Breathe [S01 : E08] Sinhala Subtitles | අවසන් සුසුම අතරින් [සිංහල උපසිරැසි සමග]

රියා තමන්ට ඉස්සරහින් වාඩිවෙලා හිටිය කබීර් දිහා බැලුවා.
ඒත් ඇයට පෙනුනේ පසුතැවිලි වෙච්ච,
බීලා නැති නාස්ති වෙච්ච කබීර් නෙමෙයි.
තමන් ආදරේ කරපු පෙම්වතාවයි..
තමන් ආදරේ කරපු සැමියවයි..
මට සමාවෙන්න.. ඇය හඬ අවදි කරා..
කාරණා කෙසේ වෙතත් ඔහු තාමත් ඇයට ආදරෙයි
ඇයට එක දැනුනා.
හැමදේම අවසානේ ඔහු ඇයව මාරයාගෙන් ගලවගත්තා.
දැන් ඔහු යන්නම යන්නේ.
ඇයට හිස්බවක් දැනුනා…
හැමදේම ඉවර උනා, ඔහු යන්නම යනවා..
ඔහු බෑගයත් අරන් එළියට බැස්සා..
“ගිහින් එන්න” ඈ අවසානෙට මිමිණුවා.
කබීර් රැගත් රථය ඈතට ඈතට ගියා..
රියා ඒ දිහා බලන් හිටියා
ඔව්, ඔහුත් ඒ දිහා බලන් හිටියා.
මාරයා.. කට කොනක හිනාවකුත් එක්ක..
ඊළඟ බිල්ලට වෙලාව!

දවස් 7ක් හෙලපු සුසුම් පෙලේ අවසන් සුසුම හෙළන්නයි මේ සුදානම් වෙන්නේ. පහුගිය කොටස එක්ක එකතු උනා නම් දකින්න ඇති අච්චර අහිංසක ඩැනි, දැන් ඉන්න තැන ගැන. ජීවිතේට මුලින්ම මිනිහෙක්ව මරපු දවස, මැරිච්ච මිනිහට වඩා ඩැනි අඬන්න ඇති. මිනිහට වමනෙත් ගියා මතක ඇති. ඒත් දැන් මිනීමරන එක මිනිහට හරිම සුළු දෙයක්. ලැයිස්තුවෙන් පිට කෙනෙක්ටත් පහුගිය කොටසෙදි අවස්තාව හම්බවුණා තමන්ගේ ජීවිත ගමනට සමු දෙන්න. අලුත් ජීවිතයක් පටන් ගන්න හිටපු කෙනා, ඩැනිගෙම මනමාලි වෙන්න හිටපු කෙනා. දැන් ඉතින් ඒවා කතා කරලා වැඩක් නෑ. නායර්ගේ මිනීමැරුම පස්සෙන් යන කබීර්ට ශක්තිමත් සාක්ෂි ටිකක් හම්බවුණා. හැම සාක්ෂියක්ම එල්ල වුණේ රාඕගේ පැත්තටනේ. රාඕ මිනීමරුවා බව තහවුරු උනා. කබීර් සැනසුම් සුසුමක් හෙලන්න ඇති රියාගේ ජීවිතේ බේරගන්න පුළුවන් වෙච්ච එකට. ඒ කොටස අවසානෙදි කබීර් රියාගෙන් සමුගත්තා තාවකාලිකව, අලුත් ජීවිතයක් පටන් ගන්න හිතාගෙන. හැබැයි සැබෑ ඝාතකයා තමන්ගේ වැඩේ අවසන් අදියරට ඇවිල්ලයි තිබුණේ. ඉතින් මොන දේ සිද්ධ වුණත් ආපසු හැරීමක් මිනිහගෙන් බලාපොරොත්තු වෙන්න පුලුවන්ද?

සමුගන්නයි මේ සූදානම. බොහොමත්ම බොහොමත්ම ස්තූතියි මේ කතාමාලාව එක්ක එකතු වෙච්ච හැමකෙනෙක්ටම. තවමත් නොබලපු අය ඉන්නවා නම්, බලන්න කියන්නේ නැහැ, මීට එහා මට කියන්නත් බැහැ. අවසන් කොටසින් පපුවට බරක් නම් නොවැරදීම එක්වෙයි. ඒ බර විඳගන්න. මේ වෙද්දී දෙවන සමයක් ගැන ආරංචි එහෙම නම් මුකුත් නැහැ. සමහරවිට දෙවන කතා සමයක් එන එකකුත් නැහැ. වැඩි බලාපොරොත්තු මොකටද නේද? හැබැයි එකම එක සුබ ආරංචියක් තියෙනවා. බයිස්කෝප් අපි ඔයාලට තවත් මේ වගේ සුපිරිම සුපිරි හින්දි වෙබ්සීරිස් එකක් අරන් එන්න කටයුතු යොදලා ඉවරයි. ඔව්, අද හෙටම. ඇඟිලි ගනින්න පටන් ගන්න එහෙනම්. ආයෙමත් ස්තූතියි මා එක්ක එකතු උනාට. සමුගන්නම්. මේ අවසන් හුස්මයි.

Due to copyright issues, we do not provide any torrent links.

සිංහල උපසිරැසි මෙතනින් බාගන්න

4299 downloads

මේ ලබා දී ඇති සිංහල උපසිරැසි පිළිබද “මයුර සුරාජ්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

           

Subtitle Contributor Rank

SILVER MEMBER
JOINING DATE – 2014-01-28
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.