Monday , October 26 2020
Breaking News

Dark [S03 : E01] Sinhala Subtitles | කාලයේ අභිරහස් වලින් පිරි නව ලොවක්…!! [සිංහල උපසිරැසි සමඟ]

Rating: 9.2/10. From 58 votes.
Please wait...

ඔන්න දෙවැනි සමයට හරියටම අවුරුද්දකට පස්සෙ තවත් ජනප්‍රිය කතාමාලාවක තෙවැනි හා අවසන් දිගහැරුම ඔයාලට අරගෙන එන්නයි මේ සූදානම. 2017 වසරේ දෙසැම්බර් පළමුවැනිදා Crime|Drama|Mystery යන වර්ගීකරණයන්ට අයත්ව ප්‍රේක්ෂකයින් බොහෝ පිරිසකගේ මනස නූල් බෝලයක පටලවන අන්දමේ කතාමාලාවක් Netflix නාළිකාවෙන් විකාශය කරනවා. ඒ තමයි ඔවුන්ගේ පළමු ජර්මානු කතාමාලාව වන Dark. IMDb දර්ශකයේ 8.8/10ක අගයක් හා Rotten Tomatoes හි 94%ක මනාප ප්‍රතිශතයක් ලබාගෙන තිබෙන මෙම කතාමාලාව දෙස් විදෙස් ප්‍රේක්ෂකයින් අතර අතිශයින්ම ජනප්‍රිය වන්නට කතා මාලාවේ නිර්මාතෘ Baran-Bo-Odar විසින් රාමුවෙන් ඔබ්බට ගොස් ප්‍රේක්ෂකයින්ට ලබාදුන් වෙනස්ම ආකාරයේ සහ මනස වෙහෙසවන සුළු සංකීර්ණ වූ කතා තේමාව ප්‍රධානම හේතුවක් බවට පත්වුණා. Dark කතාමාලාවට පාදක කරගෙන ඇති කාල තරණ සංකල්පය වසර කීපයක කාල වකවානු කිහිපයක් ඔස්සේ කතාවේ චරිත හා සම්බන්ධව අතීත, වර්තමාන හා අනාගත යන තුන් කල් ඔස්සේ දිවෙමින් සිදුවන සිදුවීමක්. මේ අයුරින් තුන්කල් ඔස්සේ සිදුවන සිදුවීම් පෙළ සහ ඒකී කාල පරාසයන් වලදී චරිත වල අතීත, වර්තමාන සහ අනාගත ස්වරූපයන් නිසි ලෙස ගලපාගන්න අපහසු වීම මත තමයි බොහෝ දෙනෙක් Dark කතාමාලාවට ඔළුව පිස්සු වට්ටන සීරීස් එකක් කියල කියන්නෙ. නමුත් කාලය, සිදුවීම් සහ චරිත ගැන හොඳ අවදානයකින් යුතුව කතාව නැරඹුවොත් නම් තේරුම් ගැනීම එතරම් අපහසු දෙයක් නෙවෙයි කියලයි මගේ අදහස.

ජර්මනියෙ හුදෙකලා නගරයක් වන වින්ඩන් නගරයේ කුඩා දරුවන් අතුරුදහන්වීමේ සිදුවීම් කිහිපයක් හා මෙම නගරයේ ජීවත්වන පවුල් හතරක සාමාජිකයින් පිරිසක් කාල තරණය මඟින් අතීත, වර්තමාන හා අනාගත කාලය තුළදී මුහුණදෙන සිදුවීම් පෙළක් Dark කතා මාලාවට පාදක කරගෙන තිබෙනවා. මෙම කාල තරණය සිද්දවෙන්නෙ වින්ඩන් ගුහා පද්ධතියෙ තියෙන Black Hole එහෙමත් නැත්නම් කළු කුහරයක් තුළිනුයි. Dark පළමු හා දෙවනි කතා සමයන් වලදි අපිට මේ කළු කුහරය ඔස්සේ අවුරුදු 33ක පරතරයකින් වර්ශ කීහිපයකට සිදුවන කාල තරණය කිරීම් දකින්න ලැබුණා. පළමු සමයේදි අපිට 1953/ 1986/ 2019 සහ 2052 යන වර්ශ වල සිදුවීම් දකින්න ලැබුණා. ඒ වගෙම දෙවැනි සමයෙදි 1921/ 1954/ 1987/ 2020 සහ 2053 වර්ශ වල සිදුවන සිදුවීම් පෙළක් තමයි දකින්න ලැබුණෙ. ඇත්තටම Dark නිර්මාතෘවරයා මේ කතා මාලාව නිර්මාණය කරල තියෙන්නෙ අවුරුදු 33ක පරතරයකින් යුත් Time Cycle එහෙමත් නැත්නම් කාල චක්‍ර තුනකින් අවසන් වෙන විදිහට. කතාවට අනුව පළමු කාල චක්‍රයට අයත්වෙන්නෙ පළමු සමයට කලින් සිදුවන සිදුවීම්. දෙවැනි කාල චක්‍රයට පළමු හා දෙවැනි සමයන් වලදී සිදුවන සිදුවීම් අයත්වෙනවා. තෙවැනි කාල චක්‍රයේදී සිදුවන සිදුවීම් අපිට තෙවැනි සමයේදි දකින්න ලැබේවි. මම උඩින් දාල තියන අවුරුදු 33ක පරතරයකින් යුත් වර්ශ දිහා බැලුවම ඔයාලට කාල චක්‍ර ගැන තේරුම් ගන්න පුළුවන්වෙයි කියල හිතෙනවා.

ඉතින් ඔයාලට Dark කතාව තේරුම් ගන්න නම් මම කලින් කිව්වත් වගේ කාලය, සිදුවීම් සහ චරිත ගැන හොඳ අවදානයකින් යුතුව නරඹන්නම වෙනවා. ඒ වගෙම තමයි මේ කතාවෙදි අපිට දකින්න ලැබෙන ස්ථාන, රූප සටහන්, ඡායාරූප වගෙම සංකේත වලිනුත් කතාව තේරුම්ගන්න ඉඟි බොහොමයක් සපයලා තියෙනවා. ඔයා පළමු සහ දෙවැනි කතා සමයන් හොඳ අවදානයකින් බැලුව කෙනෙක් නම් මතක ඇති මිචෙල් කන්වෝල්ඩ් සියදිවි නසාගන්නෙ කවදද කියල. මිචෙල් සියදිවි නසාගන්නෙ 2019 ජූනි 21. හරියටම එදා තමයි Dark දෙවැනි සමය විකාශය කරන්නෙ. ඒ වගෙම සමහරවිට ඔයාල දකින්න ඇති තෙවැනි හා අවසන් කාල චක්‍රය පටන්ගන්න දිනය දෙවැනි කතා සමයේ පළමු කොටසෙදි නෝවාගේ අතේ තියන පොතක සටහන්වෙලා තියෙන ආකාරයත්. ඉතින් ඒ පොතේ සටහන් වෙලා තියෙන අවසන්(තෙවැනි) චක්‍රයේ ආරම්භක දිනය වෙන්නෙ 2020 ජූනි 27. ඉතින් එදාම තමයි Netflix නාළිකාවෙන් Dark තෙවැනි සමය විකාශය කළේ.

අන්න ඒ වගේ Dark කතා මාලාවේ තවත් බොහෝමයක් දේවල් එකිනෙකට සම්බන්ධයි. ඒ නිසාම තමයි අපිට කතාවෙදිත් Everything is Connected කියල දකින්න ලැබෙන්නෙ. Dark දෙවැනි සමය ආරම්භයේදි මම ඔයාලට කතාවෙදි අපිට මුණගැහෙන පවුල් හතරක සාමාජිකයින් ගැන වගෙම ඔවුන්ගේ අතීත, වර්තමාන සහ අනාගත කාලයන් ගැන පැහැදිලි කිරීමක් කළා මතක ඇති. ඒ වගෙම මේ උදවිය එකිනෙකා සමඟ සම්බන්දවෙන්නෙ කොහොමද කියන දේ ගැනත් අපි කතා කළා. ඉතින් මම අද තෙවැනි සමයට මුල පුරන්නට කලියෙන් මෙතෙක් දුරට Dark පළමු හා දෙවැනි සමයන් වලදි අපිට දකින්න ලැබුණු සිදුවීම් වල වැදගත් අවස්ථා ගැන Episode By Episode කෙටි හා සරල මතකාවර්ජනයක් කරන්න කල්පනා කළා. කාල තරණයත් එක්ක කතාවෙ චරිත සහ සිදුවීම් එකිනෙකට වෙනස් වෙන නිසාවෙන් සමස්තයක් විදිහට සම්පූර්ණ කතාවම සාරාංශ කරල විස්තරයක් අරන් එන එක අපහසු නිසයි මම මේ විදිහට කරන්න හිතුවෙ. ඉතින් ලිපිය ටිකක් දීර්ඝ වෙන්නත් පුළුවන්. කියවන්න අකමැති කෙනෙක් ඉන්නව නම් කෙළින්ම පහළට ගිහින් උපසිරසිය අරන් ගියාට කාරි නෑ ඉතින්…

Dark පළමු කතා සමය

Episode 01 – Secrets

Dark කතාවේ ආරම්භය විදිහට පළමු කොටස ආරම්භයේදි අපිට 2019 වර්ශයේ සිදුවන මිචෙල් කන්වෝල්ඩ්ගෙ සියදිවි නසාගැනීමේ සිදුවීම බලාගන්න පුළුවන්. ඒ වගෙම ඔහු සියදිවි නසාගන්න කලියෙන් ලියන සටහන ඔහුගෙ අම්මා ඉනස් කන්වෝඩ් හංඟලා තියනවා. මාස කිහිපයක් ඉදිරියට ගිහින් පෙන්වන දර්ශන වලදි මාස කිහිපයක මානසික චිකිත්සක සායන වලට මුහුණදීල මිචෙල් කන්වෝල්ඩ්ගෙ පුතා, ජෝනාස් නැවත වින්ඩන් පාසලට පැමිණෙනව අපිට දකින්න පුළුවන්. වින්ඩන් පාසලට මත්ද්‍රව්‍ය බෙදාහැරපු එරික් ඔබෙන්ඩොෆ්ගේ අතුරුදහන්වීමේ සිදුවීමත් අපිට දකින්න ලැබෙනවා. ඒ තමයි අපිට කතාවෙදි දකින්න ලැබෙන පළමු අතුරුදහන්වීමේ සිදුවීම. මේ අතුරුදහන්වීමේ සිදුවීම බාරව කටයුතු කරන්නෙ පොලිස් නිළදාරී උල්රිච් නිල්සන්. නමුත් මේ කාල වකවානුවේදි උල්රිච් ජෝනාස්ගෙ අම්මා, හැනා කන්වෝල්ඩ් එක්ක පවත්වගෙන යන අනියම් සම්බන්දතාවය නිසා ටිකක් වික්ෂිප්තභාවයකිනුයි ඉන්නෙ. උල්රිච්ගේ බිරිඳ, කැතරිනා නිල්සන් තමයි වින්ඩන් පාසලේ විදුහල්පතිනිය විදිහට කටයුතු කරන්නෙ.

