Evangelion:3.0 You Can(Not)Redo (2012) Sinhala Subtitles | දිව්‍ය පවිත්‍රකරණයෙන් ගෙනෙන ලෝක විනාශය [සිංහල උපසිරසි] (18+)

සුපුරුදු විදිහට එවන්ගැලියන් ෆෑන්ස්ලා හැමෝවම කොන්නිචිවා කියල පිළිගන්නවා. මේ වෙන කොට මම Rebuild of Evangelion Series එක ආරම්භ කරලා Evangelion:1.0 You Are(Not)Alone(2007) චිත්‍රපටයට සහ Evangelion:2.0 You Can(Not)Advance(2009) කියන චිත්‍රපට දෙකටම සිංහල උපසිරැසි අරන් ඇවිත් ඉවරයි. මේ වෙනකොට හැමෝම ඒ දෙකම නරඹලත් ඉවර ඇති කියල හිතනවා. Rebuild Series එකේ තුන්වෙනි දිගහැරුම වගේම Evangelion 2.0 හි sequel එක වෙන Evangelion:3.0 You Can(Not)Redo චිත්‍රපටයේ සිංහල උපසිරැසිය, ප්‍රමාද වෙයි කියල කිව්වට ගොඩක් ප්‍රමාද නොවී මේ විදිහට ටිකක් ඉක්මනට අරන් එන්න මට පුලුවන් වුනා.🤗 ඉතින් ඔව්, වෙනදත් කියනවා වගේම මේක නරඹන්න කලින් ඔයා Evangelion:1.0 සහ Evangelion:2.0 චිත්‍රපට දෙකම පිළිවෙළින් නරඹා තිබීම අනිවාර්යයි.👌

                                                                 Poster of Theatrical Version

මේ චිත්‍රපටය පෙර චිත්‍රපට දෙක වගේ Neon Genesis Evangelion Series එකේ කොටස් වල remake එකක් නම් නෙමෙයි. Evangelion:3.0 Q නමින් තිරගත වුනු මේ චිත්‍රපටයට ඒ සීරීස් එකේ ඇතුළත් වුනු කිසිම සිදුවීමක් හෝ දෙබසක් ඇතුළත් වෙන්නෙ නෑ. Q යන අකුරින් Quickening යන නම හැඟවෙන මේ චිත්‍රපටයේ දිග හැරෙන්නේ අලුත්ම කතාවක්.

2012 වසරේ දී නිකුත් වුනු මේ Evangelion:3.0 You Can(Not)Redo චිත්‍රපටය අධ්‍යක්ෂණය කරන්නේ පෙරදි Neon Genesis Evangelion Series එක වගේම Evangelion:1.0 සහ Evangelion:2.0 චිත්‍රපට දෙක අධ්‍යක්ෂණය කරපු Hideaki Anno විසින්මයි. චිත්‍රපටය පෙර පරිදිම Action, Drama, Sci-fi, Psychological, Mecha යන Genre වලට අයත් වෙනවා. Award Winning ඇනිමෙ එකක් බවට පත් වුනු මේ චිත්‍රපටය IMBD දර්ශකයේ 6.9 ක අගයක් වගේම MyAnimeList දර්ශකයේ 7.64 ක අගයක් ලබාගෙන තිබෙනවා. ඒ වගේම Rotten Tomatoes හි 63% ක අගයක් ලබාගෙන තියෙනවා. පැය 1 යි මිනිත්තු 35 ක් පුරා ධාවනය වෙන මේ චිත්‍රපටය Original Script එකකට අනුව නිර්මාණය වෙලා තියෙනවා. පෙර පරිදිම Khara Studio එකෙන් ගෙනෙන මේ චිත්‍රපටයත්, පෙර පරිදිම Utada Hikaru විසින් ගායනා කරන “Sakura Nagashi” නම් Ending Theme Song එකෙන් හැඩ ගැන්වෙනවා. මීට පෙර චිත්‍රපට දෙකේ Ending Theme Songs ගායනා කළෙත් මේ ගායිකාවම තමයි.

