Alpha (2018) Sinhala Subtitles | ඇල්ෆා: ජීවිතයට පාර කියා දුන් සිවුපා හිතවතී…! [සිංහල උපසිරැසි සමඟ] *150*

වසර 20000කට එහා යුරෝපයේ එක්තරා ගෝත්‍රයක් ජීවත් වුනා. මුතුන්මිත්තන් තබා ගිය මං සලකුණු ඔස්සේ ඔවුන් දඩයම් සොයා ගියා. එහි අද මෙන් මිනිසුන් අතර සතුන් අතර යහලු මිත්‍ර සබඳකමකට ඉඩක් නම් තිබුනේ නැහැ. ඒ අපූරු සබඳතාවට පාර කී තරුණයා නමින් කෙඩා.

“දැක්කද අර සතා? ඒ තමයි ඇල්ෆා, උන්ගේ රැලේ නායකයා. ඌ දුර්වලයි කියලා රැලේ අනික් උන්ට ඉව වැටුනොත්, උන් ඇල්ෆට අභියෝග කරනවා. ඌ ඉපදුනේ ඇල්ෆා විදියට නෙවේ, ඌ ඒ තැන උපය ගත්තෙ උගේ උත්සහයෙන්, උගේ හදවතින්මයි.”

කෙඩාගෙ තාත්තා, ගෝත්‍රයෙ ප්‍රධානියාගෙ සිතේ තිබුනෙ තමාගෙ ඇවෑමෙන් නායකත්වය කෙඩාට පවරන්නයි. ඒත්, ඊට ඔහු සුදුස්සෙක් බව ඔප්පු කළ යුතුයි. මේ අතරේ නොසිතූ කරදරයකට මුහුණ පාන කෙඩාට තමන්ගේ පවුලම අහිමි වෙද්දී මුණ ගැහුන සුන්දර මිත්‍රයා තමයි, “ඇල්ෆා”. මේ ඔවුන්ගේ කතාන්තරයයි.

Imdb දර්ශකයේ දැනට ලකුණු 7 ක අගයක් හිමි කරගත්ත adventure, drama, fantacy කැටගරියට අයිති ඇල්ෆා 2018 සිංහලෙන් නරඹන්න එකතු වෙන්න කියලා සත්තුන්ට ආදරේ කරන හැම කෙනෙක්ටම ආදරයෙන් ආරාධනා කරනවා. තව විශේෂයක් තියනවා, ඒ තමයි මේ මගේ 150 වැනි උපසිරැසි ගැන්වීම. මේ චිත්‍රපටයට සිංහල උපසිරැසිය ගේන්න හිටියේ ඇඩ්මින් මණ්ඩලේ අසංක ප්‍රදීප් රණතුංග සහෝදරයා. ඉතින් මගේ කඩයිම් වෙනුවෙන් මේ චිත්‍රපටය වෙන් කරලා දුන්නට බොහොම ස්තූතියි කියන්න ඕනේ. ඒ වගේම චිත්‍රපටය ගැන නිරන්තරයෙන්ම මාව ‍යාවත්කාලීන කරපු ඇඩ්මින් මණ්ඩලේ හසන්ත වික්‍රමරත්න, අශාන් විමුක්ති සහෝදරයන්ටත් හද පිරි ප්‍රණාමය පුද කරනවා.

හා හා පුරා කියලා 2017. 02. 02 වෙනිදා Thank you (2011) හින්දි චිත්‍රපටයට සිංහල උපසිරැසිය ගෙනැත් පටන් ගත්ත ගමනේ 150 වෙනි අඩිය තමයි මේ තියන්නේ. හින්දි චිත්‍රපට වලින් ගත්තොත් Hungama(2003), Kismat Konnection (2008), Lage Raho Munna Bhai(2006), Mom (2017) 50 වැනි සිංහල උපසිරැසිය, 100 Days (1991) චිත්‍රපටත්, Run Lola Run (1998) ජර්මානු චිත්‍රපටයටත්, Men and Chicken (2015) ඩෙන්මාර්ක්, ජර්මානු චිත්‍රපටයත්, Your Name (2016), To the forest of Firefly Lights (2011) කියන ජපන්, ඇනිමේෂන් චිත්‍රපට වලටත්, The Shape of Water (2017) ඇමරිකානු චිත්‍රපටයත්, Voldemort; Origins of the Heir (2018) ඉතාලියානු Fan made prequel එකටත්, Forever my girl 2018, Stand by me 1986, The greatest showman 2017 (100 වැනි සිංහල උපසිරැසිය ) The proposal 2009 ඇමරිකානු චිත්‍රපටත්, විශේෂයෙන්ම මලයාලම් චිත්‍රපටයටක් වුන Queen 2018 උපසිරැසි ගෙන එන්න දායක වෙන්න මට වාසනාව ලැබුනා.

