Godzilla vs. Kong (2021) Sinhala Subtitles | දැවැන්තයින් ගැටෙන කල..! [සිංහල උපසිරසි]

කොහොමද හැම කෙනෙක්ටම, ඔන්න 2021 වසරේ බලාපොරොත්තු සහගතම සිනමාපටයත් අරගෙනයි මේ ආවේ.  🙂

2014 වසරේදී ලෙජන්ඩරි එන්ටර්ටේන්මන්ට්ස් සහ වෝනර් බ්‍රදර්ස් ආයතන දෙක එකතු වෙලා සුපිරිම වැඩක් පටන් ගන්නවා. ඒ තමයි Monster-Verse කියන යෝධ සත්වයින් සිටින විශ්වය ගොඩ නැගීමට පටන් ගැනීම.  Godzilla (2014) සිනමාපටයෙන් තමයි මේ සඳහා මුලික අඩිතාලම දාන්නෙ. වැඩේ හිතුවටත් වඩා සාර්ථක වෙනවා. ඒ තමයි යෝධ සත්වයින් ඉන්න විශ්වයේ මුලිකත්වය අරගෙන ඉදිරියෙන් ගිය කස කාරයා. ඊට පස්සෙ Kong: Skull Island (2017) සිනමාපටයේ ක්‍රෙඩිට් දර්ශන මගින් සහ සිනමාපටය තුලින්ම විවිධ වූ යෝධ සත්වයින් රැසක් සමගින් මන්ස්ටර්වර්ස් එක පුළුල් පරාසයක විහිදුවාලන්න ඔවුන් සමත් වෙනවා. Godzilla: King of the Monsters (2019)  සිනමාපටයෙන් මේ යෝධ සත්වයින් වැඩි ප්‍රමාණයක් එක තැනකට අරගෙන ඇවිල්ල මෙහි ප්‍රේක්ෂකයින්ව කුල්මත් කරවන්න නැවතත් මොවුන් සමත්කම් දක්වනවා. ඉන් පස්සෙ ඔවුන් විසින් වසර දහයකට කිට්ටු කාලයක් පුරාවටම සිදුකරගෙන ආව මන්ස්ටර්වර්ස්’හි පීක් එක එහෙම නැත්නම් ඉහලම ස්ථානය වෙන කිං කොං සහ ගොඩ්සිලා කියන ඇල්ෆා දැවැන්තයින් දෙදෙනාගෙන් ඝට්ටනය මේ සිනමාපටයෙන් සිදුවෙනවා. මේ තමයි මන්ස්ටර්-වර්ස්’හි  එකිනෙකාට කිසි ලෙසකින්වත් දෙවැනි නොවන, හිස නොනමන, දැවැන්තයින් දෙදෙනා ගැටෙන,  උත්කෘෂ්ඨම විනාඩි 18 අඩංගු සිනමාපටය.  ඒ වගේම ඔයාලව අපේ දෙපයට යටින් පිහිටි නව ලොවකට කැඳවාගෙන යාවි…

කතාව දිවෙන්නේ බජාර් එකේ අයියලා දෙන්නෙක් ඉන්න බැහැ කියන සරල සමාජ රීතිය යටතේ..  ඉතිං ඒ නිසාවෙන්ම මුළු ලෝකයම  #TeamKong සහ #TeamGodzilla කියල දෙපිලකට බෙදිලා පොඩි විනෝදයක් ලැබුවා. ඉතිං මම තෝරාගත්තේ කිං කොංගෙ ටීම් එක. “King bows to no one” 😀  ඒ වගේම ඉතිං ඇත්තටම මේක ඇවිල්ල ගොඩ්සිලා ආරාධිත රංගනයේ නිරත වෙන කිං කොං මුවි එකක්ම තමා. 🙂 

ඒත් එක්කම ෆැසිපික් රීම්  සම අධ්‍යක්ෂක සහ රචක ස්ටීවන් එස්. ඩෙක්නයිට් විසින් මන්ස්ටර්-වර්ස් සහ ෆැසිපික් රීම් සිනමා විශ්වයන් දෙක ක්‍රොස් ඕවර් කිරීමේ හැකියාවක් ගැන පවසනවා. එතැන් පටන් මෙම සිනමා විශ්වයන් දෙකෙහිම රසිකයින් පුල පුලා බලා සිටින්නේ මේ දෙක ක්‍රොස් ඕවර් වෙනකම්. ඉතිං මේ ගැන අහන්න හිතාගෙන මන්ස්ටර්-වර්ස් නිමැවුම්කරු ඇලෙක්ස් ගාර්ෂියාගෙන්, මන්ස්ටර්-වර්ස්හි අනාගතය කොහොමද කියල අහපු වෙලාවක ඔහු මෙන්න මෙහෙම කොළ එළියක් සහිත පිළිතුරක් ලබා දෙනවා,

“වතාවකට එක ගලක් බැගින්, හැකි උපරිම මට්ටමින් මේක ගොඩ නගන්න ඕන. ඒ නිසා දැනට උපරිම අවධානයක් යොදවල තියෙන්නෙ ගොඩ්සිලා : කිං ඔෆ් ද මන්ස්ටර්ස් සහ  කිං කොං සමගින් ගොඩ්සිලා ගැටෙන සිනමාපට ද්විත්වය වෙතට. ඒත්  ඒක එහෙම වෙන්න පුළුවන්ද? ඔව්, ෆිල්ම් දෙක සාර්ථක වුනොතින් බලාපොරොත්තුව ඒක තමයි. ” 🙂

එහෙම නම් නැවතත්  උපසිරසියක් සමගින් හමුවෙමු. ජය!

බයිස්කෝප් සිංහලෙන් නිල ෆේස්බුක් පේජය සමග එක්වීමට  මෙතනින් පිවිසෙන්න.

බයිස්කෝප් සිංහලෙන් නිල ෆේස්බුක් ගෘප් එක සමග එක්වීමට මෙතනින් පිවිසෙන්න.

මේ ලබා දී ඇති සිංහල උපසිරැසි පිළිබද “ශාන් විමුක්ති [විමා]” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

ADMIN MEMBER
JOINING DATE – 2013-02-27
SUBMAKER RATING BY ADMINS