අපගේ නිල ඩවුන්ලෝඩ් වෙබ් අඩවිය තවදුරටත් baiscopedownloads.co නොවේ. කරුණාකර අපගේ උපසිරසි සඳහා ගැලපෙන ලින්ක් බාගත කරගැනීමට https://baiscopedownloads.link/ හෝ https://baiscopedownloads.xyz/ වෙත පිවිසෙන්න.

MENU

Five Feet Apart (2019) Sinhala Subtitles | අඩි පහක දුරින් හිද… [සිංහල උපසිරැසි සමඟ]

Rating: 8.3/10. From 58 votes.
Please wait...

එහෙනම් ඔන්න 2019 වසරට නිකුත් වෙච්ච තවත් සිනමාපටයක් අරගෙන ආවා. මේක මම බාර අරගෙන හිටිය එකක් නම් නෙවෙයි. ඒත් ඉතිං මේකට සබ් කරන්න තිබුණු ආසාව නිසාම මම මේක බාරගත්තා. මේක ප්‍රේමාන්විත චිත්‍රපටයක් වුනත් ලිපියෙ පටන් ගැන්ම වෙනස් නේද? මොකද ඔයාලට හිතෙනවා ඇති වැදගත් ආදරණිය චිතරපටයක් නම් ඇයි ආදාරේ ගැන ලොකු නිසදැසකින් මේ ලිපිය පටන් ගත්තෙ නැත්තෙ කියලා. එක් කාරණයක් තමයි මට ඒ විදිහෙ ලිපි ලියන්න බැහැ. අනික් කාරණේ තමයි මම කැමති නැහැ ඒ ලොකු නිසදැස් ලියලා මේක තවත් එක සාම්ප්‍රදායික චිත්‍රපටයක් වෙනවට. මොකද මේක එහෙම එකකුත් නෙවෙයි. මං ඒ ඇයි කියලා ඉස්සරහට කියාගෙන යද්දී තේරෙයි.

චිත්‍රපටය විශේෂ නිර්මාණයක් වෙන්න හේතු වෙලා තියෙන්නෙ මේක ප්‍රධාන වශයෙන් Cystic fibrosis (CF), B. Cepacia රෝගයට ගොදුරු වුන  චරිත වටා තමයි නිර්මාණය වෙන්නෙ.  ඉතිං චිත්‍රපටයෙ පසුබිමට එන්න කලින් මම වෙනින් කරුණු ටික කියලා ඉන්නම්.

Cystic fibrosis (CF) කියන්නෙ ජානමය රෝගී තත්වයක්. වැඩි වශයෙන්ම පෙනහළු වලට බලපෑමක් ඇති කරන. මීට අමතරව අග්න්‍යාශයට, අක්මාව, වකුගඩු හා මහබඩ වැලට බලපෑමක් ඇති වෙනවා. පනහළු වලට බලාපෑමක් ඇති වීමත් එක්කම සිස්ටික් ෆිබ්රෝසිස් රෝගී තත්වය නිසා හුස්ම ගැනීමේ අපහසුව, සෙම එලියට එන විදිහෙ කැස්සක් ඇති වෙනවා. මීට අමතරව නාසයෙ ශ්ලේෂ්මල (නාසයත්, ඇස් වලට මැදි කොට ඇති කොටස) ඉදිමීම, අධිකව ඇගෙ බර අඩු වීම වගේ දේවල් ඇති වෙනවා. රෝගියාගෙ තත්වය වෙනස් වීමත් එක්ක මේ රෝග ලක්ෂණ වෙනස් වෙනවා.

ප්‍රතිකාර විදිහට ආසාදනය වීම වලක්වන්න ප්‍රතිජීවක ලබා දීම, කටින් සෙම එලියට ගන්න බෙහෙත් වර්ග භාවිතා කිරීම, පෙනහළු වලින් සෙම ඇදලා ගන්න විවිධ උපකරණ භාවිතය, ගන්න කෑම වර්ග හොදින් උරාගන්න බෙහෙත් වර්ග භාවිතය, මන්ද පෝෂණ තත්ව පාලනයට විශේෂ ආහාර රටා වගේම සප්ලිමිට් වර්ග භාවිතයත් සිදු වනවා. කාලයත් එක්කම පෙනහළු සෑහෙන දුරකට හානියට ලක් වෙනවා නම් පෙනහළු බද්ධ කිරීම වගෙ හුගාක් අමාරු තත්වයන් වලට මුහුණ දෙන්නට සිද්දවෙනවා.

