මාණාත්මක අදහස් සමග කරන ගණුදෙනුවක්…
සංගීතය යනු නිර්මාණාත්මක පිළිගැන්වීමක්…
සංගීතය යනු මනෝවිද්‍යාව සමග කරන තරඟයක්, අභියෝගයක්…
සංගීතය යනු නිර්වචනය කල නොහැකි දෙයක්… හැඟීමක්…

චිත්‍රපටයේ පසුබිම් සංගීතය සහ ගීත සියල්ල සංගීතවත් කරන්නේ A.R. රහමාන් මහතා විසින්. ගීත ඇල්බමය 2015 වසරේ සිට නිර්මාණය වන අතර එය ගීත 14කින් සමන්විතයි. එම ගීත හින්දි, තෙලුඟු, දමිල බාෂා තුනෙන් වෙන වෙනම නිර්මාණය වන අතර ඔරිජිනල් වර්ෂන් එක වන හින්දි ඇල්බමයේ ගීත රචනා කරනු ලබන්නේ Navneet Virk, Abhay Jodhpurkar, Dilshaad Shabbbir Shaikh, Raftaar, Munna Shaukat යන අය විසින්. දමිල ඇල්බමය Madhan Karky, Thamarai and Mashook Rahman යන අය විසින් රචනා කරනු ලබන අතර තෙලුඟු ගීත සියල්ල Anantha Sriram විසින් රචනා කරනු ලබනවා.

99 Songs ගීත ඇල්බමය Dolby Atmos තාක්ෂණයෙන් නිකුත් වූ පළමු ඉන්දියානු ගීත ඇල්බමය බවත වාර්තාගත වනවා. මෙහි තේමා ගීතය “The Oracal” ලෙසින් නම් වූ අතර එය Instrumental ආකාරයේ ගීයක් චිත්‍රපටයේ අවසාන මිනිත්තු කීපයේ ඔබට එය වෙත සවන් දෙන්න පුළුවන්. චිත්‍රපටයේ මුළු ගීත ඇල්බමය Sony Music හරහා 2020 මාර්තු 20 නිකුත් වූවා. 2021 වසරේ මාර්තු සහ අප්‍රේල් හිදී ඇල්බමයේ දමිල සහ තෙලුඟු වර්ෂන් නිකුත් කරනු ලබනවා. https://en.wikipedia.org/wiki/99_Songs_(soundtrack)

චිත්‍රපටය 2018 වසරේ නිකුත් කිරීමට කටයුතු සැලසුම් කලත් වැඩකටයුතු අවසන් නොවීම නිසා එය 2019 ජූනි 21 ලෝක සංගීත දිනයට සමගාමීව නිකුත් වන බව මුලින් නිවේදනය කෙරුනා. නමුත් VFX වැඩ කටයුතු අවසන් නොවීම නිසා එයද කල් ගිය අතර පසුව එහි නිෂ්පාදන කටයුතු අවසන් වූ පසු චිත්‍රපටය 24th Busan International Film Festival සිනමා උළෙලේදී මෙය ප්‍රදර්ශනය වූ අතර එහිදී ඉහල ප්‍රතිචාර හිමි වූවා. 2020 වසරේ නැවත කොවිඩ් උවදුර සිනමාවට බලපෑමත් සමග චිත්‍රපටය නිකුත් වීම යලි කල්ගතවූ අතර මෙහි සිනමානාත්මක අද්දැකීම සිනමා ශාලා වලින්ම ලබාගතයුතු බව ප්‍රකාශ කල රහමාන් මහතා OTT හරහා නිකුත් කිරීමට එකඟ වූයේ නැහැ. අවසානයේ 2021 වසරේ අප්‍රේල් 16 චිත්‍රපටය තිරගතවීම ඇරඹි අතර චිත්‍රපටය මාසයක් පමණ ප්‍රදර්ශනය වීමෙන් පසුව යලි කොවිඩ් දෙවන රැල්ල ඉන්දියාව වෙලා ගනු ලබනවා. කෙසේ වෙතත් අඩු වියදමකින් තැනුණු චිත්‍රපටයක් ලෙස මෙය හැඳින්වෙන අතර ආදායම් වශයෙන් සාර්ථක වන්නට ඇතැයි අනුමාන කල හැකියි.