මේ දෙන්නට දරුවො තුන්දෙනෙක් ඉන්නවා. ඒ තමයි මාර්තා නිල්සන්, මැග්නස් නිල්සන් සහ මිකල් නිල්සන්. නිල්සන් දරුවො තුන්දෙනයි, ජෝනාස් වගෙම ඔවුන්ගෙ මිතුරන් වන බාටොස් ටීඩමන් සහ ෆ්‍රැන්සිස්කා ඩ්‍රොප්ලර් කැලෑවෙ තියන වින්ඩන් ගුහාවෙ හංඟලා තියෙන එරික්ගේ මත්ද්‍රව්‍ය හොයන්න උත්සහයක යෙදෙනවා. වින්ඩන් ගුහාව ආසන්නයට යන මේ කට්ටියට අමුතු ශබ්ද ඇහෙන්න පටන්ගන්නවා. ඒ වගෙම අමුතුම විදිහේ ආලෝක ධාරා දකින්න ලැබෙනවා. මේ සිදුවීම නිසා කලබලයට පත්වෙලා කට්ටියම එතනින් දුවන්න පටන්ගන්නවා. ඒත් අවසානයෙදි කට්ටිය දැනගන්නවා පොඩි හාදයා මිකල් අතුරුදහන්වෙලා බව. පොලිසිය මිකල්ව හොයන්න ගුහා ආශ්‍රිත ප්‍රදේශය සෝදිසි කරද්දි ඔවුන්ට 80 දශකයේ ඇඳුම් ඇඳගෙන ඉන්න 1986 වර්ශයේදි අතුරුදහන් වූ මැඩ්ස් නිල්සන්ගේ මළ සිරුර හම්බවෙනවා. මියගිය මැඩ්ස්ගේ ඇස් වටා සම්පූර්ණයෙන්ම පිළිස්සුම් සළකුණු දකින්න ලැබෙනවා. ඒ වගෙම ඔහුගේ කන් වලින් ලේ ගලා ගිය බවට සළකුණු දකින්න ලැබෙනවා. පළමු කොටස අවසානයෙදි අපිට නෝවා විශේෂිත කාමරයක කාල තරණ පරීක්ෂණයකට යොදාගන්නා පුටුවකට එරික් ඔබෙන්ඩොෆ්ව ගැටගහලා ඉන්නවා දකින්න ලැබෙනවා.

Episode 02 – Lies

තමන්ගේ පුතාගේ අතුරුදහන්වීමේ සිදුවීමට පස්සෙ උල්රිච්ට මේ හා සමානම සිදුවීමක් ගැන මතක්වෙනවා. ඒ තමයි 1986 වර්ශයේදි සිද්දවුණු ඔහුගේ සහෝදරයා මැඩ්ස්ගේ අතුරුදහන්වීමේ සිදුවීම. උල්රිච්, මිකල්ගේ අතුරුදහන්වීම සිද්දවුණ වින්ඩන් ගුහා පද්ධතිය සෝදිසි කරගෙන යද්දි ඔහුට වින්ඩන් නගරයට බලශක්තිය සපයන වින්ඩන් න්‍යෂ්ටික බලාගාරය දෙසට යොමුවුණු අඟුල් දැමූ දොරක් හම්බවෙනවා. මේ වෙද්දි න්‍යෂ්ටික විදුලි බලාගාරයේ අධ්‍යක්ෂක ලෙස කටයුතු කරන බාටොස්ගේ තාත්තා ඇලෙක්සැන්ඩර් ටීඩමන්, උල්රිච්ට බලාගාරය සෝදිසි කරන්න අවසර ලබාදෙන්නෙ නැහැ. ජෝනාස්ට මිචෙල් කන්වෝල්ඩ්ගෙ කැබින් එකේ වහළෙ සඟවලා තිබිලා වින්ඩන් ගුහා පද්ධතියේ සිතියමක් හොයාගන්න ලැබෙනවා. මේ අතරවාරයෙදි බාටොස්ගේ අම්මා, රෙගීනා ටීඩමන්ට අයිති හෝටලයට හිස් ආවරණයක් දාගත්තු නාඳුනන පුද්ගලයෙක් (Stranger) බ්‍රිෆ්කේස් එකක් අරගෙන ඇවිත් නවාතැන් ගන්න කාමරයක් අරගන්නවා. උල්රිච් තමන්ගේ අම්මා, ජනා නිල්සන් මුණගැහෙන්න ගිහින් 1986 වර්ශයේ මැඩ්ස් අතුරුදහන් වුණු රාත්‍රිය ගැන විස්තර අහනවා. එතනදී ජනා නිල්සන් තමන්ගේ සැමියා වගෙම උල්රිච්ගේ පියා වන ට්‍රොන්ටේ නිල්සන් ගැන උල්රිච්ට බොරු කියනවා. වින්ඩන් පොලිස් ප්‍රධානී චාලට් ඩ්‍රොප්ලර්ට නගරයේ විදුලි බල්බ වල එළිය නිවි නිවී දැල්වීම සහ කුරුල්ලන් අසාමාන්‍ය විදිහට මැරිල වැටිල ඉන්නවා දකින්න ලැබෙනවා. දෙවැනි කොටස අවසානයෙදි අපිට වින්ඩන් ගුහාවෙ සිහිසුන්වෙලා හිටපු මිකල් අවදිවෙලා ආපහු ගෙදර යන්න පිටත්වෙනව දකින්න පුළුවන්. ඒත් අවසානයෙදි තමන්ගෙ ගෙදර හොයාගෙන ගිය මිකල්ට තරුණ උල්රිච් සහ කැතරිනාව මුණගැහෙනවා. ඒ විතරක් නෙවෙයි ඔහු දැනගන්නවා තමන් දැන් මේ ඉන්නෙ 1986 වර්ශයේ බව.

Episode 03 – Past And Present

තෙවැනි කොටස ආරම්භ වෙන්නෙ 1986 වර්ශයේදි සිද්දවෙන මැඩ්ස් නිල්සන්ගේ අතුරුදහන්වීමට පසු සිදුවීම් වලින්. ආපහු ගෙදර යන්න ක්‍රමයක් හොයාගන්න මිකල් වින්ඩන් පොලිසියට ගිය අවස්ථාවෙදි ඔහු මැඩ්ස් නිල්සන් අතුරුදහන්වී ඇති බව දැනගන්නවා. මේ කාලවකවානුවෙදි වින්ඩන් පොලිස් ප්‍රධානියා විදිහට කටයුතු කරන්නෙ ඊගෝන් ටයිඩමන්. ඊගොන් සැක කරනවා තරුණ උල්රිච්, මිකල්ට පහරදීලයි කියල. ඊගොන් මිකල්ව වින්ඩන් රෝහලට ඇතුළත් කරනවා. රෝහලේදි මිකල්ව බලාගන්නෙ තරුණ හෙදියක් වන ඉනස් කන්වෝල්ඩ් විසින්. මේ කාල සීමාවෙදි න්‍යෂ්ටික බලාගාරයේ නව අධ්‍යක්ෂකවරිය විදිහට එගොන්ගේ දුව, රෙගීනාගෙ අම්මා, ක්ලෝඩියා ටීඩමන් පත්වෙනවා. ක්ලෝඩියා ගැන කැමැත්තකින් ඉන්න බලාගාරයේ ආරක්ෂක නිළදාරියෙක් විදිහට සේවය කරන හෙල්ග් ඩ්‍රොප්ලර් ක්ලෝඩියාට H.G. ටැන්හවුස් විසින් රචිත “A Journey Through Time” නම් වූ පොත ලබාදෙනවා.

2019 වර්ශයේ මිකේල් අතුරුදහන්වූ කාල සීමාවෙදි දකින්න ලැබෙන සිදුවීම් වලට සමානවම 1986 වර්ශයේදී කුඩා දැරියක් වන චාලට් ඩ්‍රොප්ලර්ට අහසින් කුරුල්ලන් මැරිල වැටෙනව දකින්න ලැබෙනවා. මේ කාලයේදී පාසල් සමයේ පසුවන හැනා කන්වෝල්ඩ්ගෙ හිතේ උල්රිච් ගැන ආලවන්තකමක් ඇතිවෙනවා. ඒ වගෙම ප්‍රේමවන්තයින් වන උල්රිච් සහ කැතරිනාගේ තාඩන පීඩන වලට රෙගීනා ටීඩමන්ට මුහුණදෙන්න සිද්දවෙනවා. 1986 වර්ශයේදි Clock Maker ලෙසින් හදුන්වන H.G. ටැන්හවුස් කාල යන්ත්‍රයක් අලුත්වැඩියා කරනවා අපිට දකින්න ලැබෙනවා. තුන්වන කොටස අවසානයෙදි රෝහලෙන් පලායන මිකල් තමන්ගෙ ගෙදරට ආපහු යන බලාපොරොත්තුවෙන් නැවත වින්ඩන් ගුහාව ඇතුළට ගියත් ගුහාවෙදි හදිසියෙම තුවාල වෙලා උදව් ඉල්ලනවා. 2019 වර්ශයේ අතුරුදහන් වුණු මිකල්ව හොයන උල්රිච්ට මිකල්ගේ උදව් ඉල්ලීම ගුහාව හරහා අහන්න ලැබෙනවා. ඒ වගෙම තමයි අපිට මේ කොටසෙදි කතාවෙදි අපිට මුණගැහෙන චරිත කීහිපයකම තරුණ හා මහළු කාලයේ ස්වරූපය දකින්න පුළුවන්.

