Girls Trip (2017) Sinhala Subtitles | විනෝද ආකරයක්, සතුටු සාගරයක් [සිංහල උපසිරසි සමඟ] (18+) [50]

ඔන්න එහෙනම් 2013 මැයි 31 වෙනිදා බයිස්කෝප් අඩවියේ ලාබාලම සාමාජිකයා විදිහට වැඩ පටන්ගත්තු මමත් අද මගෙ පලවෙනි කඩයිමට ඇවිත් තියෙනව. (ඔව් ඔව් අද 50 ටමයි). මුලින්ම නිකන් ආසාවට සබ් එකක් කරලා බලපු මම මෙහෙම කඩයිමකට එයි කියල කවදාවත්ම හිතුවෙ නෑ. මොකද මගෙ පලවෙනි සබ් එක කරද්දි මං 10 වසරේ. එතකොට මේ සබ් හැදිල්ල කියන්නෙ මොකක්ද කියල ලොකු වැටහීමක් තිබුනෙත් නෑ. ඉතින් කොහොම කොහොම හරි අවුරුදු 4 යි මාස 6 ක් ගිහින් අන්තිමේදි මගෙ පලවෙනි කඩයිමට එන්න මං වාසනාවන්ත උනා. උපසිරැසි කරන්න පටන් අරන් ටික කාලෙකින් අපොස සා/පෙ පටන්ගත්තු නිසා එතන වැඩේ නැවතුනා. ආයෙත් උ/පෙල කරද්දි නැවතුනා, ඉතින් ඔය හේතු නිසා සෑහෙන කාලයක් ගියා 50 ට එන්න. හැබැයි ඒ අතරේ වැරදුනු තැන් නම් බොහොමයි. ඒවගේම ඒ හැම වැරැද්දකින්ම මං ලොකු පාඩමක් ඉගෙනගත්තා.ඒකටත් විශේෂයෙන්ම වාසල අයියට ස්තූතියි කියන්න ඕන. ඉතින් මං කරපු උපසිරැසි අතර චිත්‍රපට 15 ක් සහ ටීවී එපි 36 ක් අඩංගු වෙනව.(ඔව් ,මේ මගෙ 52 වෙනි උපසිරැසිය. මොකද වැඩ අස්සේ මට මේක කරගන්න සති දෙකක් විතර ගියා). ඉතින් මං මේ ගමන පටන් ගන්නකොටම මට මේකෙ යාලුවො හමුවුන හැටිත් පොඩ්ඩක් කියන්නම්. මං මුලින්ම සාකච්චාවකට එන්ටර් උනේ {වීමා} අයියත් එක්ක.හැබැයි ඒක එච්චර සුන්දර උනේ නෑ. මොකද එයා මට මැසේජ් එකක් දැම්මම මං වැරදීමකින් එයාට හොඳටෝම බැන්නා. ( ඒ ගැන අපි කතාන නොකර ඉමු). ඊටපස්සේ ඉතින් රොයිලි අයියා, හසන්ත අයියා , වාසල අයියා, [දැන් පැත්තකට වෙලා ඉන්න විකියා] වගේ මුල්ම සාමාජිකයෝ තමයි.

එතනින් ගියාම අලුතෙන් මතක් කරන්න ගොඩාක් අය ඉන්නව. සමන් අයියා, සිසිල අයියා, සමීර කරුණාරත්න අයියා, සමීර චතුරංග අයියා, ප්‍රනීත් අයියා, නිර්මානි අක්කා, ආසිරි අයියා, නලින් අයියා, අසංක අයියා, යශෝධ අයියා ඇතුලු හිටපු සහ දැනට ඉන්න ඇඩ්මින් මන්ඩලය.

ඊටපස්සේ මං සබ් කරන්න අනුගමනය කරපු ජේෂ්ඨයෝ ගොඩක් ඉන්නව. දිදුල අයියා, සඳුන් අයියා, කවිඳු අයියා, කාලිංග අයියා, MDG, වා.මු. නිලන්ත අයියා, මයුර අයියා, තාරක , දිල්ශාන් , දිනිදු ,සුදීර,චලිඳු , නිලුපුල් , ඉසුරු , චාමර , අනුරුද්ද , කලිදු, අචින්ත, රවිඳු, උශාන් ( අයියලා) යන අයවලුත් විශේශයෙන්ම මතක් කරනව. මොකද මෙයාලාගෙ සබ් බලල මං හොඳ අදහසක් ගන්නව සබ් එක හදද්දි. (මෙතෙන්ට දාන්න අමතක උන නම් තියෙනවනම් සමාවෙන්න ඕන, මතක මතක ටික විතරයි කොටාගෙන යන්නේ)

