Sunday , January 23 2022
Breaking News

Chungking Express (1994) AKA Chung Hing sam lam Sinhala Subtitles | චංකිං එක්ස්ප්‍රස් [සිංහල උපසිරසි]

Rating: 7.4/10. From 7 votes.
Please wait...

#’මේ’ තමයි මගේ පෙම්වතිය…
හිටපු.
අපි වෙන් වෙලා පොඩි කාලයයි.
මේ ගොඩක් ආසයි අන්නාසි වලට.
එයාව මට අමතක කරන්න බෑ. එයාව මතක් වෙන්න තමයි මං දවස ගානෙ අන්නාසි ටින් එකක් ගන්නෙ. මං ගන්නෙ කල් ඉකුත් වන දිනය “මැයි පලවෙනිදා” විදිහට සදහන් වෙන ඒව විතරයි. ඒ “මේ” කියන්නේ “මැයි” වලට නිසා වත්, මැයි පලවෙනිදා මගෙ උපන්දිනය හින්ද වත් නෙමෙයි. මැයි පලවෙනිදට අපි වෙන් වෙලා හරියට මාසයක් වෙනවා. මං අප්‍රේල් මාසෙ පුරාම අන්නාසි ටින් ගත්තා. “මැයි පලවෙනිදා විදිහට කල් ඉකුත් වන දිනය” තියන තිස් වෙනි කෑන් එකත් ගන්න මොහොත වෙද්දිත්, මේ ගෙ හිත වෙනස් වෙලා නැත්තං අන්නාසි ටින් ටික වගේම අපේ ආදරෙත් කල් ඉකුත් වෙනවා#

එකිනෙකට වෙනස් ආදර කතා දෙකක්… එකිනෙකට අහඹු හමුවීම් දෙකක්…
ආදරෙන් පැරදිලා, සේරම එපා වෙලා ඉන්න තරුණ පොලිස් නිලධාරීන් දෙදෙනෙකු ට දෙවිධියකට හමුවන යුවතියන් දෙපළක්…
මේ ආදර විරහ කතා, හිමිවීම් අහිමිවීම් මැද නොදන්නවුන් මුණ ගස්වන අපූරු අවන්හලක්…
උදේ දවල් රෑ වෙනසක් නැතුව මේ පොඩි අවන්හල වටා ගෙතුණු සුන්දර, ආදරණීය, හුරතල් කතාව… චංකිං එක්ස්ප්‍රස්. 🧡😌

The Grandmaster, In the mood for love, 2046, Fallen Angels, Happy Together වගේ විශිෂ්ඨ ගණයේ සිනමා නිර්මාණ ලොවට එක් කල අපූරූ හොංකොං ජාතික අධ්‍යක්ෂකවරයෙක් වන “වොං කර්-වයි” ගෙ තවත් ලස්සනම ලස්සන වැඩක් තමයි 1994 ඔහු ලොවට දායාද කළ චංකිං එක්ස්ප්‍රස්😊. හොංකොං වල සැබෑවටම පවතින අවන්හලක් සහ එය පිහිටලා තියන කාර්යබහුල හොංකොං නගරයත්, ඒ නගරයේ දෛනික ව එහා මෙහා යන ලක්ෂ ගානක මිනිස්සු අතරේ හැංගුන ලස්සන ආදර කතා දෙකකුත් එකිනෙක සම්බන්ධ වෙන, මාරම විදිහට හිතට දැනුන ෆිලුමක් තමයි මේ😌✌️.

වොං කාර්-වයි ගේ හැම ෆිලුමක් ම වගේ පාදක වෙලා තියෙන්නේ, අහඹු ව මුණගැහෙන ආදර කතා, ආදරෙන් පැරදුන ජීවිත, ලොකු නගර වල තනිඋන මිනිස්සු, නොදන්න සමාජයක ස’වයිව් වෙන්න උත්සහ දරන තරුණ තරුණියෝ වගේ තේමා වීම විශේෂයි. නමුත් ඒ ගොඩක් ඒවට වොං දීල තියෙන්නෙ අඳුරු, වගේම ඛේදනීය අවසානයන්. නමුත් චංකිං එක්ස්ප්‍රස් එයිනුත් විශේෂ වෙන්න ඒ නිසයි. මොකද අනික් වොං නිර්මාණ වලට වඩා මේක, පැය එක හමාර පුරාවටම බලන කෙනා ගෙ මූණෙ ලස්සන හිනාවක් රැදිලා තියෙන, අවසානයට ඉතාම සිත් ගන්නා සුලු අවසානයක් එක් කරන, හරිම සෙනෙහෙබර, ඇස් පිනවන, “පැණි රස” ෆිල්ම් එකක් කියල කිව්වොත් හරි😋. ඒ රසවත් බව එක් කරන්නෙ, මේකෙ තියන ආදර කතා දෙකම නෙමෙයි, ෆිලුමෙ ඉන්න එක් විශේෂ චරිතයක් උත් ඒකට දායක වෙනවා. ඒ තමයි ෆිලුමෙ මඟක් දුර යද්දි හමුවන “ෆේ”. ඉතාම හුරුබුහුටි වගේම හුරතල්, දඟකාර කෙල්ලෙක් වෙන ෆේ නිසා මුළු ෆිලුමටම අමුතුම ආකාරයේ ලස්සනක්, රසවත් බවක්, එලියක් එක් වෙනවා. මං මෙහෙම හෑල්ලක් දාලා වර්ණනාවක් කරාට ඒක බලනකොට අනිවාර්යයෙන් ඒ හැඟීම ෆේ තුලින් ඇතිවීම අත්විඳින්න පුළුවන්😘👍. මේ නිසාම මේ අමුතු හුරුබුහුටි බව, වින්දනීය වෙනස, වොං ගෙ සාමාන්‍යෙන් ඩාක් – සෑඩ් එන්ඩිං ටයිප් එකෙ ෆිල්ම් සේරටම ආලෝකයක් ලස්සනක් එකතු කරන්න සමත් උනා. කතාවෙ මගේ සිත් ගත් චරිතය ෆේ උනාට අනිත් චරිත සියල්ල ත්, ෆිලුම කිසිදා අමතක නොවන නිර්මාණයක් කිරීමට හේතු උන බවත් කියන්න ඕනෙ👌.

