Arachnophobia (1990) Sinhala Subtitles | මකුළුවෝ [සිංහල උපසිරසි සමඟ]

කොරෝනා නිසා ටිකක් නිදහසක් ලැබුන එකේ බාර අරන් තිබුන සබ් එකක් ඉවර කරලා ඔන්න අරන් ආවා. අපි හැමෝම වගේ මොකෙක්ම හරි සතෙක්ට බයයි ගොඩක් දුරටම. මකුළුවන්ට, කැරපොත්තන්ට, සර්පයන්ට. මොකෙක්ටම හරි බයයි. ඒ හැම එකක්ම මොකක්ම හරි භීතිකාවක්. එහෙම නැත්නම් ෆෝබියා ( Phobia) එකක්. ඉතින් මකුළුවන්ට තියෙන අසාමාන්‍ය බය තමයි Arachnophobia කියන්නේ. මේ ෆිල්ම් එකේ ප්‍රධාන චරිතේ ඩොක්ටර් රොස්ටත් ඒ ෆෝබියා එක තියෙනවා. ෆිල්ම් එක කොච්චර තාත්විකව හදලා තියෙනවද කිව්වොත් මේක බැලුවට පස්සෙ හෑන්ඩ්ෆ්‍රී එකේ වයර් එක ඇඟේ ගෑවෙද්දිත් දැනෙන්නෙ මකුළුවෙක් ඇඟේ යනවා වගේ. කොහොම වුනත් මේ ෆිල්ම් එක හදද්දි කිසිම මකුළුවෙක්ව ඇත්තටම මරා දැම්මෙ නැහැලු. ඒ වගේම චිත්‍රපටයේ අන්තිම මිනිත්තු කීපය රූගත කරන්න විතරක් සති දෙකක කාලයක් ගත කරලා තියෙනවා.

කතාව ගැන ටිකක් කියනවා නම් විද්‍යාත්මක ගවේෂණ කණ්ඩායමක් වෙනිසියුලාවේ ගවේෂණ චාරිකාවකදි අලුත්ම වගේම මාරාන්තික මකුළු විශේෂයක් හොයාගන්නවා. ඒ කණ්ඩායමේ කෙනෙක්වම සපා කාලා ඒ මළ සිරුර ඇමෙරිකාවට එවන පෙට්ටියට රිංගලා ඒ වර්ගයේ පිරිමි මකුළුවෙක් ඇමෙරිකාවට එනවා. ඌ ඇවිල්ලා නිකම් ඉන්නෑ ඇමෙරිකාවෙ සාමාන්‍ය ගෘහාශ්‍රිත මකුළුවෙක් එක්ක ඩිස්ටි ඩිඩිං කරනවා. ඒකෙන් වෙන්නෙ අර මකුළුවා වගේ සිය ගුණයක් විෂ මාරාන්තික මකුළු විශේෂයක් බෝ වෙන එක. ඉතිං ඔය මකුළුවො නිසා කැනයිමා කියන පුංචි ටවුමෙ ඇතිවන ජරමරේ ගැන තමා ෆිල්ම් එකේ තියෙන්නේ. ඔයාලම බලන්නකෝ ෆිල්ම් එක කොහොමද කියලා. හැමදාම වගේ ඉතිං වැරදි තිබ්බොත් සමාවෙන්න කියලා ඉල්ලනවා. මොකද මේකෙ ඉංග්‍රීසි සබ් එකත් 100 % ක් ගුණාත්මක එකක් නෙමෙයි. අනික මේකෙ තියෙන වෛද්‍ය විද්‍යාත්මක වචනත් මට වැඩිය පුරුදු ඒවා නෙමෙයි. උපරිම සාධාරණයක් කළා කියලා හිතනවා. එහෙනම් ඉතිං මම ගිහින් එන්නම්. හැමෝටම ජය වේවා!

Due to copyright issues, we do not provide any torrent link.

මෙම ලබා දී ඇති උපසිරසි BR  පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “සොහාන් ජයසූරිය” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

SILVER MEMBER
JOINING DATE – 2014-09-01
SUBMAKER RATING BY ADMINS