Episode 04 – Double Lives

2019 වර්ශයේදි ජෝනාස් තමන්ට හම්බවුණ සිතියම් සහ සටහන් වල උපකාරය ඇතුව වින්ඩන් ගුහාව සෝදිසි කරන්න පටන්ගන්නවා. මේ අතරවාරයෙදි චාලට් ඩ්‍රොප්ලර් උත්සහ කරනවා ළමයින්ගේ අතුරුදහන්වීමේ සිදුවීම් සහ කණ්බෙර පැළිල මැරුණ කුරුල්ලන් අතරේ සම්බන්ධතාවයක් හොයාගන්න. චාලට් ඩ්‍රොප්ලර්ගේ සහ පීටර් ඩ්‍රොප්ලර්ගේ කසාඳ ජීවිතය පීටර්ගේ වෙනත් සමලිංගික සම්බන්දයක් ගැන චාලට් දැනගත්තට පස්සෙ ඉඳන් දෙදරා යන්න පටන්ගන්නවා. ඒ වගෙම මිකල් අතුරුදහන් වුණු දවසෙ රෑ පීටර් හිටියෙ කොහෙද කියන ප්‍රශ්නයට නිසි උත්තරයක් නොදෙන නිසා චාලට් පීටර් දිහාත් සැකෙන් බලන්න පටන්ගන්නවා. මිකල්ව හොයාගන්න අදහසින් බලාගාරයට හොරෙන් ඇතුළුවෙලා ඇලෙක්සැන්ඩර් ටීඩමන්ගේ බාරයේ ඉන්න උල්රිච්ව චාලට් මැදිහත්වෙලා නිදහස් කරනවා. චාලට්ගෙ පුංචි දියණිය එළිසෙබත් ඩ්‍රොප්ලර් පාසල් වෙලාවෙන් පස්සෙ ආගිය අතක් හොයාගන්න බැරිවෙනවා. ඒත් එළිසෙබත් රෑ වෙද්දි ගෙදර ඇවිත් කියනවා ඇයට “නෝවා” කියල පුද්ගලයෙක් මුණගැහුණු විත්තිය. කාලෙකදි චාලට් ඩ්‍රොප්ලර්ට අයිතිවෙලා තිබුණ අත් ඔරලෝසුවක් නෝවා, එළිසෙබත්ට දෙනවා. මේ අතරවාරෙදි පීටර්ගෙ තාත්තා, හෙල්ග් ඩ්‍රොප්ලර් කැලෑවෙ ඉබාගාතෙ ඇවිදගෙන යද්දි හොයාගන්නවා. ඔහු කියනවා නොවා හොයාගන්න ඕනි බව. නමුත් ඔහුට Dementia නම් මානසික රෝගයක් තියෙන නිසාවෙන් කවුරුවත් හෙල්ග් කියන දේ පිළිගන්නෙ නැහැ.

Episode 05 – Truths

1986 වර්ශයේ ඉන්න මිකල් නැවත රෝහලට රැගෙන ගියාට පස්සෙ මිකල්ව මුණගැහෙන්න නෝවා කියන පූජකවරයෙක් පැමිණෙනවා. උල්රිච්, කැතරිනාව බලෙන් දූශණය කරන්න හැදුවයි කියල හැනා කියන බොරුව නිසා උල්රිච් පොලිස් අත්අඩංගුවට පත්වෙනවා. 2019 වර්ශයේදි, නෝවා එක්ක කතා බහ කළාට පස්සෙ එළිසෙබත්ගෙ ළමා පෙම්වතා වෙලා හිටපු යසින්ව අතුරුදහන් වෙනවා. චාලට් මේ අතුරුදහන්වීමේ සිදුවීම් වලට පීටර් සම්බන්ධයි කියල සැක කළා වුණත් පීටර් ඒ බව ප්‍රතික්ෂේප කරනවා. රෙගීනාගෙ හෝටලයේ නවාතැන්ගෙන ඉන්න Stranger රෙගීනාට පෙට්ටියක් දෙනවා ජෝනාස්ට තැපෑලෙන් යවන්න කියල. බාටොස් ටීඩමන්, එරික් ඔබෙන්ඩොෆ්ගේ සැපයුම්කරුවා විදිහට කටයුතු කරපු නෝවා මුණගැහෙනවා. දින කිහිපයකට පස්සෙ ජෝනාස්ට Stranger එවපු පෙට්ටිය ලැබෙනවා. ඒ පෙට්ටියේ තියෙන්නෙ විදුලි පන්දමක් ආකාරයෙන් ක්‍රියාත්මක වන උපකරණයක්, විකිරණශීලි බව ගණනය කරන උපකරණයක් සහ මිචෙල් කන්වෝල්ඩ් සියදිවි නසාගන්න කලින් ලියපු සටහන. ඒ සටහනෙන් පැහැදිල කරල දෙනවා ඇත්තටම මිචෙල් කන්වෝල්ඩ් කියන්නෙ අහම්බයෙන් 1986 වර්ශයට කාල තරණය හරහා ගිහින් හැනාව විවාහ කරගෙන ජෝනාස්ට පීතෘත්වය ලබාදී මේ වෙද්දි සියදිවි නසාගෙන තිබෙන මිකල් නිල්සන් බව.

Episode 06 – Thus The World Was Created

2019 වර්ශයේදි උල්රිච් හොයාගන්නවා ඔහුගේ පියා ට්‍රොන්ටේ නිල්සන්, ක්ලෝඩියා ටීඩමන් සමඟ සම්බන්ධතාවයක් පවත්වපු විත්තිය. ඒ වගෙම උල්රිච් දැනගන්නවා 1986 වර්ශයේදි ඔහුගෙ සහෝදරයා මැඩ්ස්ව අතුරුදහන් වෙන්න කලින් අන්තිම වතාවට දැකල තියෙන්නෙ රෙගීනා බව. මැඩ්ස්ගේ අතුරුදහන් වීම ගැන විස්තර දැනගන්න රෙගීනාව මුණගැහෙන්න යන උල්රිච් දැනගන්නවා තරුණ කාලයෙදි කැතරිනාව දූශණය කළා කියල තමන්ව පොලිසියට කොටු කරල දුන්නෙ හැනා බව. කැලෑවෙන් හොයාගත්තු පිරිමි දරුවගේ මළ සිරුර බලන්න මෝචරියට යන උල්රිච් හොයාගන්නවා ඒ ඉන්නෙ 1986 වර්ශයේදි අතුරුදහන් වුණ තමන්ගෙ සහෝදරයා මැඩ්ස් බව. ඒත් මැඩ්ස්ගේ සිරුර අවුරුදු 33ක් ගත වුණත් වයස් ගතවීමක් සිදුවෙලා නැහැ. මේ අතරවාරයේ Strangerගෙන් ලැබුණ සිතියම උපයෝගී කරගෙන වින්ඩන් ගුහාවට යන ජෝනාස්ට “Sic Mundus Creatus Est” ලෙසින් සටහන් කරල තියෙන කුඩා දොරක් හොයාගන්න ලැබෙනවා. ජෝනාස් මේ දොර හරහා ගිහින් එළියට එන්නෙ 1986 වර්ශයෙන්. ජෝනාස් දකිනවා උල්රිච්ගෙ සහෝදරයාගේ අතුරුදහන්වීම ගැන සටහන් කරපු දැන්වීම් අලවලා තියෙනවා. ඒ වගෙම තමයි ඒ කාල වකවානුව වෙද්දි කුඩා දැරියක් වුණු හැනා, ජෝනාස්ව ඔවුන්ගෙ වාහනයේ එක්කගෙන යනවා.

Episode 07 – Crossroads

2019 වර්ශයේදි, පොලිසියට වින්ඩන් න්‍යෂ්ටික බලාගාරය සෝදිසි කරන්න අවසරය ලැබෙනවා. චාලට් ඩ්‍රොප්ලර් වින්ඩන් ගුහාවෙ තියන වෑල්ඩින් කරල වහල දාපු දොරක් හොයාගන්නවා. චාලට් ඩ්‍රොප්ලර්ගෙ මාමා, හෙල්ග් ඩ්‍රොප්ලර් 1986 වර්ශයේදි, සිද්දවුණ මැඩ්ස් නිල්සන්ගේ අතුරුදහන්වීමේ සිදුවීමට සැකකරුවෙක් වුණත් හෙල්ග්ගෙන් ඒ සිදුවීම සම්බන්ධව කවදාවත් ප්‍රශ්න කිරීමක් කරල නැති බව උල්රිච් හොයාගන්නවා. මේ වෙද්දි මානසික ආබාධයකින් පෙළෙන හෙල්ග්ව මුණගැහෙන්න යන උල්රිච් ඔහුට තර්ජනය කරනවා. මේ සිදුවීමෙන් පස්සෙ උල්රිච්ගෙ මේ ක්‍රියා කලාපය නිසා ඔහු වැඩ තහනමකට පවා ලක්වෙනවා. චාලට් ඩ්‍රොප්ලර් හොයාගන්න්නවා වින්ඩන් ගුහා පද්ධතිය විහිදිලා තියෙන්නෙ හෙල්ග් ඩ්‍රොප්ලර්ට අයිති කැලෑවෙ තියන කැබින් එකට යටින් බව. රාත්‍රි කාලයේ මානසික වාට්ටුවෙන් පිටවෙලා වින්ඩන් ගුහාව දිහාවට යන හෙල්ග් පිටිපස්සෙ උල්රිච් යනවා. උල්රිච් චාලට් ඩ්‍රොප්ලර්ට කියනවා 1986 වර්ශයේ සිදුවුණ අතුරුදහන්වීමේ සිදුවීමට වරදකාරයා හෙල්ග් ඩ්‍රොප්ලර් බව.1986 වර්ශයේ ඉන්න ජෝනාස්ට Stranger කියනවා මිකල්ව ආපහු 2019 වර්ශයට අරන් යන එකෙන් කාලයේ සිදුරක් ඇතිවෙනව කියල. අවසානයේදි අපිට දකින්න ලැබෙනවා නෝවා සහ හෙල්ග් එකතුවෙලා 1986 වර්ශයේදි, 2019 වර්ශයේ අතුරුදහන් වුණු යසින්ගේ මළ සිරුර බංකරයෙන් ඉවත් කරන ආකාරය.

Episode 08 – As You Sow, You Shall Reap

1953 වර්ශයේදි, වින්ඩන් න්‍යෂ්ටික බලාගාරය ඉදිකෙරෙමින් පවතින වැඩ බිමෙන් එරික්ගේ සහ යසින්ගේ මළසිරුරු හොයාගන්න ලැබෙනවා. මේ සිදුවීම ගැන විමර්ශන කරගෙන යන්නෙ පොලිස් පරීක්ෂක ඊගොන් ටීඩමන් විසින්. උල්රිච් වින්ඩන් ගුහාව හරහා ගිහින් 1953 වර්ශයට කාල තරණය හරහා යනවා. එහිදි උල්රිච්ට ඔහුගෙ ආච්චි, ඇග්නස් නිල්සන්ව සහ ඇගේ පුතා, ඒ කියන්නෙ උල්රිච්ගේ තාත්තා ට්‍රොන්ටේ නිල්සන්ව මුණගැහෙනවා. ඒ කාල වකවානුවේදි ඇග්නස් සහ ට්‍රොන්ටේ ජීවත්වෙන්නෙ ටීඩමන් නිවසෙන් කුලියට අරගත්තු කාමරයක. ඒ වගෙම තමයි උල්රිච්ට H.G. ටැන්හවුස්වත් මුණගැහෙන්න ලැබෙනවා. නමුත් මේ වෙද්දි ටැන්හවුස් “A Journey Through Time” කෘතිය ලියලා නැහැ. පාසල් වයසේ පසුවන ඉනස් කන්වෝල්ඩ් සහ ජනා නිල්සන්ගෙන් උල්රිච්ට පිරිමි දරුවන්ගේ මළ සිරුරු හමුවීමේ සිදුවීම ගැන දැනගන්න ලැබෙනවා.