B. Cepacia කියන්නෙ බොහෝ වෙලාවට නියුමෝනියා රෝගකාරයක් වන, ප්‍රතිශක්තිකරණ පද්ධතියට ප්‍රබල රෝග එක්ක සටන් කරන්න බැරි නිසා සිස්ටික් ෆිබ්රෝසිස්, ක්‍රොනික් ග්‍රෑනියුලොමිසස් (පරම්පරා ගත රෝග වර්ගයකි) වැනි පෙනහළු ආශ්‍රිත රෝග ඇති වීමේ තත්වයකි. සමහර රෝගීන් haemoglobinopathies  නම් රතු රුධිර සෛලවල ඇතිවන රෝගී තත්වයට මුහුණ දෙන්නත් ඉඩ තියෙනවා. විවිධ ප්‍රතිකාර තිබුනත් සිස්ටික් ෆිබ්රෝසිස් එක්ක බලද්දී බර්කල්ඩේරියා සිපේෂියා රෝගීන්ට පනහළු බද්ධ කිරීම සංකීර්ණ කටයුත්තක් විදිහටයි බොහොමයක් බද්ධ කිරීමේ මධ්‍යස්ථාන වලින් සලකන්නෙ.

ඉතිං විල් හා ස්ටෙලා කියන්නෙ මේ රෝගී තත්ව දෙකේ පසුවෙන දෙන්නෙක්. ප්‍රතිකාර ලබාගන්න එකම රෝහලක් වෙත එන මේ දෙන්නා මුලදී තරහ කාරයො වගෙ හැසිරුනත් කාලයත් එක්ක මේ දෙන්නා ආදරේ කරන්න ගන්නවා. නමුත් රෝගී තත්වයන් නිසා මේ දෙන්නට දැනටමත් නැතිවෙලා තියෙන දේවල් එක්ක සාමාන්‍ය ආදරවන්තයින් දෙන්නෙක් වගෙ කටයුතු කරන්න ලැබෙන්නෙ නැහැ. රෝග බෝ වුනොත් දෙන්නටම ලොකු බලපෑමක් වෙන නිසා නිදහස හුගක් අඩුයි. ප්‍රධාන වශයෙන් මේකෙන් කියාගන්න හදන දේ තමයි  මේ ලෝකෙ තමන් වැඩියෙන්ම ආදරය කරන්න පටන් ගන්න පුද්ගලයාව කවදාවත් ස්පර්ශ කරන්නවත් ලැබෙන්නෙ නැති නම් ඇති වැඩේ මොකක්ද කියන කාරණාවයි.

හරියටම වසරකට කලින්, ඒ කිව්වේ පසුගිය වසරේ මාර්තු 15’වැනිදා සිට තිරගත වීම ආරම්භ වුන මේ චිත්‍රපටය අධ්‍යක්ෂණය සිද්දවෙන්නෙ Justin Baldoni විසින්. ඇ. ඩො. මි. 7 ක් වගේ පුංචිම පුංචි මුදලක් යොදාගෙන නිර්මාණ කටයුතු සිදු වුනත් සම්පුර්ණ සති 54 ක් තුල සිනමාශාලා 2, 866 ක තිරගත වීමෙන් අනතුරව  ඇ. ඩො. මි. 91.5 ක් වැනි ඉහල ආදයමක් උපයා ගන්නට හැකියාව ලැබිලා තියෙනවා. IMDb දර්ශකයෙ 7.2/10 ක අගයකුත්, Rotten Tomatoes වෙබ්අඩවිය තුල 54% ක ප්‍රතිශතයක් ලබා ගන්නත් හැකියාව ලැබිලා තියෙනවා. ප්‍රධාන රංගනයෙන් Riverdale කතාමාලාව තුල ප්‍රධාන චරිතයක් වන, බොහෝදෙනෙක් දන්නා ජග්හෙඩ්ගෙ චරිතය වෙනුවෙන් තම දායකත්වය ලබා දෙන Cole Sprouse ඇතුළු Haley Lu Richardson, Moisés Arias වැනි නළු/නිලියන්ද එකතු වෙලා තිබෙනවා. පැය 1 යි, විනාඩි 56 ක් පුරාවටම ධාවනය වෙන මේ චිත්‍රපටය Drama, Romance වර්ගීකරණ යටතෙ තමයි බිහිවෙලා තියෙන්නෙ.

