Blood Diamond (2006) with Sinhala Subtitles | අවර්ණ දියමන්තියේ නොපෙණෙන රත් පැහැය! [සිංහල උපසිරැසි සමඟ]

ඔන්න මේ පාර නම් මම සිංහල උපසිරැසි අරගෙන ආවෙ ලොව මෙතෙක් බිහිවෙච්ච විශිෂ්ටතම සිනමා නිර්මාණයකටයි. මගේ කවදත් අරමුණ වුනේ සිනමාලෝලියකු හැටියට ඔබ නැරඹිය යුතුම සිනමා සිත්තම් සිංහල උපසිරැසි සමගම ඔබ වෙත රැගෙන ඒමයි. ඉතින් මේ නිර්මාණය ඔබේ සිනමා රසවින්දනය ඉහල තලයකට රැගෙනයාවි කියලත් මම විශ්වාස කරනවා. ඇත්තටම මම මෙතෙක් බලා තියෙන චිත්‍රපටි අතුරින් නරඹපු ඉතා සංවේදීම හා සුවිශේෂී ගනයේ නිර්මාණයක් ලෙස මෙය හදුන්වන්න පුලුවන්. අනික් අතට මෙහි රංගනයෙන් දායක වෙන්නෙ මගේ ප්‍රියතම රංගන ශිල්පියා වෙන ලියනාඩෝ ඩිකැප්‍රියෝ සමගින් අතිදක්ෂ රංගන ශිල්පීන් සමූහයකුයි. ඒවගේම මේක අධ්‍යක්ෂනය කරල තියෙන්නේ The Last Samurai කියන සුවිශේෂී චිත්‍රපටයේ අධ්‍යක්ෂකවරයා වන Edward Zwick විසිනුයි.

කතාව ගැන කියනවනම් මේක පසුබිම් වෙලා තියෙන්නේ සියෙරා ලියෝන් කියන දකුණු අප්‍රිකාවෙ දියමන්ති ආකරවලට ප්‍රසිද්ධියක් උසුලන රටේ සිවිල් යුධ සමයයි. මේ කතාව දිගහැරෙන්නේ දකුණු අප්‍රිකානු කුලී භටයෙක් සහ ධීවරයෙක් අතරයි. මේ ධීවරයා ජීවත්වන ගම්මානයට එල්ලවන හදිසි ත්‍රස්ත ප්‍රහාරයත් සමග ඔහුව ත්‍රස්ත ග්‍රහණයට නතු වෙනවා. ඉතින් ඔහුට තමන්ගෙ දරුවන්ට සහ බිරිදට මොකද වුනේ කියලවත් ඉන්පස්සෙ දැනගන්න ලැබෙන්නැහැ. ඇත්තමට මේ අතරෙ වන සිදුවීම් දාමයන් අතර ඔහුට තම ජීවිතය වෙනස් කල හැකි අන්දමේ යමක් මුන ගැසෙනවා. නමුත් මෙය ඔහුට පහසුවෙන් අත්පත් කරගන්න හැකිවේද? මෙය අත්පත් කරගැනීමට වෙර දරන්නේ ඔහු පමණමද? ඔහුට තම දරුවන් සහ බිරිද නැවත දැකගන්නට ලැබේවිද? එතකොට කවුද මේ දකුණු අප්‍රිකානුවා? ඉතින් මේ සියල්ලටම පිළිතුරු සොයාගන්න වෙන්නෙ ඕගොල්ලො මේ කතාව නැරඹුවායින් පස්සෙ. අනික් දේ තමයි මේ කතාවෙ ගොඩක් දේවල් මග හැරල බොහොම සුළුවෙන් තමයි මම මේ හැදින්වීම ඕගොල්ලන්ට ඉදිරිපත් කලේ. මොකද නැත්නම් මේක සම්පූර්ණයෙන්ම රසවිදින්න ඕගොල්ලනට නොහැකි වෙන නිසා. අනික් දේ තමයි මේ කතාව තුල දුක, සතුට,ආදරය,වෛරය,කුහකත්වය, පළිගැනීම වගේ විවිධ සිතුවිලි වල සම්මිශ්‍රණයක් ගැබ් වෙලා තියෙනවා. ඒවගේම මෙහි පසුබිම් සංගීතයත් ඒ හැගීම් ඔප්නංවන්න ලබා දෙන්නේ ලොකු දායකත්වයක්. ඉතින් ඔස්කාර් සම්මාන ඇතුලු තවත් සම්මාන රාශියකින් පිදුම් ලබපු සහ IMDB දර්ශකයේ 8.0ක් වැනි ඉහල අගයක් ලබා ඇති මේ විශිෂ්ට සිනමා සිත්තම කලකට ඔබේ මතකයේ රැදෙනු ඇති බව නොඅනුමානයි.