ඒ වගේම රූපවාහිනි කතා මාලා කීපයකටත් උපසිරැසි නිර්මාණය කරන්න මට පුලුවන්කම ලැබුනා. මගේ මුල්ම කතා මාලාවකට කළ සිංහල උපසිරැසි ගැන්වීම Pinnochchio (2014) කොරියානු කතා මාලාව. ඒ වෙනුවෙන් ඔබ ලබා දුන් අසීමිත යහපත් ප්‍රතිචාර නිසාම Healer (2014-2015), The girl who sees smells (2015), The King 2 Hearts (2012), Suspecious partner (2017) කොරියානු කතා මාලා සම්පූර්ණ කරන්නට මට හැකි වුනා. එතැනින් නොනැවතී ඇමරිකානු කතා මාලාවකටත් අත ගහන්න මට ඇති වුන ආසාවේ ප්‍රතිඵලයක් විදියට Fringe කතා මාලාවේ දෙවන සමයේ කොටස් 10 කටත්, Brave කතා මාලාවේ එක කොටසකටත් උපසිරැසි ගැන්වූවා. ඉන්පස්සේ මවිසින් උපසිරැසි නිර්මාණය කළ Harley and the Davidsons ඇමරිකානු මිනි සීරිස් එක මට ලැබුන වටිනාම නිර්මාණයක් විදියට සලකන්න කැමතියි. ඔය අතරේ ඇමරිකානු කතා මාලා වලට උපසිරැසි සපයන්න මට තිබුන ආසාව දැන ගත්ත ඇඩ්මින් මණ්ඩලේ Scorpion එකත් මට භාර කළා.කොරියානු කතා ඇරුනම Koinaka 2015 ජපාන කතා මාලාවටත් උපසිරැසිය ගෙන එන්න මට පුලුවන් වුනා. ඒ වගේම වාර්තාමය වැඩසටහන් අතරින් Prehistoric park කොටස් සියල්ලටමත්, Planet earth හි එක් කොටසකටත් උපසිරැසි ගෙන ආවා.විශේෂයෙන් ම Ask laftan analamaz තුර්කි කතා මාලාවට උපසිරැසිය ගේන්න කාපු කට්ට නම් කවදාවත් අමතක වෙන එකක් නෑ. මං හිතන්නේ උපසිරැසි 150න් කරපු අමාරුම වැඩේ.

උපසිරැසියක් නිර්මාණය කරනවා කියන්නේ ඒ ඒ චිත්‍රපටයට සාපේක්ෂව, ඒ ඒ උපසිරැසිකරුවට සාපේක්ෂව ඒක කට්ටක්. ඒ කට්ට බයිස්කෝප් විබ්පළේ උපසිරැසිකරුවන් වුන හැමෝම අඩු වැඩි වශයෙන් රහ බලනවා. ඒත් ඒක කාලා බලන්නම ඕන කට්ටක් කියලයි මං හිතන්නේ. මේ උපසිරැසිය ගේන මොහොතෙත් යන්තම් අසනීප වෙලා ඉඳලා සුවය ලැබුවා විතරයි. ඒ වුනත් මං හිතන්නෙ හිතේ සතුට තමයි අපට වැඩියෙන්ම වටින්නේ.ඉතින් මේ තාක් දුරට මේ ගමන එන්න මට ශක්තියක් වුන හැම කෙනෙක්ටම අනේකවාරයක් ස්තූතියි. බයිස්කෝප් සොදුරු විබ්පළේ නිර්මාතෘ, ඇඩ්මින් මණ්ඩලය, සාමාජික සාමාජිකාවන් මේ හැම කෙනෙක්ම වචනයේ පරිසමාප්ත අර්ථයෙන්ම මට මගේ පවුලෙ අය වගේ. නම් වශයෙන් කියන්න බැරි තරම් ගණනක් එතන ඉන්න නිසා මං කාගෙවත් නම් කියන්න යන්නෙ නෑ. ඒ වගේම මගේ පවුලේ සියලු දෙනාවත්, මගේ ළඟින්ම ඉන්න මිතුරියො කීප දෙනාවත් මේ වෙලාවෙ ආදරෙන් මතක් කරනවා.ඒ වගේම මගේ ඌව වෙල්ලස්ස විශ්ව විද්‍යාලයේ සහෝදර සහෝදරියන්ටත් මගෙ විශේෂ ස්තූතිය පිරිනමන්න ඕනේ. ඒත් එක්කම ආදරණීය ප්‍රේක්ෂක ඔබේ ප්‍රතිචාර නොතිබුනා නම් මං කවදාවත් 150 ට එන එකක් නෑ. ගොඩක් අය මගෙන් අහනවා, ඔයාට ඔය උපසිරැසි හදන වැඩෙන් සල්ලි ලැබෙනවද කියලා. නැහැ, ඒත් ඇත්තටම මං පෙරේතයි ඔයාලගෙ ප්‍රතිචාර වලට. මං හිතන්නෙ මං වගේ හිතන කට්ටියක් බයිස්කෝප් අඩවියෙ ඉන්න නිසා තමයි අපි අදත්, හෙටත් සතුටින් එක පවුලක් වගේ බැඳිලා ඉන්නේ. ඉතින්, අධ්‍යාපන කටයුතු නිසා භාර ගෙන තියන උපසිරැසි කීපයක් හැරුනාම ඉදිරියට නම් මට මේ වගේ ඔබ වෙනුවෙන් උපසිරැසි ගෙන එන්න බැරි වෙයි. හැබැයි, ආයේ දවසක අපි හමුවෙමු, පුරුදු සෙනෙහසින්ම! ආයුබෝවන්!

Due to copyright issues, we do not provide any torrent links.

ලබා දී ඇති උපසිරසිය WEB/HD/BR පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “හෙළිලි හේමමාලි” සොහොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

GOLD MEMBER
JOINING DATE – 2017-02-02
SUBMAKER RATING BY ADMINS