Borat Subsequent Moviefilm (2020) Sinhala Subtitles | බොරට් නැවතත්! [සිංහල උපසිරසි සමඟ] ( 18+)

කොහොමද හැම කෙනෙක්ටම. බොරට්ව මතකයි නම්, ඔයත් එතෙක් මෙතෙක් ඇවිත් තියෙන උපහාසය සපිරි, සුපිරිම ඩාක් කොමඩි ෆිල්ම් එකක් බලල තියෙන කෙනෙක්. 🙂  මේකේ පලවෙනි එක තමයි Borat: Cultural Learnings of America for Make Benefit Glorious Nation of Kazakhstan (2006). බුදු අම්මෝ නමේ දිග නෙහ්හ්.. නම වගේම තමා ආතල් වලත් සීමාවක් නැහැ. මේ වෙනකොට මේක නොබලපු කෙනෙක් ඉන්නවා නම් අනිවා අරගෙන බලන්න. ලේ පිරිසිදු කරගන්න කියාපු භාණ්ඩේ. 😀 ඒ වගේම වැඩේට කතා කරපු ගමන් හා කියල මේකට හවුල් වෙච්ච ඉසුරු දිල්ශාන්ටත් බොහොම ස්තුතියි කියන්න ඕනා. ඒ වගේම මේක 18+ ෆිල්ම් එකක්. ගෙදර අයත් එක්ක ප්‍රසිද්දියේ බලන්න එපා. බොරට්ගේ කටට බ්‍රේක් නැහැ, ඒ නිසා අපේ සබ එකටත් බ්‍රේක් නැහැ. පුළුවන් උපරිම අවමයෙන් ආතල් නොකැඩෙන්න වැඩේ කලේ. 😀

මේ වෙනකොට imdb 7.4ක මනාප අගයක් වාර්තා කරගෙන තියෙන මේ සිනමාපටය, Jason Wolinerගේ අධ්‍යක්ෂණයක්. ප්‍රධාන චරිතය සහ තිර රචනය Sacha Baron Cohen නමැති අති දක්ෂ නළුවා විසින් සිදුකර ඇති අතර මේ වගේම ආතල් ෆිල්ම්වලට තිර රචනයෙන් දායක වෙච්ච Anthony Hines පලවෙනි බොරට් ෆිල්ම් එකට වගේම මේකටත් සහය තිර රචනයෙන් දායක වෙලා තියෙනව. 

ෆිල්ම් එකේ ගොඩක් ඒවා ඇත්තටම කරපු ඒවා. ඒ නිසා අනිත් මිනිස්සු ගොඩක් අපහසුතාවයට පත්වෙච්ච වෙලාවල් නොසෑහෙන්න තිබිල තියෙනව. විශේෂයෙන්ම පැමෙලා ඇන්ඩර්සන් එහෙම. මේක බලන්න කලින් අනිවා ඒක බලල එන්න. නැත්නම් ආතල් එකේ අග මුල තේරෙන එකක් නැහැ. කොටින්ම මෙදා පොටේ ඇමරිකාවේ උප ජනපති මයිකල් පෙන්ස්, ඩොනල්ඩ් ට්‍රම්ප්ගේ නිතිවෙදියෙක් සහ හොඳම යාලුවෙක් වෙන  රුඩොල්ෆ් ගුලියානිව පවා ඇත්තටම ආතල් එකට අරගන්නවා. ඒ සම්බන්ධව ඩොනල්ඩ් ට්‍රම්ප් විසින් මෙහි එන බොරට්ගේ චරිතය රඟ දක්වන Sacha Baron Cohen හට ප්‍රසිද්ධියේ දෝෂාරෝපණ එල්ලකරලා තියෙනව.

පලවෙනි එක බලපු අයට මතක ඇතිනේ, කසකස්ථානයේ සුපිරි වාර්තාකරුවෙක් වෙච්ච බොරට් US සහ A වලට යන්නේ, එහෙ සංස්කෘතිය ඉගෙනගෙන එන්න. හැබැයි සිද්දවෙන්නේ තමන්ගේ මව් රට ලෝකේ පුරාම විහිළුවට පත්වෙන ජාතියේ වැඩ ටිකක්. ඉතිං ඒ තරහට මේ වෙනකොට බොරට්ව ජිවිතාන්තය දක්වා බරපතල වැඩ ඇතුව සිරගත කරලා තියෙන්නේ.. හැබැයි ඔන්න ආයෙත්  විශේෂ මෙහෙයුමකට බොරට්ව ඕන වෙලා, කසකස්ඨාන රජය විසින් US සහ A වෙත පිටත් කරනවා. මෙදා පොටේ මිනිහ පැටලෙන්නේ ඩොනල්ඩ් ට්‍රම්ප් එක්ක. ආයේ කතාව කියන්න දෙයක් නැහැ. අනිවා බලන්න. නිතරම පරිස්සම් වෙන්න. බොරට් වගේ අය අප අවටම ගැවසෙනවා වෙන්න පුළුවන්. මං එහෙම කියන්නේ ඇයි කියල. ෆිල්ම් එක බැලුවම ඔයාලට තේරේවි. අද අපිට මෙහෙම හිඅවෙලා කොටුවෙලා, සීමාවෙලා ඉන්න වෙලා තියෙන්නේ ඇයි කියලත් ඔයාලට තේරුම් යාවි. 🙁

මේ ලබා දී ඇති සිංහල උපසිරැසි පිළිබද “ශාන් විමුක්ති [විමා]” සොහොයුරාට සහ “ඉසුරු දිල්ශාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.

Subtitle Contributor Rank
SUBMAKER RATING BY ADMINS