Fireworks (2017) AKA Uchiage hanabi, shita kara miru ka? Yoko kara miru ka? Sinhala Subtitles | වෙන්වූවත් සැමදා ආදරේ ඔබටමයි… [සිංහල උපසිරසි] (50)

ඔන්න එහෙනම් මම තවත් ඇනිමේ එකකට උපසිරසියක් අරන් ආවා ඒත් මේ පාර ටිකක් විශේෂයි මොකද අද මම ගෙනාවේ මගේ 50 වෙනි උපසිරසි නිර්මාණය. 2018 අව්රුද්දෙ ඉඳන් මේ වෙනකම් ඇනිමේ උපසිරසි නිර්මාණ 50 ම කරන්න පුළුවන් උනා. ඉස්සර මම සාමාන්යෙන් sub ඩව්න්ලෝඩ් කරලා ෆිල්ම්, ඇනිමේෂන් ෆිල්ම්(ඇනිමේ නෙවෙයි) බලනවා. දවසක් නවොදිනි අක්ක කරපු Kimi no na wa ඇනිමේ එක බලලා ආස හිතිලා ඒ වෙනකම් බයිස්කෝප් සයිට් එකේ තිබුන ඔක්කොම ඇනිමේ බැලුවා. ඒත් වල කට්ටිය වැඩිය ඇනිමේ බලන්නේ නැති නිසා ඇනිමේ වලට වැඩිය සබ් ආවේ නැහැ English ෆිල්ම් වලට තරම්.

ඉතින් මම ෆිල්ම් හොයද්දි නිකමට හම්බ උන harmoni ඇනිමේ එක කරන්න බයිස්කෝප් සයිට් එකට email එකක් දැම්මා. ඇනිමේ එක කරන්න පටන් ගත්තට පස්සේ තමයි වැඩේ ඇත්තම අමාරුව තේරුනේ. සමහරු හිතන් ඉන්නවා සබ් හදනවා කියන එක හරිම ලේසි, google translate කරලා ගන්න එකනේද කියල. ඒ කතාව ගොඩක් වැරදි කතාවක් මොකද google එකෙන් දෙන translate එක හැමතිස්සෙම වගේ හරිම තේරුම එන්නේ නැහැ. ඒ නිසා අපිම translate කරන්න ඕන. ඉතින් පලවෙනි උපසිරැසිය නිසා ගොඩ කාලයක් ගියත් අන්තිමේදී ඇනිමේ එක ඉවර කරන්න පුළුවන් උනා. ඒක පොස්ට් කලාට පස්සේ තිබුන කමෙන්ට්ස් දැකල හිතුව මං හිතුවට වඩා ඇනිමේ බලන ඇය ඉන්නවා නේ කියල.

ඉතින් එතන ඉඳන් අද වෙනකම් ඇනිමේ 49 කරලා අද 50 වෙනි ඇනිමේ එක කරන්න කමෙන්ට් එකක් like එකක් දාලා උදව් කරපු ඔයාල හැමෝටම මුලින්ම ස්තුති කරන්න ඕන. මොකද උපසිරසියකට වැටිලා තියන ඩව්න්ලෝඩ් කමෙන්ට් තමයි උපසිරසි හදන අපට තියන ලොකුම සතුට. අනික කියන්න සතුටුයි දැන් නම් ඉස්සරට වඩා ඇනිමේ බලන අය ඉන්නවා. ඒකත් ලොකු සතුටක්. ඒ වගේම බයිස්කෝප් සයිට් එකේ හැමෝටමත් විශේෂයෙන් උපසිරසි හදද්දී ගොඩක් උදව් කරපු නවොදිනි අක්කටත් ස්තුති කරනවා.

එහෙනම් අපි ෆිල්ම් එක පැත්තට හැරෙමු.