රහමාන් මහතා මෙහි වැඩකටයුතු ඇරඹි කාලයේ සිටම පැවසූ කාරණයක් තමයි තමා මෙහි අවදානම දැනගෙන මෙයට අත ගැසූ බව සහ තවදුරටත් ඔහු සඳහන් කලේ “එක්කෝ ප්‍රේක්ෂකයින් මෙය හින්දි සිනමාවේ නව රැල්ලක් ලෙසින් පිළිගනු ඇති, නැතිනම් ඔවුන් යලි එය මගේ මූණට විසි කරාවි” යන්නයි. කෙසේ වෙතත් ඔහුගේ අදහස වන්නේ සංගීත අධ්‍යක්ෂකයින් සතුව සිනමානාත්මක නිර්මාණය ගොඩ නැගීමට සුදුසු නිර්මාණාත්මක අදහස් තිබෙන බවත් බොහෝ දෙනා එහි ඇති අවදානම නිසා ඒ සඳහා යොමු නොවන බවත් ඔහු සඳහන් කරනවා. එමෙන්ම ලෝකයේ අතිදක්ෂ සංගීතඥන් තමන්ගේ නිර්මාණාත්මක අදහස් සිනමා නිර්මාණ හරහා ප්‍රේක්ෂකයින් අතරට ගොස් ඕනෑතරම් සාර්ථක වූ අවස්ථාවන් සඳහා උදාහරණ ඇති බවත් තමාද මෙයින් උත්සහ කරනු ලැබුවේ එලෙස ඔහුගේ හිතේ ඇඳුනු කතාවක් සිනමානාත්මක නිර්මාණයකට පරිවර්තනය කිරීමට බව ඔහු සඳහන් කරනවා. ඉදිරියේදී ඔහු මෙවන් නිර්මාණ තවත් කිරීමට බලාපොරොත්තුවෙන් සිටින බවත් ඔහු සතුව දැනටමත් ගොඩනගාගත් කතා වස්තුන් රැසක් තිබෙන බව මෙන්ම 99songs චිත්‍රපටය සමග චිත්‍රපට නිෂ්පාදනයට අත්පොත් තැබූ රහමාන් මහතා තමාගේ නිෂ්පාදන ආයතනය යටතේ එවන් සංගීත නිර්මාපකයින් හට සිනමනාත්මක ප්‍රකාශනයන් ඉදිරිපත් කිරීමට තමන් සහයෝගය දීමට බලාපොරොත්තු වන බවද සඳහන් කර සිටිනවා.

ඉතින් එහෙනම් යන්න අවසරයි. නිතරම බලන චිත්‍රපට වලට වඩා වෙනස් ආරකින් යුතු මේ චිත්‍රපටය ඔබට වෙනස්ම අද්දැකීමක් ගෙන දෙනු ඇතියි මට තදින්ම විස්වාසයි. අරගෙන බලන්න කියල ආරාධනා කරනවා බලලා රසවිඳින්න කියල ආරාධනා කරනවා. ඒ වගේම චිත්‍රපටය නැරඹීම පමණක් නොකොට සංගීතයටත් අවධානයෙන් සවන් දෙන්න කියල ඉල්ලා සිටිනවා. පුළුවන් නම් හොඳ හෙඩ්සෙට් එකක් හෝ සවුන්ඩ් සිස්ටම් එකක් පාවිච්චි කරන්න. සංගීතය චිත්‍රපටය තුල ලොකු කාර්යභාර්යයක් ඉටු කරන නිසා එය මගහැරුනොත් ඔබට චිත්‍රපටයේ රසය අඩුවෙන් ලැබෙන්න ඉඩ තියෙනවා. අවුරුදු දෙකකට විතර කලින්ම මේක මට උපසිරැසි කරන්න වෙන් කරලා දුන්නු ඇඩ්මින් මණ්ඩලයටත් ස්තුතිය පල කරන ගමන්, බයිස්කෝප් පවුලේ සහෝදර උපසිරැසිකරුවන් හැමෝමවත් මතක් කරන ගමන් හැමදාම අදහසක් පල කරන සැමට හෘදයාංගම ස්තුතිය පල කර සිටිනවා. ඒ වගේම විවේචනයක්, අගයකිරීමක්, බැනුමක්, දිරිගැන්වීමක්, වැරද්දක්, නිවැරදි කිරීමක් කියන්න තියේනම් අදත් පහල තීරුව විවෘතව තිබෙනවා එහි අදහසක් පලකරගෙන යන්නත් ආරාධනා කරනවා. ඒ වගේම එතන කියන්න බැරි දෙයක් තියේ නම් [email protected] ඊමේලයට උනත් ඕනම දෙයක් එවන්න ඔබට හැකියාව තියෙනවා. වැරද්දක් තිබේ නම් ඒවා නිවැරදි කරගන්න අප ඕනම වෙලාවක සූදානම්ව සිටින බවත් සඳහන් කරන්න කැමතියි. ඔබට අප හා සමීප වන්නට තවත් ඉඩකඩ වෙන්ව පවතින තැන් කීපයක්ද පහලින් සඳහන් කරන ගමන් මා සමුගන්නවා.

