Force (2011) Sinhala Subtitles | සොඳුරු ජීවිත අහිමි මිනිස්සු. [සිංහල උපසිරසි සමඟ]

ඔන්න මම මගේ තුන්වෙනි උපසිරසියත් ඔයාලට ගෙනාවා. ඉතින් මුලින්ම මතක් කරන්න ඕන පුංචි comment එකකින් හරි අදහසක් දක්වපු හැමෝවම. ඒ හැමෝටම අනේක වාරයක් ස්තුතියි. ඒ වගේම තමයි මේ පොඩ්ඩගෙ පොඩි පොඩි වැඩවලට ලොකු ලොකු comment කරපු ලොක්කන්ටත් ස්තුතියි. Download ගාන comment ගාන අඩු වුණාට හැමෝටම හොඳ නිර්මාණ දෙකක් දෙන්න පුළුවන් වුණා කියල හිතනවා. ඉතින් ඔන්න ජනවාරි මාසය ඇතුළත තුන් වෙනි උපසිරසි නිර්මාණයත් දෙන්න පුළුවන් වුණා. ඒ වගේම නොසැලී ඉදිරියට යන ගමන් තවත් හොඳ නිර්මාණ කීපයක් ඔයාලට දෙන්නත් සූදානම් වෙමින් ඉන්නෙ.

ඔන්න ඉතින් ආයෙමත් අරන් එන්න වුණේ පරණ එකක්. එච්චර පරණ නැහැ. 2011 ආව එකක්. කලින් දෙක වගේම මේකත් හින්දි. සමහර අය බලල ඇති. නොබලපු අයත් ඇති. බලපු නොබලපු ඔක්කොටම බලන්න ඔන්න තියනවා.

චිත්‍රපටිය ගැන කිවුවොත් Jhon Abraham සහ Genelia D’Souza ප්‍රධාන චරිත නිරූපණය කරනවා. Jhon Abraham ගැන අමුතුවෙන් කියන්න ඕන නැහැනෙ. Genelia නම් තෙළිඟු චිත්‍රපටිවල ගොඩක් දැකල ඇති. එයත් ගොඩක් දක්ෂ යොවුන් නිළියක්. අනිත් එක්කෙනාත් නියම වැඩ කාරයෙක්. හැමෝම Commando (2013) බලන්න ඇතිනේ. ඒ නිසා හැමෝම Vidyut Jamwal ගැන නම් දන්නව ඇතිනේ. ඔහුත් මේ චිත්‍රපටයේ වැදගත් චරිතයකට දායක වෙනවා. ඔහුව සිනමාවට හඳුන්වාදුන් චිත්‍රපටය ලෙස මේ චිත්‍රපටය දක්වන්න පුළුවන්. එයාගෙ වැඩ නම් ඉතින් දන්නව ඇතිනේ. තවත් කිවුවොත් මිනිත්තු 138ක කාලයක් ධාවනය වන මෙම චිත්‍රපටය Nishikanth Kamath විසින් අධ්‍යක්ෂණය කරනු ලැබූවක්. ඒ වගේම IMdb දර්ශකය 6.1ක අගයක් ලබාදී තිබෙනවා.

ඒත් මම ලස්සනට කතා කියන්න දන්නෙ නැහැ. කොහොම හරි මම ටිකක් කතාව කියන්නම්. රාජකාරිය නිසා පොලිස් නිලධාරියෙකුට කරන්න සිදුවෙන කැපකිරීම් ගැන මේකෙන් ගොඩක් කියවෙනවා. ඇත්තටම පොලිස් නිලධාරීන් කියන්නෙ සුන්දර ජීවිත අහිමි මිනිස්සුද? එයාලගෙ ජීවිත කොච්චර අවධානමකද තියෙන්නෙ? එයාලගෙ රැකියාව එයාලගෙ ජීවිතයට කොච්චර බලපානවද? ඒක තේරුම් ගන්න නම් පොලිස් නිලධාරියෙක් වෙන්නම් වේවි. මෙහෙමයි කතාව. ACP යශ්වර්ධන්(Jhon Abraham ) තමයි මේ කතාවෙ නායකයා. මෙයාට මත්ද්‍රව්‍ය ජාවාරම් කාරයො අල්ල ගන්න මෙහෙයුමක් භාර දෙනවා. එයා අර්වින්ද් කියල කෙනෙක්ගෙ උදව්වෙන් මත්ද්‍රව්‍ය කණ්ඩායම් ඔක්කොම බිඳ දමනවා. ඒත් එයාට පස්සෙයි තේරුම් යන්නෙ මේ අර්වින්ද් මෙයාට උදව්කළේ ඇයි කියල. අර්වින්ද් ගෙ උදව්වෙන් අනෙක් කණ්ඩායම් විනාශ කළාට පස්සෙ අර්වින්ද්ගෙ ලොක්කා අන්නා සහ එයාගෙ සහෝදරය විශ්නු මත් ද්‍රව්‍ය ලෝකය පාලනය කරනවා. කොහොම හරි, වැටලීමකදී යශ්වර්ධන් සහ එයාගෙ කණ්ඩායම අතින් අන්නා මරණයට පත් වෙනවා. අන්නාගෙ මරණය නිසා විශ්නු යශ්වර්ධන්ගෙ මුලු කණ්ඩායමෙන්ම පළි ගන්න සැලසුම් කරනවා. මේ ඔක්කොම අස්සේ ACP සර්ගෙයි මායාගෙයි ලස්සන ආදර කතාවකුත් යනවා.ඔය ඇතිනේ. මේකත් කම්මැලි නැතුව බලන්න පුළුවන් චිත්‍රපටියක්. මම නම් කියන්නෙ බලපු නැති අය බලන්න කියල.

වැරදි හැකි තරම් අඩු කරන්න උත්සාහ කළා. යම් ආකාරයකින් වැරැද්දක් සිදු වෙලා නම් ඒ වෙනුවෙන් සමාව ඉල්ලනවා. ඉතින් ආයෙමත් මේ පොඩ්ඩගෙ පොඩි පොඩි වැඩ වෙනුවෙන් පොඩිම පොඩි comment එකක් දාල යන්න. ඔක්කොටම ජය වේවා! අපි තවත් ලස්සන චිත්‍රපටියක් සමග ඉක්මනටම හමුවෙමු.

Due to copyright issues, we do not provide any torrent links.

මේ ලබා දී ඇති සිංහල උපසිරැසි පිළිබද “අදිත ප්‍රවීන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.