කුඩා ක්ලෝඩියා ටීඩමන්ගේ සුරතල් බල්ලා “ග්‍රේචන්” වින්ඩන් ගුහාව ඇතුළට ගියාට පස්සෙ ආගිය අතක් නැති විත්තිය ක්ලෝඩියා ඊගෝන්ට සහ ඩෝරිස්ට කියනවා. උල්රිච් 1953 වර්ශයේදි කුඩා දරුවෙක් වූ හෙල්ග් ඩ්‍රොප්ලර්ව හොයාගෙන යන්න පටන්ගන්නෙ හෙල්ග්ව මරා දැමුවොත් මේ ඝාතන සිදුවීම් නවතීවි කියන අදහස ඇතුව. උල්රිච් හෙල්ග්ව හොයාගෙන ඔහුට පහරදීලා ඩ්‍රොප්ලර් පවුලට අයිති කැබින් එක පිටිපස්සෙ මැරෙන්න දාලා යනවා.1986 වර්ශයේදි, Stranger කළු කුහර (Wormholes) හරහා කාල තරණය කිරීම කළ හැකි දෙයක් බව විශ්වාස කරන මහළු H.G. ටැන්හවුස්ව මුණගැහෙන්න යනවා. ඔහු ටැන්හවුස්ට කියනවා වසර 33ක පරතරයක් ඇතුව කාලය හරහා ගමන් කළ හැකි කළු කුහරයක් වින්ඩන් නගරයේ පවතින විත්තිය. ඒ වගෙම Stranger ටැන්හවුස්ට කියනවා ඔහුට මේ කළු කුහරය විනාශ කරන්න ඔහුගේ කාල යන්ත්‍රය හරිගස්සලා දෙන්න කියල. ඒ වගෙම අපිට මේ කොටසෙදි කාල තරණය කරන මහළු ක්ලෝඩියා ටීඩමන්වත් දකින්න පුළුවන්.

Episode 09 – Everything Is Now

1986 වර්ශයේදි, උල්රිච්ට එරෙහිව තිබුණ දූෂණ චෝදනාවෙන් ඔහු නිදහස් වෙනවා. 1953 වර්ශයේදි තමන් කුඩා දැරියක්ව ඉද්දි නැතිවුණ සුරතල් බල්ලා ග්‍රේචන්ව 1986 වර්ශයේදි නැවත වින්ඩන් ගුහාවෙදිම මැදි වයසේ ක්ලෝඩියාට හම්බවෙනවා. හෙල්ග් සහ නෝවා අතරෙ සිද්දවෙන බහින්බස් වීමකදි දැනගන්න ලැබෙනවා කුඩා දරුවන් මියගියේ නෝවා කාල යන්ත්‍රයක් හදන්න දරපු උත්සහයක් හේතුවෙන් බව. 2019 වර්ශයේදි, බාර්ටොස් ටීඩමන්ව මුණගැහෙන්න හැමෝම මියගිහින් කියල හිතාගෙන හිටපු ඔහුගේ ආච්චි, මහළු ක්ලෝඩියා ටීඩමන් එනවා.1953 වර්ශයේදි, කුඩා හෙල්ග් ඩ්‍රොප්ලර් අතුරුදහන් බව හෙල්ග්ගේ පියා බර්න්ඩ් ඩ්‍රොප්ලර් පොලිසියට දන්වනවා. 1986 වර්ශයේදි කැලෑව හරහා පලා එන තරුණ බෝරිස් නිවෝල්ඩ්(පසු කාලයේදී ඇලෙක්සැන්ඩර් ටීඩමන්) ඔහුගේ හැබෑ අනන්‍යතාව සහිත පාර්සලයක් ගසක් යට සඟවන ආකාරය කුඩා හැනා දකිනවා. 2019 වර්ශයේදි, ජෝනාස්, මාර්තා කියන්නෙ තමන්ගේ නැන්දා බව දැනගත්තට පස්සෙ මාර්තාව මඟහරින්න පටන්ගන්නවා. 1953 වර්ශයේදි, හෙල්ග් ඩ්‍රොප්ලර් මරා දැමුවයි කියන සැකය උඩ පොලිසිය උල්රිච්ව අත්අඩංගුවට අරගන්නවා. ඒත් හැබෑවටම හෙල්ග් මියයන්නෙ නැහැ. ඒ වගෙම උල්රිච් බලාපොරොත්තු වුණ විදිහට ඝාතන සිදුවීම් නතරවෙන්නෙත් නැහැ. ඒ වගෙම 1953 වර්ශයේදි H.G. ටැන්හවුස්ව මුණගැහෙන්න එන මහළු ක්ලෝඩියා ටීඩමන් ඔහුට 1986 වර්ශයේදි අලුත්වැඩියා කරන්න Stranger විසින් ලබාදෙන කාල යන්ත්‍රයේම මුල් සැලසුම් පිටපත ලබාදීල ඇයට යන්ත්‍රයක් හදල දෙන්න කියල ටැන්හවුස්ට කියනවා.

Episode 10 – Alpha And Omega

අවසාන කොටස ආරම්භවෙන්නෙ 2019 වර්ශයේ, මිකල් කන්වෝල්ඩ් අතුරුදහන් වුණ දවසෙ රාත්‍රියෙන්. දුර ඉඳන් තමන්ගේ සමලිංගික සහකරුවා වන බෙනී දිහා බලන් ඉන්න පීටර් ඩ්‍රොප්ලර් එතනින් පිටත්වෙලා කැලෑවෙ තියන ඩ්‍රොප්ලර් පවුලට අයිති කැබින් එකේ බංකරයට යනවා. එතනදි හදිසියෙම ඔහුගේ ඉදිරියෙන් කළු කුහරයෙන් ඇතිවන Portal එකක් එහෙවත් කාල තරණය සිදුවන ද්වාරයකින් 1986 වර්ශයේදී අතුරුදහන් වූ මැඩ්ස් නිල්සන්ගේ මළ සිරුර මතුවෙනවා. පීටර් මුණගැහෙන්න එන කාල තරණය කරන මහළු ක්ලෝඩියා ටීඩමන් පීටර්ට කියනවා පහුවදා උදේ පොලිස් නිලදාරීන් විසින් හොයාගන්න තැනට මැඩ්ස්ගේ සිරුර ගිහින් දාන්න කියල. 1986 වර්ශයේදි, නෝවා සහ හෙල්ග් ඩ්‍රොප්ලර් එකතුවෙලා මිකල්ව ආපහු 2019 වර්ශයට අරන් යන්න උත්සහ කරන ජෝනාස්ව පැහැරගන්නවා.

නෝවා කුඩා දරුවන්ව පරීක්ෂණ වලට යොදාගත්තු කාමරයේදි අවදිවෙන ජෝනාස්ට Stranger මුණගැහෙනවා. එතනදි Stranger විසින් ජෝනාස්ට කියනවා Stranger කියන්නේ වැඩිමහළු ජෝනාස් බව. ඒ වගෙම ටැන්හවුස් විසින් අලුත්වැඩියා කරපු කාල යන්ත්‍රයත් අරගෙන Stranger එහෙමත් නැත්නම් වැඩිමහළු ජෝනාස් කළු කුහරය විනාශ කරන්න පිටත්වෙනවා. 2019 වර්ශයේදි, නෝවා, බාර්ටොස් ටීඩමන්ට කියනවා සැබෑම හතුරා කාල තරණය කරන ක්ලෝඩියා ටීඩමන් බව. ඇය නොදැනුවත්කමින් කළු කුහරය විනාශ කරනවා වෙනුවට එය නිර්මාණය කරන්න ජෝනාස්ව එවපු බවත් නෝවා කියනවා. 1953 වර්ශයේදි, උල්රිච්ගෙ පහරදීමට ලක්වෙලා ඩ්‍රොප්ලර් පවුලට අයිති බංකරයේ ඉන්න කුඩා හෙල්ග්ගේ ඉදිරියෙන් 1986 වර්ශයේ, නෝවාගේ බංකරයේ ඉන්න තරුණ ජෝනාස්ව සම්බන්ද කරමින් කළු කුහරය තුළින් කාල ද්වාරයක් මතුවෙනවා. ඔවුන් දෙදෙනා එකිනෙකාට ළංවෙනවාත් එක්කම කුඩා හෙල්ග් 1986 වර්ශයට සහ ජෝනාස් 2052 මහා විනාශයෙන් පසු වින්ඩන් නගරයට කාලය හරහා ගමන් කරනවා. Dark පළමු සමය අවසන් වෙන්නෙ ඔන්න ඔය විදිහට.

Dark දෙවැනි කතා සමය

Episode 01 – Beginnings And Endings

දෙවැනි සමයේ පළමු කොටස පටන්ගන්නෙ 1921 වර්ශයේදි තරුණ නෝවා සහ තවත් පුද්ගලයෙක් වින්ඩන් ගුහාව ඇතුළෙ පටු පැසේජයක් නිර්මාණය කරන දර්ශනයකින්. පසු කාලයේදි කාල තරණය සිදුකරන්න පාවිච්චි කරන Portal එක එහෙමත් නැත්නම් ද්වාරය වෙන්නෙ ඔවුන් මේ නිර්මාණය කරන පැසේජය. මෙතනදි තරුණ නෝවා විසින් අනික් පුද්ගලයාව මරා දමනවා. ඒකට හේතුව වෙන්නෙ ඔහුට කාල තරණය කරන රහසිගත කණ්ඩායමක් වන Sic Mundus නම් සංවිධානය කෙරෙහි ඔහුගේ පක්ෂපාතීත්වය අහිමිවීමයි. මේ මරාදමන පුද්ගලයාගේ හැඩරුව අනුව වැඩිමහළු බාටොස් ටීඩමන් වෙන්නත් පුළුවන්. (හැබැයි ඒක අදහසක් විතරයි.) 2020 වර්ශයේ ජූනි 21 ඊට මාස හයකට උඩදි සිද්දවුණ අතුරුදහන්වීම් ගැන සොයා බලන්න අපරාධ පරීක්ෂකවරයෙක් වන ක්ලවුසන් වින්ඩන් නගරයට එනවා. වැඩිමහළු ජෝනාස්(Stranger), හැනා කන්වෝල්ඩ්ව මුණගැහෙන්න ඇවිත් ඇයට ඔහුගේ සැබෑ අනන්‍යතාව එළිදරව් කරනවා. ඒ වගෙම ජෝනාස් කියනවා මිචෙල් කන්වෝල්ඩ් කියන්නෙ මිකල් නිල්සන් බව.