Claire’s Place Foundation

චිත්‍රපටය නරඹන්න කලින් මේ වගෙ රෝග ගැන අහපු නැති අය ඉන්න ඇති. ඉතිං ඒ කොයි කාටත් තේරෙන විදිහටයි චිත්‍රපටයෙ සියලුම නිර්මාණකරුවන්, නළු/නිලියන් කටයුතු කලේ. ඒ චිත්‍රපටයට අවශ්‍ය කරන සියලුම අත්දැකීම් ලබාගන්න මේ අය හොදට ගවේෂණය කරලා තියෙනවා. මේ වෙනුවෙන් “Claire’s Place” නම් සංවිධානය සමග හුගක් සුහදව කටයුතු කරලා තියෙනවා. මේ සංවිධානය හරහා සිදු වෙන්නෙ සිස්ටික් ෆිබ්රෝසිස් රෝගය හැදුනු පවුල් වලට මුල්‍යමය හා කතාබහ කරලා දෙන්න ඕන ශක්තියක්ම ලබා දීමයි.

මේ සංවිධානයෙ ප්‍රාරම්භක විදිහට හදුන්වන්නෙ Claire Wineland. ඇයත් සිස්ටික් ෆිබ්රෝසිස් රෝගයෙන් පීඩා විදපු කෙනෙක්, රෝගය එක්ක ජීවත් වෙද්දී දැනෙන විදිහ, කරන්න ඕන දේවල් ඔය හැමදේම එයාගෙ YouTube චැනල් එක හරහා කියා දීලා තියෙනවා. චිත්‍රපටයෙ ස්ටෙලාගෙ චරිතය සදහා පාදක කරගෙන තියන්නෙත් ක්ලේයර්ගෙ ඇත්ත ජීවිතේ සිදු කරන දේවල් මතයි. නමුත් ඇයට පෙනහළු බද්ධ කිරීමක් සිදු කරලා සතියක් ගියාට පස්සෙ 2018 වසරේ සැප්තැම්බර් 02’වැනිදා මිය යනවා. එතකොට එයාගෙ වයස අවු. 21යි

 
  • බොහොමයක් ප්‍රේමාන්විත චිත්‍රපට නවකතා පාදක කරගනිමින් නිර්මාණය වුනත් මේ චිත්‍රපටය නිර්මාණය වෙන්නෙ එහෙම කිසිම විදිහකින් පාදක කරගැනීමක් සිදු නොකරයි. Mikki Daughtry, Tobias Iaconis දෙදෙනාගෙ එකමුතුවෙන් තමයි චිත්‍රපටයෙ තිර රචනය සිදු වෙන්නෙ. නමුත් මෙම චිත්‍රපටයෙ නිෂ්පාදන කටයුතු ආරම්භ කර තිබු කාලෙක, ඒ කිව්වේ 2018 නොවැම්බර් මාසයෙදී Rachael Lippincott නවක රචකාවිය විසින් චිත්‍රපටයෙ තිර රචනය පාදක කරගනිමින් ඒ නමින්ම Simon & Schuster ප්‍රකාශ සමාගම යටතේ නවකතාවක් නිකුත් කරනවා. ඇයව තෝරා ගනු ලැබුවේද චිත්‍රපටයෙ තිර රචකයින් දෙදෙනා විසින්මයි. චිත්‍රපටය නිකුත් වන්නට පෙර නිකුත් වෙන මෙම නවකතාව අතිශයෙන් ප්‍රසිද්ධියට පත් වෙනවා. විශේෂම කාරණාව තමයි නවකතාවේ පිට කවරය සදහා යොදාගෙන ඇත්තේද චිත්‍රපටය තුල යොදාගනු ලැබූ පෙනහළු දෙකක සැරසිල්ලකි.
  • මෙම චිත්‍රපටය තුල එක්තරා තැනකදී විල්ගෙ CF රෝගියෙකු වන විල්ගේ උපන්දිනය දවසේදී පුංචි සෙල්ලමක් වෙනුවෙන් රෝස පාට බැලූන් පාවිච්චි කරනවා. මේකට රෝස පාටම යොදාගෙන තියෙන්නෙ CF රෝගින් වෙනුවෙන් යොදාගන්නා නිල වර්ණය රෝස වර්ණය නිසාමයි. ඒවගේම සිස්ටික් ෆිබ්රෝසිස් සංවිධානය විසින් හදුන්වා දී තිබෙන මාර්ග නිර්දේශය චිත්‍රපටයට මුසු කරලා තියෙනවා විශේෂයෙන්ම රෝගීන් අතර “අඩි හයක දුර පරතරයක්” තබා ගන්න ඕන කියන නීතියට විශේෂ කර පෙන්වා දෙමින්. 
  • මෙම චිත්‍රපටය වෙනුවෙන්, 2019 වසරේදී පැවැත්වූ People’s Choice සම්මාන උළෙල තුලදී “හොදම නාට්‍යමය චිත්‍රපට නළුවා” වෙනුවෙන් Cole Sprouse සම්මානයක් දිනා ගන්නවා. ReFrame සම්මාන උළෙල තුලදී තවත් සම්මාන ද්විත්වයක් දිනා ගන්නත් වගේම සම්මාන උළෙලවල් සදහාම සම්පුර්ණ නාම යෝජනා හතක් හිමි වෙලා තියෙනවා.   
 
