Thursday , January 27 2022
Breaking News

Ancient Aliens [S10 : E09] Sinhala Subtitles | පිටසක්වල ජීවීන්ගේ යුද්ධ [සිංහල උපසිරැසි සමග]

Rating: 7.0/10. From 3 votes.
Please wait...

පෞරාණික පිටසක්වලයන් කියන්නේ ඇමරිකානු රූපවාහිනි කතා මාලාවක් වගේම වාර්තාමය වැඩසටහන් මාලාවක්. මේක විකාශනය වෙන්නේ හිස්ටරි නාලිකාව තුලයි. මේකෙන් කතාබහ කරන්නේ පෞරාණික ගගනගාමී තර්කයන්, අතීත මිනිසුන් සහ පිටසක්වලයන් අතර සිදුවුණු සබඳතා, හඳුනානොගත් පියාසර වස්තු, විවිධ රජයන් මගින් ගෙනියන කුමන්ත්‍රණකාරී ක්‍රියා සහ විවිධ රටවල් වල ඉතිහාසය ගැන සහ විවිධ මාතෘකා ගැනයි. ඒ වගේම මේ කතා මාලාව ආරම්භ වුනු 2009 මාර්තු 8 වෙනිදා සිට මේ දක්වාම කතාසමයන් 17 ක් සහ කොටස් 200 කින් සමන්විත වෙන ආකාරයට නිර්මාණය කර තිබෙනවා.මේ කතා මාලාව පාදක වී තිබෙන්නේ Erich von Däniken සහ Zecharia Sitchin වැනි ප්‍රධාන ගත්කතුවරු කීප දෙනෙක්ගේ ලියවිලි පාදක කරගෙනයි.ඒ වගේම මේ වැඩසටහන් මාලාවේ නිෂ්පාදකයා විදිහට Giorgio Tsoukalos කටයුතු කරනවා වගේම විධායක නිෂ්පාදකයා Kevin Burns විදිහට කටයුතු කරනවා.නිෂ්පාදන දායකත්වය ලබා දී ඇති සමාගම ලෙස සැලකෙන්නේ Prometheus Entertainment ආයතනය වෙන අතර බෙදාහැරිම සිදු කරන්නේ A&E Network ආයතනයයි.ඒ වගේම ලේඛකයෙක් වෙන David Childress ඇතුළු බොහෝ පිරිසක් මේ වැඩසටහන් මාලාව පුරාවටම ගවේෂණ සහ පර්යේෂණ සිදුකරමින් අතීතයේ අපේ මුතුන්මිත්තන් අතරට පිටසක්වලයන් පැමිණෙමින් ඔවුන්ට දැනුම ලබාදුන් බවත් මානව ශිෂ්ටාචාරය පිහිටුවා ගැනීම සඳහා උපකාර කෙරූ බවට තම මතවාදයන් ඉදිරිපත් කරනවා.කතා මාලාවේ පසුබිම් කථිකයා විදිහට Robert Clotworthy කටයුතු කරන අතර කතා මාලාව සඳහා ලැබී ඇති IMDb අගය 7.2/10ක් ලෙස පෙන්වා තිබෙනවා. ඒ වගේම මෙවර 10 වෙනි කතාමාලාව තුල කොටස් 10 ක් අඩංගු වෙනවා.

