Death on the Nile (2022) Sinhala Subtitles | නයිල් නදියේ අභිරහස් මරණය [සිංහල උපසිරසි]

ලෝකයේ වඩාත්ම ජනප්‍රිය ප්‍රබන්ධිත රහස් පරීක්ෂකයා කවුද කියලා ඇහුවොත් ඔයාලා මොකද කියන්නේ. මොනවා අහනවද බාල මහලු හැමෝම දන්න සර් ආතර් කොනන් ඩොයිල් මහතා විසින් නිර්මාණය කරපු බේකර් වීදීයේ “ෂර්ලොක් හෝම්ස්” මහත්තයව නොදන්නේ කවුද නේද. අද මම කියන්න යන්නේ හෝම්ස් මහත්තයා ගැනනම් නෙමෙයි. ඒ ප්‍රබන්ධ රහස් පරීක්ෂක නවකතා අතරින් ෂර්ලොක් හෝම්ස් චරිතයට යම්තාක් දුරකට අභියෝග කරන්න සමත් උන තවත් දක්ෂ රහස් පරීක්ෂකයෙක් ගැනයි. ඔයාලා දැනටම දන්නවනේ ඒ කවුද කියලා. අභිරහස් නවකතා රැජිණ ලෙස විරුදාවලිය ලත් ඇගතා ක්‍රිස්ටි මහත්මිය නිර්මාණය කරපු “හර්කියුල් පොයිරෝ” චරිතය ඇසුරින් නිර්මිත අලුත්ම චිත්‍රපටය තමයි මම අද අරන් ආවේ. පොයිරෝ කියන්නෙත් අපේ හෝම්ස් වගේම තියුණු බුද්ධියකින් හෙබි අති දක්ෂයෙක්. ඇගතා මහත්මිය මේ චරිතය නිර්මාණය කරලා තියෙන්නේ ෂර්ලොක් හෝම්ස් අභාෂයෙන් බවත් කියන්න ඕන. නමුත් හෝම්ස් සහ පොයිරෝ අතර සමානකම් මෙන්ම නොයෙක් වෙනස්කම් රාශියකුත් තියෙනවා.

හර්කියුල් පොයිරෝ කියන චරිතය මුලින්ම ජනයා අතරට එන්නේ 1920දී The Mysterious Affair at Styles කියන නවකතාවෙන්. පොයිරෝ උපත ලබන්නේ බෙල්ජියමේ. උසස් අධ්‍යාපනයෙන් පස්සේ ඔහු බ්‍රසල්ස් නගරයේ පොලිස් සේවයට බැඳෙනවා. පොලිසීයෙන් විශ්‍රාම ගත්තට පස්සේ එංගලන්තයට සංක්‍රමණය වෙන පොයිරෝ රහස් පරීක්ෂකයෙක් විදියට ජිවීකාව ගෙවෙනවා. හෝම්ස්ගේ සහයට වොට්සන් හිටියා වගේ, පොයිරෝටත් සහයට හේස්ටින්ග් කියලා සගයෙක් ඉන්නවා. හැඩහුරුකම් වලට අනුව හෝම්ස් යනු අඩි 6කට වඩා උස, කෙට්ටු පුද්ගලයෙක් බවට තමයි සඳහන් වෙන්නේ. නමුත් පොයිරෝ ඊට හාත්පසින්ම වෙනස් අඩු 5කට මඳක් උස, බිත්තරයක් වැනි හිසක් සහිත, අලංකාර උඩු රැවුලකින් හෙබි කුඩා පුද්ගලයෙක් බවට තමයි නවකතාවල විස්තර කරලා තියෙන්නේ. අභිරහස් විසඳීමෙදීත් ෂර්ලොක් හෝම්ස්ට වසා හර්කියුල් පොයිරෝ ඉතා වෙනස් ක්‍රම තමයි අනුගනය කරන්නේ. හෝම්ස් විසින් අඩි සළකුනු, ඇසට නොපෙනනෙන ඉතා කුඩා සළකුනු, වැනි සාක්ෂි අගය කලත් පොයිරෝ ඒ ක්‍රමය මුලුමුනින්ම බැහැර කරනවා. ඔහුට අනුව අඩි සලකුනු ඉතාම නොවැදගත් දෙයක්. ඔහු විශ්වාස කරන්නේ මොළයේ තියෙන පුංචි අළුපාට සෛල විතරයි. ඒ වගේම යම් අභිරහසක අදාල සාක්ෂි විමසලා විසඳුම් මවා ගැනීමටත් පොයිරෝ අති දක්ෂයි.