**සෑම නරක යැයි හැදින්වෙන මිනිසෙක් තුලම යහපත් පුද්ගලයෙක් සැගව ඉන්න බව මම හැමදාම විශ්වාස කරපු දෙයක්. ඉතින් මේ චිත්‍රපටය නැරඹීමෙන් ඔබටත් එය තහවුරු කරගන්න හැකිවේවි. චිත්‍රපටය නරඹලා උපසිරැසි ගැනත් ගුණදොස් කියන්න පුලුවන්නම් අගය කොට සලකනවා… **

රොයිලි ප්‍රනාන්දු මීට පෙර පළකල ලිපිය…

මේ ෆිල්ම් එක මම බලපු ඉතාම සංවේදි කතාවලින් එකක්. මෙහි අධ්‍යක්ෂනය The Last Samurai අධ්‍යක්ෂනය කල  Edward Zwick ගෙන්.

කතාවේ පසුබිම 1999 දි අප්‍රිකාවේ දියමන්ති ආකර වලට ප්‍රසිද්ධ රටක් වන සියෙරා ලියොන්හි ඇතිවූ සිවිල් යුධ සමයයි. ප්‍රධාන චරිත දෙකම අප්‍රිකානු වන් උවත් ඔවුන්ගේ අරමුණු එකිනෙකට ඉතා වෙනස්. එක්කෙනෙකුට අවශ්‍ය අනිකාට අයිති ඉතා වටිනා දියමන්තියක් විකුනා පෝසත් වීමයි. අනිකාට අවශ්‍ය සල්ලි වලට වඩා තම පවුල එකතු කර ගැනීමයි විශේෂයෙන් කැරලිකරුවන් බලහත්කාරයෙන් ළමා සොල්දාදුවෙකු ලෙස රැගෙන ගිය තම පුතාව නිදහස් කර ගැනීමයි.

මේක මතුපිටින් පෙනෙන කතාව වුවත් ඊට යටින් තව පණිවිඩ රැසක් පෙනෙන්නට තිබෙනවා. විශේෂයෙන්ම සාමන්‍ය ළමයෙකු ළමා සොල්දාදුවෙකු කිරීම හා ඊට පසු එම ළමයාගේ මානසිකත්වය වැඩ කරන ආකාරය.

ඒත් සමගම යම් රටක ස්ථාවර භාවය ඇති විට තමුන්ට ලැබෙන ලාභය අඩු නිසා රට අස්ථාවර කිරීමට බටහිර රටවල් දරන විවිධ උපක්‍රම,ඇත්තටම ඔවුන් බැටළු හම් පොරවා ගත් වෘකයන්ට සමාන කල හැකියි. ඊට අමතරව ලොව කොහෙත් සිදුවෙන ශ්‍රමය සූරා කෑම……..

මෙම ෆිල්ම් එක 2007 දි ඔස්කා(ර්) සම්මාන 5 ඇතුලූ සම්මාන 19 කට නිර්දේශ වී ඉන් 5 දිනා තිබෙනවා.

Due to copyright issues, we do not provide any torrent link.

මෙම ලබා දී ඇති උපසිරැසි BR පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “ඉසුරු උදාන අබේසිංහ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
NEW MEMBER
JOINING DATE – 2010/02/05