ඔයාලගෙන් සමහර අයට හිතෙන්න පුලුවන් මේක තවත් The Fault in Our Stars චිත්‍රපටයක් කියලා. ඒ කතාව සම්පුර්ණයෙන්ම බොරුවක්. මොකද ඒ චිත්‍රපටයෙ ඉන්න දෙන්නට තිබුණේ පිළිකා රෝගයයි. අනික ඒ දෙන්නට තරමක් ලොකු නිදහසක් ලැබුනා මේ චිත්‍රපටයෙ අන්තර්ගත වෙන කතාව එක්ක බලද්දී. හැබැයි ඉතිං The Fault in Our Stars රස විදපු කෙනෙක්ට නම් මේක නොබලා ඉන්න බැහැ. මේක ඊටත් වඩා රසවත් කියලා වගකීමෙන් කියන්න පුලුවන්.  😁
 
චිත්‍රපටය නිකුත් වෙලා වසරක් විතර ගත වෙලා තියෙන නිසා සමහර අය මේ වෙද්දීත් මේක නරඹලා ඇති. ඒත් ඉතිං බලන කෙනෙකුට වැඩක් වේවි කියලා හිතාගෙනම ඒ කාලේ විඩියො පිටපත් අරගෙනත් බැලුවේ නැති අය වෙනුවෙන් වෙබ් හා බ්ලුරේ සංස්කරණ දෙකෙන්ම උපසිරැසිය සකසලා ගෙනාවා. එහෙනම් ඉතිං බලලම ඉන්නකො. 
 
හැමෝටම සුභ සතිඅන්තයක් වේවා. ජය!!

 

 

 

Due to copyright issues, we do not provide any torrent links.

මෙම ලබා දී ඇති උපසිරසි WEB / HD / Blu-Ray පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “චාමර සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2015-02-12
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

34 thoughts on “Five Feet Apart (2019) Sinhala Subtitles | අඩි පහක දුරින් හිද… [සිංහල උපසිරැසි සමඟ]

  • සිංහල උපසිරැසියට බොහොම ස්තූතියි ❤

    Reply
  • love this !!! thank you…

    Reply
  • Thanks for the subtitles

    Reply
  • Machan, Highly appreciate your good work, Subtitle was mostly accurate. Please keep it up, Good luck,May the triple gem bless you.

    Reply
  • Sub ekata tanx.
    Big bang theory කියල tv serious ekak තියෙනවා sub denna බැරිද .eka episode ekak balalama තීරණය කරන්න

    Reply
  • ස්තුතියි ඔබේ උපසිරැසියට …

    Reply
  • Thanks for the sub!!!

    Reply
  • Riverdale S02 E11 idan Sub denna plz puluwanda

    Reply
  • Thank you. kaalayak balan hitiya sub eka enakam. Request ekakuth demma. Jaya!

    Reply
  • හරිම ලස්සනයි කතාව. මං පට්ට ආසයි love story වලට.

    Reply
  • උපසිරැසියට බොහෝම ස්තුතියි

    Reply
  • thanks …………………..

    Reply
  • Thanxxx bro…………….

    Reply
  • Thanks …………..good luck …………..
    Can you keep a secret 2019
    Isn’t romantic 2019
    I love you man 2009
    Role models 2008
    Movie valatath sinhala sub denna ………………

    Reply
  • … ගොඩක්ම ස්තූතියි. …
    ඔබට සහ ඔබ පවුලේ සැමට
    තෙරුවන් සරණ ලැබේවා..!

    Reply
  • බොහොම ස්තූතියි සිංහල උපසිරැසියට. ජය෴෴ 😛 😛

    Reply
  • බොහොම ස්තුතියි චාමර අයියේ සබ් එකට ලිපිය කියෙවුව නිසා නොබලා ඉන්නම බැ

    Reply
  • ආසාවෙන් හිටිය එකක්…සබට ස්තූතියි චාමර අයියා..️

    Reply
  • money heist eke sub dennnna

    Reply

Leave a Reply

Your email address will not be published. Required fields are marked *