Disturbia (2007) Sinhala Subtitles | අභිරහසක් විසදූ දුරදක්නය.. [සිංහල උපසිරසි]

දරුණු රිය අනතුරකට මුහුණ දී ජීවිතයෙන් සමුගත් තම පියාගේ අභාවයත් සමග දැඩි මානසික පීඩනයක ලක් වන කේල්, එහෙමත් නැත්නම් අපි කවුරුත් දන්න Shia La Beouf තම පාසලේ ස්පාඤ්ඤ භාෂාව උගන්වන ගුරුවරයාත් සමග ඇති කරගනු ලබන ආරවුලක් නිසා මාස 3 ක නිවාස අඩස්සියකට ලක් කරනු ලබනවා.. අවසානයේ තමන්ගේ මවගේ ඇනුම් බැනුම් මැද නිවසටම වී කාලය ගත කරන ඔහු, තමන්ගේ හොදම යාළුවා රොනීත් සමග නිවසේ දුරදක්නය යොදාගනිමින් අවට වට පිටාවේ සිටින පුද්ගලයින්ගේ දින චර්‍යාව නිරීක්ෂනයට පෙළබෙනවා.. මේ අතර තමයි අපේ කතා නායිකාව ඈෂ්ලි, කේල් ගේ නිවස අසල පදිංචියට පැමිනෙන්නේ..

මෙහෙම දවසක් රෑ කම්මැලිකමෙන් දුරදක්නයෙන් අවට නිරීක්ෂණය කරමින් ඉන්න අතර කේල්ට, අසල්වැසි නිවසක සිදු වීමට යන මිනීමැරුමක් ඇසගැටෙනවා.. තමන්ගේ ප්‍රදේශයේ සිදුවන ඝාතන රැල්ල හා මෙම සිදුවීම අතර සම්බන්ධයක් ඇතැයි සැක කරන කේල් මෙම සිදුවීම පිළිබද සෙවීමට ඈෂ්ලි හා තම මිතුරා රොනීගේ සහයෙන් මෙහෙයුමක් ආරම්භ කරනවා.

අවසානයේ නොසිතූ ලෙස ජීවිතයත් මරනයත් අතර සටනක් බවට පත්වෙන මෙම මෙහෙයුමෙන් සැබෑ ඝාතකයාව සොයා ගැනීමට කේල්ට හැකියාව ලැබෙයිද.. ප්‍රදේශයේ සිදුවන දාම ඝාතන හා මෙය අතර සම්බන්ධය කුමක්ද? රතු කෙස් ඇති ගැහැණු ළමුන් ඝාතනය කිරීමේ පිටුපස ඇති අභිරහස කුමක්ද?

Transformers චිත්‍රපට පෙලේ ප්‍රධාන චරිතයකට පන පෙවූ Shia La Beouf නම් විශිෂ්ඨ නළුවාගේ අපූරු රංගන හැකියාවෙන් ඔපවත් වූ Disturbia, IMDB දර්ශකයේ 6.8 ක ප්‍රේක්ෂක මනාපයක් සනිටුහන් කර ගැනීමට සමත් වී තිබෙනවා. මුලු චිත්‍රපටිය පුරාම ප්‍රේක්ෂකයාව කුතුහලය හා ත්‍රාසය මුසු අපූරු ගමනක් ගෙන යන මේ සළරුව නැරඹීමට ඔබටත් ආරාධනා කරන ගමන් චිත්‍රපටය තුල සිප වැළදගැනීමේ දර්ෂණ කිහිපයක් අඩංගු වන බවත් මතක් කරනව.

එහෙනම් 26 වන උපසිරසියෙන් ඔබව හමුවීමේ බලාපොරොත්තුවෙන් මා සමුගන්නවා.. පරිස්සමෙන් සතුටෙන් ඉන්න. බුදුසරණයි..

2011 ජනවාරි 3 විකියා සොහොයුරා විසින් පල කළ ලිපිය. 