මේ චිත්‍රපටය ඇමෙරිකානු ඩොලර් මිලියන 67 ක පමණ Box Office ආදායමක් උපයා ගන්නත් සමත් වෙලා තියෙනවා. ඒ වගේම මේ චිත්‍රපටය Awards Winning 2 ක් සහ Nominations 2 ක් ලබාගෙන තියෙනවා. ඒවා තමයි,

🔹2013 වසරේ 17 වන Japan Media Art Festival හි Animation Awards යටතේ winner වීම.
🔹2013 වසරේ 36 වන Japan Academy Award හි Excellent Animation of the Year යටතේ winner වීම.
🔹2013 වසරේ 36 වන Japan Academy Award හි Best Animation of the Year යටතේ nominated වීම.
🔹2013 වසරේ 46 වන Citges Catalan International Film Festival හි Best Animated Feature Film යටතේ nominated වීම.

Evangelion:2.0 You Can(Not)Advance චිත්‍රපටයේ අවසානයේදී අපිට මේ කතාව පුරාවටම අහන්න විතරක් ලැබුනු තෙවන ඝට්ටනය(Third Impact) කියන සිදුවීම ආරම්භ වෙනවා බලාගන්න ලැබුනා. ඒ වගේම චිත්‍රපටයේ අවසාන භාගයේදී බලාගන්න ලැබුනු අපි නොහිතපු එවා Unit-02 එකේ Beast Mode එක සහ එවා Unit-01 එකේ Berserk Mode එක මේ සීරීස් එක මුල ඉඳන්ම නරඹමින් ආපු හැම එවන්ගැලියන් ෆෑන් කෙනෙක්ගෙම hype moment එකක් කියල කිව්වොත් මම හිතන්නෙ මම වැරදි නෑ. මොකද Neon Genesis Evangelion Series එකේ දි අපිට එවා Unit-02 එකේ වෙනස් ස්වරූපයක් දකින්න ලැබුනේ නෑ වගේම, Unit-01 එකෙන් මේ Evangelion:2.0 චිත්‍රපටය සාපේක්ෂව Beast Mode එකක් තමයි බලාගන්න ලැබුණේ. හැබැයි Evangelion:2.0 චිත්‍රපටයෙදි අපිට ඒ Beast Mode එකෙන් එහාට ගියපු God Mode එකක් බලාගන්න ලැබුනා.🔥

මීට කලින් චිත්‍රපට දෙකේදිම වෙන්න යන්නෙ මොන වගේ දෙයක්ද කියල මම කිව්වෙ නෑනෙ. ඒත් මේ Evangelion:3.0 You Can(Not)Redo චිත්‍රපටයේ ප්‍රවේශයට පොඩි ආරම්භයක් අරන් දෙන්නම්. මේ චිත්‍රපටය ආරම්භ වෙන්නෙත් ටිකක් වෙලා යනකන් වෙන්නෙ මොකක්ද කියල හිතාගන්න බැරි අමුතුම සිදුවීමකින්. මොකද මේකට NGE Series එකේ කිසි කොටසක් පාදක කරගෙන නෑ කියල මම කලිනුත් කිව්වා.