චංකිං එක්ස්ප්‍රස් සදහා රංගනයෙන් හොංකොං වල නම් දරපු තරු වෙන Takeshi Kaneshiro, Brigitte Linn, Faye Wong සහ Tony Leung (2021 නිකුත් වූ Shang-Chi චිත්‍රපටයේ Wenwu ලෙස හතුරා ගෙ චරිතය කරෙත් Tony) දායක වෙනවා. Christopher Doyle ගෙ විශිෂ්ට කැමරාකරණය වගේම කතාවෙ ආරම්භක තේමා සංගීතයත්, මැදක් හරියෙ ඉදං නොනවත්වාම අහන්න ලැබෙන ‘California Dreaming” ගීතයත් නිසා මේ ෆිලුම, කී පාරක් බැලුවත් එපා නොවෙන, බලන හැම පාරකම නැවුම් බවක්, හිත පිරෙන සන්සුන් බවක් එක් කරන, අමරණීය ගණයේ සිනමා කෘතියක් බවට පත් කරපු බව කියන්න පුළුවන්😌💯.

දැනට 8.1/10 ක විශිෂ්ට IMDB අගයක්, ටොමෑටෝමීටරයේ 89% ක සුපිරි අගයක්, වගේම ගූගල් දර්ශකයේ 93% ක කැමැත්තක් චංකිං එක්ස්ප්‍රස් සතුයි. වොං ගෙ ෆිල්ම් සෙට් එකෙන් මං ආසම ෆිල්ම් එක මේක✌️. මේක ලියපු මගේ වගේම හොලිවුඩ් වල සුපිරි අධ්‍යක්ෂක වරයෙක් වන ක්වින්ටන් ටැරන්ටීනෝ ගෙත් “All Time favorite” ෆිලුමක් වෙන චංකිං එක්ස්ප්‍රස් බලල ඒ සුන්දර ආදරණීය අමතක නොවන අත්දැකීම විඳින්න කියල හැමෝටම ආරාධනා කරනවා. 💛

 

 

 

Due to copyright issues, we do not provide any torrent link

මෙම උපසිරැසි සියලුම BR පිටපත් සඳහා වලංගු වේ.

මේ ලබා දී ඇති සිංහල උපසිරැසි පිළිබද “මෙයෝන් සෙනවිරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

NEW MEMBER
JOINING DATE – 2021-12-21
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Check Also

Lost in Space (2018-2021) [S03 : E01] Sinhala Subtitles | ටයිටේනියම් සොයා… [සිංහල උපසිරසි]

ඔන්න එහෙනම් මේ අරගෙන එන්නෙ තවත් මඟ හිටලා තිබුණු කතාමාලාවක් රැගෙනයි. ඒවගේම කියන්න ඕන මේක …

Leave a Reply

Your email address will not be published.

11 comments

  1. බොහොම ස්තූතියි සිංහල උපසිරැසියට. ජය෴෴ 😛 😛

  2. හොඳ ෆිල්ම් එකක් වගෙයි. පළමු උපසිරසියට සුබ පැතුම්!

  3. මම ගොඩ කාලෙකින් බලපු ලස්සනම මුවිස් එකක් ගොඩාක් ස්තුතියි සබ් වලට….

  4. Buddhika Lakmal

    ♥♥☻☻…බොහෝම ස්තූතියි උපසිරැසියට…☺☺♥♥

  5. පට්ටම ආස ෆිලුමක් ගොඩක් තෑන්ක්ස් සබ් දුන්නට ❤️❤️

  6. පළමුවන උපසිරැසියට උණුසුම් සුබ පැතුම් !!!

  7. සබ් එකට බොහොම ස්තූතියි සහෝ….!
    ඒ වගේම පළවෙනිම සබ් එකටත් සුබ පැතුම්….
    දිගටම සබ් කරමු….

  8. Ravindu Rukshan

    Thanks

  9. Supun Kaushalya

    තෑන්ක්ස් සබ් එකට සහෝ

  10. Bimsara Yashan(ඔලිව)

    සිංහල උපසිරැසියට බොහොම ස්තූතියි සහෝ. ජයවේවා!

error: Alert: Content is protected !!