ඒවගේම ගිය සැරේ ගෙට් එකේදී තව යාලුවො වගයක් සෙට් උනා, බොක්කෙන්ම කතාබහ කරල ඉන්න නැනත්, එක මැසේජ් එකකින් උදවුවක් කරගන්න පුලුවන් තරමට යාලුකමක් තියෙනව. උන් ටිකත් මතක් කරලම ඉමුකෝ. සචිත් ලක්ශාන් , දේවක අයියා, රශීන් මන්සිල්, තිසර නියෝ සහෝ,සුරේනි අක්කා, චමලා, චාමිකර අයියා, ලහිරු චානක අයියා, ප්‍රනීත් මධූ, රසිත ප්‍රදීප්, සමිත සහෝ, ඉන්ද්‍රජිත් අයියා, රසාංග සහෝ, C.R ජයලත් සහෝ, පූර්ණි අක්කි, හෙලලි අක්කි වගේම ගයේශා අක්කිත්. ඒවගේම මට නම් අමතක උන අනිත් හැම උපසිරැසිකරුවෙක්වම ආදරයෙන් ගෞරවයෙන් මතක් කරනව. (ඇත්තටම මං මේ හැමකෙනෙක්ගෙම වගේ උපසිරැසියක් බලලා තියෙනව, නමුත් හැමෝගෙම නම් මතක නෑ ,ඒක නිසා අවුලක් ගන්න එපා කියල මං කරුණාවෙන් ඉල්ලා සිටිනවා). හම්මේ මේකෙ දිග……

ඉතින් එහෙනම් අපි ආගිය තොරතුරු කතාකලා ඇති. දැන්වත් කතාව පැත්තට හැරුනොත් හොඳයිනේ.

මේක ඇවිල්ලා තනිකරම Comedy කොටසට අයිති කතාවක්. ඒක නිසා ලොකූවට කතාව ගැන විස්තරයක් දෙන්න බලාපොරොත්තුවක් නෑ.මේකට ImDb අගය 6.4 ක් ලැබිල තියෙනව. ඒවගේම කුනු තක්කාලියො 89% ක රේටින් එකක් දීලා තියෙනව. කතාව සැකෙවින් මෙහෙමයි.

මේකෙ ප්‍රධාන චරිත 4ක් තියෙනව. ඒ හතරදෙන තමයි රයන්, සාශා,ලීසා සහ ඩීනා කියන්නේ. ප්‍රධාන චරිතය රයන්. මෙයා වෘතීමය ලේඛිකාවක්, දේශකවරියක්. මේ ගෑනු 4 දෙනා පාසලෙ ඉඳන්ම හොඳම යාලුවෝ.ඒවගේම එයාලගෙ කණ්ඩායමට වෙනම නමකුත් තියෙනව. (ඒක කතාව බලද්දිම ඔයාලට පෙනෙයි). ඉතින් මේ හතරදෙනාම දැන් වෙන වෙනම රස්සාවන් කරගෙන වෙන් වෙලා ඉන්න නිසා ආයෙත් එකතුවෙන්න සූදානම් වෙනවා. ඒකට තොරගන්නේ Essence Festivel කියන කලු ජාතිකයින්ට තියෙන උත්සවයක්. මේ කට්ටිය එතෙන්ට එකතුවෙන්න කලින් හමුවෙලා ගන්න ආතල්, එයාලට එන අභියෝග, මුහුනපාන්න වෙන ගැටලු වගේ දේවල් වලින් තමයි කතාව හැදිලා තියෙන්නේ. මෙහෙම මෙයාලා උත්සවේට ගිහින් ගන්න ආතල් නම් ඉවරයක් නෑ. තනිකරම American Pie එකේ Ladies Version එකක් වගේ. කිසි කම්මැලිකමක් නැතුව බලන්න පුලුවන්.මං වැඩි විස්තර කියන්න යන්නෙ නෑ, මොකද එතකොට කතාවෙන් වැඩක් නැති වෙනව.

ප්‍රධාන චරිතය රඟපාන්නේ Regina Hall කියන නිලිය. එයානම් එච්චරම හුරුපුරුදු නිලියක් නෙමෙයි. හැබැයි අනිත් අයනම් දැකලා පුරුදු අයමයි ඉන්නේ. සාශාගේ චරිතය රඟපාන Queen Latifah අපි හොඳට අඳුරන නිලියක්. Taxi, Miracles Of Heaven වගේ කතාවල රඟපාලා තියෙනව. ඒවගේම Jada Pinkett ඉන්නවා Gotham, Scream ,Collateral, Bad Moms වගෙ ෆිල්ම් වල. ඉතින් අනිත් නලු නිලියො ගැන ආයෙ විස්තර ඕනෙ නෑ. එහෙනම් මේ ඇති කියල හිතනව. මොකද තවත් ලියන්න බෑ, අතටත් අමාරුයි, ඇඟටත් අමාරුයි, මොකද දැන් මධ්‍යම රාත්‍රියත් වෙලා තියෙන්නේ.

“විශේශයෙන්ම කියන්න තියෙන්නෙ, මේක පොඩි අය ඉන්න තැන්වල, අම්මල තාත්තලා ඉන්න තැන්වල එහෙම බලන්න එපා”

එහෙනම් තවත් උපසිරැසියකින් හමුවෙමු.
ජය!

Due to copyright issues, we do not provide any torrent links.

මෙම ලබා දී ඇති උපසිරැසි BR පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “රඛිත රණතුංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

SILVER MEMBER
JOINING DATE – 2013-05-31
SUBMAKER RATING BY ADMINS