Babru (2019) Sinhala subtitles | ඇමරිකාව හරහා රෝඩ් ට්‍රිප් එකක් යමුද? [සිංහල උපසිරසි සමඟ]

ඔන්න මගේ දහ හතරවෙනි උපසිරැසියත් අරගෙන ආවා මේ පැත්තේ. අවුරුද්දකට විතර පස්සේ. මේ පාර අරගෙන ආවේ නම් හින්දි චිත්‍රපටයක් නෙවේ, කන්නඩ චිත්‍රපටයක්. චිත්‍රපටයේ නම Babru. තිරගත වන්නේ ගිය වසරේදී. චිත්‍රපටය අධ්‍යක්ෂණය කරන්නේ සුජේ රාමයියා, මේ ඔහුගේ ප්‍රථම අධ්‍යක්ෂණය, චිත්‍රපටයේ කතාව සහ තිර රචනයත් සුජේ විසින්මයි කරන්නේ. සුමන් නගර්කර් කියන නිළිය සමඟ මහී හිරෙමත් කියන නළුවා තමා ප්‍රධාන චරිත රඟදක්වන්නේ. IMDb අගය 7.6ක් වෙනවා.

මේක රෝඩ් ට්‍රිප් එකක්! ඒත් මේක ත්‍රිලර් එකක්. නිකන්ම රෝඩ් ට්‍රිප් එකක් නෙවෙයි, වාහන තවත් තැනකට භාර දෙන සේවාවන් තියෙනවනේ, ඉතිං ඕකට වෙනම රියදුරෙක් යවන්නේ නැහැ. තමන්ට යම් නගරයකට යන්න ඕනේ නම් ඒ වගේ ස්ථානයකින් කාර් එකක් තමන්ට යෑමට අවශ්‍ය නගරයට යනවා නම් එක ගිහින් භාරදෙන ගමන්ම තමන්ට එම නගරයට යාමටත් පුළුවන්. ඉතින් අන්න ඒ වගේ ගමනක් යන දෙන්නට දෙන්නා අඳුරන්නේ නැති දෙන්නෙක් වටා තමා මේ කතාව යන්නේ. ප්‍රධාන නළුවා තමාගේ පෙම්වතියට යෝජනා කරන්න යන පෙම්වතෙක්. අනිත් කෙනා මැදිවියේ පසුවන කාන්තාවක්. තව සාහසික මිනීමරුවෙකුත් මේ කතාවේ ඉන්නවා. මේ ගමන අතරතුර සිදුවන කතාන්දරය තමා පෙන්වන්නේ, චිත්‍රපටයේ අවසානය වෙනස්ම ස්වරූපයක් උසුලනවා. ඒක බලන ඔබටම භාරයි.

රෝඩ් ට්‍රිප් එකක් නිසා අවට දර්ශන හරි අපූරුවට කැමරාගත කරලා තියෙනවා. මේක මුළුමනින්ම ඇමරිකාව තුල රූගත කරන ලද චිත්‍රපටයක්. එලෙස සිදු කළ මුල්ම කන්නඩ චිත්‍රපටය ලෙස මෙය ඉතිහාසගත වෙනවා. චිත්‍රපටයේ පසුබිම් සංගීතය ඉතා සුවිසෙස්යි. මේක වේගවත් චිත්‍රපටයක්. පැයකුත් විනාඩි 45ක් පමණ දිවයන මේ චිත්‍රපටය ඔබට වෙනස්ම අත්දැකීමක් ලබා දේවි. එහෙනම් ආයෙත් කවදාහරි දවසක උපසිරැසියකින් මුණ ගැසෙමු. ගිහින් එන්නම්.

“හම්හේ රහී ප්‍යාර් කේ, ෆීර් මිලේන්ගේ, චල්තේ චල්තේ”

Due to copyright issues, we no longer provide any torrent links.

මෙම ලබා දී ඇති උපසිරසි HD පිටපත් සඳහා ගැළපේ.

මේ ලබා දී ඇති සිංහල උපසිරැසි පිළිබද “සිසිත සමරතුංග (සිසියා)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2013/06/07
SUBMAKER RATING BY ADMINS