චාලට් ඩ්‍රොප්ලර්ගේ සීයා ලෙසින් හඳුන්වන H.G ටැන්හවුස්ගෙ පොත් අතරෙ තිබිල චාලට්ගේ දුව, කුඩා එළිසෙබත්ට 2020 වර්ශයේ හම්බවෙන පරණ කළු සුදු ෆොටෝ එකක 2019 වර්ශයේදි ඇයට හමුවන නෝවා ඉන්න බව ඇය පීටර් ඩ්‍රොප්ලර්ට කියනවා. මේ අතරෙ ඇලෙක්සැන්ඩර් ටීඩමන් වින්ඩන් බලාගාරයේ තියෙන න්‍යෂ්ටික අපද්‍රව්‍ය බැරල් කාටවත් හොයාගන්න බැරිවෙන විදිහට කොන්ක්‍රීට් වලින් වහල දාන්න තීරණය කරනවා. පළමු සමය අවසානයෙදි 2053 වර්ශයට කාල තරණය කරපු ජෝනාස් මේ වෙද්දි ඉන්නෙ විනාශයට පත්වුණු වින්ඩන් නගරයේ. ඔහුට ඕනිවෙනවා නැවත කාලය හරහා ගිහින් 2020 වර්ශයේදි වින්ඩන් නගරයට සිද්දවෙන මහා විනාශය නවත්වන්න. වින්ඩන් නගර විනාශයෙන් දිවි ගලවගන්න පිරිසට 2053 වර්ශය වනවිට නායකත්වය දෙන්නෙ වැඩිමහළු එළිසෙබත් ඩ්‍රොප්ලර් විසින්. වින්ඩන් නගරය විනාශ වීමට හේතුව වුණු න්‍යෂ්ටික බලාගාරයට ඇතුළුවෙන කාට වුණත් එළිසෙබත් මරණ දඬුවම ලබාදෙනවා. කොහොම වුණත් ජෝනාස් බලාගාරයට ඇතුළුවෙලා බලාගාරයේ ප්‍රතික්‍රියාකාරකය ඇතුළෙ තියන කළු හා නිල් වර්ණයෙන් යුතු අනියතාකාර යමක් සොයාගන්නවා. (ශීල්ඩ් කතාමාලාව බැලුව අයට මොනලිත් එක මතක ඇතිනේ. මෙතන කියන්නෙත් අන්න ඒ වගේ දෙයක් ගැන.)

Episode 02 – Dark Matter

1987 වර්ශයේදි, කාල තරණය කරන මහළු ක්ලෝඩියා ටීඩමන්, මැදි වයසේ ඉන්න ක්ලෝඩියා ටීඩමන්ව මුණගැහෙන්න ගිහින් වින්ඩන් නගරයේ සිදුවන කාල තරණ සිදුවීම ගැන කියනවා. ඒ වගෙම මහළු ක්ලෝඩියා, මැදි වයසේ ක්ලෝඩියාට කියනවා කාල යන්ත්‍රය සඟවලා තියන තැන ගැනත්. අසාධ්‍ය මට්ටමේ පිළිකාවකින් පීඩා විඳින විශ්‍රාමික ඊගොන් ටීඩමන්, ඔහුට කලින් ප්‍රශ්න කරන්න බැරිවුණ දැනට මානසික රෝහලක ඉන්න හෙල්ග් ඩ්‍රොප්ලර්ගෙන් 1986 වර්ශයේදි සිදුවුණ මැඩ්ස්ගේ අතුරුදහන්වීම ගැන ප්‍රශ්න කරනවා. හෙල්ග් මේ කාල වකවානුවේදි Dementia රෝගයේ මූලික අවදියේ පසුවන නිසාවෙන් ඊගොන්ට ඔහුගෙන් හරි පිළිතුරක් ලබාගන්න බැරිවෙනවා. ඊගෝන් ටීඩමන් යසින් සහ එරික්ගේ මරණ වලට වගේම හෙල්ග් ඩ්‍රොප්ලර්ගේ අතුරුදහන්වීමේ සිදුවීමට වසර 34ක් තිස්සෙ සිරගතවෙලා ඉන්න උල්රිච් නිල්සන්වත් මුණගැහෙන්න යනවා. ඒ වගෙම1953 වර්ශයේ සිදුවුණ සිදුවීම් ගැන තමන් උපකල්පනය කළා වැරදියි කියල ඊගෝන්ට හිතෙන්න පටන්ගන්නවා. 2020 වර්ශයේදි, ක්ලවුසන් සහ චාලට් ඩ්‍රොප්ලර්, රෙගීනා ටීඩමන්ගෙන් ප්‍රශ්න කරන්න යනවා. ක්ලවුසන්ට රෙගීනාගෙ සැමියා ඇලෙක්සැන්ඩර්, රෙගීනාගෙ අවසන් නම වන “ටීඩමන්” නාමය අරගත්තු විදිහ ගැන සැකයක් ඇතිවෙනවා.

රෙගීනා අතුරුදහන්වීම් සිදුවුණ 2019 කාල වකවානුවේදි ඇයගේ හෝටලයේ නවාතැන් ගන්න ආපු Stranger එහෙමත් නැත්නම් වැඩිමහළු ජෝනාස් ගැන විස්තර පොලිසියට කියල ඔහුට අයිති බඩු බාහිර ආදිය පොලිසියට බාරදෙනවා. ඒවා අතරෙ තමන්ගෙ සීයා, H.G. ටැන්හවුස් ලියපු A Journey Through The Time කෘතියේ පිටපත් වගයක් තියනවා චාලට් දකිනවා. මේ දේවල් නිසා චාලට්ගෙ හිතේ තමන්ගේ දෙමව්පියෝ කවුද කියන එක ගැන සැකයක් ඇතිවෙනවා. මේ අතරවාරෙදි වැඩිමහළු ජෝනාස්, මිකල්ව බලන්න හැනා කන්වෝල්ඩ්ව 1987 වර්ශයට කාල තරණය හරහා එක්කන් එනවා. එතනදි හැනාට තමන්ගෙ සැමියා, මිචෙල් කන්වෝල්ඩ්ගේ හැබෑ අනන්‍යතාවය ඇස් දෙකෙන්ම බලාගන්න ලැබෙනවා. 2053 වර්ශයේදි, බලාගාරයට හොරෙන් ඇතුළුවෙන්න උත්සහ කරද්දි ජෝනාස්ව එළිසෙබත්ගේ සෙබළුන්ට අහුවෙනවා. එළිසෙබත් ජෝනාස්ව එල්ලා මරන්න තීන්දු කළත් අවසාන මොහොතෙදි ජෝනාස්ගෙ ජීවිතේ බේරලා සිරගත කරනවා. එළිසෙබත්ගේ ළඟම මිතුරියක් විදිහට ඉන්න සිලිජා, එළිසෙබත් හැමෝගෙන්ම වසන් කරන්නෙ මොකක්ද කියන කාරණය දැනගන්න ජෝනාස්ව නිදහස් කරනවා. නිදහස් වුණාට පස්සෙ ජෝනාස් සිලිජාත් එක්ක බලාගාරයට ගිහින් God Particle එහෙමත් නැත්නම් “දේව අංශුමාත්‍රය” ලෙසින් හඳුන්වන අනියතාකාර වස්තුව සිලිජාට පෙන්වනවා. මේ කොටස අවසානයේදි ජෝනාස් ඒ අනියතාකාර වස්තුව ඇතුළට ගිහින් අතුරුදහන් වෙනවා. (කතාවෙදි යෙදෙන නම් වලින් මම කිව්වට මෙතන ඇත්තටම තියෙන්නෙ කළු කුහරයක්)

Episode 03 – Ghosts

පළමු සමයේ අවසාන කොටසෙදි 1986 වර්ශයට ගිය කුඩා හෙල්ග් ඩ්‍රොප්ලර්ව නෝවාගේ කාල යන්ත්‍රයේ උපකාරයෙන් නැවත 1954 වර්ශයට යවනවා. කාලයක් අතුරුදහන්වෙලා ඉඳල නැවත ගෙදර ආපු හෙල්ග්ගෙන් ප්‍රශ්න කරන්න ඊගොන් ටීඩමන් ඩ්‍රොප්ලර් නිවාසයට ආවත් හෙල්ග් කිසිම දෙයක් ඔහුට කියන්නෙ නැහැ. මේ කාලවකවානුව වෙද්දි ඉඟි බිඟි වලට විතරක් සීමාවෙලා තිබුණ ඇග්නස් නිල්සන්ගෙයි ඩෝරිස් ටීඩමන්ගෙයි සමලිංගික ආදරය ගොඩක් දුර දිග යනවා. 1987 වර්ශයේදි, මානසික රෝහලේ ඉන්න හෙල්ග් ඩ්‍රොප්ලර්ව මුණගැහෙන්න යන ක්ලෝඩියා ටීඩමන් හෙල්ග්ගෙන් අහනවා ඇයට A Journey Through The Time පොත දුන්නෙ ඇයිද කියල. ඒ වගෙම කලින් Sic Mundus සාමාජිකාවක් වගෙම නෝවාගේ සහෝදරිය වන ඇග්නස් නිල්සන් ඩ්‍රොප්ලර් බංකරයෙදි White Devil එහෙමත් නැත්නම් “ධවල යක්ෂයා” විදිහට හඳුන්වන මහළු ක්ලෝඩියාව මුණගැහෙනවා. ක්ලෝඩියා ඇග්නස්ව විශ්වාස කළත් ඇග්නස්ට ආයෙ Sic Mundus සංවිධානයට බැඳෙන්න තියන ඕනකම නිසා ඇය ක්ලෝඩියාව නෝවාට පාවාදෙනවා.