මේ බයිස්කෝප් එක ගැන කියන්න කලින් අතීත කතාව කට්ටියට කියල ඉන්න ඕනේ…මෙන්න මෙහෙමයි මම ඉතිං පොඩි කාලේ ඉඳලා බයිස්කොප් පිස්සනේ…මේ බයිස්කොප් එකත් ආපු අලුතම වගේ බා ගත්තා..ඒත් බලන්න හිතුණෙම නෑ..ඒ මොකද කියලා නම් දන්නේ නෑ..ඔන්න දැන් වර්තමානේ ඒ කියන්නේ 2010 අවුරුදු 3කට පස්සේ මට යාළුවෙක් කියනවා මම දීපු බයිස්කෝප් එකක් බැලුවලු මැක්සලු…මම ඇහුවා මොකද්ද ඒ බයිස්කෝප් එකේ නම කියලා මෙන්න මේකෙ නම කිවුවනේ..හි හි..ඔන්න ඉතිං මිනිහගේ වදේ නිසාම බැලුවා අප්පා සුපිරිනේ…ඔන්න ඔහොමයි වැඩේ වුණේ…දැන් ඔන්න මම බයිස්කෝප් එක ගැන කියන්නම් මෙන්න මෙහෙමයි…. බයිස්කෝප් එකේ ප්‍රධාන චරිතය රඟපාන්නේ Shia LaBeouf විසින්…මොහු රඟපෑ Wall Street: Money Never Sleeps,Transformers ,Eagle Eye බයිස්කෝප් බලලා ඇතිනේ. ජනප්‍රිය නළුවෙක්..

කතාව පටන් ගැන්මේදීම ලොකු රිය අනතුරකට මෙහි කතා නායකයා හා ඔහුගේ පියා ලක්වෙනවා..මේකෙන් දිවි ගලවා ගැනීමට සමත් වෙන්නේ පුතා පමණයි..කෙසේ නමුත් පියා නොමැති සාංකාව නිතරම මොහුගේ මනස තුළ සැරිසරසනවා..දිනක් පාසලේ ගුරුවරයෙකු සමග ඇතිවන බහින් බස් වීම නිසා ගුරුවරයාට මොහු විසින් පහර දෙනවා…එයින් මොහුගේ පාසල් දිවිය තාවකාලික නැවතීමකට ලක් වෙනවා..පොලීසිය විසින් මොහුව නිවාස අඩස්සියේ තබනවා..මොහුගේ පාදයේ සවිකරන එක්තරා උපාංගයක් නිසා මොහුට යෑමට පුළුවන් වන්නේ නිශ්චිත දුරකට පමණයි..එය නොතකා ගමන් කළොත් පොලීසිය ඉතාම අඩු කලකදී මොහුව අල්ලාගෙන යනවා..ඉතිං ඊට පස්සේ කරන්නම දෙයක් නැති කමින් පාළුව මකා ගන්න මිනිසෙකු වශයෙන් කරන්න පුළුවන් හැම දේම කරනවා..දුරබලන කණ්ණාඩියකුත් මේ අස්සේ කරළියට එනවා..මොකද පාළුව මකා ගන්න වට පිට බලන එකත් ලොකු දෙයක්නේ..ඒ කොහොම උණත් මේ දුරබලන කණ්ණාඩිය නිසා කිසිවිටකත් නොපැතූ නොසිතූ ත්‍රාසජනක ඉරණමකට මොහුට මුහුණ දෙන්න වෙනවා….

Due to copyright issues, we do not provide any torrent links.

මෙම ලබා දී ඇති උපසිරසිය BR පිටපත් සඳහා අදාළ වේ.‍

මේ ලබා දී ඇති සිංහල උපසිරැසි පිළිබද “ඉෂාන් මධුෂංක(ඉෂූ)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
BRONZE MEMBER
JOINING DATE – 2017-06-09
SUBMAKER RATING BY ADMINS