Behind Enemy Lines (2001) | සුපිරිම යුධ චිත්‍රපටයක්. [සිංහල උපසිරැසි සමඟ]

හලෝ කෂ්ටිය කොහොමද :D…..හුඟ කාලෙකට පස්සෙ බයිස්කෝප් එකට උපසිරැසියක් ගේන්න හැකිවීම ගැන බොහොම සතුටුයි. මට පහුගිය අවුරුදු දෙකක් විතර කාලය ඇතුළත හුස්මක් කටක් ගන්න බැරුව හිටිය නිසා මේ වැඩ පොඩ්ඩක් අතපහු උණා. හ්ම්…කමක් නෑ, මගේ හතර වෙනි උපසිරැසිය හැටියට අද මෙන්න එළකිරි වගේ භාණ්ඩයක් ගෙනාව.

ඉස්සල්ලම කියන්න ඕනි මට තාම පුදුමයි 2001 අවුරුද්දෙ මෙච්චර තාක්ෂණයක් හොලිවූඩ් වල තිබුණද කියන්න. මොකද මේක බලනකොට ඕගොල්ල්නට හිතෙයි එහෙමනං අපේ රටේ සිනමා කර්මාන්තය 2014 වෙලත් කොයිවගේ තත්වෙකද පවතින්නෙ කියල ( සැ.යු: විවේචනයක් නෙවෙයි :D, ඇත්ත කියල ඕගොල්ලන්ටම තේරෙයි ). අනික මං හිතන්නෙ නෑ දැං එන හොලිවුඩ් ෆිල්ම් වලවත් මෙච්චර කැමරා හැසිරවීමක්, අධ්‍යක්ෂණයක් ඇති කියල. මොකද මේකෙ සමහර අවස්ථා තියනව බය කියන එක නියමට පෙන්නන්න. අනිත් එක මේකෙ ඕනවට වැඩිය බොරු ආටෝප නෑ දැං ඔය එන සමහර චිත්‍රපට වල වගේ. මේක අවුරුදු 14ක් පරණ එකක් නිසා IMDB රෑන්කිං නං පොඩ්ඩක් අඩු වෙලා තියෙන්නෙ, ඒත් තියනව 6.4ක්. රෑන්කිං අඩු උණාට සමහර ෆිල්ම් පට්ට කියල අපි හැමෝම දන්න දෙයක්නෙ :D.

මේක අධ්‍යක්ෂණය කරල තියෙන්නෙ, Flight of the Phoenix ( 2004), Max Payne (2008) සහ A Good Day to Die Hard ( 2013) වගේ සුපිරි ෆිල්ම් ටිකක් අධ්‍යක්ෂණයට දායක වෙච්ච John Moore කියන අධ්‍යක්ෂකවරය. Anaconda, Night at the Museum වගේ සුපිරි චිත්‍රපටි වල රඟපාපු නියම නළුවෙක් වෙච්ච Owen Wilson මෙහි ප්‍රධාන චරිතය රඟපානව.

මේ චිත්‍රපටය නිර්මාණය කරල තියෙන්නෙ 1995 ජූනි මාසෙ 2 වනිදා බොස්නියානු හමුදා විසින් බිම දාපු ඇමෙරිකානු ගුවන් යානයේ ගුවන් නියමුවෙකු දිවිබේරාගත් ආකාරයේ සත්‍යය කතාවක් අසුරෙන්. පොඩි විස්තරයක් කියනවනං මේකෙ වෙන්නෙ………ටිකක් කෙළිලොල් දඩබ්බර ගති තියෙන නාවික ප්‍රහාරක ගුවන් නියමුවෙක් උණ බර්නෙට් ට නාවික හමුදා ජීවිතේ එපා වීගෙන, කම්මැලි වීගෙන එන කාලෙක. හරියටම නත්තල් දවසෙ, ඔහුට යන්න ලැබෙනව තමංගෙ සගයත් එක්ක සෝදිසි ගුවන් සැරියක. මෙහෙදී ඔවුන්ට දකින්න ලැබෙනව හිතාගත නොහැකි දෙයක්. ඔවුන් මෙය ගවේෂණය කරන්න යාමෙදි මුහුණ දෙන්න සිදුවෙන අන්තරා දායක සිද්ධීන් දාමයක් සහ දිවිගලවා ගැනීමට දරණ උත්සහයක් තමයි මේ චිත්‍රපටියෙ තියෙන්නෙ. මේක මටනං කොච්චර බැලුවත් එපා වෙන්නෙ නැති චිත්‍රපටියක්.

අවසාන වශයෙන් කියන්න තියෙන්නෙ හැම කෙනාම බලන්න, උපසිරැසි වල අඩුපාඩු තිබ්බොත් සමාවෙන්න, හැකි උපරිම විදිහට මං නිවැරදි කළා, මං 200% සහතික කරනව මේක හැමෝගෙම හිතට අල්ලයි. අනිවාර්යෙන්ම!! එහෙනං තවත් උපසිරැසියකින් හමුවෙන තුරු සුබ ගමන්!

700 MB කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “ හෂාන් මලිඳු ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.