ඇග්නස් නෝවාට කියනවා ඇඩම්ට අවසන් චක්‍රය ආරම්භ කරන්න අවශ්‍යය ක්ලෝඩියාගේ දිනපොතේ නැති වුණ පිටු ටික තියෙන්නෙ මහළු ක්ලෝඩියා ළඟ බව. ඒ වගෙම 1987 වර්ශයේදි උල්රිච්ව මුණගැහෙන්න යන විශ්‍රාමික ඊගෝන් ටීඩමන්ට උල්රිච් කියනවා ඔහුගේ නම උල්රිච් නිල්සන් බවත් තමන් ආවේ අනාගතයේ ඉඳන් බවත්. අතුරුදහන්වෙලා හිටපු හෙල්ග් ඩ්‍රොප්ලර් ආපහු ගෙදර ආවට පස්සෙ උල්රිච්ව මුණගැහෙන්න 1954 වර්ශයේදි සිරගෙදරට යන පොලිස් පරීක්ෂක ඊගෝන් ටීඩමන්ට එදා උල්රිච් දෙන්නෙත් ඒ උත්තරයමයි. තමන්ගේ මරණය කිට්ටු බව දැනගත්තු මහළු ක්ලෝඩියා 1954 වර්ශයට ගිහින් ඇගේ පියා වන ඊගෝන් ටීඩමන්ගෙන් සමුගන්නවා. ඒ වගෙම ක්ලෝඩියා තරුණ ටැන්හවුස්ව මුණගැහෙන්න ගිහින් කියනවා ඔහුට කාල යන්ත්‍රය නිර්මාණය කරන්න තව වසර 33ක් පමණ ගතවෙයි කියල. එතනදී ක්ලෝඩියා තරුණ ටැන්හවුස්ට A Journey Through The Time පොත ලබාදෙනවා. ටැන්හවුස් පළමු කාල චක්‍රයේදි උල්රිච් තමන්ට පෙන්නුවේ මේ පොත බව අඳුරගන්නවා. අවසානයේදි ක්ලෝඩියාගෙ දිනපොතේ නැතිවුණ පිටු ටික අරගන්න එන නෝවා අතින් කාල තරණය කරන මහළු ක්ලෝඩියා 1954 වර්ශයේදි මියයනවා.

Episode 04 – The Travelers

2053 වර්ශයේදි, කළු කුහරය ඇතුළට ගිය ජෝනාස් කාල තරණය කරල ආපහු අවදිවෙන්නෙ 1921 වර්ශයෙන්. එහිදි ඔහුට මුල්ම වතාවට Sic Mundus සාමාජික තරුණ නෝවා වගෙම ජෝනාස් නොදන්නවා වුණත් පසු කාලෙකදි ජෝනාස්ගෙ මී මිත්තනියක් වන කුඩා ඇග්නස් නිල්සන්වත් මුණගැහෙනවා. 2020 වර්ශයේදි, තමන්ගෙ සීයා වන ටැන්හවුගේ බඩු බාහිරාදිය පරීක්ෂා කරන චාලට් ඩ්‍රොප්ලර්ට කාල යන්ත්‍රයේ මුල් පිටපතක් හොයාගන්න ලැබෙනවා. Strangerට හැනා ළඟ තියෙන යකඩ පෙට්ටියක තිබිලා ඇලෙක්සැන්ඩර් ටීඩමන්ගේ හැබෑ අනන්‍යතාව සහිත පාස්පෝට් එකක් වගෙම පිස්තෝලයක් හම්බවෙනවා. Stranger ඒ ගැන හැනාගෙන් ප්‍රශ්න කළත් හැනා හරි උත්තරයක් දෙන්නෙ නැහැ.1987 වර්ශයට කාල තරණය හරහා එන මැදි වයසේ ක්ලෝඩියා ටීඩමන් ඇයවම මුණගැහෙන්න බලාපොරොත්තුවෙන් වින්ඩන් බලාගාරයට යනවා. මේ අතරවාරයේදි මේ වෙද්දි බලාගාරයේ අධ්‍යක්ෂක ලෙස කටයුතු කරන රෙගීනා ටීඩමන්ගේ සැමියා, ඇලෙක්සැන්ඩර් ටීඩමන්ගෙන් පොලිස් පරීක්ෂක ක්ලවුසන් ප්‍රශ්න කරන්න පටන්ගන්නවා. 2020 වර්ශයේදි, හැනාගෙ ගෙදරට එන චාලට් ඩ්‍රොප්ලර්ට හැනා කියනවා Stranger කියන්නේ තමන්ගෙ පුතා ජෝනාස් බව.

මෙතනදි චාලට් ඩ්‍රොප්ලර් තමන්ගෙ දුව එළිසෙබත්ට හම්බවුණ පරණ ෆොටෝ එකේ ඉන්නෙ නෝවාම බව ජෝනාස්ගෙන් තහවුරු කරගන්නවා. ඒ වගෙම වින්ඩන් ගුහාවට යන මාර්තා,මැග්නස්, ෆ්‍රැන්සිස්කා සහ එළිසෙබත්ට ගුහාවෙදි නෝවාට එකතුවෙලා ඉන්න බාටොස් ටීඩමන්ව මුණගැහෙනවා. එතනදි බාටොස් ළඟ තියන කාල යන්ත්‍රය මාර්තා අරගන්නවා. ඩ්‍රොප්ලර් බංකරයෙදි චාලට්, පීටර්, හැනා සහ Stranger එකතුවෙලා කැතරිනාට මේ සිදුවෙන දේ ගැන පැහැදිලි කරන්න හැදුවත් කැතරිනා ඔවුන්ව විශ්වාස කරන්නෙ නැහැ.1921 වර්ශයේ ඉන්න ජෝනාස් නැවත කාල තරණය කිරීමේ අදහසින් වින්ඩන් ගුහාවට ගියත් ඔහුට කාල තරණය කරන්න බැරිවෙනවා. ගුහාවෙන් එළියට එන ජෝනාස්ව මුණගැහෙන තරුණ නෝවා කියනවා තවත් වසර 33ක් එහෙමත් නැත්නම් 1953 වර්ශය වෙනකන් නැවත පැසේජය විවෘත වෙන්නෙ නැති බවත් Sic Mundus සංවිධානය ජෝනාස්ව බලාපොරොත්තු ඉන්න බවත්. ඒ වගෙම තරුණ නෝවා එක්ක යන ජෝනාස්ට වැඩිමහළු නෝවා වගෙම Sic Mundus ප්‍රධානී ඇඩම්වත් මුණගැහෙන්න ලැබෙනවා. එතනදි ඇඩම් ජෝනාස්ට ඔප්පු කරනවා තමන් ජෝනාස් බව.

Episode 05 – Lost And Found

1921 වර්ශයේදි, තමන්ගේ මහළු ස්වරූපය හෙවත් ඇඩම්ව මුණගැහෙන ජෝනාස්ට ඇඩම් කියනවා ඔහුට අතීතයට ගොස් තමන්ගෙ පියා මිචෙල් කන්වෝල්ඩ්ගෙ සියදිවි නසාගැනීම වළක්වන්න හැකි නම් අනාගතය වෙනස් කිරීමට හැකි බව. 2020 වර්ශයේදි, 1987 වර්ශයේදි අරගත්තු මිකල්ගේ සමූහ පන්ති චායාරූපය හමුවීමත් එක්ක කැතරිනා තවත් ව්‍යාකූල තත්වයකට පත්වෙනවා. ඒ වගෙම ඇය චාලට් සහ Stranger කාල තරණය ගැන කියපු දේ ගැන හිතන්න පටන්ගන්නවා. මේ අතරවාරයේදි මැග්නස් සහ මාර්තා ඔවුන්ට බාටොස්ගෙන් ලැබුණ කාල යන්ත්‍රය ගැන බාටොස්ගෙන් විමසනවා. එතනදි බාටොස් කාල යන්ත්‍රය ක්‍රියාත්මක කරල ඔවුන්ව 1987 වර්ශයට කාල තරණය හරහා එක්කන් යනවා. 1987 වර්ශයේදි, මිකල් ජීවත්වන බව දැනගන්න මහළු උල්රිච් සිරගෙදරින් පලාගොස් ඉනස් කන්වෝල්ඩ්ගේ ගෙදර ඉන්න කුඩා මිකල්ව මුණගැහෙනවා.

උල්රිච් තමන්ගේ තාත්තා බව අඳුරගන්න මිකල් ඔහුත් සමඟ නැවත 2019 වර්ශයට යෑමේ බලාපොරොත්තුවෙන් වින්ඩන් ගුහාව වෙත යන අතරවාරයෙදි මහළු ඊගෝන් ටීඩමන්ගේ මැදිහත්වීමෙන් සිරෙන් පලාගිය උල්රිච්ව අත්අඩංගුවට අරන්නවා. ඔහුව පොලිසියෙන් රැගෙන යන අතරමඟදි මහළු උල්රිච් 1987 වර්ශයට කාල තරණය හරහා පැමිණි මැග්නස් සහ මාර්තාව දකිනවා. 2020 වර්ශයේදි, Stranger වින්ඩන් නගරයට සිද්දවෙන්න යන විනාශය නවත්වන්න Sic Mundus ප්‍රධානියා ඇඩම්ව නවත්වන්න ඕනි බව චාලට් ඩ්‍රොප්ලර්ට කියනවා. ඒ වගෙම ඔහු කියනවා මහළු ක්ලෝඩියා ටීඩමන් එහෙමත් නැත්නම් White Devil කියන්නෙත් කාලෙකදි Sic Mundus සාමාජිකාවක් බව. චාලට් ඩ්‍රොප්ලර් මුණගැහෙන්න 2020 වර්ශයට කාල තරණය හරහා එන නෝවා ඇයට කියනවා ඔහු ඇයගේ පියා බව. ඒත් ඇයගේ අම්මා කවුද කියන දේ ගැන නෝවා කිසිම දෙයක් ඇයට කියන්නෙ නැහැ. ඇඩම් විසින් කළු කුහරය උපයෝගී කරගෙන Sic Mundus සංවිධානය විසින් නිර්මාණය කළ කාල යන්ත්‍රයක් හරහා ජෝනාස්ව නැවත සියල්ලම පටන්ගන්න පෙර ඒ කියන්නෙ 2019 වර්ශයේ, මිචෙල් කන්වෝල්ඩ්ගෙ සියදිවි නසාගැනීමට පෙර කාලයට යවනවා.