ලිපිය වැඩිය දීර්ඝ නොකර මම චිත්‍රපටය ගැන සඳහන් කරලා ඉවර කරන්නම්. 2017දී හොලිවුඩ් නළු Kenneth Brangh විසින් Murder on the Orient Express (2017) ලෙස මෙනමින්ම අගතා ක්‍රිස්ටි රචනා කල නවකතාව ඇසුරින් චිත්‍රපටයක් අධ්‍යක්ෂණය කරනවා. එහි පොයිරෝගේ චරිතය නිරූපනය කලේ චිත්‍රපටය අධ්‍යක්ෂණය කල Kenneth Brangh විසින්මයි. එම චිත්‍රපටය ලැබූ සාර්ථකත්වය නිසා ඇගතා ක්‍රිස්ටිගේ Death on the Nile නවකතාව ඇසුරෙන් එනමින්ම තවත් චිත්‍රපටයක් නිර්මාණය වෙනවා කියලා ආරංචි පැතිරුනා. ඉතිං ඒ නිර්මාණය පසුගිය පෙබරවාරි මාසයේ මහජන ප්‍රදර්ශනය ආරම්භ කරලා ඩොලර් මිලියන 134.6 ක බොක්ස් ඔෆිස් ආදායමක් ලබා ගන්නත් සමත් උනා.

සුපුරුදු ලෙසම මේ චිත්‍රපටයෙත් අධ්‍යක්ෂවරයා මෙන්ම හර්කියුල් පොයිරෝ චරිතයත් Kenneth Brangh විසින්ම රඟ දක්වනවා. ඊට අමතරව වොන්ඩර් වුමන් නැත්නම් සුරූපී Gal Gadot සමඟ Armie Hammer, Letitia Wright, Tom Bateman, Ali Fazal, Rose Leslie වැනි ප්‍රසිද්ධ නළු නිළියන් රැසක් මේ නිර්මාණයට සම්බන්ධ වෙලා තියෙනවා. Mystery කාණ්ඩය යටතේ නිකුත් උන මෙය දැනට IMDb 6.5ක අගයක් ලබා ගන්නත් හැකි වෙලා තියෙනවා. ෆිල්ම් එකේ හොඳ පිටපතක් නිකුත් වෙලත් උපසිරසි දෙන්න පරක්කු උනේ වර්තමානයේ දිනපතා සිදුවන විදුලිය විසන්ධි කිරීම් වලට පිං සිද්ධ වෙන්න තමයි. ඒ වගේම මට මේ චිත්‍රපටය වෙන් කරලා දුන්න චාමර සම්පත් සහෝට විශේෂයෙන්ම ස්තූතිවන්ත වෙනවා. කතාව ගැන මම මුකුත්ම කියන්නේ නෑ. එහෙනම් ඔයාලත් හර්කියුල් පොයිරෝ එක්ක ඉපැරණි ඊජිප්තුවේ ලොව දිගම ගංගාවේ ගමන් කරන නැවක සිද්ධ උන අභිරහස් මරණය විසඳන්න එකතු වෙන්නකෝ.

Due to copyright issues, we do not provide any torrent link. 

ලබා දී ඇති උපසිරසි Blu-Ray පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “ යුරාන් ධනුක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

GOLD MEMBER
JOINING DATE – 2018-08-05
SUBMAKER RATING BY ADMINS