2002 මාර්තු 19 වෙනිදා, ගැරී මැකිනන් මාස 13 ක කාලයක් තුළ පෙන්ටගනයේ සහ නාසා ආයතනය වල පරිගණක 97 කට අනවසරයෙන් ඇතුළුවීම සම්බන්ධයෙන් අත්අඩංගුවට ගත්තා, ඒ සිද්ධිය බලධාරීන් විසින් හඳුන්වනු ලබන්නේ “මෙතුවක් කලකට සිදුකල විශාලතම හමුදා පරිගණක හැක් කිරීම” ලෙසයි. නමුත් මැකිනන් කියන්නේ මේ සිද්ධියේදී තමන්ට ඇමරිකානු රජය සහ හමුදාව විසින් වසන් කරන ලද තොරතුරු විශාල ප්‍රමානයක් සොයාගන්න ලැබුනා කියලයි. මෙහිදී ඔහුට බෞමික නොවන නිලධාරීන් නමින් හැඳින්වූ ලිපිගොනුවක් සොයාගැනීමට ලැබී තිබෙන අතර එහිදී ඇමරිකානු අභ්‍යවකාශ යානා බලකායක් ගැන සඳහන් වෙනවා වගේම ඔවුන්ට පවරා තිබෙන රාජකාරී සහ රහසිගත යානා පිළිබඳව තොරතුරු ඔහු සොයාගෙන තිබුනා. එක්සත් ජනපද හමුදාවට ඇත්තෙන්ම රහසිගත අභ්‍යවකාශ වැඩසටහනක් තිබෙන්න පුලුවන්ද?එහෙම නම් අපි වෙනත් ජාතින් එක්ක හෝ වෙනත් ජීවී විශේෂ එක්ක අභ්‍යවකාශය පදනම් කරගත් යුද්ධයකට සුදානම් වෙමින් ඉන්නවද?පෞරාණික ගගනගාමී මතධරයන් කියන්නේ තරඟකාරී එකිනෙකට වෙනස් න්‍යාය පත්‍ර සහිත විවිධ පිටසක්වල ජාතින් රාශියක් පෘථිවියට පැමිණෙනවා කියලයි. ඔවුන් වසර දහස් ගණනක් තිස්සේ එකිනෙකා සමඟ යුධ ගැටුම් ඇති කරගනිමින් පෘථිවිය අත්පත් කරගැනීමේ මෙහෙයුමක නිරත වී සිටින බව කියනවා. මේ මතධරයන්ට අනුව අතීත ලියකියවිලි සහ පුරාවෘත්ත ගෙන බැලූ විටදී මේ යුද්ධ ඇත්තෙන්ම සිදුවුණු බවට සාක්ෂි තිබෙනවා. මෙහිදී ඉන්දියාවේ ද්වාරකා නගරයේ ගිලා බැසීම ගැනත් මහාබලිපුරම් දේවාල පිළිබඳවත් මේ කොටසෙන් කතා බහ කරනවා එහිදී ක්‍රිෂ්ණා සහ සල්වා නමැති රජු අතර සිදුවුණු මහා යුද්ධයේදී භාවිතා කෙරූ විමාන සහ දරුණු අවිආයුධ ගැනත් අවසානයේදී සල්වා රජු අතින් ක්‍රිෂ්ණාව ඝාතනය වීමෙන් පසුව ද්වාරකා නගරය මහමුහුදට ගිලා බැස්ස ආකාරය ගැනත් කතා කරනවා. ඒ වගේම ඉන්ද්‍ර සහ තවත් රජෙකු අතර ඇතිවුණු යුද්ධයකදී ඉන්ද්‍ර විසින් එවූ මහා ගංවතුරක් නිසා බහාබලිපුරම් දේවාල හතෙන් හයක්ම සාගරයට ගිලාබැස්සා කියන පුරාවෘත්තය සත්‍යක් බවට පත්වෙමින් 2005 වසරේදී සුනාමි සිද්ධියේදී මේ ගිලාබැස තිබුණු දේවාල හයේ නටබුන් නැවතත් මතුවී පෙනීම ගැන ඔවුන් මේ කොටසෙන් කතාබහා කරනවා.ඒ වගේම ඔවුන් කියන්නේ අපි දෙවිවරුන් ලෙස සඳහන් කරන්නේ සැබෑම දෙවිවරුන් පිරිසකට නොව දියුණු තාක්‍ෂණයක් තිබුණු පිටසක්වල ජීවින් පිරිසකට කියලයි.

 

 

 

 

Due to copyright issues, we do not provide any torrent links.

මෙම උපසිරැසියට අදාළ වීඩියෝ පිටපත බයිස්කෝප් ඩවුන්ලෝඩ් වෙබ් අඩවියෙන් ලබා ගන්න.

 width=

මේ ලබා දී ඇති සිංහල උපසිරැසි පිළිබද “නිශ්ශංක රුවන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank
GOLD MEMBER
JOINING DATE – 2014-09-30
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Previous BT1

All BT1

Next BT1

Check Also

Father’s House (1950) AKA Babul Sinhala Subtitles | හින්දි සිනමාවේ පැරණි ස්වර්ණමය සිනමාපටයක් නැරඹීමට ආරාධනා! [සිංහල උපසිරසි]

මෙය “බයිස්කෝප් වෙබ් අඩවිය” තුළට මා විසින් ලබාදෙන “අනූ එක්වෙනි උපසිරසි නිර්මාණය” යි. මෙය හින්දි …

Leave a Reply

Your email address will not be published.

4 comments

  1. බොහොම ස්තූතියි සිංහල උපසිරැසියට. ජය෴෴ 😛 😛

  2. ගොඩාක් ස්තූතියි,දිගටම මෙ සීරිස් එකට සබ් දෙන්න.

  3. Supun Kaushalya

    තෑන්ක්ස් සබ් එකට

  4. සිංහල උපසිරැසියට ස්තූතියි

error: Alert: Content is protected !!