You dont have javascript enabled! Please enable it!
Saturday , July 11 2020
Breaking News

Better Call Saul [S04 : E01] Sinhala Subtitles | ගින්නක් නැතුව දුමක් දාන්නෑනේ..! [සිංහල උපසිරැසි සමඟ]

Rating: 10.0/10. From 6 votes.
Please wait...

හොඳයි එහෙනම්. මේ ගේන්න සූදානම් වෙන්නේ Better Call Saul කියන කතා මාලාවේ 04 වෙනි කතා මාලාව. ඉතින් පසුගිය කතා මාලාවන් තුන එක්කම එකතුවෙලා කමෙන්ට් එකකින් හරි දිරි ගන්වපු සහ FB එකට මැසේජ් දාලා දිරි ගන්වපු හැමෝටමත් බොහොම ස්තූතියි.

සමහරක් තැන්වල කතා වෙනවා දැක්කා මේ කතා මාලාව බලලා Breaking Bad බලන්න ගත්තනම් ඒක මුලින් බැලුවට වඩා හොඳට තේරෙනවා වගේ සිදුවීම් කීපයකුත්. නමුත් කියන්න ඕනි Breaking Bad සීරියස් එකෙන් වෙන්වෙලා වෙනම ගලාගෙන යන කතා මාලාවක් මේක.

ඉතින් පසුගිය කතා මාලාව එහෙමත් නැත්නම් තුන්වෙනි කතාමාලාවේ අවසන් කොටස වන 10 වෙනි කොටස ආරම්භ වෙන්නේ පරණ සිද්ධියක් මතක් කරගෙනයි. ඒ තමයි චක් තමන්ගේ පවුලේ අයත් එක්ක ජීවත් වෙනකොට ඒ ජීවත් වෙන ගෙදරින් පිටත තරුණ ජිමීවත් එකතුකරගෙන ඇඩ්වෙන්චර්ස් ඔෆ් මේබල් කියන පොත කූඩාරමක් ඇතුලට වෙලා කියවනවා.

ඉතින් ප්‍රධාන කතාව පැත්තට හැරෙමු.

ජිමී යනවා කිම්ව බලන්න රෝහලට. එතකොට දැකගන්න ලැබෙනවා කිම්ගේ අතක් කැඩිලා ඒකට බැන්ඩේජ් දාලා තියෙනවා. කිම්ව රෝහලෙන් පිටත් කරාට පස්සේ දෙන්නම එකතුවෙලා කිම්ට අනතුර වෙච්ච තැනට ගිහින් ජිමී විසින් අනතුරේදී කිම්ගේ වාහනේ තිබිලා හැම තැනම විසිරී ගියපු කඩදාසි ටික ඇහිදිනවා. අනිත් දවසේ උදේ ජිමීට ලොකුවටම හිතට දැනෙනවා කිම්ට මේ සිද්ධ වුන අනතුර සිද්ධ වුනේ තමන් නිසා කියලා. ඒකට හේතුව වශයෙන් ජිමී හිතන්නේ තමන්ගේ නීති බලපත්‍රය අත්හිටවපු නිසා අලුතින් ගත්තු කාර්යාලයට මුදල් ගෙවන්න ඕනි නිසා කිම් තවත් සේවාදායකයෙක්ව හොයාගන්න පෙලබුනා කියලා. ඇත්තටම සිද්ධ වුනෙත් ඒකම තමයිනේ ඉතින්. නමුත් මේකට කිම් ජිමීට පිළිතුරු දෙන්නේ ඒ සිද්ධ වුන දේට වගකියන්න ඕන කිම් කියලා. ඒකට හේතුව විදිහට කියන්නේ නිදිමරාගෙන වැඩකටයුතු කරපු නිසා කියලයි. ඒ වගේම නින්ද ගියපු නිසා තව ටිකෙන් තවත් මනුස්සයෙක්ව මරණ්නත් ඉඩතිබුනා කියලා කිම් මෙතනදී කියනවා.

