Black Swan (2010) with Sinhala Subtitles | පිරිපුන් වනු වස් [සිංහල උපසිරැසි සමඟ]

දිගින් දිගටම හින්දි දුන්න හින්ද වෙනසකටත් එක්ක ආයෙත් සැරයක් පටන් ගත්ත තැනට එන්න හිතුවා. ඒ කියන්නේ ආයෙත් ඔන්න ඉංග්‍රීසි චිත්‍රපටයක් දෙන්නයි මේ හදන්නේ. මීට කලින් මේකට සබ් දෙන්න බාර අරන් තිබ්බ කියල පොඩි මතකයකුත් තියෙනවා. ඒ කොහොම වෙතත් දැන් ඔන්න මම ම දෙන්නයි මේ හදන්නේ. හරි දැන් එහෙනම් වෙන කතා පැත්තකින් තියල ආපු වැඩේට බහිමු.

2010 වසරේ දි නිකුත් වුණ Black Swan කියන්නේ මෑත කාලයේ දී බිහිවුණ විශිෂ්ටතම psychological thriller ගණයේ චිත්‍රපටයක්. දැනට IMDb Top 250 ලිස්ට් එකේ 124 වැනි ස්ථානය දිනාගෙන තියෙන මේ නිර්මාණයේ රේටින්ග්ස් ගාණ කිව්වොත් ඒක 8.3/10 ක්. ඒ වගේම Black Swan චිත්‍රපටය ඔස්කා සම්මාන ඇතුළු සම්මාන 47 ක් දිනාගෙන තවත් සම්මාන 109 ක් සඳහා නිර්දේශවෙලා තියෙනවා. මෙහි එන ප්‍රධාන චරිතවලට Natalie Portman (නීනා), Vincent Cassel (‍තෝමස්), Mila Kunis (ලිලී) යන නළු නිළියන් රංගනයෙන් දායක වන අතර Darren Aronofsky තමයි චිත්‍රපටය අධ්‍යක්ෂණය කරල තියෙන්නේ.

දැන් අපි මේකෙ කතාව මොකක්ද කියලත් පොඩ්ඩක් හොයල බලමු.

නීනා කියන්නේ බැලේ නැ‍ටුම් ශිල්පිනියක්. ඇය මුළු ජීවිතයම කැප කරලා තියෙන්නේ ඒ වෙනුවෙනුයි. ඇගේ එකම අරමුණ වෙන්නෙත් තමන් කරන කටයුත්ත තුළ පරිපූර්ණත්වයට පත් වෙන්නයි. මේ අතර ඉදිරියේ දි පැවැත්වෙන “හංස විල” කියන බැලේ නාට්‍යය වෙනුවෙන් නීනා ඇතුළු කණ්ඩායම පුහුණුවීම් කරනවා. ‍තෝමස් තමයි මේ නාට්‍යයේ අධ්‍යක්ෂවරයා. අම්මත් එක්කම හැදුණු නීනාට ‍තෝමස් කියන්නේ වෙලාවකට දරා ගත නොහැකි තරමේ රළු චරිතයක්. ඒ වගේම යම් යම් අවස්ථාවල දී ඔහුගේ අවශ්‍යතාවන්වල ගොදුරක් වෙන්නත් නීනාට සිද්ධවෙනවා. මේ අතර තම කණ්ඩායමේ ම ඉන්න ලිලී කියන සාමාජිකාවත් ඇය දකින්නේ තමන්ගේ ගමනට එල්ල වෙන අභියෝගයක් විදිහටයි. කොහොම වුණත් මේ හැම බාධා මධ්‍යයේ වුණත් තම අරමුණ කරා යෑමයි නීනාගේ උත්සාහය. ඇත්තටම තම අරමුණ උදෙසා ඇයට මොන මොන දේ කැප කරන්න සිද්ධවෙයි ද ? එහෙනම් ඒ ගැන දැනගන්නත් එක්ක ඔයාලම බාගෙන බලන්නකෝ…..

දීලා තියෙන 308mb BRrip එක හින්ද මං හිතනව හැමෝටම මේක බාගෙන බලන්න පුළුවන් වෙයි කියල. හැබැයි ඔයාල මේක බලන්න කලින් විශේෂ දැනුම් දීමකුත් කරන්න කැමතියි. ඒ තමයි මේ චිත්‍රපටය වඩාත් සුදුසු වන්නේ වැඩිහිටියන්ට යන්නයි. මෙහි එන සමහර දෙබස් කාණ්ඩත් බාල වයස්කරුවන්ට ගැලපෙන්නේ නැහැ. මං සිංහල උපසි‍රැසි යොදන කොට සමහර දෙබස් කාණ්ඩවල සැර බාල කළත් හැම තැනක දිම එහෙම කළේ නැහැ. ඒ අදහස විකෘති වෙන හින්දයි.

එහෙනම් ඉතිං ඉඩක් තියෙන විදිහට තවත් චිත්‍රපටයක් සිංහල සබ් එක්කම ඔයාල අතරට අරන් එන අදහසින් දැනට සමුගන්නම්. හැමෝටම ජයවේවා!!!

Due to copyright issues, we do not provide any torrent links.

මෙම ලබා දී ඇති උපසිරසිය BR පිටපත් සඳහා ලබා දි ඇත.

සිංහල උපසිරැසි මෙතනින් බාගන්න

6401 downloads

මේ ලබා දී ඇති සිංහල උපසිරැසි පිළිබද “කේ.යූ.ජී.උදාර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
BRONZE MEMBER
JOINING DATE – 2011/08/16