Dear Zindagi (2016) with Sinhala Subtitles | ආදරණීය ජීවිතය!!! [සිංහල උපසිරැසි සමඟ]

බැඳීම්! කෙනෙක්ගේ ජීවිතේ වටිනාම දේ. කෙනෙක්ව ජීවත් කරවන දේ. ඒත් මට නම් බැඳීම් කියන්නේ වේදනාවන් ගොඩක් විතරක්ම උනා.

කයිරා.  ඒ මම, කැමරා අධ්‍යක්ෂකවරියක්. එහෙමයි කියලා මහ ලොකු වයසක් නම් නැහැ. අවුරුදු 25යි. ඒ කියන්නේ ආදරේ මත්තේ නැහෙන වයස. පවුල එක්ක හරි හරියට මුහු වෙන වයස. හැබැයි මට.. මට ඒ හැමදේම තිබුනේ පරස්පර විදිහට. මම ආදරේට වෛර කරා. එකට අත් අල්ලන් යන ජෝඩු දකිද්දී මගේ ඇහැට කටු අනින්නා වගේ. ආදරේ මහ විකාරයක් කියලයි මට දැනුනේ. අනිත් එක පවුල. මගේ ජීවිතේ මං අකමැතිම දේවල් වලින් මුල් තැන ගන්නේ මගේ පවුල. හරියටම කිව්වොත්, අම්මට තාත්තට මට කසාද හොයන්න නැහෙන හැමතිස්සෙම මගේ අඩුපාඩු දකින එයාලගේ යාළුවෝ සෙට් එකට මං නොසෑහෙන්න වෛර කරා.  සාමාන්‍යයෙන් ඕනම කෙනෙක් නිවාඩු දවසක් එනකම් ඇඟිලි ගැන ගැන ඉන්නේ ගෙදර දුවන්න බලාගෙන ආසාවෙන්. හැබැයි මට නම් නිවාඩු දවසක් ලබද්දී හිතෙන්නේ, “අයියෝ, ගෙදර යන්න වෙනවනේ” කියලයි. ෆෝන් එකට අම්මගෙන් කෝල් එකක් එද්දී මට දැනෙන හැගීම, අනේ අම්මපා…

මේ ජීවිතේ පතපු කිසිම දෙයක් මට ලැබිලා නැහැ. සතුට හැමදාම මාව එයාගේ හතුරෙක් විදිහට හිතලද කොහෙද. අවාසනාව මගේ දෛවය එක්කම බැඳිලා තිබුනේ. අවාසනාව කොච්චරද කියනවා නම්, හා හා පුරා කියලා හිත පුරාවටම දැනිච්ච පලවෙනි ආදරෙත්, මට හොරෙන්ම විවාහ ගිවිසගෙන තිබුනේ මට හිතාගන්නවත් බැරි වෙලාවක. දුක කියන්නවත්, බෙදා ගන්නවත් කවුරුත්ම නැති මං කොච්චර අසරණද කියලා හිතුනා. දුක බෙදාගන්න කියලා පවුලක්වත් තිබුනා නම් මට… ජීවිතේ නරකාදියක්!!

කතාව ඉවර උනේ නැහැ. මං නොදැන හිටියට මගේ දුක අහන්න, මට සතුට ගෙනල්ලා දෙන්න පුළුවන් එකම එක්කෙනෙක්ව දෙවියෝ මේ ලෝකෙට එවලා තිබුනා. වරදවා හිතන්න එපා, මගේ ආදරේ නම් නෙමේ. එයා තමා “ජෝග්ගු මහත්තයා”. මගේ කතාව පොඩ්ඩක් බලන්න. එයාව ඔයාලත් අඳුරගන්න. සැකයක් නැහැ, ඔයාලත් මං වගේම එයාට ආදරේ කරන්න ගනීවි.

