Batman Year One (2011) Sinhala Subtitles | අසාධාරණයට එරෙහිව.. [සිංහල උපසිරසි]

ඔන්න එහෙනම් මම මගේ දෙවැනි උපසිරැසියත් අරගෙන ආවා. මම මීට කලින් උපසිරැසිය දුන්නෙ Green Lantern-First Flight(2009) කියන ඇනිමේෂන් Movie එකටනෙ, මේ පාර ගෙනාවෙ තවත් සුපිරිම සුපිරි කාටූන් එකකට උපසිරැසියක්. මේක භාර ගත්තෙ නම් ගියමාසෙ. ඒත් කරන්න වෙලාවක් තිබුණෙ නෑ, ඉස්කෝලෙ යන්නයි, පංති යන්නයි ඒවයි වැඩ කරන්නයි ගත්තහම වෙන වැඩක් කරන්න හම්බවුනේ නැහැ. (ලබන අවුරුද්දෙ O/L විභාගෙත් තියනවනෙ.) වැඩේ පරක්කු වෙන්න තව තව දේවල් හේතු වුණා. කොහොමහරි ආයිත් ඔන්න ඊයෙ තමයි වැඩේ ආපහු පටන් ගත්තේ.මට හිතෙන හැටියට මම තමයි මේ බයිස්කෝප් අඩවියේ උපසිරැසි කරන බාලතම සාමාජිකයා. හරි..,දැන් වල්පල් දෙඩෙව්වා ඇති, නැත්තං අර බයිස්කෝප් එකේ අළුත් වචන සෙට් එකෙන් කියනවනම් ‘ දැන් පඳුර වටේ තැළුව ඇති’. කතාවට බහිමු.

බැට්මෑන් ගැන අපි කවුරුත් හොඳහැටි දන්නවනෙ. මේකත් ඒ බැට් මෑන්ගෙ ආරම්භය ගැන කියවෙන කතාවක්. IMDB 7.4 ඉක්මවූ තරම් ඉහළ අගයක් ගන්න මේ නිර්මාණය සමත් වෙලා තියනව. කතාව ගැනකියනවනම් මෙන්න මේකයි සිද්ධිය.>> බෘස් වේන් සහ රහස් පරීක්ෂක ගෝර්ඩන් ගෝතම් නගරයට සම්ප්‍රාප්ත වීමත් සමග තමයි කතාව පටන් ගන්නෙ. තමන්ගෙ දෙමව්පියන්ගෙ මරණය ගැන ලොකු දුකකින් තමයි බෘස් ඉන්නේ. ඔහු විදෙස් ගත වෙලා ඉඳලා බොහෝ දේවල් ඉගෙනගෙන බුද්ධිමත්, ශක්තිමත්, නිර්භය පුද්ගලයෙක් විදිහට තමයි ආපහු ගෝතම් නගරයට එන්නේ. ගෝතම් කියන්නෙ දූෂිත වෙලා තියන නගරයක්. ඒන් නිසාම තමයි බෘස් වේන්ගෙ දෙමාපියොත් ඝාතනයට ලක් වුණේ. ඉතින් ඒ දූෂණ-වංචා, හොර මැරකම් නවත්තන්න තමන්ගෙ හැකියාව උපයෝගී කරගන්නෙ කොහොමද කියල හිතමින් ඉන්නකොට වේන්ට පොටක් පෑදෙනවා. ඒ වගේම ගෝර්ඩන්ටත් මේ නගරයේ ජීවිතය ලොකු අභියෝගයක් වෙනවා. මේ කතාවෙදි හාර්වි ඩෙන්ට්, කැට් වුමන් වගේ චරිතත් දැකගන්න පුළුවන්. ඒත් ඉතින් බැට් මෑන් කිවුවම තව එක අමතක නොවන ප්‍රධාන චරිතෙකුත් අනිවාරෙන්ම මතක් වෙනවනෙ. ඒ තමයි ජෝකර්. මේ කතාවෙදිත් අවසන් හරියෙදි ජෝකර් ගැන අහන්න ලැබෙනවා. කොහොම වුණත් පැයකට වඩා වැඩි කාලයක් දිවෙන මෙය කිසි කම්මැලිකමක් නැතුව උද්යෝගයෙන් යුතුව එක දිගට බලාගෙන යන්න පුළුවන් සුපිරි ෆිලුමක් කියල මට කියන්න පුළුවන්.

ආ…,තව එකක්, මතක ඇතුව පුළුවන්නම් අදහසකුත් දාලම යන්න. ඒ මොකද කිවුවොත් මේ උපසිරැසි කරනඑ එකෙන් අපිට ඔයගොල්ලොන්ගෙ අදහස් හැරෙන්නට වෙන කිසිවක් ලැබෙන්නෙ නැති නිසා. ඒක තමයි අපිට ලැබෙන්න තියන එකම දේ. එක්කෙනෙක් හරි අපිව දිරිමත් වෙන විදියට අදහසක් දාන්න කාරුණික වුණොත් ඒකෙන් ලැබෙන්නෙ පට්ටම සතුටක්. ඒක තේරෙන්නෙ අපිටම විතරයි. මම දැකල තියනව බොහෝ උපසිරැසි දහස් ගණන් අය බාගෙන යනවා. ඒත් comment නම් වැටෙන්නෙ විස්සක් විසි පහක් වගේ.කොයි තරම් අඩු ප්‍රතිශතයක් ද? ඒ ඉතින් ඔයගොල්ලන්ගෙ වැඩි හරියකගෙ සිතුවිල්ලනෙ..!!! හිතල බලන්න…–>>

Due to copyright issues, we do not provide any torrent link.

මෙම ලබා දී ඇති උපසිරසි Blu-Ray පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “හෂාන් මධුවන්ත – හෑෂ් [#]” සොහොයුරා‍ට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

NEW MEMBER
JOINING DATE – 2015-01-03