Evangelion:3.0 You Can(Not)Redo චිත්‍රපටය ආරම්භ වෙන්නෙ මේ කියපු තෙවන ඝට්ටනයෙන් අවුරුදු 14 කට පස්සෙ සිද්ධ වෙන සිදුවීමක් එක්කයි. එතකොට කලින් හිටපු චරිත කවුරුවත් මේකෙ නැද්ද කියන ප්‍රශ්නය ඔයාට මතු වෙන්න පුලුවන්. එයාලා හැම කෙනෙක්ම මේ චිත්‍රපටයෙත් ඉන්නවා. හැබැයි ඒ වෙන කොට හුඟක් අයගෙ ජීවිත වෙනස් වෙලා තියෙන හැටි වගේම තව අලුත් චරිත කිහිපයකුත් කතාවට එකතු වෙලා තියෙන විදිහ අපිට බලාගන්න පුලුවන්. ලුතිනන් කර්නල් මිසාතෝ කත්සුරාගි සහ ඩොක්ටර් අකාගි රිට්සුකෝ ප්‍රමුඛ හිතවත් Nerv හි කාර්ය මණ්ඩලය “විලේ”(WILLE) නමින් සංවිධානයක් පිහිටුවාගෙන තියෙනවා. මේ සංවිධානයේ අරමුණ තමයි Nerv එකේ එවන්ගැලියන් රොබෝවරු විනාශ කරන එක. ඔයා මේ කතාව මුල ඉඳන්ම නරඹපු කෙනෙක් නම් ඒ කතාව විශ්වාස කරන්න බැරි වේවි. ඒ විතරක් නෙමෙයි කතාවෙ ප්‍රධාන චරිතය වෙන ශින්ජි ඉකාරි අවදි වෙන්නෙත් අවුරුදු 14 කට පස්සෙයි. එහෙම වුනේ කොහොමද? ශින්ජි අවුරුදු 14 ක් හිටියෙ කොහෙද? මිසාතෝ Nerv එකෙන් වෙන් වෙලා එවා රොබෝවරු විනාශ කරන්න සංවිධානයක් පිහිටුවා ගත්තේ ඇයි? මේ අවුරුදු 14 දි වුනේ මොකක්ද? ආරම්භ වුනු තෙවන ඝට්ටනය සම්පූර්ණයෙන් සිද්ධ වෙලාද? දැන් අවුරුදු 14 කට පස්සෙ කතාව ගලා යන්නෙ කොහොමද? ඒ වගේම කතාවෙ මෙතෙක් හෙළි නොකරපු අඳුරු රහස් කිහිපයකුත් මේකෙදි හෙළිදරව් කරනවා. මේ හැම දෙයකටම උත්තර දැනගන්න නම් ඔයා මේ චිත්‍රපටය අවසාන තත්පරය තෙක්ම හොඳ අවධානයෙන් සිහි බුද්ධියෙන් නරඹන්න වෙනවා. මොකද අපි ක්‍රම ක්‍රමයෙන් ප්‍රවේශ වෙන්නෙ මේ අඳුරු විද්‍යා ප්‍රබන්ධයේ අඳුරුම වගේම ගැඹුරුම අවස්ථාවන් වලටයි.✌️

එහෙනම් නරඹන්න මේ චිත්‍රපටය. මේ චිත්‍රපටයේ උපසිරැසියට ගැලපෙන හොඳ පිටපතක් ඔයාට Animetosho වෙබ් අඩවියෙන් ටොරන්ට් ඔස්සෙ ඩවුන්ලෝඩ් කරගන්න පුලුවන්. Baiscope Downloads වෙබ් අඩවියෙනුත් වීඩියෝ පිටපත් ලබා දේවි.

මීළඟට අපි හමුවෙන්නේ Rebuild Universe එකේ අවසානය වගේම දීර්ඝතම කතාව රැගත්, ඇනිමෙ ලෝකයේ වැඩිම කතා බහට ලක් වුනු ගැඹුරුතම සිදුවීම් දාමයක් රැගෙන එමින් ඇනිමෙ ලෝකයේ සැම අතින්ම වාර්තා පිහිටුවපු, Evangelion:3.0 හි sequel එක වෙන Evangelion:3.0+1.0 Thrice Upon A Time(2021) චිත්‍රපටයෙනුයි. ඒ චිත්‍රපටයෙන් හමුවෙන කල් මම සමුගන්නම්. මේ උපසිරැසිය ගැන පහළින් comment එකක් දාගෙන යන්නත් අමතක කරන්න එපා. හැමෝටම ජය වේවා! අරිගතෝ🙏 Happy Anime✌️

ලංකන් Weebs වෙනුවෙන් – හසරංග නදීෂ

<<<Evangelion:2.0 You Can(Not) Advance (2009)

Evangelion:3.0+1.0 Thrice Upon A Time(2021)>>>

  Due to copyright issues, we do not provide any torrent links

ලබා දී ඇති උපසිරසියෙ Bluray පිටපත සදහා අදාළ වේ.

මේ ලබා දී ඇති සිංහල උපසිරැසි පිළිබද “ලංකන් Weebs” කණ්ඩායමට අප සැමගේ ස්තූතිය හිමි විය යුතු අතර උපුටාගැනීම් සියල්ලම එම කණ්ඩායමේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2021-02-08
SUBMAKER RATING BY ADMINS