“ඔහු අත්පොළසන් වලට ආස කලේ නැහැ,
කීර්තියට ආශා කරෙත් නැහැ.
ඔහු තමන් කෙරෙහි ආත්මාර්ථකාමී ප්‍රේමයෙන් පිරුනෙත් නැහැ,
ගීත සීයක් නිර්මාණය කිරීම ගැන ආඩම්බර වුනෙත් නැහැ…
ඔහුට අවශ්‍ය වූයේ ආපසු නිවහනට යාම පමණයි…
මොකද ඔහුගේ නිවහන සංගීතය නිසා…
සංගීතය ඔහුගේ රැකවලා වනු ඇති…
ඔහුගේ මතකය ඇති තාක් දුරට…
ඔහුගේ මනසේ…
එක තනුවක් සැරිසැරුවා…
ස්පර්ශ නොකළ…
කතා බහ නොකෙරූ..
ආලෝකයක් සැරිසැරුවා
එය අද සියලු අන්ධකාරයන්…
ආලෝකමත් කරනු ලැබුවා…”

ඔබට ජය…!!!

බයිස්කෝප් සිංහලෙන් නිල ෆේස්බුක් පිටුව – https://www.facebook.com/Baiscopesinhalen/
බයිස්කෝප් සිංහලනේ නිල ෆේස්බුක් එකමුතුව – https://www.facebook.com/groups/Baiscopesinhalen/

 

 

Due to copyright issues, we do not provide any torrent link.

මෙම ලබා දී ඇති උපසිරසි TRUE WEB-DL පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “තා‍ර‍ක ‍නු‍වන්‍ ‍දිල්‍‍හා‍ර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank
GOLD MEMBER
JOINING DATE – 2014-11-10
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

22 thoughts on “99 Songs (2021) Sinhala Subtitles | සංගීතමය චාරිකාව… [සිංහල උපසිරසි]

  • සිංහල උපසිරසියට බොහොම ස්තුතියි,
    බුදු සරණයි!!ජය වේවා!!!

    Reply
  • බොහොම ස්තූතියි සිංහල උපසිරැසියට. ජය෴෴ 😛 😛

    Reply
  • Thank you so much for the sub 🙂

    Reply
  • සබ් එකට ගොඩක් ස්තූතිය සහෝ.ෆිල්ම් එක හොඳයි.පසුබිම් සංගීතය පට්ට.සිංදු ටික aashiqui 2 පරද්දන මට්ටමක තියෙයි කියල හිතුවෙ.ඒත් aashiqui 2 එකේ music album එක මීට වඩා හදවතට කතා කරන මට්ටමක තිබ්බා.කතාව හොඳ උනත් සංගීතය පැත්තෙන් නම් බලාපොරොත්තු උන තරම් දෙයක් හම්බුනේ නෑ කියලයි හිතෙන්නෙ…

    Reply
    • සංස්කෘතිකයි එකඟයි..

      Reply
  • ♠♣…බොහෝම ස්තූතියි උපසිරැසියට… ♠♦

    Reply
  • … ගොඩක්ම ස්තූතියි. …
    ඔබට සහ ඔබ පවුලේ සැමට
    තෙරුවන් සරණ ලැබේවා..!

    Reply
  • තෑන්ක්ස් සහෝ

    Reply
  • ikmanata me wage nirmanayakata sub dunnata thanks bro

    Reply
  • Amutuma movie ekak download karaddin hituwe ne me taram supiri ekak kiyala
    Ikmnata balanna comments kiyawanne. Natiwa

    Reply
    • thanks.mewa balala thama mama film eka download krnne.me wage comment ekak dammama film eka kohomada kyla hitha ganna pluwn.

      Reply
  • බලමු බලමු…ස්තූතියි

    Reply
  • සංගීතය,
    ජීවිතයක් විදින්න නැතුවම බැරි දෙයක් ❤️
    උපසිරැසියට ස්තුතියි අයියේ

    Reply
  • ස්තුතියි උපසිරසියට ජයවේවා – බුදු සරණයි …….

    Reply
    • movie eka hoyagattada

      Reply

Leave a Reply

Your email address will not be published. Required fields are marked *