*************************************************************************

හරිම රහට ලඩ්ඩු හදන ඒ හින්දම හැමෝගෙන්ම ප්‍රශංසා ලබපු, ඉංග්‍රීසි හරියට කතා කරගන්න බැරුව තමන්ගේ පවුල අතරම විහිලුවට ලක්වෙච්ච ශෂීව තාමත් කාටත් අමතක නැහැ මං හිතන්නේ. ඔව් ඒ English Vinglish (2012). ඉතින් ඒකේ නිර්මාතෘ ගෞරි ෂින්දේ නෝනා 2016 අවුරුද්දෙත් අලුත්ම වැඩකට මහා පරිමාණයෙන් අත ගහලා තිබුණා. ඒකේ ප්‍රතිපලයක් විදිහට Dear Zindagi එහෙමත් නැත්තම් “ආදරණීය ජීවිතය” මේ අවුරුද්දේ තිරගත වෙච්ච අමරණීය සිනමා සිත්තමක් උනා සුපුරුදු විදිහටම.

ප්‍රධාන චරිතය උනේ හුරුබුහුටි ආලියා භාත්. විශේෂම දේ තමා මේකේ සහය චරිතයක් රඟ දක්වන්නේ ෂාරුක් ඛාන්. ඒ හින්දම මේ චිතරපටියට අසාමාන්‍ය ප්‍රසිද්ධියක් ලැබුණා කියලා අමුතුවෙන් කියන්න ඕන නැහැනේ. නමුත් මේක ෂාරුක්ගේ චිත්‍රපටියක් කියලා එක එල්ලේම හදුන්වා දෙන්න නම් බැහැ. මොකද මේකේ කේන්ද්‍රීය චරිතය ආලියා හින්දා.

ඉතින් ජාත්‍යන්තර සිනමා දර්ශකයේ 8.3ක අගයක් ලබාගෙන මේ වෙද්දී හොඳම ඉන්දියානු සිනමාපට අතර 114 වෙනි ස්ථානය අත්කරගෙන ඉන්නවා. ආදායම ගැන කිව්වොත්, ලේසිනැහැ කෝටි 70කට ආසන්න අගයක් උපයාගෙනත් තියෙනවා. බහුතර විචාරක ප්‍රේක්ෂක දෙගොල්ලොම ලෝබ නැතුව තරු පහෙන් හතරක්ම දීලා තියෙනවා.එහෙනම් දැන් කතා කරා ඇතිනේ. බලන්න වෙලාව. කතාව ගොඩක් ලස්සනයි. ගන්න දේවල් බොහොමයි. වෙලාවකට බරපතල වැඩියි වගේ කියලත් හිතෙයිද දන්නේ නැහැ. බලලම ඉන්නකෝ.

*************************************************************************

උඩ ටික ලිව්වේ අපේ මයුර සුරාජ්. බොහොම ස්තුතියි මයුර කියපු ගමන් වැඩේ කරලා දුන්නට. මට ඉතිං කියන්න ඒ හැටි දෙයක් නෑ. නිධාන කතාව හිටං කියලනේ. කලින් සබ් කරපු ෆිල්ම් එකේ උණුහුම යන්නත් කලින් තමයි මේ තව ෆිල්ම් එකක් අරං එන්නේ. ලොකු දෙයක් කියන්න නෑ ඉතින්. ෆිල්ම් එක එද්දී මගේ ඩේටා පැකේජ් එක ඉවරයි. බාන්න දැම්මම කිව්වා දවස් නමයක් ඉවසන් හිටපං බෑවෙනකම් කියලා. ඉතිං එච්චර ඉන්න බැරි නිසා, වැඩිපුර GB එකක් අරං තමයි ෆිල්ම් එක බෑවේ. ඒ කවුරු වෙනුවෙන්ද? එහෙනම් කස්ටිය චිත්‍රපටිය රසවිදින්න.

ජය වේවා!!!

 

 

Due to copyright issues, we do not provide any torrent links.

Dear.Zindagi.2016.DVDRip.x264.Hindi.ESubs-ViZNU

www.TamilRockers.ac – Dear Zindagi (2016) Hindi DVDRip X264 700MB ESubs

මෙම ලබා දී ඇති උපසිරැසිය ඉහත පිටපත සඳහා අදාල වේ.

සිංහල උපසිරැසි මෙතනින් බාගන්න

38526 downloads

 

මේ ලබා දී ඇති සිංහල උපසිරැසි පිළිබද “හේවා ලුණුවිලගේ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.