මේ අතර චක් පොරොන්දුවෙනවා HHM එකට විරුද්ධව දාපු නඩුව අයින් කරගන්න. හැබැයි චක් එහෙම කරන්නේ HHM එක ඇතුලේ තමන්ට තිබුන තනතුර ඒ විදිහටම චක්ට තියාගන්න දුන්නොත් විතරයි. හැබැයි චක් කියපු දේට කැමති වෙනවා වෙනුවට හෝවර්ඩ් කරන්නේ චක්ට ඩොලර් මිලියන 3ක චෙක්පතක් ලබාදෙනවා. හෝවර්ඩ් කියනවා සමාගමේ තියෙන නීතිය අනුව මුළු මුදලම එකපාර දෙන්න අවශ්‍යතාවයක් නැහැ, අදාල මුදල කොටස් තුනකට ලබාදෙන්න පුලුවන්, ඒ කොටස් තුනෙන් පලවෙනි කොටස තමයි මේ මිලියන 3ක චෙක්පත කියලා. චක් මෙතනදී හොල්මන් වෙනවා. මොකද චක් හිතුවේ HHM එකට තමන්ට ඩොලර් මිලියන 8ක් ගෙවන්න වත්කමක් නැහැ කියලයි. එහෙම වුනාම චක්ට දිගටම මේ සමාගමේම ඉන්න පුලුවන්නේ. ඒත් හෝවර්ඩ්ට ඕන වුනේ කොහොම හරි චක්ව HHM එකෙන් අයින් කරවන්නයි. ඉතින් හෝවර්ඩ් කරේ තමන් ඉතිරි කරගත්තු සල්ලි වගයකට මදි පාඩුව විදිහට ණයට සල්ලි ටිකකුත් අරගෙන මේ මිලියන 3ක චෙක්පත චක්ට ලබාදෙන එකයි. ඒ වගේම චක්ට හෝවර්ඩ් කියනවා ජිමී එක්ක තියෙන පෞද්ගලික තරහව නිසා තමන්ගේ සමාගමට අහිතකර තත්වයක් ඇතිකරපු එක වැරදි වැඩක් කියලා. හැබැයි එහෙම කරත් කපටියා කොහොමත් කපටියිනේ. ඉතින් චක්ව කතා කර කර හිටපු කාමරයෙන් එලියට එක්කරගෙන ගිහිල්ලා කාර්යාලයේ හිටපු හැමෝටම කතා කරලා චක් අද දවසේ විශ්‍රාම යනවා කියලා හෝවර්ඩ් චක්ට ලොකුවට ප්‍රශංසා කරවනවා.

හෙක්ටර් උත්සාහ කරනවා නාචෝගේ තාත්තා වන මැනුවල්ට අල්ලස් දෙන්න. ඒ මැනුවල්ගේ වෙළදසැල තමන්ගේ මත්ද්‍රව්‍ය ව්‍යාපාරය කරගෙන යන්න ඉඩදෙන්න කියලයි. ඒත් මැනුවල් ඉල්ලා සිටිනවා හෙක්ටර්ට තමන්ගේ වෙළඳසැලෙන් පිටත්ව යන්න කියා. ඒත් නාචෝ කියනවා හෙක්ටර් තමන්ගේ පවුලට අනතුරක් කරන්න පුලුවන් කියලා. ඉතින් මේ නිසා මැනුවල් මේ සල්ලි අරගන්නවා. මේ අතර කිම්ව බලන්න ෆ්‍රැන්චෙස්කා එනවා. ඒ එද්දි කිම්ගේ සේවාදායකයන් දෙන්නාම කිම්ට ඉක්මනින්ම සුව වෙන්න කියලා තෑගි එවලා තිබ්බා. ඉතින් ෆ්‍රැන්චෙස්කා ඒවත් කිම්ට ගෙනත් දෙනවා. මේ වෙලාවේ කිම් ෆ්‍රැන්චෙස්කාට කියනවා ගැට්වුඩ් ඔයිල් සමාගමත් එක්ක තිබුන හමුවීම අවලංගු කරන්න කියලා. ඒ වගේම එයා යොදාගෙන තිබුන අනිත් වැඩ සේරමත් කල් දාන්න කියලා. ඉතින් කිම්ට නිකම්ම ගෙදරට වෙලා ඉන්න බැරිනිසා ෆ්‍රැන්චෙස්කාගේ උදව්වෙන් බ්ලොක්බස්ටර් කියන චිත්‍රපටි විකුණන වෙළඳසැලකට ගිහින් චිත්‍රපටි කීපයක් අරගෙන ඇවිත් ජිමී සහ කිම් දෙන්නම එකතුවෙලා චිත්‍රපටි බලන්න පටන් ගන්නවා.

