A Taxi Driver (2017) AKA Taeksi woonjunsa Sinhala Subtitles | සැඟවුණු සත්‍යය…. [සිංහල උපසිරැසි සමඟ]

ආයුබෝවන්! ඔන්න ඉතින් ටිකක් ප්‍රමාද වුණත් 2017 වර්ෂයේදී කොරියාවෙ හොඳම චිත්‍රපටිය වගේම කොරියානු චිත්‍රපටි ඉතිහාසයේ චිත්‍රපටි අතුරින් 6 වෙනි ස්ථානයට පත්ව තිබෙන චිත්‍රපටිය අරගෙන තමයි මම අද බයිස්කෝප් මංසලට ගොඩ වුණේ. මේ චිත්‍රපටියට imdb 7.9 ක් වැනි ඉහල අගයකුත් Rotten Tomatoes වල 96% ක වගේ දැවැන්ත අගයකුත් මේ චිත්‍රපටියට ලැබිල තියෙනවා.drama/action ගණයට අයත්වෙන මේ චිත්‍රපටිය ද.කොරියාවෙදි විතරක් ඇ.ඩො.මිලියන 88.7 ක ආදායම් වාර්තාවක් තබන්නත් සමත් වෙලා තියෙනවා. ඒ වගේම හොඳම චිත්‍රපටිය හොඳම නළුවා, හොඳම පසුතල, හොඳම සහය නළු, හොඳම අධ්‍යක්‍ෂක ඇතුළු සම්මාන 24 ක් ජයග්‍රහණය කරන්නට සමත් වෙලා තියෙන්නෙ සම්මාන උළෙලවල් 14 කින් වීමත් විශේෂත්වයක්.ඒ වගේම තමයි මේ චිත්‍රපටිය 2017.09.21 චීනයේදී තිරගත වුණත් මේ චිත්‍රපටියට තියෙන ඉහල රේටින් අගයන් සහ ඉහල ඉල්ලුම නිසාවෙන් ඔක්තෝම්බර් තුන්වෙනිදා මේ චිත්‍රපටිය චීනෙන් ඉවත් කරල තියෙනවා. ඒ චීන සිනමාවට හානියක් වෙයි කියන බයට.අනිත් විශේෂම දේ තමයි මේ චිත්‍රපටිය සම්පුර්ණ සත්‍ය කතාවක් වටා ගෙතුණු නිර්මාණයක්.

හොඳයි ඉතින් කතාව පැත්තට හැරුනොත් මෙහෙමයි.. 1980 කියන්නෙ කොරියාවෙත් කැරලි කෝලහාල වුණු ඇදිරිනීතිය පනවපු කාලයක්.ඉතින් මේ කාලේ, තමන්ගෙ වයස 11 වයස දුවත් එක්ක ජීවත්වෙන බිරිඳ මැරුණු ටැක්සි රියැදුරෙක් තමයි කිම් මන් සොබ් [Song Kang-ho = The host/ Snowpiercer/ The age of shadows/memories of murder/ The face reader/ The throne / The good,the bad,the wierd.. සහ තවත්..] කියන්නෙ. මෙයාට සල්ලි ප්‍රශ්න තියෙනවා. ඒ නිසා නිතරම කුලී ගෙදර අයිතිකාරිගෙන් මෙයාට බැනුම් අහන්න වෙනවා. දවසක් මෙයා කෑම කකා ඉන්නකොට ඇහෙනවා කවුද සුද්දෙක්ව ග්වන්ජු වලට ගෙනිහින් ඇදිරිනීතියට කලින් ගේනවට වොන් 100 000 ක් ලැබෙනවයි කියලා.ඉතින් මෙයා ශේප් එකේ ගිහින් ඒ විදේශිකයව එයාගෙ ටැක්සියෙ එක්කරගෙන යනවා.

විදේශිකයා තමයි ජර්මානු ජාතිකයෙක් වෙන ජර්ගන් හින්ස්පීටර්.මෙයා කොරියාවට එන්නෙ ග්වන්ජු වල ජනතාවට සිද්දවෙන අයුක්තිය අසාධාරණය අකටයුතුකම් ගැන පත්තරේට වාර්තා කරන්න.හැබැයි යුද නීතියට අනුව මුළු රටේම විදෙස් මාධ්‍ය තහනම් කරලයි තියෙන්නෙ.ඒ නිසා මේ පීටර් වෙස්වලාගෙන තමයි මේ ගමන ටැක්සි රියදුරත් එක්ක යන්නෙ.ටැක්සි රියදුරා අවු.කීපයක් සව්දියෙ ඉඳල තියෙන නිසා ඉංග්‍රීසි කෑලි ටිකක් දන්නවා. ඉතින් මේ දෙන්න ග්වන්ජු වලට යන අතරතුරදි මුර පොලක් හම්බෙනවා. ඒ වගේම තමයි මේ නගරෙට යන සේරම පාරවල් වහල දාලයි තියෙන්නෙ.ඒ නිසා මේ අය ගම්බද පාරකින් ගමන පිටත් වෙනවා.එතනදිත් හමුදා මුර පොලක් හම්බෙනවා.අතුරු පාරවල් වලට පවා හමුදාව දාන්න තරම් මේ ග්වන්ජු නගරෙ වෙන්නෙ මොනවද කියන එක මේ රියදුරු මහත්තයට ප්‍රශ්නයක්.හැබැයි එහෙ වෙන්නෙ මොනවද ඇයි වෙන්නෙ කියන එක මේ පීටර් දන්නවා.ඒත් එයාට එහෙ වෙන දේවල් පටිගත කරගෙන ආපහු ජපානෙට යන්න ඕනෙ.

මේ දෙන්න සෑහෙන ගේමක් දීල ග්වන්ජු නගරෙ ඇතුලට ආවම දකින්නෙ සේරම කඩවල් වහලා.. පාරවල් අවහිර කරලා.. රියදුරා හිතන්නෙ මෙහෙම වෙලා තියෙන්නෙ විශ්‍යවිද්‍යාල සිසුන් කරන උද්ඝෝසණ නිසා කියලා.ඒත් මෙයාලට ජේ-සික් කියන ලමයව හම්බුනාට පස්සෙ දැනගන්න ලැබෙන්නෙ වෙන දෙයක්.මේ ජේ-සික්ටත් ටිකක් ඉංග්‍රීසි පුළුවන් නිසා.. පීටර් මෙයාවත් මේ ගමනට එකතු කරගන්නවා.. ඉතින් මං මේ කතාව ගැන තවත් කියන්න යන්නෙ නම් නැහැ..ඔයාලම බාගෙන බලාගන්න මම දීපු සබ් එකට ගැලපෙන පිටපත තියෙන්නෙ YTS වල.එහෙනම් තවත් චිත්‍රපටියකින් හමුවෙනකල් අදට ගිහින් එන්නම්.

බුදුසරණයි!

Due to copyright issues, we do not provide any torrent links.

මෙම ලබා දී ඇති උපසිරැසිය BR (YTS) පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “චාමල් කැලුම් අතපත්තු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

SILVER MEMBER
JOINING DATE – 2016-07-05
SUBMAKER RATING BY ADMINS