Chakravyuh (2012) Sinhala Subtitles | නක්සල්වාදීන්ගේ විප්ලවය…[සිංහල උපසිරැසි සමඟ]

සමාජවාදය මෙලොවට හඳුන්වා දුන් කාල් මාක්ස් කියන්නෙ රටක සමාජවාදී දේශපාලන ක‍්‍රමවේදයක් ස්ථාපිත කළ හැකි නම්, එය කළ හැක්කේ විප්ලවයකින් පමණක් කියල.ලොව පුරා විවිධ අරමුණු උදෙසා නිර්මාණය වුනු ත්‍රස්ත කණ්ඩායම් අනන්තවත් ඉන්නව. ආයුධ සන්නද්ධව තම අයිතීන් ලබා ගැනීමට ඔවුන් දරුණු ප්‍රයත්නයක නියැලෙනවා. මේ අතර සමහර ත්‍රස්ත කණ්ඩායම් බිහිවීමට මූලික හේතුව ගැන සොයා බැලීමේදි විටෙක ඔවුන්ට සාදාරණ හේතුවක් තිබුන බවට සැක පල වනවා. නමුත් එහි අභ්‍යන්තරයට එබී බැලීමකින් තොරව අපිට කියන්න බෑ හරි මොකද්ද වැරැද්ද මොකද්ද කියල.කොහොම නමුත් යුද්ධය කියන්නෙ නම් හොඳ දෙයක් නෙමෙයි.

අද මම ඔයාලට අරගෙන ආපු චිත්‍රපටය ගෙතෙන්නේ මෙම නක්සල්වාදීන් නම් ආයුධ සන්නද්ධ කණ්ඩායමක් ඉන්දීය රජයේ ක්‍රියාමාර්ග වලට එරෙහිව කරන විප්ලවයක් වටා. දරිද්‍රතාවයෙන් පෙලෙන සමාජ පන්තියකට සිදුවන අසාදාරණ ඉඩම් මංකොල්ලයක් මුල් කරගෙන ඔවුන් විසින් තම අයිතීන් ලබා ගැනීමට යුද්ධයකට සැරසෙනවා. පසු කලෙක මාඕවාදී ගරිල්ලන් බවට පත්වන්නේද මෙම නක්සල්වාදීන්ගෙන් උපන් කණ්ඩායමක් තමයි. කාලයකදී මෙම නක්සල්වාදීන් ඉන්දියාවේ ප්‍රබලතම ආරක්ෂක ගැටලුව බවටද පත්වී තියෙනව. මෙම අරගලය වටා ලස්සන කතාවකුත් ගලාගෙන යනව. මෙන්න මේකයි කතාව.

ආදිල් සහ කබීර් කියන්නෙ ගජ මිතුරො දෙන්නෙක්. දෙන්නම පොලීසියෙ වැඩ කරන්නෙ. මේ නක්සල්වාදීන්ගේ කරදරය ඉවසන්න බැරිම තැන කබීර් තම මිතුරාට උදව් කරන්න හිතාගෙන නක්සල් වාදීන්ට එකතු වෙලා ඔවුන්ගේ හැම තොරතුරක්ම ආදිල්ට ලබා දෙනව. ඔහොම යනකොට කබීර්ට තේරුම් යනව මේ මිනිසුන්ගේ අරගලය සාදාරණ අරගලයක් වන බව. මේ සිද්ධිය ලස්සන සිනමාවකට කැටිකොට අප වෙත ගෙන එන්නේ එහි අධ්‍යක්ෂක ‘ප්‍රකාෂ් ජා’ විසින්.. අර්ජුන් රාම්පාල්, අබේ ඩියෝල්, ඕම් පූරී, මනෝජ් බජ්පායි සහ ඊශා ගුප්තා යන සුපිරි නලු නිලියන් මෙහි විශිෂ්ට රගනයක නිරත වෙනවා.

ඉතින් ඔයාලම බලන්න අන්තිමේදි මොකද වෙන්නෙ කියල! කබීර් කොහොමද සතුරන්ගේ හොඳ හිත දිනා ගන්නෙ? ආදිල් සහ කබීර්ගේ මිතුදමට කුමක් වෙයිද? විප්ලවයෙන් ජය ගන්නෙ කවුද? කියල… එහෙනම් මම ගිහින් එන්නම්. හැමෝටම ජය වේවා෴

Due to copyright issues, we do not provide any torrent links.

මෙම ලබා දී ඇති උපසිරැසි DVD පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “දිදුල KD සිල්වා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
BRONZE MEMBER
JOINING DATE – 2011-11-30