ජිමී චක් එක්ක සමථයකට පත්වෙන්න උත්සාහ කරනවා. ඒත් චක් කියන්නේ ජිමීගේ හැටි තමයි තමන්ගේ වටේ ඉන්න හැමෝටම රිද්දවන එක කියලා. ඒ වගේම ජිමීව තමන්ට වැදගත් නැහැ කියලත් කියනවා. ඉතින් ජිමී චක්ගේ ගෙදරින් ගියාට පස්සේ චක්ගේ විද්‍යුත් චුම්බක අධි සංවේදීතා රෝග ලක්ෂණ ආපහු ආරම්භ වුන නිසා තමන්ගේ නිවසේ විදුලිය විසන්ධි කර එයාගේ සියලුම උපකරණ පවා පැත්තකට කරලා දානවා. මෙච්චර දේවල් කරත් තමන්ගේ ගෙදර තියෙන විදුලි මීටරය කැරකෙනවා කියලා චක්ට දකින්න ලැබෙනවා. ඒ කියන්නේ චක්ගේ ගෙදර කොහේ හරි විදුලියක් වැඩ කරනවා කියන එකනේ. ඉතින් චක් මේක හදලා දෙන්න කියලා සමාගමකට ඉල්ලීමක් කරත් ඒ අයට තියෙන වැඩ එක්ක ඒවෙලාවේ ඉන්න විදිහක් නැහැ කියනවා. ඉතින් චක්ට මෙහෙම ඉන්න බැරි නිසා චක්ම වැඩේ පටං ගන්නවා. තමන්ගේ ගෙදර තියෙන බිත්ති විනාශ කරනවා මොකක්ද මේ වෙන්නේ කියලා බලන්න. ඉතින් මෙහෙම බිත්ති කඩ කඩා යනකොට පරණ වයර් එකක් චක්ට දකින්න ලැබෙනවා. චක් මේ වයර් එක ගලවලා දාලා ගිහින් බලනවා මීටරය නැවතිලාද කියලා. එහෙම කරලත් මීටරය තවමත් වැඩකරන නිසා අන්තිමට චක් කරන්නේ මීටරයත් කුඩු පට්ටම් කරලා දාන එකයි.

ජිමී අයරීන්ව බලන්න යනවා. අයරීන්ගේ යාලුවෝ එයාට සමාව දුන්නේ නැති නිසා අයරීන් තීරනය කරනවා සැන්ඩ්පයිපර් නඩුවේ සල්ලි ටික අරගන්න. ජිමී එක තැනකදී පුදුම වෙනවා. ඒකට හේතුව තමයි අයරීන්ගේ යාලුවෝ අයරීන් ඒ සල්ලි අරගන්නවා කිව්වත් එයාව විශ්වාස කරේ නැහැ. මොකද ඒ අය විශ්වාස කරා අයරීන් තමන්ට හොඳ නමක් ගන්න ඕනම දෙයක් කරයි කියලා. අයරීන්ව මේ අයට ආපහු යාලුකරවන්න ජිමී තමන්ටම බැන ගන්නවා. මේ බැනගැල්ලෙන් මේ වයසක අය ජිමීට තව තවත් කැමති වෙන එකයි වෙන්නේ. අන්තිමට ජිමීට කරගන්නම දෙයක් නැති නිසා D&M එකේ හිටපු එරින් බ්‍රිල් එක්ක පොඩි ක්‍රමෝපායක් කතා කරගෙන අයත් එක්ක වාදයක් සිදුකරනවා. ඉතින් මෙතනදී අයරීන්ගේ යාලුවන්ට අයරීන්ව ආපහු යාලු කරවන්න ඕන නිසා මේ කරන සංවාදය අහම්බෙන් වගේ එයාලටත් ඇහෙන විදිහට ජිමී වැඩ කරනවා. ඉතින් මෙතනදී අයරින් තමන් කිසි වැරැද්දක් කරලා නැහැ කියලත්, ජිමීට සල්ලි ඕන නිසා දෙගොල්ලොන්වම කෙටෙව්වා කියන එකත් එයාලට අහන්න ජිමී සලස්සවනවා. ඒ වගේම අයරීන් තමන් කැමති වුන සැන්ඩ්පයිපර් නඩුවේ සල්ලි ගන්න එකටත් ආපහු අකමැති වෙනවා.

මේ අතර නාචෝ සැලසුමක් ක්‍රියාත්මක කරනවා තමන්ගේ තාත්තාව හෙක්ටර්ගෙන් ආරක්ෂා කරගන්න. ඉතින් නාචෝගේ මේ සැලැස්ම ක්‍රියාත්මක කරන්න කලින් හෙක්ටර්ට සිද්ද වෙනවා ගස් සහ ජුවාන් බොල්සා අතර හමුවීමකට යන්න. බොල්සා මේ හමුවේදී කියනවා සලමන්කාගේ ට්‍රක් රථවලට පහර එල්ලවුන නිසා, මෙක්සිකෝවේ ඉදන් ඇමරිකාවට මත්ද්‍රව්‍ය අරගෙන එන්න තියෙන මාර්ගයන් ආරක්ෂිත නොවන නිසා ඒ වෙලාවේ ඉදන් ගස්ගේ කට්ටිය විසින් මේ මත්ද්‍රව්‍ය අරගෙන එන එක කරයි කියලා. ඒ කියන්නේ දේශසීමාවේ ඉදලා රට ඇතුලට කුඩු ගේන එක මෙච්චර දවසක් කරේ හෙක්ටර්නේ. ඉතින් හෙක්ටර්ගෙන් මේක ගලවලා ගස්ට භාරදෙනවා. මේ හේතුව නිසා හෙක්ටර්ට තරහා යනවා. වැඩිපුර තරහා ගියපු නිසාම හෙක්ටර්ගේ ලෙඩේ වැඩිවෙලා බිම ඇදගෙන වැටෙනවා. ඉතින් මයික් කලින් නාචෝට කියපු විදිහටම, හෙක්ටර්ගේ ආරක්ෂකයින් ඇම්බියුලන්ස් එකකට එන්න කියලා කෝල් කරනකොට, ගස් හෙක්ටර්ට තමන්ට පුලුවන් විදිහට ප්‍රථමාධාර කරන්න උත්සාහ කරනකොට නාචෝ කරන්නේ බොරු නයිට්‍රොග්ලිසරින් කැප්සියුල් ටික අරගෙන ඒවා වෙනුවට හරි පෙති ටික තියන එකයි. ගස් නාචෝව සැකකරනවා වගේ කියලා පෙන්නුවාට ඒ ගැන කිසිම දෙයක් එතනදී කතා වෙන්නේ නැහැ.