Episode 06 – And Endless Cycle

මේ කොටස පටන්ගන්නෙ 2019 වර්ශයේ මිචෙල් කන්වෝල්ඩ්ගෙ සියදිවි නසාගැනීම එහෙමත් නැත්නම් හැම ප්‍රශ්නයකම ආරම්භයට කලින් සිදුවන සිදුවීම් කිහිපයකින්. උල්රිච් සහ කැතරිනාගේ විවාහ සංවත්සරය සමරන්න උල්රිච්ගේ නිවසෙ උත්සවයක් සංවිධානය කරනවා. මේ කාල වකවානුව වෙද්දි මාර්තා තමන්ගෙ නැන්දා බව නොදන්න ජෝනාස් ඇයත් එක්ක පෙම් සබඳතාවය පවත්වගෙන යනවා. මේ අතරවාරයෙදි ඇඩම් විසින් 1921 වර්ශයේ ඉඳන් කාල තරණය හරහා 2019 වර්ශයට එවන කාල තරණය කරන ජෝනාස්ට උල්රිච්, කැතරිනා සහ මිකල්ව මුණගැහෙනවා. ඒ වගෙම ජෝනාස්ට මාර්තාව වගෙම තමන්ගෙ තාත්තා මිචෙල් කන්වෝල්ඩ්වත් මුණගැහෙනවා. ජෝනාස් මිචෙල්ට ඔහු විසින් සියදිවි නසාගන්න කලින් ලියන සටහන පෙන්නලා කියනවා සියදිවි නසාගන්න එපා කියල. එතනදි මිචෙල් ජෝනාස්ට කියනවා කුඩා කාලයෙදි මිකල්ව 1986 වර්ශයට කාල තරණය හරහා යැව්වෙ ජෝනාස් බව. ජෝන්ස් සහ මිචෙල්ව මුණගැහෙන්න කාල තරණය හරහා එන මහළු ක්ලෝඩියා ටීඩමන් ඔවුන්ට කියනවා මිචෙල්ගේ මරණය සිදුවිය යුතුම බවත් සියල්ල සිද්දවෙන්නේ සිදුවීමට නියමිත විදිහට බවත්. අවසානයේදි 1921 වර්ශයේදි, ඇඩම්ව මුණගැහෙන්න එන මහළු ෆ්‍රැන්සිස්කා ඩ්‍රොප්ලර් සහ මැග්නස් නිල්සන් ඇඩම්ගෙන් අහනවා ජෝනාස්ට ඇත්ත නොකිව්වේ ඇයිද කියල.

Episode 07 – The White Devil

2020 වර්ශයේදි සිදුවන වින්ඩන් නගර විනාශයට දිනයකට මත්තෙන්, 1954 ජූනි 26 වැනිදා පොලිසිය විසින් කැලෑවෙ මැරිල ඉන්න මහළු ක්ලෝඩියා ටීඩමන්ගෙ සිරුර හොයාගන්නවා. ඇගේ මළ සිරුර දකින ඊගෝන් ටීඩමන් දැනගන්නවා මේ තමන්ව මුණගැහෙන්න පොලිසියට ආව කාන්තාව බව. හෙල්ග් ඩ්‍රොප්ලර්ගේ අතුරුදහන්වීමේ සිදුවීමට උල්රිච්ගේ හවුල්කාරයා විදිහට කටයුතු කරන්න ඇත්තෙ ක්ලෝඩියා කියල හිතන ඊගෝන් ටීඩමන්, කුඩා හෙල්ග් ඩ්‍රොප්ලර්ගෙන් ඇය ගැන අහනවා. හෙල්ග් ඔහුට කියනවා ක්ලෝඩියා කියන්නෙ “ධවල යක්ෂයා” එහෙමත් නැත්නම් White Devil කියල. ඒ වගෙම ඔහු කියනවා ඇයට ඕනි කරන්නෙ Sic Mundus සාමාජිකයින් සියල්ලක්ම මරන්න කියල. 1987 ජූනි 26 කියන්නෙ තමන්ගෙ තාත්තා, ඊගෝන් ටීඩමන් මැරෙන දවස බව දන්න කාල තරණය කරන ක්ලෝඩියා ඔහුව මුණගැහෙන්න යනවා. 2020 වර්ශයේදි, Strangerගේ කාල යන්ත්‍රයෙන් 1954 වර්ශයට කාල තරණය කරන හැනාට පොලිස් පරීක්ෂක ඊගෝන් ටීඩමන්ව වගෙම සිරගත කරල ඉන්න උල්රිච්ව මුණගැහෙනවා. මේ අතරවාරයෙදි 2020 වර්ශයේදි, හැනාගෙ ගෙදරට එන මාර්තා දැනගන්නවා Stranger කියන්නේ ජෝනාස් බව. මෙතනට එන කැතරිනා මාර්තාට කියනවා මාර්තා ජෝනාස්ගෙ නැන්දා විත්තිය. 1987 වර්ශයේදි, ඊගෝන් ටීඩමන් මියයන්න කලින් දැනගන්නවා තමන්ගෙ දුව ක්ලෝඩියා ටීඩමන්ට තමයි ධවල යක්ෂයා කියන්නෙ කියල. ඒ වගෙම මේ කොටස අවසානයෙදි ක්ලෝඩියාව මුණගැහෙන්න කාල තරණය කරන ජෝනාස් 1987 වර්ශයට එනවා.

Episode 08 – Endings And Beginnings

අවසානයේදි වින්ඩන් නගර විනාශය සිදුවන දිනය වන 2020 ජූනි 27 වැනිදා උදාවෙනවා. 1921වර්ශයේදි, වැඩිමහළු නෝවා, තරුණ නෝවා වගෙම මහළු ෆ්‍රැන්සිස්කා සහ මැග්නස් විනාශයට සූදානම් වෙනවා. 1987 වර්ශයේදි, කාල තරණය හරහා ක්ලෝඩියා ටීඩමන්ව මුණගැහෙන්න යන ජෝනාස් වින්ඩන් ගුහාවෙදි හැමදේම නතර කරන්න පුළුවන් කොයි විදිහටද කියල ක්ලෝඩියාට පැහැදිලි කරනවා. මේ අතරෙ 2020 වර්ශයේදි, ක්ලවුසන් ඇලෙක්සැන්ඩර් ටීඩමන් වසන් කරන ඇත්ත මොකක්ද කියල දැනගෙන ඔහුව අත්අඩංගුවට අරගන්නවා. ඒ වගෙම ඔහු වින්ඩන් බලාගාරය සෝදිසි කරන්න වරෙන්තුවක් ලබාගන්නවා. Stranger වින්ඩන් නගර විනාශයෙන් මාර්තාව බේරගන්න ඩ්‍රොප්ලර් පවුලට අයිති බංකරයට මාර්තාව බලහත්කාරයෙන් එක්කන් යනවා. 1921 වර්ශයේදි, වැඩිමහළු නෝවා ඇඩම්ව මුණගැහෙන්න ගිහින් ඇඩම් තමන්ට බොරු කියපු එක ගැන ඔහුට දෝශාරෝපණය කරනවා. මෙතනදි නෝවා ඇඩම්ව මරන්න උත්සහ කළත් ඒක අසාර්ථක වෙනවා. ඒ වගෙම එතනදි ඇඩම් නෝවාට කියනවා. චාලට් ඩ්‍රොප්ලර්ගේ දුව එළිසෙබත් ඩ්‍රොප්ලර්ම තමයි චාලට්ගේ අම්මා කියල. අවසානයෙදි Sic Mundus සාමාජිකාවක් වන තමන්ගෙම සහෝදරිය ඇග්නස් නිල්සන් අතින් වැඩිමහළු නෝවා මැරුම් කනවා.

2020 වර්ශයේදි, විනාශයෙන් බේරෙන්න පීටර් ඩ්‍රොප්ලර් සහ එළිසෙබත් බංකරයට යනවා. එතනදි මාර්තා බංකරයෙන් පැනල යනවා. මේ අතරවාරයෙදි 1987 වර්ශයේ ඉඳන් කාල තරණය කරන ජෝනාස් ක්ලෝඩියාත් එක්ක වින්ඩන් ගුහාවේ පැසේජය හරහා 2020 වර්ශයට එනවා. 2020 වර්ශයට කාල තරණය හරහා එන ක්ලෝඩියා ටීඩමන්, තමන්ගෙ දුව රෙගීනා ටීඩමන්ව විනාශයෙන් බේරගන්න බංකරයට එක්කන් යනවා. 2020 වර්ශයේදි, Stranger මුණගැහෙන්න එන තරුණ නෝවා ඔහුට කියනවා මාර්තා බේරගන්න ඕන නම් ෆ්‍රැන්සිස්කා, මැග්නස්, බාටොස්, ඇග්නස් සහ නෝවා විනාශයෙන් බේරගන්න කියල. මේ අතරවාරයෙදි 2020 වර්ශයට කාල තරණය හරහා එන ජෝනාස්ට හැනා කන්වෝල්ඩ්ගෙ ගෙදරදි බංකරයෙන් පැනල එන මාර්තාව මුණගැහෙනවා. එතනට 1921 වර්ශයේ ඉඳන් කාල තරණය හරහා එන ඇඩම් අතින් මාර්තා මැරෙනවා. වින්ඩන් බලාගාරය සෝදිසි කරන්න යන ක්ලවුසන් ඇතුළු පිරිස විසින් ඇලෙක්සැන්ඩර් කොන්ක්‍රීට් දාල වහල දාපු න්‍යෂ්ටික අපද්‍යවය බැරල් තොගය හොයාගන්නවා.

ක්ලවුසන් ඒ බැරල් විවෘත කරනවාත් එක්කම 1921 වර්ශයේ සිටින ෆ්‍රැන්සිස්කා සහ මැග්නස් Sic Mundus විසින් නිර්මාණය කළ කාල යන්ත්‍රය ක්‍රියාත්මක කරනවා. ඒ වගෙම 2053 වර්ශයේ ඉන්න එළිසෙබත් ඩ්‍රොප්ලර් විනාශ වූ වින්ඩන් බලාගාරයේ තියන කළු කුහරයත් ක්‍රියාත්මක කරනවා. 2020 වර්ශයේදි, මිකල්ව හොයාගන්න බලාපොරොත්තුවෙන් බාටොස්ගෙන් ලැබුණ කාල යන්ත්‍රයත් අරගෙන වින්ඩන් ගුහාවට යන කැතරිනා කාල තරණය කරන ද්වාරය විවෘත කරනවා. ඒ මොහොතෙදි 2020 වර්ශයේදි, වින්ඩන් බලාගාරයේදි ක්ලවුසන් විවෘත කරන න්‍යෂ්ටික අපද්‍රව්‍ය බැරලයකින් මතුවන කළු කුහරය තුළින් ඇතිවන Portal එකක් එහෙමත් නැත්නම් ද්වාරයකින් චාලට් ඩ්‍රොප්ලර්ට තමන්ගේ දුව වගෙම අම්මා වෙන 2053 වර්ශයේ සිටින වැඩිමහළු එළිසෙබත්ව දකින්න ලැබෙනවා. 2020 වර්ශයේදි මියගිය මාර්තාගේ සිරුර අසල ඉන්න කාල තරණය හරහා පැමිණි ජෝනාස්ව මුණගැහෙන්න වෙනත් මානයක ඉඳන් එන මාර්තාගේ හැඩරුව ඇති තරුණියක් විසින් වින්ඩන් නගර විනාශයෙන් ජෝනාස්ව බේරගන්නවා. අවසානයේදි සිදුවෙන වින්ඩන් නගර විනාශයත් එක්ක තෙවන හා අවසන් කාල චක්‍රය ආරම්භ වෙනවා. Dark දෙවැනි සමය අවසන් වෙන්නෙ ඒ ආකාරයෙන්.

