Breathe In (2013) | ඉංග්‍රීසි කුසුමක්, වියපත් බඹරෙක් සහ තහනම් ආදරයක්. [සිංහල උපසිරැසි සමඟ]

වෘත්තියෙන් සංගීත ගුරුවරයෙකු වන කීත්, ‍රැකියාව කරන්නේ තම නව යොවුන් දියණිය වන ලෝරන් ඉගෙනුම ලබන පාසලේමයි. ඔහු විවාහයට පෙර සංගීත කණ්ඩායමක සාමාජිකයකු ලෙස කටයුතු කර ඇති අතර, ඔහුගේ බිරිඳට දරුවකු පිළිසිඳ ගැනීමත් සමග එම කටයුතු නවතා දමා නගරයෙන් පිට පලාතක පදිංචියට යාමට සිදු වූවෙක්. යහපත් පවුල් ජීවිතයක් ගත කළත්, ඔහු පසුවෙන්නේ තම බිඳ වැ‍ටුනු සංගීත දිවිය පිලිබඳ නිරන්තර පසුතැවීමකින් සහ තම වර්තමාන ‍රැකියාව පිළිබඳව වූ කළකිරීමකින්. වාදන වෘන්දයකට බැඳී, සංගීත දිවිය නැවත ආරම්භ කිරීමට ඔහු දැඩි උත්සාහයක් ගත්තත්, ඔහුගේ බිරිඳ සහ දියණිය ඒ පිළිබඳව කිසිදු උනන්දුවක් හෝ සහයක් නොදක්වයි.

කෙටි කාලයකට ඇමරිකානු පාසලක ඉගෙනුම ලැබීමට පැමිණෙන ඉංග්‍රීසි ජාතික ශිෂ්‍යාවක් වන සොෆීට, කීත්ගේ නිවසේ නවාතැන් ලබා දීමට මැදිහත් වෙන්නේ ඔහුගේ බිරිඳයි. කීත්ගේ දියණිය හා සම වයසේ පසුවන සොෆී සංගීතයට ලැදි තරුණියක්. සංගීතය පිළිබඳව ඇති පොදු ලැදියාව තුලින් කීත් සහ සොෆී අතර වයස් පරතරය ඉක්මවූ බැඳීමක් ඇතිවෙනවා. එවැනි සමාජ සම්මතයන් බිඳගෙන යන සම්බඳතාවක අනාගතය කෙසේ වේද?

අපට හුරුපුරුදු හොලිවුඩ් ආකෘතියෙන් තරමක් බැහැර වූ මෙම චිත්‍රපටය අධ්‍යක්ෂණය කර ඇත්තේ ඩ්‍රේක් ඩොර්මස්. මෙම චිත්‍රපටය නැරඹීම අපූරු අත්දැකීමක් වන්නේ ඔහු විසින් භාවිත කරන නැවුම් වූ රූප රාමු සහ සංස්කරණ රටාව නිසයි. බොහෝදුරට මේ සඳහා භාවිතා කර ඇත්තේ අතේ තබාගෙන යන (Hand-held) කැමරාවන්. ප්‍රකට හොලිවුඩ් නළු ගයි පියර්ස් (Memento, The King’s Speech, Hurt Locker) මෙහි කීත් ලෙසත්, බ්‍රිතාන්‍ය ජාතික නිලි ෆෙලිසිටි ජොන්ස් (Amazing Spider man, Like crazy, The Invisible Woman) සොෆී ලෙසත් රංගනයේ යෙදෙනවා. සම්ප්‍රදායෙන් මිඳුනු සුමටව ගලා යන ආදර කථාවක් නැරඹීමට කැමති ඔබටයි මේ තිලිණය.

753 MB කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “rum2550” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.