ඊළඟ දවසේ, ජිමී සහ කිම් තමන්ගේ අලුතින් ගත්ත කාර්යාලයෙන් බඩුමුට්ටු ටික අයින් කරගෙන යන්න යනවා. ඒ වගේම එයාලා ෆ්‍රැන්චෙස්කාගෙන් සමාව ඉල්ලනවා මේ සිද්ධ වුන දේට. ඒත් ෆ්‍රැන්චෙස්කා කියනවා ආපහු තමන්ට රථවාහන දෙපාර්තමේන්තුවේ රස්සාවට යන්න පුලුවන් කියලා. අයරින්ව රවට්ටලා වැඩිහිටයන් අතර ජිමීගේ තිබුන තත්වය බිංදුවටම වට්ටා ගත්තට පස්සේ ජිමීගාව තිබුන ඒ පුද්ගලයන්ගේ විස්තර විසිකරන්න හැදුවත්, කිම් ඒකට ඉඩදෙන්නේ නැහැ. එදා දවසේ රාත්‍රියේ චක් තමන් විනාශ කරපු ගෙදර කෑලි බෑලි අතර ඉදගෙන මේසයකට පයින් ගගහා ඉන්නවා. මේ පයින් ගැසීම නිසා මේසය උඩ තිබුන ලාම්පුව මේසෙන් පහලට වැටිලා ගිණි ගන්නවා. හැබැයි චක් එතනින් පිටවෙන්න කිසිම උත්සාහයක් ගන්නවා කියලා දැකගන්න ලැබුනේ නැහැ.

ඉතින් ඔහොම තමයි අවසාන කොටස ගලාගෙන ගියේ. ඉතින් සුපුරුදු විදිහටම පසුගිය කතා මාලාවේ අවසාන කොටසට සම්බන්ධ වෙලා තමයි මේ හතරවෙනි කොටසේ පලවෙනි කතාව, එහෙමත් නැත්නම් අද මේ දෙන කතාව ගලාගෙන යන්නේ. එහෙනම් අනිත් කොටස් වලින් සුපුරුදු විදිහට හමුවෙමු. ජයවේවා…!

 

 

 

 

 

 

Due to copyright issues, we do not provide any torrent link.

මෙම ලබා දී ඇති උපසිරැසිය WEB පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “චලිදු දේශන් (කිනා)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

PLATINUM MEMBER
JOINING DATE – 2013-06-07
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Previous BT1

All BT1

Next BT1

Check Also

Virus (1999) Sinhala Subtitles | පිටසක්වල වෛරසය [සිංහල උපසිරැසි]

මේ මගේ ප්‍රථම උපසිරසි ගැන්වීම. මන් අරන් ආවේ ඔයාලට පැරණි චිත්‍රපටයක්. මේක 1999 වර්ෂයේ නිකුත් …

Leave a Reply

Your email address will not be published.

11 comments

  1. Season 4 E4 sub ගන්න එනකොට එන්නේ මෙතනටනේ.link එකේ අවුලක් තියෙනවා

  2. බොහොම ස්තූතියි සිංහල උපසිරැසියට. ජය෴෴ 😛 😛

  3. සිංහල උපසිරැසියට ස්තුතියි.

  4. sub ekata thanks

  5. supiri tv series ekak. sub ekata thanks.

  6. Thankz mchn sub ekata

  7. thnq sub ekt…sons of anarchy ektath sub denna ahkido?

  8. නියමයි…සබ් එකට තැන්ක්ස්…
    ඉතුරු ටිකත් ඉක්මනටම අරන් එමු….

  9. PRIYANKARA APONSO

    Good work

  10. Thanks Machan <3

  11. සිංහල උපසිරැසියට ස්තූතියි

error: Alert: Content is protected !!