අපි දැනටමත් කරපු දෙයක් ආයිත් වෙනස් කරන්න තියනවා නම් ජිවිතේ මොන වගේ වේවිද? ඒ ගැන හිතාගන්න පුළුවන් මේ ඇනිමේ එක බැලුවොත්. මේ ඇනිමේ එක 2017 වසරේ තිරගත්ත වෙච්ච පැයයි මිනිත්තු 30 ධාවන කාලයක් තියන Sci-Fi,Romance ගණයට වැටෙන ඇනිමේ චිත්‍රපටයක් මේකේ නම Uchiage Hanabi එහෙමත් නැත්නම් Fireworks කියල තමයි තියෙන්නේ.

ඒ වගේම මේ චිත්‍රපටය MyAnimelist දර්ශකයේ 6.10 වගේම IMDB දර්ශකයේ 5.6 වගේ අගයක් අරන් තියනවා. මේ ඇනිමේ නිර්මාණය අධ්‍යක්ෂණය කරලා තියෙනේ Bakemonogatari, Fate වගේ විශිෂ්ඨ ඇනිමේඅධ්‍යක්ෂණය කරපු Shinbou Akiyuki කියන අධ්‍යක්ෂකවරයා Studio Shaft කියන ස්ටුඩියෝ ඒකත් එක්ක එකතු වෙලා තමයි මේ ඇනිමේ නිර්මාණය, නිර්මාණය කරලා තියෙන්නේ.

මේ ඇනිමේ එක ගැන පොඩි හැඳින්වීමක් කලොත්, මේ කතාවෙ නායකයා නොරිමිචි කියන සාමාන්‍ය ළමයෙක් හැමදාම ඉස්කෝලේ යනවා, යාලුවෝ ඉන්නවා, හැමදෙයකින්ම සාමාන්‍ය ළමයෙක් ඒ වගේම මේ පිරිමි ළමයා එක ගැහැණු ළමයෙක්ට හිතින් ආදරය කරනවා. ඒත් එයා ඒ ගැන කාටවත් කියන්නේ නැහැ මොකද එයාගේ හොඳම යාලුවත් ඒ ගැහැණු ලමයටම ආදරේ කරන නිසා, දවසක් ඒ ගැහැණු ළමයා නොරිමිචිගේ යාලුවගෙන් මල්වෙඩි බලන්න යන්න ආරාධනා කරනවා ඒත් මොකක් හරි හේතුවකට නොරිමිචිගේ යාළුවා ගැහැණු ලමයව මග අරිනවා. ඒත් නොරිමිචිට ඒ ගැහැණු ලමයව අහම්බෙන් හම්බ වෙලා දැනගන්නවා ඒ ගැහැණු ළමයා ගෙදර ප්‍රශ්නයක් නිසා ගෙදරින් පැනල යන්න සුදානම් වෙලා ඇවිල්ල තියෙන්නේ කියල. කොහොමින් කොහොම හරි නොරිමිචිත් තීරණය කරනවා ඒ ගැහැණු ළමයා එක්ක යන්න මොකද ඒ ගැහැණු ළමයත් ඇත්තටම ආදරය කරලා තියෙන්නේ නොරිමිචිට නිසා.

ඉතින් ඒ දෙන්නට යන්න පුළුවන් වෙයිද? මේ ගැන යාලුවා දන ගත්තම මොකක් වෙයිද ඉතින් මේවට උත්තර දැනගන්න නම් ඔයාලට මේ චිත්‍රපටිය බලන්නම වෙනවා.

ඉතින් අදට අවසරයි. හැමෝටම සුභ අලුත් අව්රුද්දක් වේවා!

Due to copyright issues, we do not provide any torrent links..

ලබා දී ඇති උපසිරසියෙ BR පිටපත සදහා අදාළ වේ.

මේ ලබා දී ඇති සිංහල උපසිරැසි පිළිබද “කවීෂ කල්‍යාණ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

SILVER MEMBER
JOINING DATE – 2018-04-20
SUBMAKER RATING BY ADMINS