Please put me to bed…
And turn down the light…
Fold out your hands…
Give me a sign…
Hold down your lies…
Lay down next to me…
Don’t listen when I scream…
Bury your doubts and fall asleep…
Find out:
I was just a bad dream…
Let the bed sheet…
Soak up my tears…
And watch the only way out disappear…
Don’t tell me why…
Kiss me goodbye…
For Neither ever, nor never…
Goodbye…
Neither ever, nor never…
Goodbye…
Neither ever, nor never…
Goodbye…!!
Goodbye…!!
Neither ever, nor never,
Goodbye…!!
Goodbye…!!

ඉතින් ඔන්න ඔය විදිහට තමයි පළමු හා දෙවැනි කතා සමයන් වලදි සිදුවන සිදුවීම් පෙළගැහෙන්නෙ. මම මෙතන ඉදිරිපත් කරල තියෙන්නෙ කතාවේ අපිට දකින්න ලැබෙන වැදගත්ම සිදුවීම් වල සාරාංශයක් විතරයි. හැබැයි ඔයාලට සමස්ථ කතාවේ හරය තේරුම් ගන්න නම් අනිවාර්යයෙන්ම කාලය, චරිත සහ සිදුවීම් ගැන හොඳ අවබෝධයකින් වගෙම අවධානයකින් කතාව බලන්නම වෙනවා. ඔයාලට පළමු සහ දෙවැනි කතා සමයන් ගැන තවත් සවිස්තරාත්මකව දැනගන්න ඕන නම් තරිඳු විශ්වනාත් සහෝදරයාගෙ යූ ටියුබ් චැනලයට ගිහින් ඔහු ඉදිරිපත් කරල තියෙන වීඩියෝ කිහිපයත් නරඹන්න කියල මතක් කරන්න කැමතියි. තව දෙයක්, තෙවැනි සමය ආරම්භයෙදි සමහරවිට ඔයාලට කතාවෙ ලොකු සංකීර්ණ සහ පැටළිලි ස්වභාවයක් පෙනේවි. ඒත් කලබල වෙන්න එපා. කතාවෙ ඉස්සරහට යනකොට හැම ප්‍රශ්නයකටම උත්තරයක් කතාව තුළින්ම ඉදිරිපත් කරාවි. එහෙනම් ඉතින් තවත් කියවන්නෙ නැතුව අද ඉඳන් අපි Dark අවසන් කතා සමය තුළින් තෙවැනි සහ අවසන් කාල චක්‍රයේ ප්‍රෙහේළිකාවන් විසඳන්න පටන්ගමු.

“Man Can Do What He Wills,
But He Cannot Will What He Wills…
– Arthur Schopenhauer.

 

 

 

ඒ වගේම දැනුම් දීමක් කරන්න තියෙනවා අපේ නවතම බයිස්කෝප් සිංහලෙන් වෙබ් අඩවිය වෙනුවෙන් නිර්මාණය කල ෆේස්බුක් පිටුව ගැන. මොකක් හෝ අහේතුවකට 130,000 අධික ලයික් ප්‍රමාණයකින් යුතු අපේ ෆේස්බුක් පිටුව මකා දමා තිබෙනවා. ඒ වෙනුවෙන් අපි නැවත ෆේස්බුක් පිටුවක් ආරම්භකොට තිබෙනවා. මුහුනුපොත තුල උපසිරැසි පළකිරීම් ගැන දැනුවත් වෙන්න ඒ පිටුව සමහ මෙතනින් එක්වෙන ලෙසින් හැමෝටම ආරාධනා කරනවා.

 

 

Due to copyright issues, we no longer provide any torrent links.

මෙම කතාමාලාවට සිංහල උපසිරසි ලබා දී ඇත්තේ ජර්මානු බසින් නිකුත් වී ඇති වීඩියෝ පිටපත් සඳහා බැවින් හඬකැවූ (Dubbed) වීඩියෝ පිටපත් සඳහා උපසිරසි නොගැලපීමක් සිදුවිය හැක. ඒ නිසා ජර්මානු බසින් නිකුත් වී ඇති මුල් පිටපත් පමණක් බාගත කරගන්න..

 width=

මේ ලබා දී ඇති සිංහල උපසිරැසි පිළිබද “ ඉසුරු සම්පත් සිරිසේන ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

SILVER MEMBER
JOINING DATE – 2016-07-13
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Previous BT1

All BT1

Next BT1

Check Also

Kaadhal Kondein (2003) Sinhala Subtitles | ආදරයෙන් බැදුනේමි. [සිංහල උපසිරසි සමඟ]

2003 වර්ෂයේ ජුලි මස 4 වන දින තමිල්නඩුවේදී මුල් වරට තීරගත උණු මෙය කොලීහුඩයේ තරුණ …

Leave a Reply

Your email address will not be published.

61 comments

  1. Thanks bro❤️

  2. Thanks bro

  3. Nadun Ravihansa

    sabata thanks bro.. lipiya supiri. good luck

  4. me wade godak hodai

  5. පොඩි නිවරදි කිරීමක් වෙන්න ඕන ,මේ tv series එක පුරාම භාවිතා කරල තියෙන්නේ කලු කුහරයක්( black hole) ඒක සම්පූරණයෙන්ම වැරදි අර්ථයක්, මේ warmhole( පණු කුහරයක්) ලෙස නිවරදි විය යුතුයි.

    • Wormhole කියන වචනයේ අර්ථය “පණුකුහරය” නම් නෙවෙයි. ඒක ඕනිම කෙනෙක් දන්න සරල කාරණාවක්. අනික Black hole සහ Wormhole කියන වචන දෙකේම අර්ථය බොහෝ දුරට සමානයි.
      කතාමාලාවෙදි Wormhole වචනයෙන් අරුත් ගන්වන්නෙ කළු කුහරයක් ගැන නිසයි අපි ඒ වචනය යෙදුවෙ. Wormhole කියන්නෙ “පණුකුහරය” කියන මතයේ තමුන්නැහේ ඉන්නවා නම් ඉතින් ඒකට අපිට කරන්න දෙයක් නැහැ නොවැ. “සම්පූර්ණයෙන්ම වැරදි අර්ථයක්” කියන කතාවට නම් එකඟ වෙන්න බැහැ. නිවැරදි කරන්න දේකුත් මෙතන නැහැ. කරුණු වටහාගෙන තේරුම් ගැනීම ඔබ සතුයි. ස්තුතියි.

  6. Chamika N Lakshan

    Thanks for Sub

  7. Naveen Ranasinghe

    උපසිරැසිය ලබා දුන්නට බොහොම ස්තූතියි…

  8. thanks bro !

  9. thanks bro.. goo job]

  10. Thanx bro…………….

  11. thanks bn enakal balan hitiye sub eka

  12. Lipiya patta..Sahenna mahansi wela thiyenawa..Thank You saho sub ekata

  13. thilina abeyarathne

    niyamata explain karala thiyenawa sahodaraya. good luck

  14. Supiri lipiyak ban.Nikan yanna hitak attema na.

  15. Nimantha Divendra

    Supiri bn,anith tikak ikmanata oni raththaran

  16. Sameera Madhusankha

    Supiri

  17. thankx machan

  18. thanks …. great work

  19. thanks maru ahhh

  20. Shamal Anushka

    Thank you

  21. thanks…..

  22. ලිපිය සුපිරි සහෝ.. උපසිරැසියට බොහොම ස්තුතියි …!

  23. ado patta hode. katawa balala tibbata hariyta matka tibune ne. uba me dala tiyena lipiya nisa. ai matak una bn. patta uba. ehenam ai patan gamu oluwa wikara kara ganna. elama. tanx. sub karanna patan gattata me katawata. elama.

  24. Thanks Machan <3

  25. නියමයි ඉතුරු ටිකත් ඔනේ ❤️❤️❤️

  26. Thanx ayya loku deyak ❤

  27. Pls bn ubama ithuru tikath krapanko

  28. Chamod Rashmika

    සුපිරියි ඉසුරු අයියේ….. ලිපිය හොඳටම ලියලා තියනව❤ මේකටනං ජොයින් වෙන්න බැරි උනා මට

  29. මේක මුල් කොටස් වල Torrent ඩවුන්ලෝඩ් කරන්න බැහැනේ baiscopedownload වෙබ් සයිට් එකේ

  30. බොහොම ස්තූතියි සිංහල උපසිරැසියට. ජය෴෴ 😛 😛

  31. Thanks for sub!

  32. ඉතුරු ටිකත් ඉක්මනට දෙමු ❤️

  33. සබ් එකට ගොඩක් ස්තූතියි සහෝ.ජයවේවා……!

  34. උපසිරසියට ස්තූතියි සහෝ.තවත් උපසිරසි කරණයට ශක්තිය
    ධෛර්යය ලැබේවා.බයිස්කෝප් එකට ජය වේවා…!!!

  35. සවිදු සුපුන්

    Thanks a lot <3

  36. Tanxxxxxxxx ² mchnnnnnnn

  37. නියමයි…සබ් එකට තැන්ක්ස්…
    ඉතුරු ටිකත් ඉක්මටම අරන් එමු…
    එනකම් බලන් හිටපු එකක්…

  38. Ela bn…thanks sub ekata

  39. බොහොම ස්තූතියි සහෝ.ජය වේවා!

  40. පරක්කු උනාට පාඩු නෑ.සුපිරිම ලිපියක්.බොහෝම ස්තූතියි සබ් එකට.

  41. සාතන්

    සබ් එක හදන්න පට්ට මහන්සියක් වෙලා තියෙනව. පරක්කු උනේ ඇයි කියල තෙරෙනව

  42. දෙනකල් ඉදියේ..බොහෝම ස්තූතියි…එක දිගටම දෙමූ..
    ත්ව දෙයක්..ලිපියට ගොඩාක් මහන්සි වෙල තියෙනව නේද..බොහෝම ස්තූතියි හැමදේටම…..

  43. නියමයි!!! ඉතුරු ටිකත් ඉක්මන්ට ගේන්න…

  44. Thank you so much bro ❤️ reviw eka watinawa

  45. harinuofficial

    අම්මෝ Thanks මචන්.. ♥️

  46. සිංහල උපසිරැසියට ස්තූතියි

    • මේකට sub දෙනකම්මයි බලාගෙන හිටියේ. Thanks සබ් එකට ♥️♥️♥️

  47. Bhanuka Priyasad

    Thnq සහෝ. ♥ මේක එනකල් තමයි බලන් හිටියෙ

  48. සබ් දානකම්මයි බලා හිටියෙ❤ ගොඩක් ස්තූතියි. ඉතුරු ටිකෙත් ඉක්මනට ගේන්න❤❤❤

  49. ඒ bro මේක දෙනකන් තමතමයි බලන් හිටියෙ. ඒත් මම බැලුවා අමතක වෙලාද කියල. ඒ වගේම සිංහල උපසිරසට බොහෝම ස්තුතියි .

error: Alert: Content is protected !!